ကြားဖြတ်ရွေးကောက်ပွဲ မဲဆွယ်စည်းရုံးမှု စပြီ

ကြားဖြတ်ရွေးကောက်ပွဲ မဲဆွယ်စည်းရုံးမှု စပြီ

NLD အစိုးရလက်ထက် ၂၀၁၇ ခုနှစ် ဧပြီ ၁ ရက်မှာ ကျင်းပမယ့် ကြားဖြတ်ရွေးကောက်ပွဲအတွက် ၀င်ရောက်ယှဉ်ပြိုင်မယ့် နိုင်ငံရေးပါတီများမှ လွှတ်တော်ကိုယ်စားလှယ်များနဲ့ တစ်သီးပုဂ္ဂလ လွှတ်တော်ကိုယ်စားလှယ်လောင်းများရဲ့ တရားဝင် မဲဆွယ်စည်းရုံးမှုမှာ ဇန်န၀ါရီ ၃၀ ရက်မှာ စတင်ပြီ ဖြစ်ပါတယ်။

လစ်လပ် မဲဆန္ဒနယ် ဘယ်လောက်လဲ

လစ်လပ်မဲဆန္ဒနယ်တွေမှာ လွှတ်တော်ကိုယ်စားလှယ်တွေ လစ်လပ်သွားတဲ့ အကြောင်းကတော့ လွှတ်တော်ကိုယ်စားလှယ် အများစုဟာ ပြည်ထောင်စုအဆင့် အုပ်ချုပ်ရေးပိုင်းမှာ ရာထူးတာဝန်များကို ထမ်းဆောင်ရန် ရွေးချယ်ခံရတဲ့အတွက် လွှတ်တော်ကိုယ်စားလှယ်အဖြစ် နုတ်ထွက်သွားကြတာဖြစ်ပြီး တချို့မဲဆန္ဒနယ်တွေကတော့ လွှတ်တော်ကိုယ်စားလှယ် ကွယ်လွန်သွားခြင်းဖြစ်ကာ ရှမ်းပြည်နယ် ကျေးသီးနဲ့ မိုင်းရှူး မြို့နယ်နှစ်ခုကတော့ ၂၀၁၅ အထွေထွေ ရွေးကောက်ပွဲတုန်းက လုံခြုံရေး အခြေအနေအရ ရွေးကောက်ပွဲ မကျင်းပနိုင်ခဲ့လို့ ခုကြားဖြတ်ရွေးကောက်ပွဲ ကျင်းပခြင်းဖြစ်ပါတယ်။

၂၀၁၇ ကြားဖြတ်ရွေးကောက်ပွဲမှာ လစ်လပ်မဲဆန္ဒနယ် ၁၉ နေရာရှိပြီး ပြည်သူ့လွှတ်တော် ကိုးနေရာ၊ အမျိုးသားလွှတ်တော် သုံးနေရာနဲ့ ပြည်နယ်လွှတ်တော် ခုနစ်နေရာ ဖြစ်ပါတယ်။ လစ်လပ်မဲဆန္ဒနယ် ၁၉ နေရာ ဆိုပေမယ့် အမျိုးသားလွှတ်တော် မဲဆန္ဒနယ် သုံးနေရာဟာ ကိုယ်စားပြုမှုများတဲ့အတွက် မြို့နယ်ပေါင်း ၂၂ ခု ကြားဖြတ်ရွေးကောက်ပွဲကျင်းပမှာ ဖြစ်ပါတယ်။

ပြည်သူ့လွှတ်တော် လစ်လပ်မဲဆန္ဒနယ်မြို့နယ်များ

ပြည်သူ့လွှတ်တော် လစ်လပ်မဲဆန္ဒနယ် ကိုးနေရာအတွက် မြို့နယ် ကိုးမြို့နယ်ဖြစ်တဲ့ မုံရွာမြို့နယ်၊ ချောင်းဆုံမြို့နယ်၊ အမ်းမဲမြို့နယ်၊ လှိုင်သာယာမြို့နယ်၊ ဒဂုံမြို့သစ် (ဆိပ်ကမ်း)မြို့နယ်၊ ဒဂုံမြို့သစ် (အရှေ့ပိုင်း) မြို့နယ်၊ ကော့မှူးမြို့နယ်၊ ကျေးသီးမြို့နယ်နဲ့ မိုင်းရှူးမြို့နယ်တို့မှာ ကြားဖြတ်ရွေးကောက်ပွဲကျင်းပမှာ ဖြစ်ပါတယ်။

ဝင်ရောက်ယှဉ်ပြိုင်ကြမယ့် ကိုယ်စားလှယ်လောင်းများအနက် ထူးခြားချက် အနေနဲ့ နိုင်ငံရေးနယ်ပယ်မှာ လူသိများတဲ့ ရခိုင်အမျိုးသားပါတီဥက္ကဋ္ဌ ဒေါက်တာအေးမောင် (ပထမအကြိမ် အမျိုးသားလွှတ်တော် ကိုယ်စားလှယ်ဟောင်း) က ရခိုင်ပြည်နယ် အမ်းမဲဆန္ဒနယ် ပြည်သူ့လွှတ်တော် ကိုယ်စားလှယ်လောင်း နေရာဝင်ပြိုင်မှာ ဖြစ်ပါတယ်။

အမျိုးသားလွှတ်တော်နဲ့ ပြည်နယ်လွှတ်တော် လစ်လပ်မဲဆန္ဒနယ် အကျုံးဝင်မြို့နယ်များ

အမျိုးသားလွှတ်တော် လစ်လပ် မဲဆန္ဒနယ် သုံးနေရာအတွက် ရွေးကောက်ပွဲကျင်းပမယ့် အကျုံးဝင်မြို့နယ် ၁၀ ခုဖြစ်ပြီး ရန်ကုန်တိုင်းဒေသကြီးမှာ အမျိုးသားလွှတ်တော် မဲဆန္ဒနယ်အမှတ် (၆) ဖြစ်တဲ့ ကမာရွတ်မြို့နယ်၊ ကြည့်မြင်တိုင်မြို့နယ်၊ ဆိပ်ကမ်းမြို့နယ်၊ လသာမြို့နယ်၊ လှိုင်မြို့နယ်၊ လမ်းမတော်မြို့နယ်၊ အလုံမြို့နယ်၊ ပဲခူးတိုင်းဒေသကြီးမှာ အမျိုးသားလွှတ်တော် မဲဆန္ဒ (၄) ဖြစ်တဲ့ ကျောက်တံခါးမြို့နယ်၊ ညောင်လေးပင်မြို့နယ်နှင့် ချင်းပြည်နယ်မှာ အမျိုးသားလွှတ်တော် မဲဆန္ဒနယ် (၃) ဖြစ်တဲ့ ထန်တလန်မြို့နယ်တို့ ဖြစ်ကြပါတယ်။

