ရန်ကုန်၊ဇန်န၀ါရီ၊၂၄
စိတ်ကြွရူးသွပ်ဆေးပြား (၁၄)သန်းကျော် ဖမ်းဆီးမိအောင် ကိုယ်ပိုင်အသိစိတ်ဓာတ်နဲ့ တောထဲမှာရှစ်ရက်ကြာအောင်နေပြီးဖော်ထုတ်ပေးခဲ့ အရပ်သားတစ်ဦးဖြစ်တဲ့ ကိုရာဇာဟိန်းကို နိုင်ငံတော်သမ္မတရုံးက၂၀၁၇ခုနှစ်ဒီဇင်ဘာ လအတွက်ချီးကျူးထိုက်သူ အဖြစ်ရွေးချယ်ခဲ့ပါတယ်။
၂၀၁၆ခုနှစ်ဒီဇင်ဘာလထဲမှာ ကိုရာဇာဟိန်းဟာ ဥသျှစ်ပင်မြို့နဲ့ မိုင်နှစ်ဆယ်ကျော်ဝေးတဲ့ တောထဲကဘုန်းကြီးကျောင်းကို သွားရောက်နေချိန် စမ်းပက်လက်နားနေစခန်းအနီး ၆ဘီးယာဉ်နဲ့တစ်စီးကို မသင်္ကာဖွယ်တွေ့ရှိခဲ့ပါတယ်။အဲဒီနောက်မှာ ကိုရာဇာဟိန်းဟာကျောက်ကွင်းအလုပ်သမားဟန်ဆောင်ကာ ၆ဘီးကားရပ်နားထားတဲ့ အိမ်ရဲ့ အမြင့်တနေရာတောထဲကနေ စောင့်ကြည့်ကာ သတင်းယူခဲ့ပါတယ်။ ရှစ်ရက်မြောက်နေ့မှာတော့သတင်းအစုံကို ရဲတပ်ဖွဲ့ကိုပေးနိုင်ခဲ့ပြီး ရဲတပ်ဖွဲ့ကမူးယစ်ဆေးပြား ၁၄သန်းကို ၆ဘီးယာဉ်တစ်စီး၊Faw ကားတစ်စီးနဲ့အတူလူ၎ ဦးကိုဖမ်းဆီးထိန်းသိမ်းနိုင်ခဲ့ပါတယ်။
နိုင်ငံတော်အတိုင်ပင်ခံရုံးရဲ့ ချီးကျုးဂုဏ်ပြုထိုက်သူအဖြစ် သတ်မှတ်ခံရတဲ့ကိုရာဇာဟိန်းကိုဆက်သွယ်ပြီး သူ့အတွေ့အကြုံတွေကိုမေးမြန်းခဲ့ပါတယ်။
မော်ဒန်ဂျာနယ်၊၊ သည်မူးယစ်ဆေးဝါးသယ်နေတဲ့ ယာဉ်ကိုဘယ်လိုစတွေ့တာလဲ။
ကိုရာဇာဟိန်း။ ဒီဇင်ဘာလ(၂)ရက်နေ့က ကျွန်တော်စတွေ့တာက တောင်ပေါ်မှာဘုန်းကြီးကျောင်းမှာ ကျွန်တော့်အကို ရဲအုပ်ကျော်စိုးဦးရဲ့ဦးလေးကဘုန်းကြီးကျောင်းမှာ တရားထိုင်နေတာကို ထမင်းချိုင့်သွားပို့ သန့်ရှင်းရေးလုပ်ဖို့ ကူနေရင်းက ဆီသယ်ယာဉ်ကတောထဲဝင်လာတယ်။ ဆီပေပါတွေက ဆီတွေမထည့်ဘဲ အဖြူထုတ်တွေထွက်ထွက်လာတာပေါ့ ကျွန်တော်ကစောင့်ကြည့်ပြီး ကျွန်တေ်ာအကိုကို အကြောင်းကြားလိုက်တယ်။ ဘာတွေလဲမသိဘူးပေါ့။ ပထမကတော့ဆေးခြောက်တွေထင်နေတာ အဲ့သည့်နေ့ ကတော့အဲ့လောက်ပါပဲ ။
