Latest News

Friday, December 18, 2015

ဧရာဝတီတိုင်းဒေသကြီးဖြည့်စွက်ခွင့်ပြုငွေတောင်းခံရာမှာငွေလုံးငွေရင်းအတွက်ကျပ်သန်း(၉၅၀)ကျော်ပါဝင်


(၂၀၁၅-၂၀၁၆)ဘဏ္ဍာရေးနှစ်ဧရာဝတီတိုင်းဒေသကြီးရဲ့နောက်ထပ်ဘဏ္ဍာငွေ ခွဲဝေသုံးစွဲရေးဥပဒေကြမ်းကိုဒီဇင်ဘာ(၁၆)ရက်မှာကျင်းပတဲ့ပထမအကြိမ်ဧရာဝတီတိုင်းဒေသကြီးလွှတ်တော်အထူးအစည်းအဝေး(၂/၂၀၁၅)ပထမနေ့မှာဧရာဝတီတိုင်းဒေသကြီးအစိုးရအဖွဲ့ဝင်ဘဏ္ဍာရေးဝန်ကြီးဦးဝင်းကိုကိုက တင်သွင်းခဲ့ပါတယ်။ အဲဒီလိုဥပဒေကြမ်းကိုအတည်ပြုနိုင်ဖို့ တင်သွင်းရာမှာ တိုင်းဒေသကြီးဘဏ္ဍာရန်ပုံငွေမှာဌာနပေါင်း(၂၆)ခုရှိတဲ့အနက်ဌာန(၁၇)ခုအတွက်ဖြည့်စွက်ခွင့်ပြုငွေတောင်းခံမှုအနေနဲ့သာမန်အသုံးစရိတ်ကျပ်(၁၁၄၅ဒသမ၄၆၇)သန်း၊ငွေလုံးငွေရင်းအသုံးစရိတ်ကျပ်(၁၇၃၈ဒသမ၅၃၇)သန်းစုစုပေါင်းကျပ်(၂၈၈၄ဒသမ၀၀၄)သန်းကိုတောင်းခံခဲ့တာ ဖြစ်တယ်လို့သိရပါတယ်။

အဲဒီဖြည့်စွက်ခွင့်ပြုငွေကျပ်သန်း(၂၈၀၀)ကျော်တောင်းခံထားရာငွေလုံးငွေရင်းအတွက်ကျပ်သန်း(၉၅၀)ကျော်ပါဝင်တယ်လို့ဦးဝင်းကိုကိုကပြောပါတယ်။အဲဒီဖြည့်စွက်ခွင့်ပြုငွေတောင်းခံတဲ့အထဲမှာစရိတ်တွေ၊ချီးမြှင့်ငွေတွေ၊ဌာနဆိုင်ရာတွေကအသုံးပြုထားတဲ့မြေတွေအတွက် မြေယာလျှော်ကြေးတွေလည်းပါဝင်တယ်လို့သိရပါတယ်။အဲဒီဥပဒေကြမ်းကိုလွှတ်တော်မှာအတည်ပြုပြီးသွားရင်မတ်(၃၁)ရက်မတိုင်ခင်သုံးစွဲရမှာဖြစ်လို့အမြန်ဆောင်ရွက်မှာဖြစ်တယ်လုိ့လည်းဦးဝင်းကိုကိုကပြောပါတယ်။ယခင်ကများများတင်တောင်း၊ပေးသလောက်ယူခဲ့ပေမယ့်ယခုနှစ်မှာတော့ နိုင်ငံတော်ကနိုင်ငံတကာကျင့်သုံးတဲ့ဘက်ဂျက်မူဝါဒပေါ်မှာပါဝင်မှုအချိုးတွေပေါ်မှာမူတည်ပြီးတစ်နိုင်ငံလုံးအတိုင်းအတာနဲ့တိကျတဲ့တိုင်းတာတွက်ချက်မှုပေါ်မှာမူတည်ကာခွင့်ပြုငွေတောင်းခံခြင်းကိုဆောင်ရွက်နိုင်ခဲ့တယ်လို့ဦးဝင်းကိုကိုကပြောပါတယ်။

ဧရာဝတီတိုင်းဒေသကြီးအနေနဲ့ကိုယ့်ရဲ့ဝင်ငွေအပေါ်မှာဘဲဖြည့်စွက်ခွင့်ပြုငွေကိုသုံးတယ်ဆိုတဲ့အနေအထားတစ်ရပ်ကိုဖန်တီးပေးနိုင်ခဲ့တယ်လို့လည်းဦးဝင်းကိုကိုကပြောပါတယ်။အဲဒီအထူးအစည်းအဝေးပထမနေ့မှာဧရာဝတီတိုင်း ဒေသကြီးလွှတ်တော်ဥက္ကဋ္ဌဦးတင်စိုးက(၂၀၁၅-၂၀၁၆)ဘဏ္ဍာရေးနှစ်ဧရာဝတီတိုင်းဒေသကြီးရဲ့နောက်ထပ်ဘဏ္ဍာငွေခွဲဝေသုံးစွဲရေးဥပဒေကြမ်းနဲ့တင်ပြပြီးတင်ပြဆဲစီမံကိန်းလုပ်ငန်းများကိုရှင်းလင်းပြောကြားပြီးနိုင်ငံတော်ကချမှတ်ထားတဲ့ဘဏ္ဍာရေးစည်းမျဉ်းစည်းကမ်းများနဲ့ညီညွတ်ခြင်းရှိမရှိ၊နိုင်ငံတော်နဲ့ပြည်သူများအတွက်အကျိုးကျေးဇူးများမများ၊ခေတ်နဲ့အညီဖြစ်ပေါ်လာတဲ့EITI,EIA,SIA,HIAစသည်တို့နဲ့ကိုက်ညီမှုရှိမရှိပါကျွမ်းကျင်တဲ့ပညာရှင်များရဲ့အကူအညီ၊မိမိလေ့လာထားတဲ့ဗဟုသုတများအပေါ်အခြေခံပြီးတိုင်းဒေသကြီးအတွက်နဲ့နိုင်ငံတော်အတွက်ပြည်သူလူထုများရဲ့အကျိုးကျေးဇူးများအတွက်အများဆုံးရရှိခံစားစေနိုင်ရေးအတွက်မျှတတဲ့စိတ်ထားနဲ့စီစစ်ဝေဖန်အကြံပြုပေးကြဖို့တိုက်တွန်းပြောကြားခဲ့ပါတယ်။
ဒီသတင်းကိုရုပ်သံသတင်းထောက် စိုးသိမ်းကပုသိမ်ဗျူရိုကနေပေးပို့ထားပါတယ်။
CNB

Tuesday, September 22, 2015

ဧရာဝတီတိုင်း ၀န်ကြီးချုပ်နှင့် စိန်ခေါ်ကြသူများ

ဆလိုင်းသန့်စင်| September 22, 2015 |
ဧရာဝတီတိုင်း, ဦးသိန်းအောင်, NLD

ကြံ့ခိုင်ရေးပါတီ၏ မဲဆွယ်ဆိုင်းဘုတ် (ဓာတ်ပုံ – ဆလိုင်းသန့်စင်/ဧရာဝတီ)

၂၀၁၀ ရွေးကောက်ပွဲပြီးနောက် ဗိုလ်ချုပ်ကြီးဟောင်း ဦးသိန်းစိန် သမ္မတ ဖြစ်လာခဲ့ပြီး ပြည်နယ်နှင့်တိုင်း ဝန်ကြီးချုပ်များကိုလည်း ရွေးချယ်ခန့်အပ်ခဲ့သည်။ ယင်းတို့အနက် အငြင်းပွားဖွယ် ပြောဆိုလုပ်ကိုင်သူများကြောင့် လူသိများ ထင်ရှားသူတဦးမှာ ဧရာဝတီတိုင်း အစိုးရအဖွဲ့ ၀န်ကြီးချုပ် ဦးသိန်းအောင် ဖြစ်သည်။

