Latest News

Thursday, February 9, 2017

ဦးအောင်စိုးကို စီအိုင်ဒီက ဘာတွေ ခေါ်ယူ စစ်ဆေးမေးမြန်းခဲ့သလဲ

ဦးအောင်စိုးကို စီအိုင်ဒီက ဘာတွေ ခေါ်ယူ စစ်ဆေးမေးမြန်းခဲ့သလဲ


ပြီးခဲ့တဲ့ ဇန်န၀ါရီ ၂၉ ရက်နေ့က ရန်ကုန်လေဆိပ်မှာ အန်အယ်လ်ဒီဗဟိုဥပဒေအကြံပေး ဦးကိုနီ လုပ်ကြံသတ်ဖြတ်ခံခဲ့ရသလို သေနတ်သမားကို လိုက်လံဖမ်းဆီးပေးတဲ့ ကိုနေ၀င်းလည်း သေဆုံးခဲ့ရပါတယ်။

ဒီလုပ်ကြံမှုမှာ သေနတ်သမား ဦးကြည်လင်းကို နောက်ကွယ်ကနေ ကြိုးကိုင်ခဲ့တယ်လို့ သံသယရှိသူ ဗက (ခေါ်) ဦးအောင်ဝင်းဇော်အကြောင်း ဦးအောင်စိုးက မီဒီယာတွေကို ထုတ်ဖော်ပြောဆိုခဲ့ပါတယ်။

ဦးအောင်စိုးကို မှုခင်းစုံစမ်းစစ်ဆေးရေးဌာန (စီအိုင်ဒီ)က ဖေဖော်ဝါရီ ၈ ရက်နေ့မှာ ခေါ်ယူမေးမြန်းခဲ့ပါတယ်။ စီအိုင်ဒီက ဘာတွေခေါ်ယူမေးမြန်းခဲ့သလဲ ဆိုတာတွေနဲ့ပတ်သက်ပြီး ဦးအောင်စိုးကို ဒီဗွီဘီသတင်းထောက် ဦးရွှေအောင်က ဆက်သွယ်မေးမြန်းထားပါတယ်။

မေး – ကိုအောင်စိုးကို မနေ့က စီအိုင်ဒီက ခေါ်မေးတယ် ကြားလို့ပါဗျာ။ အကျိုးအကြောင်းလေး ပြောပြပေးပါဗျ။



ဖြေ – ဟုတ်တယ် အစ်ကို။ မနေ့က ၉ နာရီခွဲလောက်ကနေပြီး စီအိုင်ဒီရုံးထဲမှာ ကျနော် ပြောလိုက်ရတာ ညနေ ၃ နာရီကျော်ထိပါပဲ။

မေး – ဟုတ်ကဲ့။ ဘယ်သူက ခေါ်မေးတာလဲခင်ဗျ။

ဖြေ – နာမည် ကျနော် မသိဘူးဘူးခင်ဗျ။ တခက်နဲ့ တပွင့်ဗျာ။ ဗိုလ်မှူးအဆင့်ရှိတဲ့သူ တယောက်ရယ်၊ ဘေးက အရပ်ဝတ်နဲ့လူတော့ ကျနော်လည်း မသိဘူး။ ဗိုလ်မှူးအဆင့်ရှိတာလည်း ဘေးလူမေးကြည့်လို့ သိရတာ။ အားလုံးက အရပ်ဝတ်နဲ့ချည်းပဲ။

