မန္တလေး၊ဇန်န၀ါရီ ၂၆
မန္တလေးမြို့၊ပြည်ကြီးတံခွန်မြို့နယ်ရှိချမ်းမြရွှေပြည်ကားကြီးကွင်းမှာ ခွင့်ပြုချက်လိုင်စင် မရှိတဲ့ သေနတ်နဲ့ဆက်စပ်ပစ္စည်းတွေဖမ်းဆီးရမိတယ်လို့ မန္တလေးတိုင်းရဲတပ်ဖွဲ့မှူးရုံးက သိရပါတယ်။
အခုလ၂၅ ရက်က ချမ်းမြရွှေပြည်ကားကြီးကွင်းရှိ မန္တလေး-လွိုင်ကော်ကားဂိတ်မှာ ပီနံအိတ်အတွင်းထန်းပင်မြစ်တွေနဲ့ ရောထည့်ထားတဲ့ အရှည်၄၀၊၄၄လက်မရှိ သေနတ်သုံးလတ်နဲ့ ဆက်စပ်ပစ္စည်းတွေဖြစ်တဲ့ ချိန်သီး၊ စပရင်ထိန်း၊လေ၀ါရှာ၊ခလုတ်ထိန်း၊နတ်တိုင်တို့ကို စစ်ဆေးသိမ်းဆည်းရမိတာ ဖြစ်ပါတယ်။
အဲသည်လက်နက်တွေနဲ့အတူဖမ်းဆီးရမိတဲ့ အသက်၄၆နှစ်အရွယ်အမျိုးသားဟာ ကယားပြည်နယ်မှာနေထိုင်သူဖြစ်ပြီး၊ ပြည်ကြီးတံခွန်မြို့မရဲစခန်းက (ပ)၆၄/၂၀၁၇၊လက်နက်ပုဒ်မ ၁၉(စ)အရ အမှုဖွင့်ဖမ်းဆီးစစ်ဆောင်ရွက်နေပါတယ်။
Sources: :နန်းဟေမာထွေး(ကုမုဒြာ)
No comments:
Post a Comment