“အမေ … ဒီမှာ ခဏလေးနေဦးနော် … သား … ဆေးလိပ်သွား ဝယ်လိုက်ဦးမယ်”
“အမေတို့ ဘယ်ရောက်နေပြီလဲသား …”
အမေအိုက စကားပြန်မရလိုက်သော်လည်း မျက်ရည်တွေ စီးကျလာသည်။ ညကတည်းက သူအိပ်ပျော်နေပြီ ထင်ပြီး သားနှင့် ချွေးမ ပြောကြသည့်စကားကို ကြားပြီးဖြစ်သည်။
“ရှင့်အမေ အကန်းကို ကျွန်မက ပြုစုဖို့ ရှင့်ကို ယူခဲ့တာ မဟုတ်ဘူး။ မနက်ဖြန်မှ ရှင် … ဒီအကန်းကို သွားပြီးတော့ တစ်နေရာရာမှာ မထားခဲ့ဘူးဆိုရင် ရှင်လည်း ပြန်မလာနဲ့။ ကျွန်မ အဆိုးလည်း မဆိုနဲ့နော်”
အမေအို မျက်ရည်တွေကိုသုတ်လိုက်ပြီး ခြေသံကို နားစွင့်နေသည်။ သူ့သားလေးက ဆိုးမည်မထင်။ သူ့ကို စွန့်ပစ်ခဲ့တာ ဟုတ်မည်မထင်။ အချိန်တွေကြာသွားသည်။ ခြင်တွေ ကိုက်လာသည်။ မျက်နှာသုတ်ပုဝါလေးကို ရမ်းရင်းက ခြေသံကြားလိုက်ရသဖြင့်
“သားလားဟင် … အမေ ဗိုက်ဆာနေပြီသား … အမေ့ကို မုန့်လေးတစ်ခုလောက် ကျွေးပါလား”
“တကာမကြီး ဘယ်ကလာတာလဲ … ဒီမှာ တစ်ယောက်တည်း ဘာလုပ်နေတာလဲ … မျက်စိ မမြင်ဘူးနဲ့ တူတယ်”
“သား .. သားလားဟင်” ဟုမေးလိုက်သည်။
“ဒကာမကြီး သားမဟုတ်ပါဘူး။ ဦးဇင်းပါ … ဒီကျောင်းကပါ”
“အလို … သံဃာတော်ပါလား … ကန်တော့ပါဘုရား … သားလေးမှတ်လို့ပါ”
“ဒကာမကြီးသားက ဘယ်သွားလို့လဲ”
“ဆေးလိပ်ဝယ်ဦးမယ်ဆိုပြီး ထွက်သွားတာကြာလှပေါ့ဘုရား။ ပြန်လည်း မလာဘူး။ တပည့်တော် ဆာလှပြီဘုရား။ ထင်ပါတယ် သူတို့ တပည့်တော်ကို ပစ်သွားကြပါပြီနဲ့တူတယ်”
“အကြောင်းစုံ ပြောပြပါလား ဒကာမကြီး”
အမေအိုက သူမ၏အကြောင်းများကို ဦးဇင်းအားပြောပြနေသည်။ မျက်မမြင် လူပိုတစ်ယောက်ဖြစ်နေသည့် သူ့ကို နောက်ဆုံးတွင် မကြည်ဖြူသဖြင့် စွန့်ပစ်မည်ထင်ကြောင်းပြောကာ ငိုချလိုက်သည်။
“အို … ကြီးလှတဲ့ ဒုက္ခတွေပါလား … အေးလေ … ဒကာမကြီးသား လာပြီးတော့ ပြန်ခေါ်မှာပါ တစ်ရက် နှစ်ရက်လောက် ဦးဇင်းကျောင်းမှာ စောင့်ကြည့်ပါလား … လာ … လာ … ဆွမ်းကျန်လေး မရှိလည်း ငှက်ပျောသီးလေးလောက်တော့ စားလို့ရမယ်ထင်တယ်”
ဦးဇင်းလေးက အမေအိုကိုတွဲကာ ကျောင်းထဲကိုခေါ်ရန် ပြင်လိုက်သည်။ အမေအိုက ထလိုက်ရာတွင် အင်္ကျီထဲက မှတ်ပုံတင် ထွက်ကျသွားသည်။ ဦးဇင်းလေးက မှတ်ပုံတင်ကို ကောက်ကြည့်လိုက်ပြီး ငေးငိုင်နေ သည်။
အမည် ၊ နေရပ်အားလုံး ကျွမ်းဝင်ဖူးသည့်နေရာများဖြစ်နေသည်။ သေချာသွားပြီ။ တွေ့လိုက်ကတည်းက စိတ်ထဲတွင် ရင်းနှီးနေသလိုဖြစ်နေသည်မှာ ခုတော့ရှင်းသွားသည်။
“ဒကာမကြီး … လွန်ခဲ့တဲ့ ၁၅ နှစ်လောက်က သားတစ်ယောက်ကို လက်ဖက်ရည်ဆိုင်မှာ ရောင်းစားသွား ဖူးသလား”
“ဟင် … ကိုထွေး … ကိုထွေးလေးလားဟင်”
“ဒကာမကြီး ဦးဇင်းဘွဲ့အမည်က ဝိမလလို့ခေါ်ပါတယ်။ ဘုရားသားတော်ပါ ဒကာမကြီး။ ချမ်းသာစွာ နေပါ ... ကပ္ပိယကြီးက ထမင်းလာပေးလိမ့်မယ်”
Sources: Maukkha: Search Myanmar
No comments:
Post a Comment