Latest News

Tuesday, December 9, 2014

ချေးငွေ ပြန်မဆပ်သည့် ဆားတောင်သူများကို ဧရာဝတီတိုင်းအစိုးရ တရားစွဲမည်

ဆလိုင်းသန့်စင်| December 9, 2014 |
ဆားတောင်သူ, ဧရာဝတီတိုင်း

ဧရာဝတီတိုင်းမှ ဆားကွင်းတခု (ဓာတ်ပုံ – စိုင်းဇော် / ဧရာဝတီ)

နာဂစ်မုန်တိုင်းကြောင့် ပျက်စီးသွားသည့် ဆားလုပ်ငန်းများ ပြန်လည် တည်ထောင်နိုင်ရန် အစိုးရက ထုတ်ချေးခဲ့သည့် ချေးငွေများ ပြန်လည် ပေးဆပ်ခြင်း မရှိသူ ဆားတောင်သူများကို တရားစွဲဆိုသွားမည်ဟု ဧရာဝတီတိုင်းဒေသကြီး အစိုးရအဖွဲ့က ပြောသည်။

၂၀၀၈ ခုနှစ် မေလ ၂ ရက်နေ့က တိုက်ခတ်ခဲ့သည့် နာဂစ်မုန်တိုင်းကြောင့် ဧရာဝတီတိုင်း လပွတ္တာနှင့် ငပုတောမြို့နယ်တို့မှ ဆားကွင်းများပျက်စီးခဲ့ရာ လုပ်ငန်းများ ပြန်လည်တည်ထောင်ရန်အတွက် အစိုးရက ထုတ်ချေးထားသည့် ချေးငွေများအနက် ဆားတောင်သူတဦးလျှင် ၇ သိန်း ၇ သောင်းကျပ် နှုန်းဖြင့် အညီအမျှ ပြန်ဆပ်ရန် သတ်မှတ်ထားရာ ယင်းငွေများ ပြန်ဆပ်ရန် ပျက်ကွက်နေသူများကို ဇန်န၀ါရီလမှ စတင်၍ ဆားလုပ်ငန်းဥပဒေဖြင့် အရေးယူ ဆောင်ရွက်သွားမည်ဟု ဧရာဝတီတိုင်းအစိုးရ အဖွဲ့ဝင် သစ်တောနှင့် သတ္ထုဝန်ကြီး ဦးစိုးမြင့်က ဧရာဝတီသို့ ပြောသည်။

“နိုင်ငံတော်ချေးငွေတွေကို ဒီဇင်ဘာလကုန်အထိ ပြန်ဆပ်ဖို့ စောင့်ဆိုင်းပေးသွားမယ်။ အရင်က ချေးငွေဆပ်ဖို့ ရက်ကျော်ရင် ရက်လွန်ဒဏ်ကြေး ကောက်တာ ရှိတယ်။ ဒီချေးငွေအတွက် ရက်လွန်ကြေး မကောက်ပါဘူး။ အတိုးလည်း မယူပါဘူး။ ငွေရင်းဖြစ်တဲ့ ၇ သိန်း ၇ သောင်းပဲ ပြန်ဆပ်ပေးပါလို့ ဆားတောင်သူတွေကို ပြောထားပါတယ်။ အဲဒါမှ မဆပ်ရင် ၂၀၁၅ ဇန်န၀ါရီလမှာစပြီး ကွင်းဆင်းပြီး အရေးယူပါမယ်။ အရေးယူရာမှာလည်း တပြားမှ မသွင်းတဲ့လူကစပြီး အစုလိုက်ပေါ့နော်၊ ၅ ယောက်တတွဲ၊ ၁၀ ယောက်တတွဲ အဲဒီလိုတွေ စတင် အရေးယူပါမယ်” ဟု သူက ပြောသည်။