ဗိုလ်မှူးချုပ်ဟောင်း ဦးသိန်းအောင်သည် မြန်မာနိုင်ငံရှိ ပြည်နယ်နှင့် တိုင်းဝန်ကြီးချုပ်များအနက် လွှတ်တော်၏ စွပ်စွဲပြစ်တင်ခြင်းအဆို တင်သွင်းခြင်းခံရသည့် တဦးတည်းသော ၀န်ကြီးချုပ်ဖြစ်ပြီး ပုသိမ်ကို စင်ကာပူလိုဖြစ်အောင် လုပ်မည်၊ ဆိုက်ကားနင်းသူများကို ချမ်းသာအောင် လုပ်ပေးနိုင်သည်ဟု ပြောဆိုခဲ့သော ၀န်ကြီးချုပ်လည်း ဖြစ်သည်။

ဧရာဝတီတိုင်းရှိ မြို့ချင်းဆက်လမ်းများ ကောင်းမွန်အောင် လုပ်ဆောင်ပေးခဲ့ပြီး ပုသိမ်မြို့ကို သာယာ လှပအောင် လုပ်ဆောင်ပေးသော ၀န်ကြီးချုပ်လည်းဖြစ်သည်။ တိုင်းအတွင်းရှိ ချောင်းကော၊ မြောင်းကောများကို တူးဖော်ပေးခဲ့သည်။

စက်မှုဇုန် စီမံကိန်းများ၊ ပုသိမ်မြို့သစ်စီမံကိန်း၊ မြကျွန်းသာ အိမ်ရာ၊ ပလက်တီနမ်အိမ်ရာ၊ တန်ဖိုးနည်းအိမ်ရာ၊ ဒေသန္တရ ဆိပ်ကမ်းစသဖြင့် ဖွံ့ဖြိုးတိုးတက်ရေး စီမံကိန်းများ ပုသိမ်ဒေသတ၀ိုက် အကောင်အထည် ဖော်ပေးခဲ့သော်လည်း အဆိုပါစီမံကိန်းများအား လွှတ်တော်သို့ တင်ပြခြင်း၊ လွှတ်တော်၏ သဘောထား ရယူခြင်း စသည့် ပွင့်လင်းမြင်သာမှု ရှိရမည့် ဒီမိုကရေစီကျင့်စဉ်ကို လျစ်လျူရှုခဲ့သူလည်း ဖြစ်သည်။

ထိုသို့ အငြင်းပွားဖွယ်များ ရှိနေသည့် ဧရာဝတီတိုင်း ၀န်ကြီးချုပ် ဦးသိန်းအောင်အတွက် ၂၀၁၅ ခုနှစ် ဇူလိုင်လအထိ ပြိုင်ဘက်မရှိဘဲ ဧရာဝတီတိုင်းကို စိုးမိုးထားနိုင်ခဲ့သည်။ ရွေးကောက်ပွဲ အကြိုကာလ ရောက်ရှိ၍ ပါတီအသီးသီက ကိုယ်စားလှယ်လောင်းများ တင်သွင်းချိန်တွင်မူ ၀န်ကြီးချုပ် ဦးသိန်းအောင်ကို စိန်ခေါ်သူ ၃ ဦး ပေါ်ထွက်လာခဲ့သည်။

ထိုသူတို့မှာ မြန်မာနိုင်ငံ တောင်သူလယ်သမား ဖွံ့ဖြိုးတိုးတက်ရေးပါတီမှ ဦးဇော်ဝင်း၊ ခေတ်သစ်ပြည်သူ့ပါတီမှ ဦးမြစိုးနှင့် အတိုက်အခံ အင်အားကြီးပါတီ အမျိုးသားဒီမိုကရေစီ အဖွဲ့ချုပ် (NLD) မှ ဦးအောင်ကျော်ခိုင်တို့ ဖြစ်သည်။ ၀န်ကြီးချုပ် ဦးသိန်းအောင် ရွေးကောက်ပွဲဝင်ပြိုင်မည့် အင်္ဂပူမြို့နယ်၊ တိုင်းဒေသကြီးလွှတ်တော် အမှတ် (၁) တွင် ကိုယ်စားလှယ်လောင်း အမည်များ တင်သွင်းကာ တိုင်းဝန်ကြီးချုပ်ကို စိန်ခေါ်လိုက်ခြင်း ဖြစ်သည်။

တိုင်းဝန်ကြီးချုပ်ကို စိန်ခေါ်သူများအနက် တောင်သူလယ်သမားပါတီ ကိုယ်စားလှယ်လောင်း ဦးဇော်ဝင်းမှာ လယ် ၂၁ ဧက ပိုင်ဆိုင်သည့် လယ်သမားတဦးဖြစ်ပြီး ပညာအရည်အချင်းကတော့ န၀မတန်း ဖြစ်သည်။

“ကျနော် ရွေးကောက်ပွဲဝင်တာက တောင်သူလယ်သမားတွေအတွက် တတ်နိုင်တဲ့ဘက်က လုပ်ပေးချင်လို့ ၀င်တာပါ။ လွှတ်တော်ကိုယ်စားလှယ် ဖြစ်ခဲ့ရင်တော့ လယ်သမားတွေ စိုက်ပျိုးစရိတ် အချိန်မီရရှိဖို့၊ စပါးတွေ ဈေးကောင်းရဖို့ အရေးတွေ လုပ်ကိုင်ပေးသွားမှာပါ” ဟု ပြောသည်။

တိုင်းဝန်ကြီးချုပ်ကို အနိုင်ရအောင် ယှဉ်ပြိုင်နိုင်ပါ့မလားဆိုသည့် မေးခွန်းကိုမူ ဦးဇော်ဝင်းက ရွေးကောက်ပွဲနေ့ကျမှ သိရမည်ဟုသာ ပြန်လည် ဖြေကြားခဲ့သည်။

တိုင်းဝန်ကြီးချုပ်ကို စိန်ခေါ်သူ ဒုတိယတဦးဖြစ်သည့် ခေတ်သစ်ပြည်သူ့ပါတီ ကိုယ်စားလှယ်လောင်း ဦးမြစိုးကို ဧရာဝတီက ကြိုးစား၍ ဆက်သွယ်သော်လည်း မရခဲ့ပါ။

စိန်ခေါ်သူ တတိယ တဦးဖြစ်သည့် အတိုက်အခံ NLD ပါတီ ကိုယ်စားလှယ်လောင်း အသက် ၅၆ နှစ်အရွယ်ရှိ ဦးအောင်ကျော်ခိုင်မှာ အင်္ဂပူမြို့နယ်၊ မဲဇလီကုန်းမြို့ ဇာတိဖြစ်သည်။ ဥပဒေဘွဲ့ကို ၁၉၈၆ ခုနှစ်က ရရှိခဲ့ပြီး ၁၉၉၀ ခုနှစ် ရွေးကောက်ပွဲတွင် အင်္ဂပူမြို့နယ်၌ NLD ပါတီ အောင်နိုင်ရေးအတွက် ၀န်းရံလုပ်ဆောင်ပေးခဲ့သူ ဖြစ်သည်။ ၂၀၁၂ ခုနှစ်တွင် ပါတီသို့ ၀င်ရောက်ခဲ့ပြီး ဧရာဝတီတိုင်း NLD ပါတီ၏ ဥပဒေအထောက်အကူပြု အဖွဲ့ဝင်နှင့် တိုင်း စည်းကမ်း ထိမ်းသိမ်းရေးအဖွဲ့ဝင်အဖြစ် တာဝန်ထမ်းဆောင် နေသူတဦးဖြစ်သည်။

