ရန်ကုန်၊ ဇန်န၀ါရီ၂၄
ကားမတော်တဆဖြစ်မှုကြောင့် ၁၆ ရက်ကြာ ဆေးရုံတက်ရောက်ကုသမှုခံယူခဲ့ရတဲ့ ဧရာဝတီတိုင်း ၀န်ကြီးချုပ်မန်းဂျော်နီ မနက်ဖြန်မှာ ရုံးပြန်တက်တော့မယ် လို့ဝန်ကြီးချုပ်ရဲ့လုံခြုံရေးတာဝန်ခံ ဦးစံဝင်းကပြောပါတယ်။
သူက “ ကျွန်တော်တို့ပုသိမ်ကိုပြန်ရောက်ပါပြီ။ ဆရာဝန်ကြီးကဆေးရုံကဆင်းခိုင်းလို့ပါ ။ဆေးရုံပြန်ပြစရာမလိုတော့ဘူး။ပြီးသွားပါပြီ မနက်ဖြန်မှာရုံးပြန်တက်တော့မှာပါ။ “လို့ပြောပါတယ်။
ဧရာဝတီတိုင်းဝန်ကြီးချုပ်ဟာ သည်လ(၆)ရက်နေ့က ပုသိမ်ကနေ နေပြည်တော်ကို အစည်းအဝေးတက်ရောက်ဖို့ သွားနေချိန် ရန်ကုန်-ပုသိမ်ကားလမ်း တစ်နေရာမှာ ၀န်ကြီးစီးလာတဲ့ကားနဲ့ အိမ်စီးကားတစ်စီးတို့ မတော်တဆ ထိခိုက်မိခဲ့တာဖြစ်ပါတယ်။
ထိခိုက်မှုကြောင့် ညာဖက်ညှပ်ရိုး အရိုးအက်ဒဏ်ရာဟောင်းကြောင့် ရန်ကုန်ပြည်သူ့ဆေးရုံကြီးမှာဆေးကုသမှုခံယူခဲ့ရတာဖြစ်ပါတယ်။
သည်လ(၂၂)ရက်က ရန်ကုန်ပြည်သူ့ဆေးရုံကြီးကနေဆင်း ခွင့်ရခဲ့တာကြောင့် လက်ရှိပုသိမ်မြို့နေအိမ်မှာ အနားယူနေရတယ်လို့သိရပါတယ်။
Sources: : အေးအေးအောင် (ကုမုဒြာ)
No comments:
Post a Comment