Latest News

Friday, January 13, 2017

အကြောက်တရားကို ဦးညွှတ်လိုက်ရင် ဒီမိုကရေစီ ပြိုလဲသွားနိုင်တယ်” သမ္မတ အိုဘားမား

အကြောက်တရားကို ဦးညွှတ်လိုက်ရင် ဒီမိုကရေစီ ပြိုလဲသွားနိုင်တယ်” သမ္မတ အိုဘားမား

မစ္စတာအိုဘားမားက သမ္မတတွေကြား ငြိမ်းချမ်းစွာအာဏာလွှဲ ပြောင်းပေးတာဟာ အမေရိကန် ဒီမိုကရေစီရဲ့ ဝိသေသလက္ခဏာတစ်ခုဖြစ်ကြောင်း ပြောပါတယ်။

သမ္မတဘာရက်အိုဘားမားက ရှီကာဂိုမှာပြုလုပ်တဲ့ သူ့ရဲ့နောက်ဆုံးနှုတ်ဆက်မိန့်ခွန်းမှာ ဒီမိုကရေစီကို ကာကွယ်ကြဖို့ အမေရိကန်ပြည်သူတွေကို တိုက်တွန်းခဲ့ပါတယ်။

‘ဘယ်စံနှုန်းနဲ့ပဲတိုင်းတိုင်း အမေရိကဟာ လွန်ခဲ့တဲ့ ရှစ်နှစ်က သူ ရာထူးရယူချိန်ကထက် ပိုမိုကောင်းမွန်ပြီး အင်အားတောင့် တင်းတဲ့နိုင်ငံ ဖြစ်လာတယ်”လို့ အိုဘားမားက ထောက်ခံသူ ထောင်ပေါင်းများစွာကို ပြောပါတယ်။
ဒါပေမဲ့ သူက ဒီမိုကရေစီကို ကျွန်တော်တို့ အလေးမထားမိတဲ့ အခါတိုင်း ဒီမိုကရေစီဟာ ခြိမ်းခြောက်ခံရတယ်လို့လည်း သတိ ပေးပါတယ်။

သူဟာ  ကိစ္စတွေကို စဉ်းစားရာမှာ တစ်ယောက်အမြင်ကို အခြားတစ်ယောက်က ထည့်သွင်း စဉ်းစားပေးဖို့ နောက်ခံအကြောင်း အမျိုးမျိုးနဲ့ အမေရိကန်တွေကို ပန်ကြားခဲ့ပြီး ‘ကျွန်တော်တို့ အာရုံစိုက်ပြီး နားထောင်ဖို့လိုပါတယ်” လို့ ပြောပါတယ်။

အခု အသက် ၅၅ နှစ်ရှိပြီဖြစ် တဲ့ နိုင်ငံ့ပထမဆုံးလူမည်းသမ္မတဟာ မျှော်လင့်ချက်နဲ့ ပြောင်းလဲမှု သတင်းစကားနဲ့ ၂၀ဝ၈ ခုနှစ်မှာ ပထမအကြိမ် ရွေးကောက်ခံခဲ့ရပါတယ်။

သူ့ကိုဆက်ခံသူ ဒေါ်နယ် ထရမ့်က မစ္စတာအိုဘားမားရဲ့ ထင်ရှားတဲ့မူဝါဒတွေကို ပြန်လည် ပြင်ဆင်မယ်လို့ ကတိပြုခဲ့ပါတယ်။ သူဟာ ဇန်နဝါရီ ၂၀ ရက်နေ့မှာ ကျမ်းကျိန်ဆိုမှာဖြစ်ပါတယ်။

သူ့နေရာကို ဆက်ခံမယ့် မစ္စ တာထရမ့်ကို ပရိသတ်က ကန့်ကွက်သံပြုတဲ့အခါ အိုဘားမားကက “နိုး . . . . နိုး .  . . . နိုး . . .  နိုး . . .” လို့ တားမြစ်ပါတယ်။ မြူးကြွနတဲ့အသံနဲ့ မစ္စတာအိုဘားမားက သမ္မတေတွေကြား ငြိမ်းချမ်းစွာအာဏာလွှဲ ပြောင်းပေးတာဟာ အမေရိကန် ဒီမိုကရေစီရဲ့ ဝိသေသလက္ခဏာ တစ်ခုဖြစ်ကြောင်း ပြောပါတယ်။