နာဂစ်ဖြစ်ပြီးနောက် ငပုတောနှင့် လပွတ္တာမြို့နယ်ရှိ ဆားကွင်းများ ပြန်လုပ်ရန်အတွက် စစ်အစိုးရက တဧကလျှင် ၃ သိန်းကျပ်နှုန်းဖြင့် ငွေထုတ်ချေးခဲ့ကြောင်း၊ ယင်းချေးငွေများအနက် ၅၀ ရာခိုင်နှုန်းကျော် ပြန်လည် ပေးဆပ်ထားသူများအား အစိုးရက အကြွေးမယူတော့ဘဲ ၁၀ ဘီလီယံကျပ်ခန့် လျော်ပေးခဲ့ကြောင်း သိရသည်။

ချေးငွေများအား ၅၀ ရာခိုင်နှုန်းပြည့်မီအောင် မပေးသွင်းသူ ၃၉၅ ဦး ကျန်ရှိနေပြီး ကြွေးကျန်မှာလည်း သိန်း ၃၀၅၀ နီးပါး ကျန်ရှိနေရာ အချိုးကျဖြင့် ဆားတောင်သူတဦးလျှင် ၇ သိန်း ၇ သောင်းကျပ် ပေးသွင်းရန် သတ်မှတ်ခဲ့ကြောင်း၊ ဆားတောင်သူတချို့က ယင်းငွေကြေးကို ဆပ်ကြသော်လည်း ချေးငွေ လုံးဝပြန်မဆပ်သူ ၁၈၈ ဦးရှိနေသည့်အတွက် တရားစွဲရန် စီစဉ်ရခြင်းဖြစ်ကြောင်း ဧရာဝတီတိုင်းအစိုးရက ပြောသည်။

ချေးငွေ ပြန်မဆပ်နိုင်သူများမှာ နာဂစ်မုန်တိုင်းကြောင့် ဆားကွင်းများ ပျက်စီးသွားပြီး လုပ်ငန်းပြန်လည် မထူထောင်နိုင်သူ အများစုဖြစ်ကြောင်း လပွတ္တာမြို့နယ် တိုင်းဒေသကြီး လွှတ်တော်ကိုယ်စားလှယ် ဦးထိန်လင်းက ပြောသည်။

“အစိုးရအကြွေးကို ပေးနိုင်လျက်သားနဲ့ သက်သက် မပေးဘူးဆိုတာ မရှိပါဘူး။ တော်တော်ကိုခက်လို့ မပေးနိုင်ကြတာ။ ဆားဖိုကို ပြန်တည်ဖို့ကို သူတို့ မတတ်နိုင်တော့တာ။ သူတို့မှာ ဆားဖိုသူကြီးဆိုတဲ့ နာမည်ပဲ ကျန်တော့တယ်။ လက်ရှိ အခြေအနေမှာ စားဝတ်နေရေးခက်ခဲလို့ ပုစွန်ထောင်၊ ဂဏန်းထောင်စားနေရတဲ့ အခြေအနေတွေ ရှိတယ်။ ချေးငွေပြန်မဆပ်လို့ အရေးယူမယ်ဆိုရင် တချို့ကတော့ ရှာဖွေချေးငှားဆပ်ကြမှာပေါ့။ လုံးဝ ရှာဖို့ မရှိသူကတော့ အရေးယူတာပဲ ခံကြမှာပဲ” ဟု သူက ပြောသည်။

နာဂစ်မုန်တိုင်းကြောင့် လပွတ္တာနှင့် ငပုတောမြို့နယ်ရှိ ဆားကွင်း ဧကသောင်းနှင့်ချီ ပျက်စီးခဲ့သလို ဆားလုပ်ငန်း ၃ ပုံ ၂ ပုံခန့်မှာလည်း ပြန်လည် လုပ်ကိုင်နိုင်ခြင်းမရှိတော့ဘဲ ရပ်တန့်ချုပ်ငြိမ်းသွားခဲ့သည်ဟု ဆားလုပ်ငန်းရှင်များက ပြောသည်။