နိုင်ငံရေးနယ်ပယ်မှာ နောက်ထပ်လူသိများတဲ့ ပထမအကြိမ် ပြည်သူ့လွှတ်တော် ကိုယ်စားလှယ်လောင်း NDF ပါတီ ရန်ကုန်တိုင်းဒေသကြီးဥက္ကဋ္ဌ ဦးခိုင်မောင်ရည်က ရန်ကုန်တိုင်းဒေသကြီး မဲဆန္ဒနယ်အမှတ် (၆) အမျိုးသားလွှတ်တော် ကိုယ်စားလှယ်လောင်းနေရာ ၀င်ရောက် ယှဉ်ပြိုင်မှာ ဖြစ်ပါတယ်။

ပြည်နယ်လွှတ်တော် လစ်လပ်မဲဆန္ဒနယ် ခုနစ်နေရာကတော့ ရှမ်းပြည်နယ် လွှတ်တော်အတွက် ခြောက်နေရာနဲ့ ကယားပြည်နယ် လွှတ်တော်အတွက် တစ်နေရာ ဖြစ်ပါတယ်။

ရှမ်းပြည်နယ်လွှတ်တော် လစ်လပ် မဲဆန္ဒနယ် မြို့နယ်တွေကတော့ ကျေးသီးမြို့နယ် နှစ်နေရာ၊ မိုင်းရှူးမြို့နယ်နှစ်နေရာ၊ ကျိုင်းတုံမြို့နယ် မဲဆန္ဒနယ် (၂)၊ ညောင်ရွှေမြို့နယ် မဲဆန္ဒနယ် (၁) တို့ဖြစ်ပြီး ကယားပြည်နယ်လွှတ်တော် လစ်လပ်မဲဆန္ဒနယ်ကတော့၊ ဖရူဆိုမြို့နယ် မဲဆန္ဒနယ် (၁) ဖြစ်ပြီး အဲဒီနေရာတွေမှာ ကြားဖြတ်ရွေးကောက်ပွဲ ကျင်းပမှာ ဖြစ်ပါတယ်။

ရှမ်းပြည်နယ် လွှတ်တော်လစ်လပ် မဲဆန္ဒနယ်များအတွက် အဓိက ယှဉ်ပြိုင်ကြမယ့် ပါတီများကတော့ ရှမ်းတိုင်းရင်းသား အင်အားကြီးပါတီ နှစ်ခုဖြစ်တဲ့ ရှမ်းတိုင်းရင်းသားများ ဒီမိုကရေစီအဖွဲ့ချုပ် (SNLD) နဲ့ ရှမ်းတိုင်းရင်းသားများ ဒီမိုကရက်တစ်ပါတီ (SNDP) တို့ဖြစ်ပါတယ်။

လစ်လပ်မဲဆန္ဒနယ် ၁၉ နေရာ ဘယ်ပါတီတွေ ယှဉ်ပြိုင်ကြမှာလဲ

ကြားဖြတ်ရွေးကောက်ပွဲ လစ်လပ်မဲဆန္ဒနယ် ၁၉ နေရာအတွက် ၀င်ရောက်ယှဉ်ပြိုင်တဲ့ တစ်သီးပုဂ္ဂလ ကိုယ်စားလှယ်လောင်း ခုနစ်ဦး အပါအ၀င် နိုင်ငံရေးပါတီ ၂၄ ခုမှ လွှတ်တော်ကိုယ်စားလှယ်လောင်း စုစုပေါင်း ၉၅ ဦး ၀င်ရောက်ယှဉ်ပြိုင်ကြမှာပါ။

လစ်လပ်မဲဆန္ဒနယ် ၁၉ နေရာလုံးကို အပြည့်ဝင်ရောက် ယှဉ်ပြိုင်မယ့် ပါတီက ယခင်အာဏာရပါတီတစ်ဖြစ်လဲ ယခုအတိုက်အခံပါတီဖြစ်တဲ့ ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီ ဖြစ်ပါတယ်။

လက်ရှိအာဏာရ အမျိုးသား ဒီမိုကရေစီအဖွဲ့ချုပ် (NLD) ပါတီက ဒုတိယနေရာမှ ကိုယ်စားလှယ်လောင်း ၁၈ ဦးနဲ့ ကြားဖြတ်ရွေးကောက်ပွဲ ၀င်ရောက် ယှဉ်ပြိုင်မှာဖြစ်ပြီး တစ်ဦးကတော့ လွှတ်တော်ကိုယ်စားလှယ် အမည်စာရင်း တင်သွင်းရက် ကျော်လွန်သွားတဲ့အတွက် အမည်စာရင်း တင်သွင်းနိုင်ခဲ့ခြင်း မရှိပါဘူး။

တတိယ အများဆုံးအနေနဲ့ ရှမ်းပြည်နယ်မှာ အင်အားကြီးပါတီ နှစ်ခုဖြစ်တဲ့ ရှမ်းတိုင်းရင်းသားများ ဒီမိုကရေစီအဖွဲ့ချုပ် (SNLD) နဲ့ ရှမ်းတိုင်းရင်းသားများဒီမိုကရက် တစ်ပါတီ (SNDP) တို့က လွှတ်တော်ကိုယ်စားလှယ်လောင်း ခုနစ်ဦးစီ ၀င်ရောက်ယှဉ်ပြိုင်မှာ ဖြစ်ပါတယ်။

ကျန်ပါတီများဖြစ်တဲ့ အမျိုးသား တိုးတက်ရေးပါတီက ခြောက်ဦး၊ အမျိုးသားဒီမိုကရေစီအင်အားစု (NDF) ပါတီက ငါးဦး၊ ဒီမိုကရက်တစ်ပါတီ (မြန်မာ)က လေးဦး၊ တိုင်းရင်းသားစည်းလုံးညီညွတ်ရေးပါတီက သုံးဦး၊ ရခိုင်အမျိုးသားပါတီက နှစ်ဦး၊ လားဟူအမျိုးသားဖွံ့ဖြိုး တိုးတက်ရေးပါတီက နှစ်ဦး၊ “၀”လစ်ဘရယ် ဒီမိုကရက်တစ် တိုးတက်ရေး ဖွံ့ဖြိုးရေးပါတီက နှစ်ဦးနဲ့ ကျန် ၁၃ ပါတီက တစ်ဦးစီ ၀င်ရောက် ယှဉ်ပြိုင်ကြမှာ ဖြစ်ပါတယ်။

နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် ၂၀၁၅ အထွေထွေ ရွေးကောက်ပွဲမှာ အနိုင်ရရှိခဲ့တဲ့ ကော့မှူးမဲဆန္ဒနယ် ပြည်သူ့လွှတ်တော် ကိုယ်စားလှယ်လောင်း နေရာဟာဆိုရင် အခုကြားဖြတ် ရွေးကောက်ပွဲမှာ ကိုယ်စားလှယ်လောင်း ကိုးဦးအထိ ၀င်ရောက်ယှဉ်ပြိုင်မှာဖြစ်ပြီး လစ်လပ်မဲဆန္ဒနယ်တွေထဲမှာ ကိုယ်စားလှယ်လောင်း ဦးရေအများဆုံး ၀င်ရောက်ယှဉ်ပြိုင်တဲ့ မဲဆန္ဒနယ် ဖြစ်ပါတယ်။

အာဏာရပါတီအတွက် ကြားဖြတ်ရွေးကောက်ပွဲ ရလဒ်က တစ်စုံတစ်ရာ အပြောင်းအလဲဖြစ်မှာလား

အမျိုးသားဒီမိုကရေစီအဖွဲ့ချုပ် အနေဖြင့် ၂၀၁၅ အထွေထွေ ရွေးကောက်ပွဲတွင် တစ်နိုင်ငံလုံး အတိုင်းအတာဖြင့် ၀င်ရောက်ယှဉ်ပြိုင်ခဲ့ပြီး ရာခိုင်နှုန်း ၈၀ ကျော် အနိုင်ရရှိခဲ့တဲ့အတွက် အမျိုးသားလွှတ်တော်နဲ့ ပြည်သူ့လွှတ်တော် နှစ်ရပ်လုံးတွင် အင်အားကြီး ပါတီတစ်ခုအဖြစ် လွှမ်းမိုးထားနိုင်သလို အစိုးရတစ်ရပ် ဖွဲ့စည်းထားတဲ့အပြင် တိုင်းဒေသကြီးနဲ့ ပြည်နယ်အစိုးရအဖွဲ့များမှာလည်း ၀န်ကြီးချုပ်အားလုံး ခန့်အပ်ထားနိုင်ပြီး ပြည်နယ်လွှတ်တော်အချို့မှလွဲ၍ တိုင်းဒေသကြီးနဲ့ ပြည်နယ်လွှတ်တော် အများစုမှာ အင်အားကြီးပါတီအဖြစ် လွှမ်းမိုးထားပါတယ်။

အခုကျင်းပမယ့် ကြားဖြတ်ရွေးကောက်ပွဲ မဲဆန္ဒနယ် ၁၉ နေရာဟာ လွှတ်တော်အသီးသီးမှာ လွှတ်တော်တွင်းမဲခွဲတဲ့ နေရာမျိုးမှာ မဲတစ်မဲရဲ့ တန်ဖိုးနဲ့ကြည့်ရင် အရေးကြီးပေမယ့် အလုံးစုံ ခြုံငုံသုံးသပ်ကြည့်ရင် အာဏာရပါတီ အမျိုးသားဒီမိုကရေစီ အဖွဲ့ချုပ်အတွက် လစ်လပ်မဲဆန္ဒနယ်များမှာ အနိုင်အရှုံး ရလဒ်ဟာ လက်ရှိလွှတ်တော်ကို လွှမ်းမိုးထားမှုနဲ့ အစိုးရအဖွဲ့ တည်ရှိမှုတို့ကို သိသာစွာ ပြောင်းလဲစေမှာ မဟုတ်ပါဘူး။

ယခင် အာဏာရ ပြည်ထောင်စုကြံ့ခိုင်ရေးနှင့်ဖွံ့ဖြိုးပါတီ အစိုးရလက်ထက်မှာ ကျင်းပခဲ့တဲ့ ၂၀၁၂ ကြားဖြတ်ရွေးကောက်ပွဲမှာ အမျိုးသားဒီမိုကရေစီ အဖွဲ့ချုပ်က ၀င်ရောက်ယှဉ်ပြိုင်ရာမှာ လစ်လပ်မဲဆန္ဒနယ် ၄၄ နေရာမှာ ၄၃ နေရာ အနိုင်ရရှိခဲ့ပြီးနောက် ပြည်ခိုင်ဖြိုးပါတီ လွှတ်တော်ကိုယ်စားလှယ်များ လွှမ်းမိုးထားတဲ့ လွှတ်တော်ကလည်း အသက်ဝင်လာခဲ့ပါတယ်။

အမျိုးသားဒီမိုကရေစီ အဖွဲ့ချုပ်ရဲ့ ၂၀၁၂ ကြားဖြတ်ရွေးကောက်ပွဲ အနိုင်ရရှိမှုကြောင့် လွှတ်တော်တွင်း အသက်ဝင်လာခဲ့ပေမယ့် အဲဒီအချိန်က ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီရဲ့ လွှတ်တော်တွင်း လွှမ်းမိုးထားမှုနဲ့ အစိုးရ ဖွဲ့စည်းထားမှုတို့အပေါ်တော့ သိသာတဲ့ အပြောင်းအလဲ မရှိခဲ့ပါဘူး။