မေး – ကိုအောင်စိုးကို ဘာအဓိက မေးလဲဗျ။

ဖြေ – ကျနော် ဘယ်မှာမွေးခဲ့တယ်။ ဘယ်မှာ ကျောင်းတက်ခဲ့တယ်။ ဘယ်နှတန်းအထိ တက်ခဲ့တယ်။ ထောင်ဘယ်နှကြိမ် ကျခဲ့တယ်။ ဘာအမှုနဲ့ ကျခဲ့တယ်။ မန္တလေးထောင်မှာ ကြည်လင်းတို့၊ အောင်ဝင်းဇော်တို့နဲ့ ဘယ်နှခုနှစ်မှာ ဆုံခဲ့တယ်။ သူတို့ရဲ့ ကိုယ်အမူရာ၊ နှုတ်အမူအရာ၊ စိတ်နေသဘောသဘာဝ ဘယ်လို လုပ်ရပ်လေးတွေ ရှိတယ်။ ကျနော့်ကို ဘာတွေ ပြောခဲ့ဖူးလဲ။ နောက် လက်ရှိ အောင်ဝင်းဇော် ကျနော့်ဆီ ဘယ်နှခုနှစ်မှာ လာတယ်။ ဘာစကားတွေ ပြောလဲ။ ကျနော် ဘာပြန်ပြောတယ်။ အဲဒီလို လက်ရှိ ဂျာနယ်မှာပါတဲ့ဟာတွေ အားလုံးကို ကျနော် အတည်ပြုပြီး လက်မှတ်ထိုးပေးရတယ်။

မေး – ကျနော်တို့ မီဒီယာတွေကို ပြောတာတွေကို သူတို့က တရားဝင်ခေါ်မေးပြီးတော့ စစ်ချက်ယူတဲ့သဘောပေါ့။

ဖြေ – ဟုတ်တယ်။ စစ်ချက်ယူတာ။ ဆိုလိုတာက အမှုတည်ဆောက်ဖို့အတွက် စစ်ချက်ယူတာပါ။ ကျနော့်ကို ခေါ်ပြီး အကူအညီတောင်းတဲ့သဘောပါပဲ။

မေး – အဲဒီတော့ ကိုအောင်စိုး သူတို့ မေးတာပဲ ဖြေခဲ့လား။ တခြားရော ဘာတွေ ပြောသေးလဲ။

ဖြေ – သူတို့မေးတာပဲ ကျနော် ဖြေခဲ့ပါတယ်။

မေး – သူတို့ကို အောင်ဝင်းဇော်တို့၊ ကြည်လင်းတို့နဲ့ပတ်သက်လို့ရော အကြံပြုတာတို့၊ ဘာတို့၊ ဘယ်လိုလုပ်သင့်တယ်ဆိုတာ မပြောခဲ့ဘူးလား ကိုယ့်အမြင်လေးတွေပေါ့။

ဖြေ – ပွင့်ပွင့်လင်းလင်း ပြောရရတော့ ပြောခဲ့ပါတယ်ဗျာ။ ဆိုလိုတာက သူတို့က တချို့ကိစ္စလေးတွေမှာ သူတို့ သိတာ ရှိတယ်၊ မသိတာ ရှိတယ်။ ကျနော့်ကို တချို့ပုံလေးတွေ ပြတယ်ဗျာ။ ကျနော် မသိတာလေးတွေ ရှိတယ်။ တချို့သတင်းတွေ ရှိတယ်။ ကျနော် သိတာဆို သိတယ် ပြောမယ်၊ မသိတာဆို မသိဘူးပြောမယ်လို့။ နောက် ကိစ္စရှိလည်း ကျနော့်ကို ဆက်သွယ်ဖို့ ပြောထားတယ်။ သူတို့လည်း ကျနော့်ကို လိုအပ်ရင် ဆက်သွယ်ပါလိမ့်မယ်။

မေး – ဟုတ်ကဲ့။ သူတို့ဖမ်းထားတဲ့ လူနှစ်ယောက်နဲ့ပတ်သက်လို့ရော ဘာများ ပြောသေးလဲ။ ကိုအောင်စိုးရော မေးကြည့်သေးလား။

ဖြေ – ကျနော် မမေးဘူးဗျ။ ဘာကြောင့်လဲဆိုတော့ မလိုအပ်ဘူးထင်လို့ပါ။ ဒါ ကျနော်နဲ့ မသက်ဆိုင်တော့ဘူးလေ။ ဆိုလိုတဲ့သဘောက ကျနော်လည်း သိတယ်၊ ခင်ဗျားတို့လည်း အားလုံး သိနေပြီပဲမဟုတ်လား။

မေး – ကိုအောင်စိုး အဲဒီမှာ နောက်ဆက်တွဲ ဖမ်းတာတွေ၊ သတင်းတွေထွက်တာတွေလည်း ရှိတယ်။ ကိုအောင်စိုးရော အဲဒါနဲ့ပတ်သက်ပြီး ဘာတွေကြားလဲ။