“၀န်ကြီးချုပ်နဲ့ ပြိုင်ရမယ့်အပေါ် စိုးရိမ်ပူပန်တာ မရှိပါဘူး။ ပြည်သူတွေရဲ့ ဆုံးဖြတ်ချက်ကပဲ အဓိကကျပါတယ်။ ကျနော်ကတော့ ပြည်သူ့အကျိုး ထမ်းဆောင်ချင်လို့ ရွေးကောက်ပွဲဝင်တာပါ” ဟု NLD ကိုယ်စားလှယ်လောင်း ဦးအောင်ကျော်ခိုင်က ဧရာဝတီကို ပြောသည်။

အင်္ဂပူမြို့နယ်၏ လက်ရှိ လွှတ်တော် ကိုယ်စားလှယ်ဖြစ်သည့် ၀န်ကြီးချုပ် ဦးသိန်းအောင်မှာ အင်္ဂပူမြို့နယ်၊ ထူးကြီးမြို့ ဇာတိဖြစ်ပြီး မြန်အောင်မြို့ ဇလုပ်ကြီးရွာ မူလတန်းကျောင်း၊ ထူးကြီးမြို့တွင် အလယ်တန်းနှင့် န၀မတန်း အထိ တက်ရောက်ခဲ့ပြီး ၁၉၆၄ ခုနှစ်တွင် ရန်ကုန်မြို့ လမ်းမတော် အစိုးရအထက်တန်းကျောင်းမှ တက္ကသိုလ်ဝင်တန်း အောင်မြင်ကာ စစ်တက္ကသိုလ်သို့ တက်ရောက်ခဲ့သည်။

တပ်မတော်တွင် ၁၉၆၄ ခုနှစ်မှ ၁၉၉၆ ခုနှစ်အထိစစ်သက် ၃၂ နှစ် တာဝန်ထမ်းဆောင်ခဲ့ပြီး မိတ္ထီလာမြို့ အခြေစိုက် တပ်မ ၉၉ ၏ တမ်မမှူးအဖြစ် ဗိုလ်မှူးချုပ် သိန်းအောင် နောက်ဆုံး တာဝန်ယူခဲ့သည်။ ၁၉၉၇ တွင် စွမ်းအင်ဝန်ကြီးဌာန ဒုဝန်ကြီး ဖြစ်လာခဲ့ပြီး ကြံ့ခိုင်ရေးပါတီတွင်လည်း ဗဟိုအလုပ်အမှုဆောင်အဖွဲ့ဝင် ဖြစ်လာခဲ့သည်။ ၂၀၀၃ ခုနှစ်တွင် သစ်တောရေးရာ ၀န်ကြီး ဖြစ်လာခဲ့ပြီး ၂၀၁၀ ခုနှစ် ရွေးကောက်ပွဲတွင် အင်္ဂပူ၌ ၀င်အရွေးခံခဲ့ရာ အနိုင်ရခဲ့ခြင်းဖြစ်သည်။

ဝန်ကြီးချုပ် ဦးသိန်းအောင်အတွက် ၂၀၁၅ ရွေးကောက်ပွဲသည် ၂၀၁၀ ကကဲ့သို့ ပြိုင်ဘက်မရှိ လွယ်လင့်တကူ အနိုင်ရနိုင်သည့် အခြေအနေ မဟုတ်တော့ပါ။ ပြိုင်ဘက် ၃ ဦးအနက် ဒေါ်အောင်ဆန်းစုကြည်၏ နောက်ခံအင်အား အရှိန်အ၀ါဖြင့် ရွေးကောက်ပွဲဝင်လာသည့် NLD ပါတီ ကိုယ်စားလှယ်လောင်းက ၀န်ကြီးချုပ် ဦးသိန်းအောင်အတွက် အဓိက အတားအဆီးတခု ဖြစ်လာခဲ့သည်။

ရွေးကောက်ပွဲ ပြိုင်ဘက်များနှင့် ပတ်သက်၍ စိုးရိမ်ခြင်း မရှိကြောင်း ဦးသိန်းအောင်က ဧရာဝတီသတင်းဌာနနှင့် သီးသန့် အင်တာဗျူးတွင် ပြောဆိုထားသည်။

“အင်္ဂပူမှာ ၀င်ပြိုင်တဲ့ ရွေးကောက်ပွဲပြိုင်ဘက်တွေနဲ့ ပတ်သက်လို့တော့ ကျနော်အနေနဲ့ မစိုးရိမ်ပါဘူး။ အချိန်တန်တော့လည်း ပြည်သူပဲ အဆုံးအဖြတ် ပေးသွားမှာပါ” ဟု ၀န်ကြီးချုပ် ဦးသိန်းအောင်က ပြောသည်။

ဝန်ကြီးချုပ်အနေဖြင့် လွန်ခဲ့သည့် ၅ နှစ်လုံးလုံး အင်္ဂပူ၊ ထူးကြီး၊ မဲဇလီကုန်း၊ ညောင်ကျိုးစသည့် မြို့ ၄ မြို့နှင့် ကျေးရွာအုပ်စု ၈၀ စုပေါင်းထားသည့် အင်္ဂပူမြို့နယ်အတွက် လိုအပ်သည့် စာသင်ကျောင်း၊ ဆေးရုံ၊ လမ်း၊ တံတားနှင့် ဒေသခံတို့၏ အခက်အခဲ လိုအပ်ချက်များကို ဖြည့်ဆည်းပေး၍ စည်းရုံးရေးဆင်းထားသည့် အခြေအနေအပေါ် ယုံကြည်သည့်အတွက် ရွေးကောက်ပွဲအပေါ် မစိုးရိမ်ခြင်းလည်း ဖြစ်နိုင်ပါသည်။

“အင်္ဂပူမှာက ၀န်ကြီးချုပ် လုပ်ပေးထားတာ မနည်းဘူး။ ထူးကြီးမှာဆိုရင် မြို့တော်ခန်းမ၊ စာသင်ကျောင်း၊ ဖုန်းတာဝါတိုင်၊ မိုက်ခရိုဝေ့ဗ်၊ ဆေးရုံ၊ လမ်း၊ တံတားစသဖြင့် သေချာကို လုပ်ပေးထားတာ။ အဲဒီတော့ ဒေသခံတွေထဲမှာလည်း သူ့ကို ထောက်ခံသူတွေ အများကြီးရှိတယ်” ဟု ထူးကြီးမြို့ခံ ဦးရဲထွန်းက ပြောသည်။

NLD ပါတီအနေဖြင့်လည်း ဒေါ်အောင်ဆန်းစုကြည်က မီဒီယာများမှတဆင့် မဲဆွယ် ဟောပြောစည်းရုံးမှုအားကြောင့် ပြည်သူလူထုကြား လူသိများ ရေပန်းစားမှုနှင့် ပြည်သူ့ထောက်ခံမှု ရရှိရေး ဦးသိန်းအောင်၏ လုပ်ဆောင်ချက်များ အားပြိုင်နေဖွယ်ရှိသည်။