ယခင်က ဧရာဝတီတိုင်းဒေသကြီး ဆားနှင့် ဆားထွက်ပစ္စည်းလုပ်ငန်း ဥပဒေအရ အရေးယူမည်ဆိုပါက အမြင့်ဆုံး ပြစ်ဒဏ်အဖြစ် ငွေဒဏ် ၃ သိန်းကျပ်သာ ချမှတ်နိုင်သည်။

ဒီဇင်ဘာလ ပထမပတ်အတွင်းက ကျင်းပခဲ့သည့် ဧရာဝတီတိုင်းလွှတ်တော် အထူးအစည်းအဝေး (၂/၂၀၁၄) တွင် တိုင်းဒေသကြီး ဆားလုပ်ငန်းဥပဒေကို ပြန်လည်ပြင်ဆင်ခဲ့ရာ ဆားလုပ်ငန်း စည်းကမ်းများ မလိုက်နာခြင်း၊ လိုင်စင်မရှိဘဲ၊ လိုင်စင်သက်တမ်း မတိုးဘဲ ဆားချက်လုပ်ခြင်းများ ပြုလုပ်ပါက တိုင်းဒေသကြီး အဏ္ဏ၀ါဆားလုပ်ငန်းဌာနမှ တရားစွဲဆိုနိုင်ပြီး ငွေဒဏ် ၃ သိန်း၊ ထောင်ဒဏ် ၃ လနှင့် ဒဏ် ၂ ရပ်စလုံး ချမှတ်နိုင်ကြောင်း ပြင်ဆင်ပြဌာန်းခဲ့သည်။

“အစောပိုင်းက ဆားလုပ်ငန်းဥပဒေမှာ ငွေဒဏ်ပဲပါတယ်။ အဲဒီတော့ တချို့ ဆားတောင်သူတွေက ငါတို့ မဆပ်ဘူးကွာ၊ ဘယ်ဥပဒေနဲ့ ငါတို့ကို အရေးယူမလဲဆိုပြီး ပြောကြတာရှိတယ်။ တကယ်လည်း ဆားလုပ်းငန်း လိုင်စင်တွေကို သက်တမ်း မတိုးကြဘူး။ လိုင်စင်မလုပ်ဘဲ အခွန်မဆောင်ဘဲ ဆားချက်ကြတာတွေလုပ်တယ်။ ဒါကြောင့် လိုအပ်ချက်အရ ဥပဒေကို ပြင်ဆင်ခဲ့တာ ဖြစ်ပါတယ်။ ဥပဒေ အတည်ပြုပြီးဖြစ်ပေမယ့် ၂၀၁၅ ဇန်န၀ါရီလကျမှ အရေးယူတာတွေ လုပ်မှာပါ” ဟု ၀န်ကြီး ဦးစိုးမြင့်က ပြောသည်။

မြန်မာနိုင်ငံရှိ  နေလှန်းဆားချက် လုပ်ငန်း၏ ၇၅ ရာခိုင်နှုန်းမှာ လပွတ္တာနှင့် ငပုတောမြို့နယ်တွင် တည်ရှိပြီး ဆားကွင်းဧရိယာ ဧက ၃ သောင်းကျော် တည်ရှိကာ ဆားတောင်သူပေါင်း ၉၀၀ ကျော် လုပ်ငန်း လုပ်ကိုင်လျက်ရှိကြောင်း ဧရာဝတီတိုင်းဒေသကြီးအစိုးရရုံး စာရင်းများအရ သိရသည်။
Irrawaddy

Tuesday, November 18, 2014

ကန်ကြီးထောင့် မြို့နယ်အုပ်ချုပ်ရေးမှူးကို ဒေသခံ ၃၀၀ ကျော် ဆန္ဒပြ

ဆလိုင်းသန့်စင်| November 18, 2014 |
ဧရာဝတီတိုင်း, ကန်ကြီးထောင့် , မြို့နယ်အုပ်ချုပ်ရေးမှူး

