ဦးကိုနီ လုပ်ကြံခံရမှု အမြန်ဆုံးဖြေရှင်းပေးရန် ပြည်မြို့တွင် ဆန္ဒပြ
အန်အယ်လ်ဒီ ဗဟိုဥပဒေအကြံပေး ရှေ့နေ ဦးကိုနီ လုပ်ကြံခံရမှုနဲ့ ပတ်သက်ပြီး အမှုမှန်ပေါ်ပေါက်အောင် အမြန်ဆုံး ဖြေရှင်းပေးဖို့ ပဲခူးတိုင်း ပြည်မြို့မှာ ဆန္ဒပြခဲ့ကြပါတယ်။
ပဲခူးတိုင်း၊ ပြည်မြို့က နိုင်ငံရေးလှုပ်ရှားသူ ၁၀ ဦးလောက်က ပိုစတာတွေ ကိုင်ဆောင်ပြီး မြို့လယ်မြင်းစီးကျောက်ရုပ်ရှေ့မှာ ၃၀.၁.၂၀၁၇ရက်နေ့ ညနေ ၄ နာရီထိုး ဦးကိုနီရဲ့ ဈာပနအခမ်းအနား ကျင်းပနေချိန် အချိန်ကိုက်ဆန္ဒပြ တောင်းဆိုတာပါ။
ဆန္ဒပြတုန်း ၁၅ မိနစ်လောက်မှာ ပြည်မြို့မ စခန်းမှူး ဦးဆောင်တဲ့ ရဲတပ်ဖွဲ့က ဦးဆောင်သူ ကိုကျော်ဆွေကို ရဲစခန်းကို ခေါ်ဆောင်သွားခဲ့ပါတယ်။
ခွင့်ပြုမိန့်မတင်ဘဲ ဆန္ဒပြတာကြောင့် တာဝန်ဝတ္တရားအရ ဆောင်ရွက်ဖို့ ခေါ်ဆောင်သွားတာလို့ ပြည်မြို့မ စခန်းမှူးက ဒီဗွီဘီ ကို ပြောပါတယ်။
ဆန္ဒပြပွဲကို ဦးဆောင်သူ ကိုကျော်ဆွေက “ရဲတပ်ဖွဲ့အစောင့်တွေ ရှိနေပါလျက်နဲ့ အခုလို ဦးကိုနီကို သေနတ်ကိုင်ပြီးပစ်သတ်သွားတာဟာ တရားဥပဒေစိုးမိုးမှု မရှိလို့ဖြစ်တာ၊ နောက်ပြီး ဒီလူသတ်တဲ့ တရားခံနောက်ကွယ်က လက်မည်းကြီးကိုလည်း ဖော်ထုတ်ပေးရမယ်၊ အဲဒါတွေ တောင်းဆိုပါတယ်” လို့ ပြောပါတယ်။
မင်းညို
DVB TV News
Subscribe to:
Post Comments (Atom)
No comments:
Post a Comment