ဧရာဝတီတိုင်း ၀န်ကြီးချုပ်မဖြစ်မီ သစ်တောဝန်ကြီးဘ၀ကတည်းက အင်္ဂပူဒေသ ဖွံ့ဖြိုးတိုးတက်ရေးအတွက် ဦးသိန်းအောင် လုပ်ဆောင်ပေးခဲ့သည်မှာ အမှန်ပင်ဖြစ်ကြောင်း၊ သို့သော် လက်ရှိအခြေအနေမှာ တိုင်းပြည် ကို ပြုပြင်ပြောင်းလဲရန် လိုအပ်နေသည့်အတွက် ပြည်သူများအနေဖြင့် ဒေသဖွံ့ဖြိုးရေးထက် တိုင်းပြည် ပြောင်းလဲရေးကို ဦးစားပေးသင့်ကြောင်း NLD ကိုယ်စားလှယ်လောင်း ဦးအောင်ကျော်ခိုင်က ပြောသည်။

“၀န်ကြီးချုပ်ရဲ့ ဒေသဖွံ့ဖြိုးရေး လုပ်ဆောင်ချက်တွေကို အသိအမှတ်ပြုပါတယ်။ ဒါပေမယ့် ကျနော်တို့နိုင်ငံက ပြောင်းလဲဖို့လိုနေပြီ။ ဒီလိုလုပ်ဖို့က ကြံ့ခိုင်ရေးပါတီက ၀န်ကြီးချုပ် ဦးသိန်းအောင် တဦးတည်း မလုပ်နိုင်ဘူး။ အဲဒီတော့ ဒေသဖွံ့ဖြိုးရေးနဲ့ တိုင်းပြည် အပြောင်းအလဲဖြစ်ရေး သေချာစဉ်းစားပြီး မဲပေးဖို့လိုပါလိမ့်မယ်” ဟု သူက ပြောသည်။

ရွေးကောက်ပွဲနိုင်ခဲ့လျှင်တော့ မပြီးပြတ်သေးသည့် ဧရာဝတီတိုင်း၏ ဖွံ့ဖြိုးတိုးတက်ရေး လုပ်ငန်းများ ဆက်လက်  ဆောင်ရွက်သွားမည်ဟု ဦးသိန်းအောင်က ဧရာဝတီကို ပြောသည်။

“ရွေးကောက်ပွဲအနိုင်ရပြီး ၀န်ကြီးချုပ် ပြန်ဖြစ်ခဲ့ရင်တော့ ပညာရေးကဏ္ဍ ဖွံ့ဖြိုးတိုးတက်ဖို့၊ စက်မှုလက်မှု လုပ်ငန်း ဖွံ့ဖြိုးတိုးတက်ဖို့၊ နောက်ပြီး တောင်သူလယ်သမားနဲ့ အလုပ်သမားဘ၀ ဖွံ့ဖြိုးတိုးတက်ဖို့ ဒါတွေကို အဓိကထား ဆောင်ရွက်မှာပါ။ မပြီးပြတ်သေးတဲ့ လုပ်လက်စ စီမံကိန်းတွေလည်း ပြီးမြောက်သွားအောင် ဆက်လက်ပြီး အကောင်အထည်ဖော် ဆောင်ရွက်သွားမှာပါ” ဟု သူက ပြောသည်။

ကြံ့ခိုင်ရေးပါတီ ဗဟိုကော်မတီဝင်လည်းဖြစ်၊ ဧရာဝတီတိုင်း ကြံ့ခိုင်ရေးပါတီ ဥက္ကဋ္ဌလည်းဖြစ်သည့် ၀န်ကြီးချုပ် ဦးသိန်းအောင် အတွက်တော့ ဒီရွေးကောက်ပွဲ အနိုင်အရှုံးက ဂုဏ်သိက္ခာအရ အလွန် အရေးကြီးသည်။

NLD ကိုယ်စားလှယ်လောင်း ဦးအောင်ကျော်ခိုင်ကမူ ရွေးကောက်ပွဲအနိုင်ရလျှင် ဧရာဝတီတိုင်း၏ ပညာရေး၊ ကျန်းမာရေးနှင့် လူနေမှု အဆင့်အတန်းများ မြင့်မားရေး၊ တရားဥပဒေ စိုးမိုးရေးနှင့် သိမ်းဆည်းခံ လယ်ယာမြေများ လျော်ကြေးငွေ ရရှိရေးတို့အတွက် ကြိုးပမ်း ဆောင်ရွက်သွားမည်ဟု ပြောသည်။

“ကျနော်တို့ အမျိုးသားဒီမိုကရေစီ အဖွဲ့ချုပ်သာ အစိုးရဖွဲ့နိုင်ပြီး အာဏာရလာခဲ့ရင် မြန်မာနိုင်ငံရဲ့ စပါးကျီလို့ ခေါ်တဲ့ ဧရာဝတီ တိုင်းဒေသကြီးက ပြည်သူတွေ လူနေမှုဘ၀မြင့်နိုင်ဖို့၊ ကျန်းမာရေး မြင့်နိုင်ဖို့၊ ပညာရေး မြင့်နိုင်ဖို့ကို ပြည်တွင်းပြည်ပ ထောက်ခံမှုအားတွေနဲ့ အခုထက် အများကြီးတိုးတက်အောင် ပြောင်းလဲပေး နိုင်မယ်လို့ ယုံကြည်တယ်” ဟု သူက ပြောသည်။

အင်္ဂပူ၌ ရေကြီးနစ်မြုပ်မှုများ ဖြစ်ခဲ့စဉ်က ၀န်ကြီးချုပ်ကိုယ်တိုင် ရေထဲဆင်း၍ စားနပ်ရိက္ခာများ ဝေခြမ်းကူညီပေးခဲ့သလို ယခုလို မဲဆွယ်ကာလရောက်သည့် အချိန်တွင်လည်း အင်္ဂပူမြို့နယ်ရှိ လူမှုရေး အသင်းအဖွဲ့များအတွက် သိန်းရာနှင့်ချီ၍ ငွေကြေး ထောက်ပံ့ကူညီမှုများ ပြုလုပ်ခဲ့သည်။ ထို့အပြင် ကြံ့ခိုင်ရေးပါတီ၏ အောက်ခြေ ရပ်/ကျေး အဖွဲ့ဝင်များက ကျေးရွာများသို့ ဆင်း၍ နိုင်ငံသားမှတ်ပုံတင်များ အကုန်အကျခံ ပြုလုပ်ပေးကာ မဲဆွယ်မှုများလည်း ပြုလုပ်နေသည်။

NLD ပါတီအနေဖြင့် အင်္ဂပူနှင့် မဲဇလီကုန်းမြို့ပေါ်ရပ်ကွက်များ၌ အောင်နိုင်ရေယာဉ်များ လှည့်လည်နေသလို ကိုယ်စားလှယ်လောင်း ဦးအောင်ကျော်ခိုင် ကလည်း မြို့နယ်အတွင်းရှိ ကျေးရွာများသို့ ဆင်း၍ မဲဆန္ဒရှင် ပညာပေးလုပ်ငန်းနှင့် မဲဆွယ်စည်းရုံးမှုများ လုပ်ဆောင်ရန် ပြင်ဆင်နေသည်။

တောင်သူလယ်သမား ပါတီနှင့် ခေတ်သစ်ပြည်သူ့ပါတီတို့မှ ကိုယ်စားလှယ်လောင်းများကမူ စည်းရုံး မဲဆွယ်မှုများ ပြုလုပ်ခြင်း မရှိသေးကြောင်း အင်္ဂပူဒေသခံများက ပြောသည်။