ဒီဇင်ဘာလ ၄ရက်နေ့ကမှ အကိုရယ်ကျွန်တော်ရယ် တာဝန်ပြန်ချတယ်၊ မနက် ၆နာရီလောက်ပေါ့ လူစိမ်းတွေလည်းရောက်လာတယ် wyနဲ့ ပူးတွဲမိလာတဲ့ Faw ကားကိုလည်းတွေ့ရတယ်။ အဲ့သည့်ချိန်မှာလူစိမ်းနှစ်ယောက်က မြင်သွားပြီးကားကိုတောင်အောက်ကို မောင်းပြေးသွားတယ်၊ ကျွန်တော်လည်းလိုက်ကြည့်တာ ဘယ်လိုမှ လိုက်ကြည့်လို့မရဘူး။အဲဒီမှာရဲအုပ်ကျော်စိုးဦးက ညီလေးသည်မှာပဲနေပါ သည်မှာပဲဆက်စောင့်ပေါ့ ညရောနေ့ရောကြည့်ခဲ့ရင် ထူခြားမယ်ဆိုပြီးပြောတယ်။ နောက်တစ်ရက်မှာကျွန်တော့်ယောက်ဖရယ် ရဲအုပ်ရယ် ဆီပီပါတွေရှိတဲ့နေရာထိရောက်အောင်သွားခဲ့တာ။
မော်ဒန်ဂျာနယ်။ ဘယ်လိုပုံစံမျိုးနဲ့စောင့်ကြည့်ခဲ့တာလဲ အကိုနေတဲ့နေရာကနေ သွားစောင့်ကြည့်တဲ့နေရာကဘယ်လောက်ဝေးလဲ။
ကိုရာဇာဟိန်း။ ကျွန်တော့်ရဲ့အိမ်နဲ့ဆို ၂၇မိုင်လောက်ဝေးတယ်။ ကျွန်တော်ကျောက်ကွင်းအလုပ်သမားဟန်ဆောင်ပြီး ပုန်းကွယ်နေရတယ်၊ အကျီင်္စုတ်စုတ်ပြတ်ပြတ်နဲ့ နေရတယ်။အဲ့သည့်ကျောက်ကွင်းက မလုပ်တာကြာပြီလေ၊ ကျွန်တော်ကစောင့်ကြည့်တယ် သူတို့တွေကြည့်ရတာလည်းမူမမှန်ဘူး ။
ဆီသယ်ကားမောင်းတဲ့ ကိုခင်ဇော်ဦးရဲ့တဲအိမ်အပေါ်ကနေရာနားကနေ အလုပ်သမားအဖြစ်နဲ့စောင့်ကြည့်တယ်။ကျွန်တော်စောင့်ကြည့်နေတယ်ဆိုတာကို မရိပ်မိခဲ့ဘူး။ လူကလည်း(၉)ယောက်လောက်ရှိတာလေ။ ဒုရဲအုပ်ကျော်စိုးဦးကိုဖုန်းလှမ်းဆက်တယ်။ ကားပေါ်မှာလူတွေကပစ္စည်းတွေချနေတာ မသင်္ကာဘူး ဆိုတော့အကိုကမင်းစောင့်ကြည့် ညနေ၆နာရီကျတော့ ဥသျှစ်ပင်ကိုကျွန်တော်ပြန်တယ်။
ဒီဇင်ဘာ(၈)ရက်နေ့ မနက်၆နာရီမှာ အဲ့သည့်နေရာကို ပြန်တက်သွားတယ် Faw ကားပေါ်ကနေ ပီပါ၁၅လုံးချနေတာတွေ့တော့ အကို့ကိုလှမ်းအကြောင်းကြားတော့ အကိုနဲ့ကျွန်တော်ကြည့်လိုက်တယ် လူနှစ်ယောက်တစ်ယောက်က ကျောက်ပေါက်မှန်နဲ့ရဲကိုကိုနဲ့ခပ်ဆင်ဆင် တစ်ယောက်က အရက်ဖောဖောနေတဲ့ပုံစံ။ ကားသမားကိုခင်ဇော်ဦးရဲ့မိသားစုဝင်တွေက ၀ိုင်းပြီးကူညီပေးနေကြတာပါ။ ကျွန်တော်ကြားတာက သူတို့နှစ်ခါလောက်တော့ သယ်ပြီးပြီလို့ကြားထားတာလေ။
မော်ဒန်ဂျာနယ်၊၊ ဖမ်းမိတဲ့နေ့က အတွေ့အကြုံလေးပြောပေးပါ