အမျိုးသားဒီမိုကရေစီအဖွဲ့ချုပ် အနိုင်ရရှိမှုဟာ ကြားဖြတ်ရွေးကောက်ပွဲ မဲဆန္ဒနယ် အနည်းငယ်သာ အနိုင်ရရှိတာဖြစ်တဲ့အတွက် ၂၀၁၅ အထွေထွေ ရွေးကောက်ပွဲ ကျင်းပပါက အမျိုးသားဒီမိုကရေစီ အဖွဲ့ချုပ် ရာခိုင်နှုန်း အများအပြား နိုင်ခြေမရှိကြောင်း ထိုစဉ်အချိန်က ပြည်ခိုင်ဖြိုးပါတီ ခေါင်းဆောင်အချို့နဲ့ နိုင်ငံရေး လေ့လာသုံးသပ်သူ အချို့က ဟောကိန်းထုတ်ခဲ့ကြပေမယ့် အမှန်တကယ် ၂၀၁၅ အထွေထွေ ရွေးကောက်ပွဲ ကျင်းပချိန်မှာ ပါတီခေါင်းဆောင် ဒေါ်အောင်ဆန်းစုကြည်အပေါ် ပြည်သူလူထုက ချစ်ခင်ယုံကြည်မှုနဲ့ အပြောင်းအလဲ လိုချင်မှုတို့ကြောင့် အမျိုးသားဒီမိုကရေစီ အဖွဲ့ချုပ်ဟာ မထင်မှတ်နိုင်တဲ့ အနိုင်ရရှိမှုမျိုးနဲ့ ရွေးကောက်ပွဲ ထပ်မံအနိုင်ရရှိခဲ့ပါတယ်။

၂၀၁၅ အထွေထွေ ရွေးကောက်ပွဲ အနိုင်ရရှိမှုအတွက် ၂၀၁၂ ကြားဖြတ်ရွေးကောက်ပွဲက အမျိုးသားဒီမိုကရေစီ အဖွဲ့ချုပ်ကို ရှေ့ပြေးစမ်းသပ်တဲ့ ပုံစံဖြစ်ခဲ့တဲ့အတွက် အခုကျင်းပမည့် ၂၀၁၇ ကြားဖြတ်ရွေးကောက်ပွဲကလည်း လာမယ့် ၂၀၂၀ အထွေထွေ ရွေးကောက်ပွဲရလဒ်တွေ တိုက်ရိုက် သက်ဆိုင်နိုင်ကြောင်း NDF ပါတီကိုယ်စားပြု ကြားဖြတ်ရွေးကောက်ပွဲ ၀င်ရောက်ယှဉ်ပြိုင်မည့် လွှတ်တော်ကိုယ်စားလှယ်လောင်း ဦးခိုင်မောင်ရည်က သုံးသပ် ပြောကြားပါတယ်။

“အဲဒီတော့ ကြားဖြတ်ရွေးကောက်ပွဲရဲ့ ပြည်သူလူထု ထောက်ခံမှု အနည်းဆုံး လေးပုံတစ်ပုံ ရတယ်ဆိုရင် လေးပုံတစ်ပုံ ၂၅ ရာခိုင်နှုန်း ရတယ်ဆိုရင် နောင်လာမယ့် ၂၀၂၀ ရွေးကောက်ပွဲမှာ ၅၀ ရာခိုင်နှုန်းရမယ်လို့ ဒါတစ်ထစ်ချ ယုံကြည်လို့ရပါတယ်။ ဘာကြောင့်လဲဆိုရင် ဒီဟာကရေချိန်က ပြည်သူ့နိုင်ငံရေးရေချိန်က တဖြည်းဖြည်း မြင့်လာလို့ ဖြစ်ပါတယ်။ ဒီကြားဖြတ်ရွေးကောက်ပွဲမှာ ၂၅ ရာခိုင်နှုန်းသော မဲကိုရတယ်ဆိုရင် ၂၀၂၀ ရွေးကောက်ပွဲမှာ နှစ်ဆတက်လာနိုင်တဲ့ အခြေအနေဖြစ်တဲ့အတွက် အာဏာရပါတီ အနေနဲ့ မိမိရဲ့ ပြည်သူ့ထောက်ခံမှု ၂၅ ရာခိုင်နှုန်းကို ဒီကြားဖြတ်ရွေးကောက်ပွဲမှာ တခြားပါတီကို ပေးလိုက်ရပြီဆိုရင် ၂၀၂၀ ရွေးကောက်ပွဲမှာ မိမိရဲ့ ပြည်သူထောက်ခံမှု ရာခိုင်နှုန်းသည် တခြားပါတီတွေကို နောက်အခြားပါတီတွေရဲ့ လွှတ်တော်ကိုယ်စားလှယ်တွေကို နောက်ထပ် ၂၅ ရာခိုင်နှုန်း ထပ်ပေါင်းပေးလိုက်ရမှာ ဖြစ်တဲ့အတွက် မိမိတို့လူထုရဲ့ ထောက်ခံမှုတစ်ဝက် လျော့ကျသွားမှာ ဖြစ်တယ်လို့ ပြောရမှာဖြစ်တယ်” လို့ ဦးခိုင်မောင်ရည်က ပြောပါတယ်။

နိုင်ငံရေး လေ့လာသုံးသပ်သူ ဒေါက်တာရန်မျိုးသိမ်းကတော့ ၂၀၁၇  ကြားဖြတ်ရွေးကောက်ပွဲဟာ အမျိုးသားဒီမိုကရေစီအဖွဲ့ချုပ်အပေါ် ပြည်သူလူထု ထောက်ခံမှု စမ်းသပ်တဲ့ပွဲလို့ ပြောဆိုရန် ခက်ခဲ့ကြောင်း ပြောပါတယ်။

“အဓိကကတော့ အမျိုးသားဒီမိုကရေစီအဖွဲ့ချုပ်ခေါင်းဆောင် ဒေါ်အောင်ဆန်းစုကြည်အပေါ်မှာ ပြည်သူလူထု အများစုက ယုံကြည်အားကိုးတဲ့ အတွက်ကြောင့်မို့လို့ ၂၀၂၀ ရွေးကောက်ပွဲမှာလည်း ဒီပုံစံအတိုင်း သွားလိမ့်မယ်လို့မြင်တယ်။ အဲဒီအတွက်ကြောင့်မို့ ၂၀၁၇ ကြားဖြတ် ရွေးကောက်ပွဲကတော့ လက်ရှိ အာဏာရပါတီပေါ်မှာ ပြည်သူလူထုရဲ့ ထောက်ခံမှုကို စမ်းသပ်တဲ့ပွဲလို့ ပြောဖို့ခက်တယ်။ ဘာဖြစ်လို့လဲဆိုတော့ ပြည်သူလူထုက အာဏာရပါတီကို ကြိုက်သည်ဖြစ်စေ၊ မကြိုက်သည်ဖြစ်စေ ဒေါ်အောင်ဆန်းစုကြည်ကို ထောက်ခံတယ်။ ယုံကြည်တယ်။ အဲဒီအတွက်ကြောင့်မို့ ဒေါ်အောင်ဆန်းစုကြည် ဦးဆောင်ခဲ့တဲ့ ပါတီကို  ပြည်သူလူထု အနေနဲ့ မဲပေးရွေးချယ်တဲ့ စဉ်းစားမှုမျိုးပဲ ဖြစ်လာမယ်လို့ မြင်တယ်။ တစ်ဖက်မှာ ကြည့်ရင်လည်းပဲ အမျိုးသားဒီမိုကရေစီ အဖွဲ့ချုပ်နဲ့ ပခုံးချင်းယှဉ်ပြီးတော့ နိုင်ငံရေးအရ ပြည်သူလူထုကို မျက်နှာမူ ရပ်တည်နိုင်မယ့် နိုင်ငံရေးပါတီမျိုးကို မတွေ့ရသေးတာလည်း ပါပါတယ်” လို့ ဒေါက်တာရန်မျိုးသိမ်းက ဆိုပါတယ်။