ဝန်ကြီးချုပ် ဦးသိန်းအောင်၏ မွေးရပ်ဇာတိဒေသဖြစ်သည့် အင်္ဂပူမြို့နယ်၌ ၀န်ကြီးချုပ်ကပဲ တကျော့ပြန် အနိုင်ရလေမည်လား၊ ပြည်သူလူထု ယုံကြည်အားကိုးသည့် တခြား ကိုယ်စားလှယ်တဦးဦးကပဲ ၀န်ကြီးချုပ်ကို အနိုင်ယူသွားမည်လား ဆိုသည်က လာမည့် နိုဝင်ဘာလ ၈ ရက်နေ့တွင် အင်္ဂပူမြို့နယ်ရှိ ပြည်သူများက ဆုံးဖြတ်ပေးသွားမည် ဖြစ်သည်။
Irrawaddy

Monday, September 14, 2015

ရွေးကောက်ပွဲ၌ ရှုံးနိမ့်ပါက အနိုင်ရပါတီကို အားပေးသွားမည်ဟု ဧရာဝတီတိုင်း ၀န်ကြီးချုပ်ပြော

ကြံ့ခိုင်ရေးပါတီ အနေဖြင့် ဧရာဝတီတိုင်း အတွင်းရှိ မဲဆန္ဒနယ် ၉၂ ခုအနက် အနည်းဆုံး ၃ ပုံ ၂ ပုံခန့်အနိုင်ရမည်ဟု မျှော်မှန်း ထားကြောင်းနှင့် အနိုင်ရရန် အတွက်လည်း ပြင်ဆင် ထားကြောင်း
by ဆလိုင်းသန့်စင် | 14 Sep 2015 | Hits:86

လာမည့် နိုဝင်ဘာလတွင် ကျင်းပမည့် ရွေးကောက်ပွဲ၌ ရှုံးနိမ့်ခဲ့ပါက အောင်နိုင်သည့် ပါတီနှင့် နောက်တက်လာမည့် အစိုးရအဖွဲ့ကို ဆက်လက် အားပေးသွားမည်ဟု ဧရာဝတီတိုင်း ဒေသကြီး အစိုးရအဖွဲ့ ၀န်ကြီးချုပ် ဦးသိန်းအောင် က ပြောဆိုသည်။

ဧရာဝတီတိုင်း ပြည်ထောင်စု ကြံ့ခိုင်ရေးနှင့် ဖွံ့ဖြိုးရေး(ကြံ့ခိုင်ရေး) ပါတီ ဥက္ကဋ္ဌ လည်းဖြစ်သည့် ၀န်ကြီးချုပ် ဦးသိန်းအောင်အနေဖြင့် ၂၀၁၀ ရွေးကောက်ပွဲတွင် ၎င်းအနိုင်ရခဲ့သည့် အင်္ဂပူမြို့နယ်၊ တိုင်းဒေသကြီးလွှတ်တော် အမှတ် ၁ မဲဆန္ဒနယ်၌ ပြန်လည်ယှဉ်ပြိုင် ရန် အမည်တင်သွင်းထားပြီး ဧရာဝတီတိုင်း အစိုးရအဖွဲ့ဝင်ဝန်ကြီး ၉ ဦးသည်လည်း ၎င်းတို့အနိုင်ရခဲ့သည့် မဲဆန္ဒနယ်များတွင်ကြံ့ခိုင် ရေး ပါတီ ကိုယ်စားပြု၍ ပြန်လည်ယှဉ်ပြိုင်ရန် အမည်စာရင်း ပေးသွင်းထားသည်ဟုလည်း ဆိုသည်။

ထို့အပြင် ကြံ့ခိုင်ရေးပါတီ ထိပ်တန်းခေါင်းဆောင်များဖြစ်သည့် ဥက္ကဋ္ဌနှင့် ဒုဥက္ကဋ္ဌ ဦးဌေးဦး၊ ဗဟိုကော်မတီဝင် ဦးတင်ထွဋ်၊ ဦးစိုးနိုင်၊ သမ္မတရုံး ၀န်ကြီး ဦးသိန်းညွန့်၊ မီးရထား ၀န်ကြီးဟောင်း ဦးသန်းဌေး၊ လူဝင်မှုကြီးကြပ်ရေးဌာန ၀န်ကြီးဟောင်း ဦးခင်ရီ၊ အားကစား ၀န်ကြီး ဦးတင့်ဆန်း၊ လူမှုဝန်ထမ်း ကယ်ဆယ်ရေးနှင့် ပြန်လည်နေရာချထားရေး ၀န်ကြီး ဒေါ်မြတ်မြတ် အုန်းခင်တို့သည်လည်း ဧရာဝတီတိုင်း အတွင်းရှိ မဲဆန္ဒနယ်များတွင် ၀င်ရောက်ယှဉ်ပြိုင်ကြမည် ဖြစ်ကြောင်း သိရသည်။

ကြံ့ခိုင်ရေးပါတီ အနေဖြင့် ဧရာဝတီတိုင်း အတွင်းရှိ မဲဆန္ဒနယ် ၉၂ ခုအနက် အနည်းဆုံး ၃ ပုံ ၂ ပုံခန့်အနိုင်ရမည်ဟု မျှော်မှန်း ထား ကြောင်းနှင့် အနိုင်ရရန်အတွက်လည်း ပြင်ဆင်ထားကြောင်း ဧရာဝတီတိုင်း ကြံ့ခိုင်ရေးပါတီ ရွေးကောက်ပွဲ အောင်နိုင်ရေး ဥက္ကဋ္ဌလည်း ဖြစ်သည့် ၀န်ကြီးချုပ် ဦးသိန်းအောင်က ပြောသည်။

“ဧရာဝတီတိုင်းအနေနဲ့ ကျနော်တို့ပါတီကတော့ အနည်းဆုံး ၃ ပုံ ၂ ပုံလောက်တော့ နိုင်မယ်လို့ မှန်းထားပါတယ်။ အဲဒီ အတွက် လည်း ပြင်ဆင်ထားပါတယ်”ဟု ၎င်းက ပြောဆိုသည်။

လက်ရှိတွင် ကြံ့ခိုင်ရေးပါတီ ကိုယ်စားလှယ်လောင်းများအနေဖြင့် မဲဆွယ်ဆိုင်းဘုတ်များ ထောင်ခြင်း၊ ကျေးရွာများသို့ ဆင်း၍ မဲဆွယ်စည်းရုံးခြင်းများ စတင်ပြုလုပ်နေပြီဖြစ်ကာ အောက်ခြေရပ်/ကျေး ပါတီဝင်များကလည်း ရပ်ကွက်ကျေးရွာများအတွင်းရှိ ပြည်သူများ ထံသို့ တအိမ်တက်ဆင်းစနစ်ဖြင့် စည်းရုံး မှုများလုပ်ဆောင်နေကြောင်း သိရသည်။

“ဒီအချိန်က ရွေးကောက်ပွဲအောင်နိုင်ရေးအတွက် ကြိုးပမ်းနေတဲ့အချိန်အခါ ဖြစ်တဲ့အတွက်ကြောင့်မို့လို့ ရွေးကောက်ပွဲ ကော်မရှင် က ချမှတ်ထားတဲ့ စည်းကမ်း၊ မူဘောင်အတွင်းကပဲ ကိုယ့်ပါတီအနိုင်ရရေးအတွက် ကြိုးပမ်းသွားမှာဖြစ်ပါတယ်”ဟု ၀န်ကြီးချုပ် ဦးသ်ိန်းအောင်က ပြောသည်။

အဓိကအင်အားကြီး အတိုက်အခံပါတီဖြစ်သည့် အမျိုးသားဒီမိုကရေစီအဖွဲ့ချုပ်ပါတီ(NLD) ကလည်း ဧရာဝတီတိုင်းရှိ မဲဆန္ဒ နယ် အားလုံးတွင် ၀င်ရောက်ယှဉ်ပြိုင်မည်ဖြစ်ရာ ကြံ့ခိုင်ရေးပါတီ ခေါင်းဆောင်များအနေဖြင့် အနိုင်ရရှိရေးအတွက် NLD ကိုယ်စားလှယ် လောင်းများနှင့် အကြိတ်အနယ် ယှဉ်ပြိုင်ရဖွယ် ရှိနေသည်။

