ထိုင်းနိုင်ငံရဲ့ ကလေးများနေ့ လေကြောင်းပြပွဲအတွင်း ထိုင်းလေတပ်က ဂျက်တိုက်လေယာဉ်တစင်းပျက်ကျသွားတာကြောင့် အဲဒီတိုက်လေယာဉ်ရဲ့ လေယာဉ်မှူး သေဆုံးသွားခဲ့ပါတယ်။
ထိုင်းနိုင်ငံတောင်ပိုင်း ဟတ်ရိုင်လေတပ်အခြေစိုက်စခန်းမှာ JAS 39 Gripen ဂျက်လေယာဉ်အမျိုးအစားဟာ လေယာဉ်ကိုလှည့်တဲ့အချိန်မှာ လေယာဉ်ကသူပျံသန်းနေတဲ့ အမြင့်ကနေအောက်ကိုနိမ့်ဆင့်သွားပြီး ပျက်ကျသွားခဲ့တာကို အပျော်တမ်းရိုက်ကူးထားတဲ့ ဗီဒီယိုမှတ်တမ်း တခုမှာ ပြသထားပါတယ်။
ထိုင်းကာကွယ်ရေးဝန်ကြီးဌာနကတော့ - ဒီကနေ့ လေယာဉ်ပျက်ကျမှုနဲ့ ပတ်သက်ပြီး စုံစမ်းစစ်ဆေးမှုတွေလုပ်ဆောင်နေပါတယ်။
ထိုင်းဝန်ကြီးချုပ် ပရာရွတ်ချန်အိုချာက လေယာဉ်မှူးသေဆုံးသွားတဲ့အတွက် သူ့ရဲ့ မိသားစုနဲ့ ထပ်တူ ၀မ်းနည်းကြောင်းပြောကြားခဲ့တယ်လို့ ထိုင်းအစိုးရ ဒုတိယပြောခွင့်ရပုဂ္ဂိုလ်က ပြောပါတယ်။
ထိုင်းနိုင်ငံရဲ့ ကလေးများနေ့ကို ပုံမှန်အားဖြင့်တော့ ထိုင်းစစ်အခြေစိုက်စခန်းတွေမှာ အများပြည်သူပါဝင်ဆင်နွဲနိုင်အောင် ကျင်းပလေ့ရှိပါတယ်။
Sources; VOA Burmese News
No comments:
Post a Comment