ပါတီတံဆိပ်ကို အဓိကကြည့် မဲပေးခဲ့တာလား

တပ်မတော်အစိုးရက ကျင်းပပေးခဲ့တဲ့ ၂၀၁၀ အထွေထွေ ရွေးကောက်ပွဲမှာ ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီ၊ တိုင်းရင်းသားပါတီတွေ၊ အခြားနိုင်ငံရေးပါတီတွေ၊ ၀င်ရောက် ယှဉ်ပြိုင်ခဲ့တဲ့နေရာမှာ ပြည်သူအများစုဟာ မဲပေးချိန်မှာ ၀င်ရောက် ယှဉ်ပြိုင်တဲ့ ကိုယ်စားလှယ်များ အကြောင်းကို သေချာစွာမသိဘဲ ပါတီအမှတ်တံဆိပ်ကိုကြည့်ကာ မဲပေးခဲ့ကြပါတယ်။

ထို့အတူပါပဲ ၂၀၁၂ ကြားဖြတ် ရွေးကောက်ပွဲ အမျိုးသားဒီမိုကရေစီ အဖွဲ့ ချုပ်ပါတီ ၀င်ရောက်ယှဉ်ပြိုင်ချိန်မှာလဲ ပါတီခေါင်းဆောင် ဒေါ်အောင်ဆန်းစုကြည်အပေါ် ယုံကြည်မှုနဲ့ ပါတီမူဝါဒတွေကြောင့် ပါတီတံဆိပ်ကိုကြည့်ပြီး မဲပေးကြပြန်ပါတယ်။

၂၀၁၅ အထွေထွေ ရွေးကောက်ပွဲဟာ အစိုးရတစ်ရပ် ဖွဲ့စည်းရေးဖြစ်တဲ့အတွက် အင်မတန် အရေးကြီးခဲ့ပြီး ပြိုင်ဆိုင်မှု ပြင်းထန်ခဲ့တဲ့ ရွေးကောက်ပွဲ ဖြစ်ခဲ့ပါတယ်။

ထိုစဉ်အချိန်က တစ်ဖက်မှာ ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီက အာဏာရပါတီ ဖြစ်သလို တပ်မတော်နဲ့ ဆက်ဆံရေး ပြေလည်မှု ရရှိထားတာတွေကြောင့် အစိုးရတစ်ရပ် ဖွဲ့စည်းဖို့ ရွေးကောက်ပွဲ ယှဉ်ပြိုင်ရင် မဲရရှိဖို့အတွက် ရာခိုင်နှုန်းများနေတဲ့ အခြေအနေ ရှိပါတယ်။

အခြားတစ်ဖက်မှာ တိုင်းရင်းသားတွေရဲ့ မျှော်လင့် ယုံကြည်မှုနဲ့အတူ လူထုထောက်ခံမှု ရရှိထားတဲ့ ဒေါ်အောင်ဆန်းစုကြည် ဦးဆောင်တဲ့ အမျိုးသားဒီမိုကရေစီ အဖွဲ့ချုပ်ဟာ အစိုးရတစ်ရပ် ဖွဲ့စည်းရေးအတွက် မဲရရှိဖို့ လိုအပ်နေတာကြောင့် အင်အားကြီးနှစ်ပါတီစလုံးဟာ မဲဆွယ်စည်းရုံးတဲ့အခါ တစ်နိုင်ငံလုံး မဲဆွယ်စည်းရုံးရတဲ့အတွက် လူပုဂ္ဂိုလ် လွှတ်တော်ကိုယ်စားလှယ်လောင်း တစ်ဦးချင်းရဲ့ အရည်အချင်းကို ဖော်ထုတ်မစည်းရုံးမှု မပြုတော့ဘဲ ပါတီတံဆိပ်ကိုသာ အဓိကထား စည်းရုံးခဲ့ကြပါတယ်။

အမျိုးသားဒီမိုကရေစီအဖွဲ့ချုပ်ခေါင်းဆောင် ဒေါ်အောင်ဆန်းစုကြည်က သူရဲ့ ကိုယ်စားလှယ်လောင်းတွေကို ပြည်သူလူထု အနေနဲ့ နာမည်မကြည့်ဖို့၊ စနစ်တစ်ခု ပြောင်းလဲရန်အတွက် အစိုးရဖွဲ့စည်းရေး လိုအပ်သောကြောင့် ပါတီတံဆိပ်ကိုသာ ကြည့်ကြဖို့ ပြည်သူလူထု ရွေးချယ်ပေးလိုက်တဲ့ လွှတ်တော်ကိုယ်စားလှယ်တွေ အမှားအယွင်းလုပ်ရင် ပါတီက အရေးယူမှာဖြစ်ကြောင်း စတဲ့ ကတိတွေပေး စည်းရုံးခဲ့ပါတယ်။

ပါတီတံဆိပ်နဲ့ ပါတီခေါင်းဆောင်ပုံ အသုံးပြုပြီး အဓိကထား မဲဆွယ်စည်းရုံးတဲ့အခါ အမျိုးသားဒီမိုကရေစီအဖွဲ့ချုပ် ပါတီဟာ အခြားပါတီများကို ကျော်ဖြတ်ကာ တိုင်းရင်းသားဒေသများအထိ ရိုက်ခတ်သွားပြီးတော့ တစ်နိုင်ငံလုံးနီးပါး အနိုင်ရရှိခဲ့ပါတယ်။

