စစ်ကိုင်းတိုင်းဒေသကြီးအတွင်းက လယ်ယာမြေပိုင်ဆိုင်မှု မရှိသူတွေ စိုက်ပျိုးရေးလုပ်ကိုင်ဖို့အတွက် မြေရိုင်းနဲ့ မစိုက်ပျိုးတာကြာတဲ့မြေတွေကို ခွဲဝေပေးဖို့ အခုလကစပြီး စီစဉ်နေပြီလို့ တိုင်းဒေသကြီး အစိုးရအဖွဲ့ကနေ သိရပါတယ်။
အဲဒီ လယ်ယာမြေမရှိသူတွေအတွက် တောရိုင်းမြေနဲ့ မစိုက်ပျိုးတာကြာတဲ့ မြေတွေကို တစ်လအတွင်း ရှင်းလင်းပြီး ဖော်ဆောင်ပေးဖို့ လုပ်နေတယ်လို့ စစ်ကိုင်းတိုင်းဒေသကြီး စိုက်ပျိုးရေး၊ မွေးမြူရေးနှင့် လမ်းပန်းဆက်သွယ်ရေးဝန်ကြီး ဦးကမ်ဇာမုံ က ပြောပါတယ်။
"အများအားဖြင့်တော့ တောရိုင်းမြေတွေပေါ့နော်။ အသုံးမပြုတဲ့ လယ်ယာမြေတွေပေါ့။ အခုဖော်နေတဲ့ လယ်ယာမြေတွေမှာ အရှုပ်အရှင်းရှိတာတွေလည်း အကုန်လုံးဖြေရှင်းပြီးသွားပြီ။ အခု စလုပ်နေပြီလေ။ ၁ လ၊ ၂ လအတွင်းတော့ ပြီးအောင်လုပ်ဖို့ အခုစလုပ်နေပြီ။"
စစ်ကိုင်းတိုင်းအတွင်းက မြေယာမဲ့ တောင်သူတွေရဲ့ တောင်းဆိုချက်အရ ကသာ၊ ဖောင်းပြင်၊ ရေဦးနဲ့ ဟုမ္မလင်းမြို့နယ်တွေက မြေ ဧက ၈၀၀ ကို မြေယာမဲ့တွေအတွက် စီစဉ်ပေးနေတာဖြစ်တယ်လို့ ပြောပါတယ်။
အဲ့ဒီမြေတွေ ရှင်းလင်း ဖော်ထုတ်ဖို့အတွက် တိုင်းအစိုးရရဲ့ ရံပုံငွေ ကျပ် သန်း ၁ ထောင် အသုံးပြုသွားမှာဖြစ်တယ်လို့ သိရပါတယ်။
အဲ့ဒီလယ်ယာမြေတွေကို လယ်ယာမဲ့တွေဆီကို ဘယ်လိုလွဲပြောင်းပေးမယ်ဆိုတာကိုတော့ စီစဉ်ဆောင်ရွက်ထားတာ မရှိသေးဘူးလို့လည်း ပြောပါတယ်။
( ဓါတ်ပုံ - တောင်ယာစိုက်ပျိုးလုပ်ကိုင်တဲ့ မြေတွေကို တွေ့ရစဉ် )
RFA
No comments:
Post a Comment