ကိုရာဇာဟိန်း။ ဒီဇင်ဘာလ(၁၀)ရက်နေ့မှာဖမ်းမိတာပါ သူတို့ကားပေါ်မှာပီပါတွေတင်တဲ့အသံကြားရတဲ့အတွက် လှမ်းအကြောင်းကြားတယ် သည်ကားမောင်းတဲ့လမ်းကြောင်းတစ်လျောက်လိုက်ကြည့်ပြီး သတင်းတွေပို့ခဲ့လို့ ဖမ်းမိတဲ့အတွက် တအားပျော်ပါတယ်။ ဖမ်းမိတဲ့နေ့ကရဲစခန်း ထိကားနဲ့လိုက်မောင်းပို့တယ်။ ရဲစခန်းရောက်တဲ့အထိ ကျွန်တော်အကျီင်္အစုတ်ပလုတ်တွေဝတ်ပြီးလိုက်လာတာ။
မူးယစ်ဆေးဝါးတင်ဆောင်လာတဲ့ ကားကိုဝိုင်ဂိတ်မှာ ကျွန်တော်ဆိုင်ကယ်ကကျော်တက်တယ်။ ရဲတွေကိုကြိုပြောတယ်။ကားကကျွန်တော့်နောက်မှာပါလာပြီ ကားပေါ်မှာလေးယောက်ပါလာတယ်။ဖမ်းပါဆိုပြီးကျွန်တော်ပြောခဲ့တယ်။ ကျွန်တော်ကိုယ်တိုင်လည်း ကားတံခါးကိုပိတ်ထားတယ်။
ကားပေါ်မှာပါလာတဲ့ကောင်လေးတစ်ယောက်ကတော့ဆင်းပြေးသွားတယ်၊ သူကမူးယစ်ဆေးတွေနဲ့ဆက်နွယ်နေတဲ့သူ။ ရဲတွေကိုကျွန်တော်ပြောထားပြီးသားလေ သူတို့လဲအံအားသင့်နေလို့လားမသိဘူး ထွက်ပြေးတဲ့အချိန်မှာအံအားသင့်နေတာ။ အဲ့ကောင်လေးက လူတစ်ယောက်ရဲ့ပခုံးကိုတောင်တိုက်သွားသေးတယ်။
မော်ဒန်ဂျာနယ်။ ထွက်ပြေးသွားတဲ့ကောင်လေးကို အကိုသိလား ။သူကသည်ကိစ္စနဲ့ဘယ်လိုပတ်သက်နေလဲ။
ကိုရာဇာဟိန်း။ သူကိုခုချိန်ထိမမိသေးပါဘူး သူကပစ္စည်းပိုင်ရှင်ကို ကူညီပေးနေတာပါ။ ကျွန်တော်ကူညီပေးနေတယ်ဆိုတာ အဲ့သည့်နေ့ကမှသိသွားတာပါ။သူကသည်နယ်ကပါပဲ ညောင်ခြေထောက်ကပါ။ တောင်ပေါ်မှာသွားနေတာပါ။
မော်ဒန်ဂျာနယ်။ သည်လိုအများကြီးမိအောင်ဖမ်းပေးခဲ့တာဘာကြောင့်လဲ။
ကိုရာဇာဟိန်း။ ကျွန်တော်ကိုယ့် ကိုကိုယ့် ကိုယ်ရည်သွေးတာမဟုတ်ပါဘူး၊ ကျွန်တော်မကြောက်ခဲ့ပါဘူးလွန်ခဲ့တဲ့ ၂နှစ်လောက်က ကျွန်တော်တို့ဥသျှစ်ပင်မှာ ညီအကိုချင်းဓားထိုးမှုဖြစ်ခဲ့တယ်၊စိတ်ကြွဆေးသုံးစွဲပြီးပေါ့ညီကအကိုကိုဆေးသုံးပြီးကြောင်တောင်တောင်ဖြစ်ရာကနေထိုးလိုက်တာ အဲ့တာနဲ့ပတ်သက်ပြီးတဲ့နောက်မူးယစ်ဆေးဆိုတအားမုန်းခဲ့တယ် စိတ်နာနေခဲ့တာ။ ဥသျှစ်ပင်မှာလူငယ်ပိုင်းတွေက စိတ်ကြွဆေးတွေသုံးနေတယ်။ ၊wyတွေသုံးနေတယ်လို့ကျွန်တော်ကြားတယ်တော်တော်လေးကို မျက်မုန်းကျိုးတယ် သည်ကိစ္စကြောင့်ရန်တွေဖြစ်တယ်။ သုံးဖို့မရှိရင် အမေကိုရန်ရှာတယ်။ဒါတွေတွေ့တာများတော့ စိတ်ထိခိုက်ရတာပေါ့။