မဲမသမာမှုများ၊ ကြိုတင်မဲများနှင့် အငြင်းပွားဖွယ်ရာဖြစ်ခဲ့သည့် ၂၀၁၀ ရွေးကောက်ပွဲတွင် ဧရာဝတီတိုင်းရှိ မဲဆန္ဒနယ် ၉၂ ခု၌ ကြံ့ခိုင်ရေးပါတီက ၈၅ ခုအနိုင်ရခဲ့ကာ ရာခိုင်နှုန်းအားဖြင့် ၉၂ ရာခိုင်နှုန်းကျော် အနိုင်ရရှိခဲ့သည်။ ဒုတိယအနိုင်ရသည့် ပါတီက တိုင်းရင်းသား စည်းလုံးညီညွတ်ရေး ပါတီ ဖြစ်ပြီး ပြည်သူ့လွှတ်တော် ၁ နေရာနှင့် တိုင်းဒေသကြီး လွှတ်တော် ၆ နေရာအနိုင်ရရှိခဲ့ သည်။
Top Photo - (ဓာတ်ပုံ / ဆလိုင်းသန့်စင်) ဧရာဝတီတိုင်း ၀န်ကြီးချုပ် ဦးသိန်းအောင်
Irrawaddy

Saturday, May 23, 2015

အဖြေရှာဖို့ လိုနေတဲ့ လယ်သမားနှင့် စိုက်ဘဏ်ချေးငွေ ပြဿနာ

ဆလိုင်းသန့်စင်| May 23, 2015 |
လယ်သမား,စိုက်ဘဏ်,ချေးငွေ
စပါးစိုက်ပျိုးနေသည့် တောင်သူ လယ်သမားများ (ဓာတ်ပုံ – ဂျေပိုင် / ဧရာဝတီ)

ဧရာဝတီတိုင်းဒေသကြီးဟာ မြန်မာနိုင်ငံမှာ ဆန်စပါးစိုက်ပျိုးထုတ်လုပ်မှု အများဆုံးဒေသဖြစ်ပြီး မြန်မာပြည်ရဲ့ စပါးကျီအဖြစ် တင်စားခေါ်ဝေါ်ကြပါတယ်။ အခုလို မိုးရာသီဝင်ရောက်လာတဲ့အခါ ဧရာဝတီတိုင်းက လယ်သမားတွေ စပါးထွန်ယက်စိုက်ပျိုးဖို့  ပြင်ဆင်နေကြပါပြီ။

ဒီလို လယ်ယာစိုက်ပျိုးရေးစတင်ချိန်မှာ လယ်သမားတွေ ပထမဆုံးကြုံတွေ့ရတဲ့ပြဿနာကတော့ မြန်မာ့လယ်ယာဖွံ့ဖြိုးရေးဘဏ်ချေးငွေကိစ္စပါပဲ။ ငွေကြေးအရင်းအနှီးမရှိတဲ့ ဧရာဝတီတိုင်း က လယ်သမားအများစုဟာ စိုက်ဘဏ်လို့ အလွယ်ခေါ်တဲ့ စပါးစိုက်ဖို့ မြန်မာ့လယ်ယာဖွံ့ဖြိုးရေးဘဏ်က ချေးငွေ ကို မျှော်ကြပါတယ်။

လယ်ယာစိုက်ပျိုးရေးနဲ့ ဆည်မြောင်းဝန်ကြီးဌာနလက်အောက်ခံ စိုက်ဘဏ်ကလည်း လယ်သမား တွေကို လယ် ၁ ဧက ၁ သိန်းကျပ်ကို အတိုး ၄၂ ပြားနှုန်းနဲ့ ငွေထုတ်ချေးပေးပါတယ်။ ဒါပေမယ့် လယ်သမားတွေအတွက် အခက်အခဲဖြစ်နေတာက ငွေလိုအပ်တဲ့ လယ်ယာလုပ်ငန်းခွင်စတင်ချိန်မှာ စိုက်ဘဏ်က လယ်သမားတွေလက်ထဲကို ချေးငွေ အချိန်မီရောက်အောင် လုပ်ဆောင်မပေးနိုင်ဘူး ဖြစ်နေပါတယ်။

“ချေးငွေကို အချိန်မီမပေးနိုင်ဘူးဆိုတာက အခု ၂၀၁၅ မိုးစပါးအတွက်ချေးဖို့ဆိုရင် ၂၀၁၄ မိုးစပါး ချေးငွေကို ကျမတို့က နိုင်ငံတော်ဗဟိုဘဏ်မှာ ပြန်ဆပ်ပြီးမှ ၂၀၁၅ အတွက် ချေးရတယ်။ လယ်သမားတွေက ၂၀၁၄ မိုးစပါးချေးငွေကို အချိန်မီပြန်မဆပ်ကြတော့ ကျမတို့က ဗဟိုဘဏ်က ချေးငွေရတဲ့အချိန် နောက်ကျတယ်။အဲတော့ လယ်သမားဆီ စောစောမပေးနိုင်ဘူး”လို့ ဧရာဝတီတိုင်း မြန်မာ့လယ်ယာဖွံ့ဖြိုးရေးဘဏ်ရဲ့အကြီးတန်းအရာရှိတဦးက ဧရာဝတီကို ရှင်းပြပါတယ်။

စိုက်ပျိုးစရိတ်ချေးငွေ စောစောမရတဲ့အတွက် လယ်သမားတွေဟာ အပြင်ကနေ အတိုးနဲ့ချေးပြီး လယ်စိုက်ထား၊ စိုက်ဘဏ်ကထုတ်ပေးတော့မှ အပြင်ချေးငွေကိုပြန်ဆပ်၊ စပါးပေါ်တော့ အစိုးရချေးငွေ ပြန်ဆပ်၊ နောက်နှစ်စပါးစိုက်ဖို့ အပြင်ကနေ အတိုးနဲ့တခါပြန်ချေး၊ ဒီလိုနဲ့ပဲ အကြွေးသံသရာ လည်နေ တယ်လို့ လယ်သမားတွေက ပြောပြပါတယ်။ ဒါက ချေးငွေနဲ့ ပတ်သက်လို့ လယ်သမားတွေဘက်က ကြုံတွေ့ရတဲ့အခက်အခဲ ဖြစ်ပါတယ်။

တခါ စိုက်ဘဏ်ဘက်မှာကြုံနေရတဲ့အခက်အခဲကတော့ စိုက်ပျိုးစရိတ်ချေးငွေကို လယ်သမားတွေ ဘက်က အချိန်မီ ပြန်မဆပ်တဲ့အပြင် ၂၀၁၂ ခုနှစ်ကစလို့ ဘဏ်ချေးငွေတွေကို လုံးဝပြန်မဆပ်ဘဲ ထားတဲ့ လယ်သမားတွေ တဖြည်းဖြည်းများပြားလာနေတဲ့ပြဿနာ ဖြစ်ပါတယ်။

၂၀၁၂ ခုနှစ် မိုးစပါးစိုက်ပျိုးရာသီမှာ လပွတ္တာနဲ့ မအူပင်မြို့နယ် ၂ ခု ကစတင်ပြီး ဘဏ်ချေးငွေ ပြန်မ ဆပ်နိုင်ဘဲ ဘဏ်ကြွေးကျန်တာတွေ ဖြစ်ပေါ်ခဲ့ပြီး ၂၀၁၂ ခုနှစ် ဆောင်းစပါးရာသီမှာတော့ ဘဏ် ကြွေးကျန်တဲ့ မြို့နယ် ၄ ခု ဖြစ်လာခဲ့ပါတယ်။