“အရင်စနစ်ကို မကြိုက်ဘူး။ မကြိုက်လို့ အပြောင်းအလဲ လိုချင်လို့ NLD ကိုမဲပေးတယ်။ မဲပေးတဲ့အခါကျတော့ ဒီစနစ်ပြောင်းအောင်ပေးခဲ့တာ သူတို့ဘက်က မပြည့်စုံသေးဘူး။ မပြည့်စုံသေးဘူးဆိုတာက အရင်ပျက်နေတဲ့ဟာကို ပြန်ပြင်ရတဲ့အခါကျတော့ ဒါအချိန်အတိုင်းအတာ တစ်ခုပေးရမှာပဲ” လို့ မုံရွာဒေသခံ ကိုလှမိုးက ၂၀၁၅ ရွေးကောက်ပွဲမှာ မဲပေးခဲ့ရခြင်း အကြောင်းကို ပြောပါတယ်။

ရွေးကောက်ပွဲ ရှုံးသွားတဲ့ပါတီတွေ၊ တစ်သီးပုဂ္ဂလ လွှတ်တော်ကိုယ်စားလှယ်လောင်းတွေထဲမှာ တစ်ဦးချင်း အရည်အချင်းကောင်းရှိသူတွေ မလွဲဧကန် ရှိနိုင်ပေမယ့် စနစ်တစ်ခု အပြောင်းအလဲကို လိုချင်တဲ့ ပြည်သူလူထုရဲ့ ဆန္ဒကိုတော့ သူတို့မကျော်လွန်နိုင်တဲ့ အခြေအနေ ဖြစ်ပါတယ်။

ကြားဖြတ်ရွေးကောက်ပွဲမှာရော ပါတီတံဆိပ်နဲ့ ခေါင်းဆောင်ကို ကြည့်မဲပေးဦးမှာလား

လက်ရှိအချိန်မှာ အမျိုးသားဒီမိုကရေစီ အဖွဲ့ချုပ်က လွှတ်တော်ကိုယ်စားလှယ်အချို့ လုပ်ငန်းဆောင်ရွက်ရာမှာ မှားယွင်းမှု အချို့ရှိတဲ့အတွက် ပါတီပိုင်းက အရေးယူမှုများ ရှိသလို လွှတ်တော်တွင်းမှာ သူတို့ရရှိထားတဲ့ လွှတ်တော်ရေးရာ ကော်မတီ ရာထူးနေရာတွေကပါ ဖယ်ရှားခံရတဲ့အထိ ဖြစ်ပျက်မှုတွေပေါ်မှာ ဒေါ်အောင်ဆန်းစုကြည်ရဲ့ ခေါင်းဆောင်မှုအပေါ် ယုံကြည်လို့ ရွေးကောက်ပွဲကျမှ ထောက်ခံခဲ့သူတွေ သာမက ရှိရင်းစွဲပါတီအပေါ် ၀န်းရံထောက်ခံသူတွေကပါ ပါတီအပေါ် စိတ်ငြိုငြင်မှု ဖြစ်ပေါ်ခဲ့တာတွေ ရှိခဲ့ပါတယ်။

ရန်ကုန်တိုင်းဒေသကြီးအမှတ် (၆) အမျိုးသားလွှတ်တော် မဲဆန္ဒနယ်မှာ ပါဝင်တဲ့ အလုံမြို့နယ်မှာ နေထိုင်တဲ့ ကိုဝဏ္ဏက ၂၀၁၅ ရွေးကောက်ပွဲမှာ သူတို့မြို့နယ်အတွက် အသုံးဝင်တဲ့ လွှတ်တော်ကိုယ်စားလှယ်လောင်းကို မဲမပေးဘဲ အပြောင်းအလဲ တစ်ရပ်အတွက် NLD ပါတီတံဆိပ်ကိုသာကြည့်ပြီး NLD ပါတီ လွှတ်တော်ကိုယ်စားလှယ်လောင်းကို မဲပေးခဲ့ပေမယ့် အခုကြားဖြတ် ရွေးကောက်ပွဲမှာ ဘယ်ပါတီကဖြစ်စေ လူပုဂ္ဂိုလ်ကိုသာကြည့်ပြီး သေချာ ရွေးချယ်မဲပေးမယ်လို့ ဆိုပါတယ်။

“အပြောင်းအလဲတစ်ခုကို လိုချင်လို့ အမေစုမျက်နှာ တစ်ခုတည်းနဲ့ပေးတာ သူတို့ဘာသာ ဘာပဲဖြစ်နေဖြစ်နေ ဒါအစ်ကိုသူတို့ကို လုံးဝဂရုမစိုက်ဘူး။ ပေးမှာတော့ NLD ပဲပေးမှာပဲ။ အဓိက လိုအပ်တာက ကိုယ်စားလှယ်တွေရဲ့ အရည်အချင်း မပြည့်မီဘူး။ ဒါပြည်သူတစ်ယောက် အနေနဲ့ ပြောတာပေါ့နော်” လို့ လစ်လပ်မုံရွာ မဲဆန္ဒနယ်က မုံရွာဒေသခံ ကိုလှမိုးက ပြောပါတယ်။

အခြားတစ်ဖက်မှာတော့ အမျိုးသားဒီမိုကရေစီ အဖွဲ့ချုပ် ဦးဆောင် ဖွဲ့စည်းထားတဲ့ အစိုးရအဖွဲ့ပေါ် အမျိုးသားဒီမိုကရေစီအဖွဲ့ချုပ် လွှတ်တော်ကိုယ်စားလှယ်တွေ ဦးဆောင် လွှမ်းမိုးထားတဲ့ လွှတ်တော်များက ထိန်းကျောင်းမှု အားနည်းနေတယ်လို့ လွှတ်တော်တွင်း ရောက်ရှိနေတဲ့ တိုင်းရင်းသားပါတီတွေနဲ့ လွှတ်တော်ပြင်ပ အတိုက်အခံ အင်အားစုများက ဝေဖန်မှုတွေ ရှိနေပြီး အစိုးရလုပ်သမျှ အတိုက်အခံလုပ်ခြင်းမျိုး မဟုတ်ဘဲ ဓမ္မဓိဋ္ဌာန်ကျကျ အတိုက်အခံလုပ် ဝေဖန်ထောက်ပြနိုင်မယ့် အခြားပါတီက လွှတ်တော်ကိုယ်စားလှယ်လောင်းတွေ ကြားဖြတ်ရွေးကောက်ပွဲမှာ အနိုင်ရရှိပြီး လွှတ်တော်ထဲရောက်ဖို့ လိုတယ်လို့ သုံးသပ်မှုတွေလည်း ရှိပါတယ်။