မော်ဒန်ဂျာနယ်။ ဖမ်းမိပြီးတဲ့နောက် အကိုနဲ့မိသားစုရဲ့လုံခြုံရေးအတွက် စိုးရိမ်စိတ်ဖြစ်ခဲ့လား။အကို့လုံခြုံရေးအတွက်ဘာတွေ စီစဉ်ပေးလဲ။
ကိုရာဇာဟိန်း။ ကျွန်တော်စိတ်ထဲမှာဖမ်းမိတဲ့အချိန် ပီတိတော့ဖြစ်တယ် ကြောက်တဲ့စိတ်ကျွန်တော်ဆီမှာမရှိပါဘူး။ကျွန်တော်အရင်က ဆိုင်ကယ်ပြင်တဲ့ အလုပ်လုပ်ခဲ့တယ် ကျွန်တော့်အကိုက ဥသျှစ်ပင်ကမော်တော်ပီကယ်ဂိတ်မှာ ၀န်ထမ်းဆိုတော့ သူ့ဂိတ်မှာလာပြီးနေပေးပါဆိုတော့ ကျွန်တော်အဲ့မှာ တစ်ရက်(၄၅၀၀)ရတယ်။ အဲ့မှာကူပြီးအလုပ်လုပ်ပေးတယ် ဆိုင်ကယ်ပြင်တဲ့အလုပ်ကိုတော့ခဏနားထားတယ်ပေါ့။သည်နေ့အချိန်ထိတစ်ယောက်မှ လုံခြုံရေးအတွက်လာပေးတာမရှိဘူး ။ ပန်းတောင်းကကိုယ်စားလှယ် ဒေါ်ခင်နှင်းသစ်ရဲ့ လူတွေကတော့လာကူညီပေးကြပါတယ်။
မော်ဒန်ဂျာနယ်။ ဖမ်းမိပြီးတဲ့နောက်ပိုင်း ဒေသခံတွေက အကိုအပေါ်ဆက်ဆံတာတွေဘယ်လိုရှိလဲ။
ကိုရာဇာဟိန်း။ ဒေသခံတွေကကျွန်တော့်ကိုအားပေးကြတယ်၊ တိုင်းရုံးကဆိုရင်ညီလေးဘာလိုအပ်လဲဆိုပြီးဖုန်းဆက်မေးတာတွေရှိတယ်။
မော်ဒန်ဂျာနယ်။ လက်ရှိအကို့ရဲ့မိသားစုအကြောင်းလေးပြောပြပေးပါဦး။
ကိုရာဇာဟိန်း။ ကျွန်တော့်မိန်းမကစက်ချုပ်ပါတယ်။ သူကဘွဲ့ရပေါ့ ကျွန်တော်က ၃တန်းအောင်နဲ့ထွက်ပြီးတော့ ကွမ်းခြံရေလောင်းအလုပ်တွေလုပ်ခဲ့တယ်။ သားသမီးနှစ်ယောက်ရှိပါတယ်။သည်ဆုရတာတောင် ည၇နာရီကျော်မှသိတာ ဂိတ်မှာတစ်နေကုန်ရှိနေတယ် အစောင့်လုပ်နေတာပေါ့။
မော်ဒန်ဂျာနယ် ။ ဆုရတာနဲ့ပတ်သက်ပြီးအကို့အနေနဲ့ ဘာများပြောချင်ပါလဲ
ကိုရာဇာဟိန်း။ ကျွန်တော်လူငယ်တွေရဲ့အသက်ကို ကယ်ခဲ့ရတဲ့အတွက်ပီတိဖြစ်ပါတယ် ။
အခုလိုအချိန်ပေးဖြေပေးတဲ့အတွက်ကျေးဇူးတင်ပါတယ်။
Sources: အေးအေးအောင်(ကုမုဒြာ)
No comments:
Post a Comment