ဖြေ – နောက်ဆက်တွဲ လက်ရှိ ဖမ်းဆီးထားတာတွေတော့ ကျနော် သတင်းကြားတယ်။ ကျနော် ထင်တယ်။ တပ်နဲ့ ရဲ တွဲလိုက်ပြီဆိုတော့ ဒီကိစ္စကို ပြင်းပြင်းထန်ထန် ကြီးကြီးမားမား လုပ်ကိုင်လိမ့်မယ်လို့ ကျနော့်တစ်ယောက်တည်း သဘောနဲ့ သုံးသပ်တယ်နော်။

မေး – နောက် ကိုအောင်စိုးရေ၊ အခု ကြည်လင်းတို့၊ အောင်ဝင်းဇော်တို့နဲ့ ဘုရားခိုးဂိုဏ်းမှာ ပါတဲ့သူတွေရော အပြင်မှာ လွတ်နေတာ အများကြီး ရှိလား။

ဖြေ – ဒါကတော့ ပြောလို့မရဘူးဗျ။ အဲဒီဘုရားခိုးတွေနဲ့ ရင်းနှီးမှုရှိတယ်။ ဒါပေမယ့် အဲဒီလူတွေ ပါဝင်၊ မပါဝင်တော့ ကျနော်မသိတဲ့အတွက် ပြောလို့မရဘူး။

မေး – အစ်ကိုမသိတာတော့ ဟုတ်တယ်လေ။ အကြံပေးတာတို့ ဘာတို့ကော။ ဥပမာ သူတို့နဲ့ အရမ်းတွဲတဲ့ လူတွေဆိုရင် ဘယ်လိုလူမျိုးတွေရှိတယ် ဘာညာဆိုတာ ရဲကိုပြော ခဲ့သေးလား။

ဖြေ – တချို့ကိစ္စတွေက ကျနော်ပြောလို့မရဘူး။

မေး – မီဒီယာကို ပြောလို့မရတာပေါ့။ ရဲကိုတော့ ပြောခဲ့တယ်ပေါ့။

ဖြေ – တချို့ကိစ္စလေးတွေ ကျနော်ပြောခဲ့တာတော့ ရှိတာပေါ့နော်။

မေး – အခုချိန်မှာ ပေါက်ကြားလို့ မဖြစ်သေးလို့ မီဒီယာကို မပြောသေးတာပေါ့နော်။ သူတို့ ဆက်စပ်တရားခံတွေဘာတွေ လွတ်သွားမှာစိုးလို့ အစိုးရကလည်း မပြောသေးတာ ပေါ့နော်။

ဖြေ – ဟုတ်တယ် ဟုတ်ပါတယ်။

မေး – ဒါပေမယ့် ကိုအောင်စိုး တခုရှိတယ်။ အခု လူထုက ဝေဖန်တာက ခုချိန်ထိ သတင်းစာ ရှင်းလင်းပွဲလေး တခုတောင် မလုပ်ဘူး။ ဥပမာ လေဆိပ်မှာဆိုရင် စီစီတီဗွီ မှာ မိလား၊ စီစီတီဗွီမှာ သူတို့အသတ်ခံရတဲ့ ပုံတွေရလားဘာလား ဒီလောက်ကတော့ လူထုကို ပြသင့်တယ်တို့ ဘာတို့ အစိုးရကို ဝေဖန်တာလည်း ရှိတယ်ဗျ။ ကိုအောင်စိုး ကော ဘယ်လိုမြင်လဲ။