ကြားဖြတ်ရွေးကောက်ပွဲဟာ ၂၀၁၅ ရွေးကောက်ပွဲထက်ပိုပြီး နိုင်ငံရေး ရေချိန်မြင့်တဲ့ပွဲဖြစ်တဲ့အတွက် ၂၀၁၅ ရွေးကောက်ပွဲမှာ တံဆိပ်ကိုကြည့် မဲပေးခဲ့တဲ့ ရာခိုင်နှုန်းထက် ကြားဖြတ်ရွေးကောက်ပွဲဟာ ပုဂ္ဂိုလ်ကိုကြည့်ပြီး မဲပေးမယ့် ရာခိုင်နှုန်း ထက်ဝက်ကျော် ပိုတိုးလာလိမ့်မယ်လို့ ရန်ကုန်တိုင်းဒေသကြီးအမှတ် (၆) မဲဆန္ဒနယ် အမျိုးသားလွှတ်တော် ကိုယ်စားလှယ်လောင်းအဖြစ် ၀င်ရောက်ယှဉ်ပြိုင်မယ့် လွှတ်တော် ကိုယ်စားလှယ်လောင်း ဦးခိုင်မောင်ရည်က သူ့ရဲ့အမြင်ကို ပြောပါတယ်။

“၂၀၁၇ ကြားဖြတ်ရွေးကောက်ပွဲမှာ မဲဆန္ဒနယ်ရှင် ပြည်သူလူထုအနေနဲ့ ရွေးချယ်မှု မှန်မှန်ကန်ကန်နဲ့  ပြည်သူလူထုအတွက် တကယ်အလုပ်လုပ်နိုင်မယ့် ကိုယ်စားလှယ်တွေကို ရွေးချယ်တင်မြှောက်နိုင်ဖို့ လိုအပ်တယ်လို့ မြင်တယ်။ ဥပမာ တိုင်းရင်းသားဒေသတွေမှာဆို တိုင်းရင်းသားလူမျိုးစုတွေကို ကိုယ်စားပြုတဲ့ ကိုယ်စားလှယ်တွေ နေရာရလာဖို့ လိုအပ်တယ်။ တိုင်းဒေသကြီးတွေမှာလည်းပဲ တိုင်းပြည်နဲ့ ပြည်သူလူထုအတွက် တကယ် အလုပ်လုပ်နိုင်တဲ့ ကိုယ်စားလှယ်လောင်းတွေ နေရာရလာဖို့ လိုအပ်တယ်” လို့ ဒေါက်တာရန်မျိုးသိမ်းက မဲဆန္ဒရှင်တွေကို တိုက်တွန်းစကား ဆိုပါတယ်။

ဒါပေမဲ့ တိုင်းဒေသကြီး လစ်လပ်မဲဆန္ဒနယ်တွေမှာ အမျိုးသားဒီမိုကရေစီအဖွဲ့ချုပ် လွှတ်တော်ကိုယ်စားလှယ်လောင်းတွေသာ အနိုင်ရလိမ့်မယ်လို့ထင်ကြောင်း ဒေါက်တာရန်မျိုးသိမ်းက သူရဲ့အမြင်ကို ပြောပါတယ်။

ပြည်ထောင်စုရွေးကောက်ပွဲ ကော်မရှင်က ကြားဖြတ်ရွေးကောက်ပွဲအတွက် ဘာတွေ ကြိုတင်ဆောင်ရွက်နေလဲ

၂၀၀၈ ဖွဲ့စည်းပုံ အခြေခံဥပဒေအရ တပ်မတော်အစိုးရက ကျင်းပပေးတဲ့ ၂၀၁၀ အထွေထွေ ရွေးကောက်ပွဲ၊ သမ္မတဦးသိန်းစိန် အစိုးရလက်ထက် ကျင်းပတဲ့ ၂၀၁၂ ကြားဖြတ်ရွေးကောက်ပွဲနဲ့ ၂၀၁၅ အထွေထွေ ရွေးကောက်ပွဲတွေမှာ ပြည်ထောင်စု ရွေးကောက်ပွဲကော်မရှင် တာဝန်ယူ ဆောင်ရွက်သူတွေဟာ ဝေဖန်မှုတွေနဲ့ရင်ဆိုင်ကြုံတွေ့ခဲ့ရပါတယ်။

အဓိက ဝေဖန်ခံခဲ့ရတဲ့အချက်တွေက ကြိုတင်မဲကိစ္စ၊ မဲစာရင်း၊ အတိုက်အခံပါတီများ မဲဆွယ်စည်းရုံးရာမှာ နေရာရရှိရေး အခက်အခဲ ကိစ္စများနဲ့ အခြားအထွေထွေကိစ္စကြောင့် ပြည်ထောင်စုရွေးကောက်ပွဲ ကော်မရှင်အပေါ် အမြင်မကြည်လင်မှုများ ရှိခဲ့ပါတယ်။

၂၀၁၅ အထွေထွေ ရွေးကောက်ပွဲမှာတော့ ပြည်ထောင်စုရွေးကောက်ပွဲ ကော်မရှင်က ကြိုတင်ပြင်ဆင်မှုတွေ ပြုလုပ်ခဲ့ပေမယ့် အမှန်တကယ် ရွေးကောက်ပွဲ နီးကပ်လာပြီး မဲစာရင်း ပြုစုထားမှုကို ကြိုတင်ထုတ်ပြန်တဲ့အခါ အမည်တွေထပ်တာ၊ ပထမအကြိမ်မှာ မိသားစုတစ်စု အစဉ်လိုက် ကြည့်ရပေမယ့် နောက်တစ်ကြိမ် ကြေညာသည့်အခါ အမည်အလိုက် တန်းစီတဲ့အတွက် နာမည်အလွယ်တကူ ရှာမရတဲ့ စတဲ့ အခက်အခဲတွေကြောင့် ပြည်သူလူထုက မဲစာရင်းပေါ် သံသယ၀င်လာတဲ့အတွက် ပြည်ထောင်စုရွေးကောက်ပွဲ ကော်မရှင်ဟာ ဝေဖန်မှုတွေ ထပ်မံကြုံတွေ့ခဲ့ရပါတယ်။

