ဘာရက်အိုဘားမားသည် အမေရိကန် သမ္မတအဖြစ် ရှစ်နှစ်ကြာ တာဝန်ယူခဲ့ပြီးနောက် နိုင်ငံရေး လောကအား နှုတ်ဆက်သည့် နောက်ဆုံး မိန့်ခွန်းတစ်ရပ်ကို ဇန်န၀ါရီ ၁၈ ရက်၌ ပြောကြားရာတွင် ဒေါ်နယ်ထရန့် အနေဖြင့် အမေရိကန်၏ ပင်မစံတန်ဖိုးများကို ခြိမ်းခြောက်ခဲ့ပါက သတိပေးသွားမည်ဟု ကတိပြုကာ အမေရိကန် နိုင်ငံသားများအား “ကျွန်တော်တို့ အဆင်ပြေမှာပါ” ဟု နှစ်သိမ့်ခဲ့ကြောင်း သိရသည်။
ဇန်န၀ါရီ ၂၀ ရက်၌ ထရန့်သမ္မတအဖြစ် ကျမ်းသစ္စာ မကျိန်ဆိုမီ အိုဘားမားက သူ၏နောက်ဆုံး သတင်းစာ ရှင်းလင်းပွဲနှင့် လူထုရှေ့သို့ ထွက်ပြခြင်းအား ပြုလုပ်ခဲ့ရာ၌ သူ့အနေဖြင့် နောက်သို့ ဆုတ်သွားသော်လည်း အစွန်းရောက်သော ကိစ္စများ၌ နိုင်ငံရေး ချိုးဖောက်မှုများအတွက် ပြန်လာမည်ဟု ပြောကြားခဲ့သည်။
“ကျွန်တော် စာလေးဘာလေး ရေးချင်ပါတယ်။ ကျွန်တော် နည်းနည်း တိတ်တိတ်ဆိတ်ဆိတ် နေချင်ပြီး စကားတွေ သိပ်မများကြီး မပြောချင်ပါဘူး။ တန်ဖိုးရှိတဲ့ အချိန်တွေကို ကျွန်တော့်သမီးတွေနဲ့ပဲ ကုန်လွန်လိုပါတယ်” ဟု အသက် ၅၅ နှစ် အရွယ်ရှိ အိုဘားမားက ပြောကြားခဲ့သည်။
သို့သော် အိုဘားမားက စနစ်တကျ ခွဲခြားဆက်ဆံမှုကို တိုက်တွန်းအားပေးခြင်း၊ မဲဆန္ဒရှင်တို့၏ အခွင့်အရေးနှင့် ပတ်သက်၍ ချိုးဖောက်ခြင်း၊ စာနယ်ဇင်းများအား လွတ်လပ်စွာ ပြောဆိုခွင့်မရအောင် ဟန့်တားခြင်းနှင့် ငယ်ရွယ်သော ရွှေ့ပြောင်း အခြေချသူများနှင့် ပတ်သက်ခြင်း အစရှိသောကိစ္စများက သူ့အား စကားထွက်ပြောဖြစ်အောင် ပြုလုပ်စေလိမ့်မည် ဖြစ်ကြောင်း ပြောကြားခဲ့သည်။
“နိုင်ငံရေးနဲ့ ပတ်သက်ပြီး ပုံမှန်ထမ်းဆောင်ခြင်းနဲ့ တချို့သော အကြောင်းအရာ ဒါမှမဟုတ် ကျွန်တော်တို့ရဲ့ ပင်မစံတန်ဖိုးတွေနဲ့ ပတ်သက်ပြီး အရေးကြီးတယ်လို့ထင်တဲ့ တချို့သော အခိုက်အတန့်တွေ အကြားမှာ ကွဲပြားခြားနားမှု ရှိပါတယ်” ဟု အိုဘားမားက ပြောကြားခဲ့သည်။
မဲဆွယ်ပွဲ ကာလအတွင်း ထရန့်က မွတ်စလင်များ အမေရိကန် ပြည်ထောင်စု အတွင်းသို့ ၀င်ရောက်ခြင်းကို ပိတ်ပင်သွားရန်နှင့် အများအပြားသည် လက်တင်အမေရိကမှဖြစ်ပြီး နိုင်ငံအတွင်း၌ ကာလကြာရှည်စွာ နေထိုင်လာသည့် တရားမ၀င်ရွှေ့ပြောင်း အခြေချသူ သန်းနှင့်ချီလျက်ကို သက်ဆိုင်ရာ နိုင်ငံများသို့ ပြန်ပို့သွားရန် ကတိပြုပြောကြားခဲ့သည်။
ရွေးကောက်ပွဲတွင် အနိုင်ရရှိခဲ့ပြီးနောက် ရန်လိုသော ထရန့်၏ လေသံများကို အိုဘားမား၏ ရှစ်နှစ်ကြာကာလ လစ်ဘရယ်ကျသော အကြောင်းအရာများနှင့် နှိုင်းယှဉ်မှုက နိုင်ငံရေး ထိုးနှက်ချက်နှင့် ပတ်သက်သည့် တစ်စုံတစ်ရာ ဖြစ်ပေါ်လာနိုင်ကြောင်း နိုင်ငံသားများကို စိုးရိမ်မှုဖြစ်စေခဲ့သည်။
ထရန့်ကို ထောက်ခံသူများက နိုင်ငံရေးကိစ္စများသည် ယခင်အတိုင်းပင် အသားကျသွားလိမ့်မည်ဟု ၀မ်းသာအားရ ရှိကြသော်လည်း ထရန့်ကို ရှုတ်ချသူများက စိတ်အပြောင်းအလဲမြန်ပြီး စမ်းသပ်ခံရမှု မရှိသေးသည့် ခေါင်းဆောင်တစ်ဦးအပေါ် စိုးရိမ်လျက်ရှိကြသည်။
အစဉ်အလာအရ သမ္မတတစ်ဦး၏ နောက်ဆုံး သတင်းစာရှင်းလင်းပွဲမှာ ပုံမှန်အတိုင်းပြုလုပ်သည့် ခပ်ပျော့ပျော့ကိစ္စသာ ဖြစ်ခဲ့သော်လည်း ယခုကဲ့သို့သော နောက်ခံအနေအထား၌ အိုဘားမား၏ သတင်းစာ ရှင်းလင်းပွဲက နိုင်ငံရေးအရ ပိုမိုလေးလံစေခဲ့သည်။ သို့သော် အိုဘားမားက သူနှင့်ထရန့်တို့ အပြန်အလှန် ပြောဆိုမှုများကို ဖော်ပြလျက် “ကျွန်တော် အကောင်းဆုံး အကြံဥာဏ် ပေးခဲ့ပါတယ်” ဟုဆိုကာ သူ့အားထောက်ခံသူများကို နှစ်သိမ့်ခဲ့သည်။
Sources: Eleven Media Group
No comments:
Post a Comment