ဒါပေမဲ့ အမေရိကန်ဒီမိုကရေ စီကို ခြိမ်းခြောက်မှု သုံးခုရှိကြောင်း သူကပြောပါတယ်။ အဲဒါတွေကစီးပွားရေးမညီမျှမှု၊ လူမျိုးရေးခွဲ ခြားမှုနဲ့လူမှုအသိုင်းအဝိုင်းရဲ့အစိတ်အပိုင်းအသီးသီး ပူဖောင်းတွေအဖြစ်ပြန်လည်ပြိုကွဲသွားမှုတို့ ဖြစ်ကြောင်း ပြောပါတယ်။

သူ့ရဲ့အပိတ်မိန့်ခွန်းမှာ သမ္မတတစ်ယောက်အနေနဲ့ အမေ ရိကန်တွေကို နောက်ဆုံးအကြိမ် တောင်းဆိုစရာရှိကြောင်း ပြောပါ တယ်။ “ခင်ဗျားတို့ကို ယုံကြည်မှုရှိ ဖို့ ကျွန်တော်တောင်းဆိုခဲ့တယ်၊ ပြောင်းလဲမှုဖြစ်လာအောင်လုပ်နိုင် တဲ့ ကျွန်တော့်အစွမ်းအစပေါ် ယုံ ကြည်ဖို့မဟုတ်ဘူး၊ ခင်ဗျားတို့ အစွမ်းအစပေါ် ယုံကြည်ဖို့ပါ” လို့ ဆိုပါတယ်။

၂၀ဝ၈ ခုနှစ်က သူ့အောင်ပွဲအကြောင်း ပထမဆုံးကြေညာခဲ့ ရာရှီကာဂိုကို ပြန်သွားချိန်မှာ မစ္စ တာအိုဘားမားဟာ အမေရိကန်တွေကို အကောင်းမြင်မှုများပြားတဲ့ မိန့်ခွန်းကိုသာ ပြောခဲ့ပါတယ်။

သူက ရွေးကောက်ခံသမ္မတကို နာမည်တပ်ပြီးမပြောခဲ့ပေမဲ့ မိန့် ခွန်းထဲက အချက်အလက်အများစု ဟာ ဒေါ်နယ်ထရမ့်ရဲ့ မဲဆွယ် စကားတွေကို ပြန်လည်ချေပချက်နဲ့တူနေပါတယ်။

အိုဘားမားက ရာသီဥတု ပြောင်းလဲမှုသိပံပညာကို လေးစား ကြောင်းပြောခဲ့ပြီး လက်ခုပ်ဩဘာသံအကျယ်ဆုံးရခဲ့တာက “မွတ်စလင်အမေရိကန်တွေကို ခွဲခြား ဆက်ဆံတာကို ကျွန်တော် ဆန့်ကျင်ပါတယ်” လို့ ပြောဆိုချိန် ဖြစ်ပါတယ်။ ‘အကြောက်တရားကို ကျွန်တော်တို့ ဦးညွှတ်လိုက်ရင် ဒီမိုကရေစီ ပြိုလဲသွားနိုင်တယ်” ဆိုတဲ့ စာကြောင်းဟာ ဒေါ်နယ်ထရမ့်ကို ရည်ရွယ်ကြောင်း အလွယ်တကူ အဓိပာယ်ကောက်ယူနိုင်ပါ တယ်။

မစ္စတာအိုဘားမားက ရှီကာဂို မှာ လူငယ်တစ်ယောက်အဖြစ် ရှိစဉ်အခါကအကြောင်းကို ပြောပါတယ်။ ‘ဒီနေရာမှာ ကျွန်တော်သိခဲ့ တာက အပြောင်းအလဲဆိုတာ သာမန်ပြည်သူတွေပါဝင်ပြီး တက်တက်ကြွကြွနဲ့ အဲဒီအရာကို အတူ တကွတောင်းဆိုမှ ဖြစ်နိုင်တယ်ဆို တာပါပဲ”လို့ သူက ဆိုပါတယ်။ ‘ခင်ဗျားတို့ သမ္မတအဖြစ် ရှစ်နှစ် ကြာရှိပြီးနောက်မှာလဲ ကျွန်တော် ဒါကို ယုံကြည်နေတုန်းပါပဲ”လို့လည်း ဆိုပါတယ်။

မက်ကော်မစ်မှာပြုလုပ်တဲ့ နှုတ်ဆက်မိန့်ခွန်းကို လူ ၁၈,ဝ၀ဝ ခန့် တက်ရောက်ခဲ့ပါတယ်။

အိုဗယ်ရုံးခန်းက သူထွက်ခွာချိန်မှာ သမ္မတအိုဘားမားကို အမေရိကန် ၅၇ ရာခိုင်နှုန်းက ထောက်ခံပြီး ဘီလ်ကလင်တန် ရာထူးကဆင်းချိန် ထောက်ခံ နှုန်းနဲ့ အလားတူဖြစ်ကြောင်း သုတေသ နစစ်တမ်းတစ်ခုအရ သိရပါတယ်။