၂၀၁၃ ခုနှစ် မိုးစပါးရာသီမှာ မြို့နယ် ၁၃ ခု၊ ဆောင်းစပါးရာသီမှာ မြို့နယ် ၁၄ ခု၊ ၂၀၁၄ ခုနှစ် မိုးစပါး ရာသီမှာ မြို့နယ် ၂၅ ခု စသဖြင့် ဘဏ်ချေးငွေ အကြွေးကျန်တဲ့မြို့နယ်တွေ တဖြည်းဖြည်းများပြား လာခဲ့ပြီး ဘဏ်ကြွေးမဆပ်သူ လယ်သမားဦးရေ ၁၅၀၀၀ ကျော် ရှိနေတယ်လို့ တိုင်းစိုက်ဘဏ်ရဲ့ စာရင်းတွေအရ သိရပါတယ်။

ဧရာဝတီတိုင်းမှာ စိုက်ပျိုးစရိတ်ပြန်မဆပ်သူ အများဆုံးမြို့နယ်ကတော့ ဖျာပုံခရိုင် ဘိုကလေးမြို့နယ် ဖြစ်ပြီး လပွတ္တာမြို့နယ်က ဒုတိယအများဆုံးဖြစ်ကာ မော်လမြိုင်ကျွန်းမြို့နယ်က တတိယအများဆုံး ဖြစ်ကြောင်း သိရပါတယ်။

ငွေကြေးပမာဏအားဖြင့် ၂၀၁၂ ခုနှစ်ကနေ ၂၀၁၄ ခုနှစ် မိုးစပါးစိုက်ပျိုးရာသီအထိ လယ်သမားတွေ ပြန်မဆပ်တဲ့ ချေးငွေပမာဏဟာ ငွေကျပ် ၇၈ ဘီလီယံကျော်(ကျပ်သန်းပေါင်း ၇ သောင်း ၈ ထောင် ကျော်) အထိ ရှိနေကြောင်း တိုင်းစိုက်ဘဏ်စာရင်းတွေက ဖော်ပြပါတယ်။

လယ်/ဆည်ဝန်ကြီးဌာနလက်အောက်မှာရှိတဲ့ မြန်မာ့လယ်ယာဖွံ့ဖြိုးရေးဘဏ်ဟာ နိုင်ငံတော် ဗဟိုဘဏ်ဆီကနေ ငွေ ၁၀၀ ကျပ်မှာ အတိုးပြား ၄၀ နှုန်းနဲ့ ချေးယူပြီး လယ်သမားတွေကို အတိုး ၄၂ ပြား နှုန်းနဲ့ တဆင့်ပြန်လည် ချေးပေးနေတာ ဖြစ်ပါတယ်။

“ဒီလိုချေးငွေကြွေးကျန်တွေ တဖြည်းဖြည်းများလာရင် ချေးငွေလမ်းကြောင်း ပိတ်ဆို့သွားပြီး လယ်သမားတွေကို နိုင်ငံတော်ဗဟိုဘဏ်က ငွေထုတ်မချေးနိုင်တော့တဲ့အထိ ဖြစ်သွားနိုင်တယ်̎လို့ တိုင်းစိုက်ဘဏ်မန်နေဂျာ ဦးခင်မောင်လွင်က ဧရာဝတီကို ပြောပါတယ်။

“ချေးငွေ မကျေတာတွေ များသထက် များလာရင် ချေးငွေလမ်းကြောင်း ပိတ်ဆို့ သွားနိုင်ပါတယ်။ ချေးငွေလမ်းပိတ်လို့ ဗဟိုဘဏ်က မချေးတော့ရင် လယ်သမားတွေပဲ နစ်နာကြမှာပါ”လို့ သူက ဆက်ပြောပါတယ်။

စိုက်ပျိုးစရိတ်ချေးငွေ ပြန်မဆပ်နိုင်သူလယ်သမားထဲမှာ အမျိုးအစား ၃ မျိုး  ကွဲပြားနေတယ်လို့ ဧရာဝတီတိုင်းက လယ်သမားတွေက ရှင်းပြပါတယ်။ ပထမအမျိုးအစားကတော့ စိုက်ဘဏ်ဆီက ချေးထားတဲ့ငွေတွေကို သူတို့ရဲ့ မိသားစုအသုံးစရိတ်တွေနဲ့ ယခင်က တင်ရှိနေတဲ့ အကြွေးဟောင်း တွေမှာ အသုံးပြုလိုက်တဲ့လယ်သမားတွေ ဖြစ်ပါတယ်။

“စိုက်ဘဏ်က ငွေထုတ်တဲ့နေ့ဆို ပိုက်ဆံအိမ်ပြန်မပါဘဲ လမ်းကအရက်ဆိုင်တင် ကုန်တဲ့လူလည်း ရှိတယ်။ တချို့ကျတော့လည်း လယ်ထဲမထည့်ဘဲ ဆိုလာပြား ၀ယ်တာနဲ့ ဆိုင်ကယ်ဝယ်တာနဲ့ ကလေးကျောင်းစရိတ် သုံးပစ်တာနဲ့ အဲ့လို သုံးလိုက်တာတွေရှိတယ်။ တချို့ကလည်း အရင် ကြွေးဟောင်းတွေ ထိုးဆပ်ပစ်လိုက်တာတွေရှိတယ်။ အချိန်တန်တော့ စိုက်ဘဏ်ဆပ်ဖို့မရှိတော့ ဘူးဖြစ်ကုန်တာပေါ့”လို့ ကန်ကြီးထောင့်မြို့နယ်မှ လယ်သမား ဦးအောင်မြင့်က ပြောပါတယ်။

လူနေမှုစရိတ်နဲ့ ကုန်ဈေးနှုန်းတွေ တနေ့တခြား မြင့်တက်လာတဲ့အခြေအနေမှာ လယ်ကရတဲ့ ၀င်ငွေတခုတည်းကိုပဲ မှီခိုနေရတဲ့လယ်သမားမိသားစုတွေအတွက် ၀င်ငွေထွက်ငွေ မမျှတတဲ့ အနေအထားတွေ ဖြစ်ပေါ်နေပါတယ်။

ဒါ့အပြင် ယခင်စစ်အစိုးရလက်ထက်က လယ်စိုက်ဖို့ထုတ်ပေးတဲ့ စိုက်ပျိုးစရိတ် ချေးငွေပမာဏ နည်းပါးခဲ့ခြင်း၊ စိုက်စရိတ်မလောက်လို့ အတိုးနဲ့ချေးယူကာ စပါးစိုက်ပျိုးခဲ့ရခြင်းနဲ့ စပါးဈေးမ ကောင်းခဲ့ခြင်း အကျိုးဆက်တွေကြောင့် လယ်သမားတွေ အကြွေးနွံနစ် နေရတာဖြစ်တယ်လို့ လယ်သမားအရေးလှုပ်ရှားသူတွေက သုံးသပ်ပါတယ်။

