ကိုနေ၀င်းရဲ့ဈာပနကို တက္ကစီအစီးရေနှစ်ရာကျော် လိုက်လံပို့ဆောင်မည်
ရန်ကုန်၊ ဇန်န၀ါရီ ၃၀
တရားလွှတ်တော်ရှေ့နေဦးကိုနီကိုလုပ်ကြံခဲ့တဲ့ သေနတ်သမားကိုလိုက်လံဖမ်းဆီးပေးရင်း အသက်ဆုံးရှုံး ခဲ့ရတဲ့ တက္ကစီယာဉ်မောင်းကိုနေဝင်း(ခ)ကိုဝင်းလွင်ရဲ့ နာရေးကို ရန်ကုန်လေဆိပ်ဂိတ်လေးခုမှာရှိတဲ့ တက္ကစီအစီးရေနှစ်ရာကျော်က လိုက်ပါပို့ဆောင် ပေးမယ်လို့ သိရပါတယ်။
ကိုနေဝင်းကို မနက်ဖြန်နေ့လည် တစ်နာရီမှာ မြောက်ဥက္ကလာမှာရှိတဲ့ ရေဝေးသုသာန်မှာ သဂြိုလ်သွားမှာဖြစ်ပါတယ်။
“ကျွန်တော်တို့ဂိတ်လေးခုလုံးမှာရှိတဲ့ တက္ကစီတွေအားလုံး သူတို့ရပ်ကွက်က ဘောလုံးကွင်းမှာ၁၁နာ ရီမှာ စုရပ်လုပ်ပြီး ပို့ဆောင်ပေးမှာပါ။တက်စီအားလုံးနှစ်ရာကျော်လောက်တော့ရှိမယ်။
ဂိတ်ကနေ အကုန်လုံးထွက်မှာပါ“လို့ ရွှေလွန်းပျံသယ်ယူပို့ဆောင်ရေးမှ အတွင်းရေးမှူး ဦးသန့်စင်မြင့်က ပြောပါတယ်။
ရန်ကုန်အပြည်ပြည်ဆိုင်ရာလေဆိပ်မှာရှိတဲ့ ရွှေလွန်းပျံသယ်ယူပို့ဆောင်ရေး၊ပျံသန်းသောပျံလွှားသယ်ယူုပို့ ဆောင်ရေး၊ရွှေညီကိုများသယ်ယူပို့ဆောင်ရေးနဲ့ပါရမီသယ်ယူပို့ဆောင်ရေး တက္ကစီဂိတ်လေးခုမှ ယာဉ်များအားလုံး ထွက်ခွာပို့ဆောင်ပေးမယ်လို့ သိရပါတယ်။
Sources: : ဝင်းနန္ဒာ (ကုမုဒြာ)
Subscribe to:
Post Comments (Atom)
No comments:
Post a Comment