မြို့နယ်အုပ်ချုပ်ရေးမှူးနှင့် မြေစာရင်းဌာနမှူး တို့ကို အစိုးရက အရေးယူပေးရန် ကန်ကြီးထောင့် ဒေသခံ ၃၀၀ ကျော်က ယမန်နေ့က ဆန္ဒပြကြသည်။
ပုံစာ – ကန်ကြီးထောင့်မြို့နယ်အုပ်ချုပ်ရေးမှူးနှင့် မြေစာရင်းဦးစီးမှူးကို ဆန္ဒပြနေသည့် ဒေသခံများ (ဓာတ်ပုံ – ဆလိုင်းသန့်စင် / ဧရာဝတီ)

မြို့ပိုင်မြေကွက်ကို ကိုယ်ကျိုး အတွက်ရောင်းစား ခဲ့သည်ဟု ဆိုပြီး ဧရာဝတီတိုင်းဒေသကြီး ကန်ကြီးထောင့် မြို့နယ် အုပ်ချုပ်ရေး မှူးနှင့် မြေစာရင်းဌာနမှူး တို့ကို အစိုးရက အရေးယူပေးရန် ကန်ကြီးထောင့် ဒေသခံ ၃၀၀ ကျော်က ယမန်နေ့က ဆန္ဒပြကြသည်။

ရပ်ကွက်စာကြည့်တိုက်၊ ဆေးခန်းနှင့် ကလေးကစားကွင်းတို့ တည်ဆောက်ရန် လျာထားသည့် မြို့မြေကွက် အမှတ် C – 205 ကို မြို့နယ်အုပ်ချုပ်ရေးမှူး ဦးမြင့်စိန်နှင့် မြေစာရင်းဌာနမှူး ဦးဌေးရီတို့၏ဇနီးများက အကွက်ရိုက်၍ ကျပ်သိန်း ၉၆၀ ဖြင့် ရောင်းစားခဲ့ကြကြောင်း၊ မြို့ခံများက နိုင်ငံတော်သမ္မတထံ ၀ိုင်းဝန်း တိုင်တန်းသည့်အခါ မြေကွက်ဝယ်ထားသူများကို ငွေပြန်အမ်းခဲ့ပြီး ရောင်းမှားဝယ်မှားအဖြစ် သတ်မှတ်ခဲ့မှု အပေါ် မကျေနပ်သည့်အတွက် ယခုကဲ့သို့ ဆန္ဒဖော်ထုတ်ခြင်းဖြစ်ကြောင်း မြို့မိမြို့ဖ ဦးတင်ဦးက ဧရာဝတီ ကို ပြောသည်။

“မြို့မြေကွက်တွေကို ကိုယ်ကျိုးအတွက် ရောင်းစားခဲ့တဲ့ ဦးမြင့်စိန်နဲ့ ဦးဌေးရီတို့ကို အရေးယူပေးဖို့ အခုလိုဆန္ဒပြရခြင်း ဖြစ်ပါတယ်။ ရောင်းစားခဲ့ကြောင်းကိုလည်း ဦးမြင့်စိန်က စက်တင်ဘာလ ၇ ရက်က တိုင်းအစိုးရ၀န်ကြီး ဒေါ်ခင်စောမူ ဦးဆောင်လုပ်တဲ့  အစည်း အဝေးမှာ ၀န်ခံထားပါတယ်။ ရောင်းစားထားတဲ့ သိန်း ၉၆၀ ကိုလည်း ပြန်အမ်းပါမယ်။ ဒီမြေကွက်ကိုလည်း မထိတော့ပါဘူးလို့ ပြော တယ်။ အများပိုင်မြေကို ရောင်းစားပြီးမှ ရောင်းမှားဝယ်မှားