နာရေးကူညီမှုအသင်း(ရန်ကုန်)နှင့် ပရဟိတအသင်းများမှ YBS စေတနာ့ဝန်ထမ်းများအတွက် ကျန်းမာရေးဝန်ဆောင်မှုပေးမည်
နာရေးကူညီမှုအသင်း(ရန်ကုန်)နှင့် ပရဟိတအသင်းများ မှ စေတနာ့ဝန်ထမ်းများအတွက် ရက်သတ္တပါတ် တစ်ပတ်လုံးတွင် ကျန်းမာရေးစောင့်ရှောက်မှုပေးသွားမည်ဟု YBS မှ ထုတ်ပြန်သည်။
ပရဟိတအသင်းအဖွဲ့များဖြစ်ကြသော ရှင်သန်ရေးကူညီမှုအသင်း၊ Erssdo Emergency၊ အာယုသုခ၊ သိဒ္ဓိလူငယ်၊ ပေးဆပ်ခြင်း၊ အားမာန်လူငယ်၊ ရွှေသံလွင်၊ K-Ambulance နာရေးကူညီမှုအသင်း (ရန်ကုန်) တို့မှ စေတနာ့ဝန်ထမ်းအဖြစ် ကားမှတ်တိုင်များတွင် လမ်းညွှန်ဆောင်ရွက်သူများအတွက် လိုအပ်သော ကျန်းမာရေးစောင့်ရှောက် မှု ပေးသွားမည် ဖြစ်သည်။
YBS(Yangon Bus Service) စေတနာ့ဝန်ထမ်းများအား ရက်သတ္တပတ် တစ်ပတ်လုံး ကျန်းမာရေးစောင့်ရှောက်မှု ပေးသွားမည်ဖြစ်ပြီး ရပ်တန့်စခန်းပွိုင့်များအဖြစ် နေရာ ၁၀ ခုသတ်မှတ်ကာ မြကျွန်းသာ ယာဉ်ရပ်နားစခန်း၊ မြေနီကုန်းမှတ်တိုင်၊ ဆူးလေ-ကမ်းနားလမ်း (Downtown)၊ သမိုင်းလမ်းဆုံ- (၈)မိုင်လမ်းဆုံ၊ ကွန်ပျူတာတက္ကသိုလ်- ရွှေပြည်သာ၊ သင်္ဃန်းကျွန်းကြီး- မင်္ဂလာဒုံ၊ ပုဇွန်တောင်ဈေး- ဗိုလ်တစ်ထောင်၊ အောက်ကြည့်မြင့်တိုင်- ဟုမ်းလမ်း၊ တောင်ဒဂုံ- အမှတ်(၅) ယာဉ်လိုင်း၊ မင်္ဂလာဒုံ- ထောက်ကြန့်နေရာများတွင် ကျန်းမာရေး ၀န်ဆောင်မှု ပေးသွားမည် ဖြစ်သည်။ လက်ရှိတွင်YBS ဘတ်စ်ကားလိုင်းစတင်ခြင်းအတွက် ခရီးသွားများကို ကူညီရန် စေတနာ့ဝန်ထမ်းအဖြစ် စာရင်းပေးထားသူ ၃၀၀၀ ကျော်ရှိနေသည်။
စေတနာ့ဝန်ထမ်းများအနေဖြင့် လိုအပ်ပါက ကိုကျော်ကျော် - ၀၉ ၂၅၄ ၂၂၄ ၁၄၉၊ ကိုကျော်ကျော်မြင့် - ၀၉ ၄၃၁ ၁၄၀၁၃ ဖုန်းနံပါတ်များသို့ ခေါ်ဆိုပြီး ကျန်းမာရေးဝန်ဆောင်မှုကို အချိန်မရွေး အကူအညီတောင်းခံနိုင်ကြောင်း သိရသည်။
Sources: Mizzima - News in Burmese
Tuesday, January 17, 2017
Subscribe to:
Post Comments (Atom)
No comments:
Post a Comment