အမျိုးသားဒီမိုကရေစီအဖွဲ့ချုပ် ပါတီအာဏာရပြီးနောက် ပြန်လည်ဖွဲ့စည်းထားတဲ့ ပြည်ထောင်စုရွေးကောက်ပွဲ ကော်မရှင်ဟာ ပထမဆုံး ဆောင်ရွက်ချက်အဖြစ် အမျိုးသားဒီမိုကရေစီ အဖွဲ့ချုပ်ပါတီ လွှမ်းမိုးထားတဲ့ လွှတ်တော်သက်တမ်း တစ်နှစ်ကျော်အကြာ၊ အစိုးရသက်တမ်း တစ်နှစ်ပြည့်ချိန်မှာ ၂၀၁၇ ဧပြီ ၁ ရက်မှာ ကြားဖြတ်ရွေးကောက်ပွဲကို ကျင်းပမှာပါ။

၂၀၁၇ ကြားဖြတ်ရွေးကောက်ပွဲ ကျင်းပဖို့အတွက် ပြည်ထောင်စုရွေးကောက်ပွဲ ကော်မရှင်အသစ်က ကြိုတင်ပြင်ဆင်မှု အနေနဲ့ ၂၀၁၆ ခုနှစ် အောက်တိုဘာ လလယ်ပိုင်းမှစလို့ ရွေးကောက်ပွဲ လုပ်ငန်းစဉ်များ ထုတ်ပြန်ခဲ့ပြီး ထူးခြားချက် အနေနဲ့ ဝေဖန်ခံမှု အများဆုံး အကြောင်းအရာဖြစ်တဲ့ မဲစာရင်းကို လစ်လပ်မဲ ဆန္ဒနယ်များမှာ တစ်အိမ်တက်ဆင်း မဲစာရင်းကောက်ယူခြင်း အစီအစဉ် ဆောင်ရွက်ခဲ့ပြီး အဲဒီမဲစာရင်းကို အများပြည်သူ ကြည့်ရှု ပြင်ဆင်မှုများ ပြုလုပ်နိုင်ဖို့ ဖေဖော်ဝါရီ ၂ ရက်နေ့ မှာ ကြေညာပေးမှာ ဖြစ်ပါတယ်။

နောက်ထပ် ထူးခြားချက် အနေနဲ့ကတော့ အရင်ရွေးကောက်ပွဲတွေမှာ မဲဆန္ဒနယ် ပြင်ပရောက် ကြိုတင်မဲပေးခြင်း အစီအစဉ်ဖြစ်တဲ့ ဥပမာ ဗဟိုဝန်ထမ်းတက္ကသိုလ်မှာ သင်တန်း တက်ရောက်နေတဲ့ ၀န်ထမ်းတွေ မဲပေးခြင်း အစီအစဉ်ကို ကျောင်းအုပ်ကြီးများကသာ ကြီးကြပ်ပြီး မဲပေးပြီးသား မဲလက်မှတ်များကို သက်ဆိုင်ရာမြို့နယ် ရွေးကောက်ပွဲ ကော်မရှင်အဖွဲ့ခွဲကို ပြန်လည်ပေးအပ်တဲ့ ပုံစံပြုလုပ်ခဲ့ပေမယ့် အခုကြားဖြတ်ရွေးကောက်ပွဲမှာတော့ အဲဒီလို သင်တန်းကျောင်းတွေမှာ မဲပေးတဲ့အခါမှာ သင်တန်းကျောင်းနဲ့ အနီးဆုံး မြို့နယ်ကော်မရှင်အဖွဲ့ခွဲများက တာဝန်ရှိသူများ သွားရောက် ကြီးကြပ်မှာဖြစ်သလို သင်တန်းကျောင်းတွေမှာရှိတဲ့ မဲဆန္ဒရှင်များနဲ့ သက်ဆိုင်တဲ့ လစ်လပ်မဲဆန္ဒနယ်များက လွှတ်တော်ကိုယ်စားလှယ်လောင်းများ လိုက်ပါကြည့်ရှုနိုင်အောင် စီစဉ်ထားပေးမှာ ဖြစ်တယ်လို့ ပြည်ထောင်စုရွေးကောက်ပွဲကော်မရှင် အတွင်းရေးမှူး ညွှန်ကြားရေးမှူးချုပ် ဦးတင်ထွန်းက ပြောပါတယ်။

ပြည်ထောင်စုရွေးကောက်ပွဲ ကော်မရှင်သစ်ရဲ့ လက်ရှိဆောင်ရွက်ချက်တွေက ကောင်းသတင်း ရရှိနေပေမယ့် အမှန်တကယ် ရွေးကောက်ပွဲ ကျင်းပချိန်မှာ ဘယ်လိုရှိလာမလဲ ဆိုတာတော့ စောင့်ကြည့်ရမှာ ဖြစ်ပါတယ်။

မည်သို့ပင်ဆိုစေ အမျိုးသားဒီမိုကရေစီအဖွဲ့ချုပ်က ၂၀၁၂ ကြားဖြတ်ရွေးကောက်ပွဲ ၀င်ရောက်ယှဉ်ပြိုင်ချိန်မှာ အတိုက်အခံဖြစ်ပေမယ့် ၂၀၁၇ ကြားဖြတ်ရွေးကောက်ပွဲမှာ အာဏာရပါတီ အနေနဲ့ ယှဉ်ပြိုင်ရမှာဖြစ်တဲ့အတွက် အမျိုးသားဒီမိုကရေစီ အဖွဲ့ချုပ်ရဲ့ မဲရလဒ်ဟာပါတီရဲ့ နိုင်ငံရေးသိက္ခာနဲ့ သက်ဆိုင်နေပါတယ်။

ကြားဖြတ်ရွေးကောက်ပွဲမှာ ၂၀၁၅ ရွေးကောက်ပွဲ အနိုင်ရ အာဏာရပါတီရဲ့ လောင်းရိပ်ကရှိနေဦးမှာ ဖြစ်တဲ့အတွက် ပြည်သူတွေ ဘယ်လိုမဲပေးကြမလဲဆိုတာ စောင့်ကြရဦးမှာပါ။

Writer:
ကျော်ဇင်ဝင်း

===========

Eleven Media Group