ဘာရက်အိုဘားမားရဲ့နောက်ဆုံးမိန့်ခွန်း

လူမျိုးရေး

ကျွန်တော်ရွေးကောက်ခံရပြီး နောက် လူမျိုးရေးကွဲပြားမှုအလွန် အမေရိကအကြောင်း ဆွေးနွေးမှု ထွက်လာခဲ့တယ်။ ဘယ်လောက်ပဲ ရည်ရွယ်ချက်ကောင်းပါစေ အဲသည်အမြင်ဟာ ဘယ်တော့မှ လက်တွေ့မကျပါဘူး။ လူမျိုးရေးဟာ ကျွန်တော်တို့ အသိုင်းအဝိုင်းထဲမှာ ထိရောက်ပြီး တစ်ခါတလေ ဝိဝါဒ ကွဲပြားစေတဲ့ အင်အားစုအ ဖြစ် ဆက်လက်တည်ရှိနေပါတယ်။ ကျွန်တော့်သက်တမ်းအတွင်း သိရှိရသလောက် လူမျိုးရေးဆက်နွယ်မှုဟာ လွန်ခဲ့တဲ့ ၁၀ နှစ်၊ နှစ် ၂၀၊ ၃၀ကထက် ပိုကောင်းလာပါတယ်။

သူ့အောင်မြင်မှုများ

အမေရိကန်ဟာ စီးပွားပျက်ကပ်ထဲကနေ ရုန်းထွက်နိုင်လိမ့်မယ်၊ ကားလုပ်ငန်းကို ပြန်အသက် သွင်းနိုင်မယ်၊ သမိုင်းမှာ အကျယ် ပြန့်ဆုံး အလုပ်အကိုင်ဖန်တီးမှုကို ပြုလုပ်နိုင်လိမ့်မယ်လို့ လွန်ခဲ့တဲ့ ရှစ်နှစ်က သာ ခင်ဗျားတို့ကို ကျွန် တော်ပြောခဲ့ရင်၊ တကယ်လို့ ကျူးဘားပြည်သူတွေနဲ့ ကဏ္ဍသစ်ဖွင့်လှစ်နိုင်လိမ့်မယ်၊ သေနတ်တစ်ချက်မဖောက်ဘဲ အီရန်နျူကလီးယားလက်နက်လုပ်ငန်းပိတ်သိမ်း နိုင်မယ်၊ ၉/၁၁ ကြိုးကိုင်သူကို ဖော်ထုတ်နိုင်လိမ့်မယ်လို့ ကျွန် တော်ပြောခဲ့ရင်၊ တကယ်လို့တန်းတူညီမျှလက်ထပ်မှုရရှိနိုင်မယ်၊ ကျွန်တော်တို့ရဲ့ ရောင်းရင်း အမေရိကန်ပြည်သူ နောက်ထပ် သန်း ၂၀ အတွက် ကျန်းမာရေးအာမခံ လျှောက်ထားခွင့်ရရှိနိုင်မယ်လို့ ကျွန်တော်ပြောခဲ့ရင် ကျွန်တော်တို့ ရဲ့ မျှော်မှန်းချက်တွေ သိပ်မြင့်နေတယ်လို့ ခင်ဗျားတို့ ပြောကောင်း ပြောခဲ့ကြလိမ့်မယ်။

မီရှဲအိုဘားမား

မီရှဲလာဗန်ရော်ဘင်ဆင် ဆောက်ဆိုက်ဒ်က မိန်းကလေး ပြီးခဲ့တဲ့နှစ် အစိတ်လုံးလုံး မင်းဟာ ကိုယ့်ဇနီးသည်နဲ့ ကိုယ့်သမီးတွေရဲ့ အမေအဖြစ်သာမက အကောင်း ဆုံးသူငယ်ချင်းလည်း ဖြစ်ခဲ့တယ်။ မင်းမတောင်းဆိုခဲ့တဲ့ကဏ္ဍတစ်ခု ကို မင်းဝင်ယူခဲ့ပြီး မင်းရဲ့ ကျက်သရေ၊ သတ္တိ၊ စတိုင်နဲ့ ဟာသ ဉာဏ်တို့နဲ့ မင်းကိုယ်ပိုင်နေရာအ ဖြစ် ဖန်တီးနိုင်ခဲ့တယ်။ မင်းဟာ အိမ်ဖြူတော်ကို လူတိုင်းနဲ့ သက် ဆိုင်တဲ့နေရာတစ်ခုအဖြစ် ဖန်တီးခဲ့တယ်။

Sources; စုပြည့်စုံ /ကုမုဒြာ

No comments:

Post a Comment