ဘဏ်ချေးငွေမဆပ်သူ ဒုတိယအမျိုးအစားလယ်သမားကတော့ ငွေရှိပေမယ့် တခြားသူတွေ ဘဏ် ကြွေးမဆပ်လို့ အစိုးရချေးငွေကို ပြန်မဆပ်သေးဘဲ တခြားဘက်မှာ လှည့်သုံးနေသူတွေ ဖြစ်ပါ တယ်။ တတိယအမျိုးအစားကတော့ လယ်ပိုင်မရှိဘဲ၊ အမှန်တကယ်လယ်မစိုက်ဘဲ ကျေးရွာ အုပ်ချုပ် ရေးမှူး တွေ၊ အပိုင် မြေတိုင်းစာရေးတွေနဲ့ ပူးပေါင်းပြီး စိုက်မျိုးစရိတ်ချေးငွေ လိမ်ထုတ်သူတွေ ဖြစ်ပါတယ်။

ဒုတိယနဲ့ တတိယအမျိုးအစားထဲမှာပါဝင်တဲ့ လယ်သမားတွေကို ဥပဒေကြောင်းအရ အရေးယူ သင့် ပေမယ့် အမှန်တကယ်ငွေမရှိလို့ မဆပ်နိုင်သူလယ်သမားတွေကို အစိုးရက သက်ညှာပေး သင့်တယ်လို့ လယ်သမားတွေက ပြောဆိုကြပါတယ်။

စိုက်ဘဏ်အနေနဲ့ကတော့ အစိုးရချေးငွေတွေပြန်ရရေးအတွက် ဧရာဝတီတိုင်းထဲက ပုသိမ်၊ မြောင်းမြ၊ ဟင်္သာတ၊ မအူပင်၊ လပွတ္တာနဲ့ ဖျာပုံခရိုင်အတွင်းမှာရှိတဲ့ မြို့နယ် ၁၆ မြို့နယ်က ဘဏ်ကြွေးမကျေတဲ့ လယ်သမားတွေကို အောက်မြန်မာပြည် မြေနှင့် အခွန်တော်ဥပဒေ ပုဒ်မ ၄၅ အရ တရားရုံးတင်ပြီး တရားစွဲဆိုတာတွေ ပြီးခဲ့တဲ့နှစ်ကုန်ပိုင်းက လုပ်ဆောင်ခဲ့ပါတယ်။

ဒါပေမယ့် သက်ဆိုင်ရာမြို့နယ်တရားရုံးတွေက လယ်သမားအရေးဖြစ်နေတဲ့အတွက် မြေနှင့် အခွန် တော်ဥပဒေသုံးဖို့သင့်၊မသင့် အထက်အဆင့်ဆင့်ကိုတင်ပြရာမှာ နေပြည်တော်မှာရှိတဲ့ ပြည်ထောင်စု တရားလွှတ်တော်ချုပ်က သဘောမတူတဲ့အတွက် မြို့နယ်စိုက်ဘဏ်မန်နေဂျာတွေက တရားလို ပြုလုပ်ပြီး လယ်သမားတွေအပေါ်စွဲဆိုထားတဲ့အမှုတွေဟာ တရားရုံးတွေမှာ ရပ်ဆိုင်းနေပါတယ်။

“မြေခွန်တော်ဥပဒေအရတော့ ကြွေးကျန်ကို ကောက်လို့ရတယ်။ လယ်ထွက်ပစ္စည်းတွေကိုသိမ်း၊ အိမ် ကိုဝရမ်းကပ်တာမျိုးတွေ လုပ်လို့ရတယ်။ ဒါပေမယ့် ဧရာဝတီတိုင်းမှာလုပ်ဖို့ အထက်က ခွင့်မပြုလို့ အမှုတွေက တရားရုံးတွေမှာ ရပ်ကုန်တယ်။ နှစ်ဟောင်းကြွေးကျန်တွေ ပြန်ရဖို့ကတော့ မြေခွန်ဥပဒေနဲ့ လုပ်ရင်လုပ်၊ တည်ဆဲဥပဒေတခုခုနဲ့ လုပ်မှပဲ ပြန်ရနိုင်မယ်လို့ထင်တယ်”လို့ တိုင်းစိုက်ဘဏ်ရဲ့ အကြီးတန်း အရာရှိက ပြောပါတယ်။

လက်ရှိမှာတော့ မြေခွန်ဥပဒေနဲ့ အရေးယူလို့မရတဲ့အတွက် လယ်သမားဆီက ကြွေးကျန် ဘီလီယံ ၇၀ ကျော်ရဖို့ဆိုရင် စိုက်ဘဏ်တွေက ချော့တောင်းတဲ့နည်းလမ်းကလွဲလို့ တခြားနည်းလမ်း အသုံးပြုစရာ မရှိတဲ့အခြေအနေ ဖြစ်နေပါတယ်။

နှစ်ဟောင်းကြွေးကျန်တွေရှိနေပေမယ့် ဘဏ်ကြွေးကျေအောင်ဆပ်ထားတဲ့ လယ်သမားတွေကိုတော့ တိုင်းစိုက်ဘဏ်က ၁ ဧက ၁ သိန်းနှုန်းနဲ့ ဒီနှစ်မိုးစပါးစိုက်ပျိုးဖို့အတွက် ဆက်လက်ထုတ်ချေး သွားမယ် လို့ သိရပါတယ်။

ဒီနှစ်ရဲ့ ထူးခြားချက်အနေနဲ့ကတော့ စိုက်ဘဏ်ငွေချေးရာမှာ ၅ ယောက်တဖွဲ့ (၀ိုင်းလေးချုပ်) အစား
၃ ယောက်တဖွဲ့နှုန်း သတ်မှတ်ပြီး တယောက်မကျေခဲ့ရင် ကျန်လူ ၂ ဦးက စိုက်ပြီးဆပ်ပေးပါ့မယ်ဆိုတဲ့ ကတိက၀တ်နဲ့မှသာ ငွေထုတ်ချေးပေးသွားမယ်လို့ သိရပါတယ်။

“အရင်တုန်းကတော့ ရွာလုံးကျွတ်မှာ ၁ ယောက်မကျေရင် ကျန်လူအားလုံးစိုက်ပေးရတဲ့စနစ် သုံးခဲ့ တယ်။ ၀ိုင်းကြီးချုပ်ပေါ့။ နောက်ပိုင်းကျတော့ ၁၀ ဦးတဖွဲ့၊ ၅ ဦးတဖွဲ့ ပြောင်းလဲခဲ့တယ်။ ဒီနှစ်တော့ တနိုင်ငံလုံးအနေအထားနဲ့ ၀ိုင်းလေးချုပ် ၃ ဦးတဖွဲ့ သတ်မှတ်ထားတယ်။ တယောက်မကျေရင် ကျန်တဲ့ ၂ ယောက် စိုက်ဆပ်ရမယ်။ ကိုယ့်ရွာထဲကကြိုက်တဲ့လူနဲ့ ဖွဲ့ခွင့်ပေးထားတယ်”လို့ စိုက်ဘဏ်တာဝန်ရှိသူက ပြောပါတယ်။

ဒီနှစ် မိုးစပါးစိုက်ပျိုးရာသီမှာ ဧရာဝတီတိုင်းအတွင်းမှာရှိတဲ့ မိုးစပါးစိုက်ဧက ၃၆ သိန်းကျော်အတွက် ငွေကျပ် ၂၆၄ ဒသမ ၈၉ ဘီလီယံ ထုတ်ချေးဖို့ လျာထားကြောင်း သိရပါတယ်။ တဖက်မှာလည်း ဒီငွေတွေကို လယ်သမားတချို့တွေ ပြန်မဆပ်ခဲ့ရင် ယခင်နှစ်တွေလိုပဲ ကြွေးကျန်စာရင်းတွေ ထပ်တိုး လာမှာကိုလည်း စိုက်ဘဏ်တာဝန်ရှိသူတွေ စိုးရိမ်နေကြပါတယ်။
Irrawaddy