ဖြေ – ကျနော့်အမြင်ကတော့ ဒီကိစ္စက နည်းနည်းကြီးမားတဲ့အတွက် ဒီပွဲကတော့ ခါတိုင်းပွဲတွေနဲ့ မတူဘူးဗျ။ ခါတိုင်းပွဲတွေထက် ပိုပြီးထိထိရောက်ရောက်လေး လုပ်မယ်လို့ ကျနော်ယူဆတယ်။ ဘာလို့လဲဆိုတော့ တပ်နဲ့ ရဲနဲ့ပူးပေါင်းပြီးတော့ ဒီကိစ္စတွေကို ကိုင်တွယ်မယ်လို့ တရားဝင် နိုင်ငံတော် သမ္မတရုံးက ကြေညာချက်ထုတ်ထားတာလေ။ အဲတော့ ဒီကိစ္စကိုတော့ သူတို့လုပ်လိမ့်မယ်ထင်တယ်။ လုပ်လို့ရအောင်လည်း ကျနော် အခြေနေတခုကို ဖန်တီးပေးခဲ့တယ်လေ။ အဲဒီအပေါ်မှာ သူတို့ဆက်ပြီးတော့ လုပ်လိမ့်မယ်လို့ ကျနော်ခန့်မှန်းမိတယ်။

မေး – ဒီတရားခံတွေ ဖော်ထုတ်တာကို ကိုအောင်စိုးအမြင်ပေါ့ ဘယ်လောက်လောက် ကြာနိုင်မယ်ထင်လဲ။ ၁ လကြာနိုင်လား၊ ၂ လ ကြာနိုင်လား။

ဖြေ – ကျနော့်အနေနဲ့ ဘယ်ခန့်မှန်းလို့ ရမလဲဗျာ။ ကျနော်အဲလောက် အနေအထားမှ မရှိတာ။

မေး – နောက်တခုကလေ တပ်နဲ့ရဲနဲ့ပေါင်းပြီးလုပ်နေတယ်။ တကယ်လည်း စစ်နေတဲ့ ပုံစံမျိုးတွေ့နေရတော့ တကယ့်နောက်ကွယ်က တရားခံတွေကို မိနိုင်မယ်လို့ မြင်မိလား ပေါ့ဗျာ။

ဖြေ – အတိုင်းအတာ တခုအထိတော့ မိလိမ့်မယ်လို့ ထင်ပါတယ်။

မေး – ကိုအောင်စိုး ဘာများ ပြောစရာရှိသေးလဲ။ အခုကော ထပ်ခေါ်ထားသေးလား ဒီနေ့။

ဖြေ – မခေါ်ပါဘူး။ နောက်လိုအပ်ရင်တော့ သူတို့ခေါ်လိမ့်မယ်ထင်ပါတယ်။
DVB Burmese

No comments:

Post a Comment

Blog Archive

Tags

Accident Ad Agriculture Article Astrology Aung San Suu Kyi Bagan Beauty Bogale Book Car Cartoon celebs Crime Crony Daily Popular Danubyu Dedaye Dhamma Dr Hla Myat Thway Education ELection Entertainment Environment Foreign Affairs General General Aung San General Knowledge Gossip Gov Health Herbal Hinthada History Hluttaw Ingapu Interview Job Kangyidaunt kyaik Lat Kyangin Kyaunggon Kyonpyaw Latputta Laymyethna Lemyethna Letter Ma Shwe Moe Mahn Johnny Maubin Mawlamyinegyun Media MMP MMP 1 money Myan Aung Myanmar Idol Myaungmya Myo Min Paing News Ngapudaw Ngathaingchaung NLD Nyaung Tone Opinion Pagoda Pantanaw Party Pathein People Photo Places Poem Police Politic Political Prisoner Popular Project Pyapon Quote School Bus Song Speech Sport Sports Student SYW SYW 1 Technology Thabaung Time Ayeyar Tourism Travel U Ba Hein U Ko Ni U Kyaw Myint U Win Htay USDP Video Wakhama Weather World News Yekyi Zalun စိတ်အဟာရ ရသစာများ စိုက်ပျိုးရေး ထူးဆန်းထွေလာ ဒီရေတော နာရေး ဗဒေငျ မဘသ မုံရွာ လယ်သိမ်းမြေသိမ်း လူပုဂ္ဂိုလ်များ လူပျောက်ကြော်ငြာ အရှင်သုစိတ္တ (မော်ကျွန်း) အရှင်သုစိတ္တ (မော်ကျွန်း) ဆရာတော် အထွေထွေ ဝေဖန်ရေး ထွေအုပ် ​မော်​တင်​စွန်း နိုင်ငံရေးအကျဉ်းသား

Labels

Recent Post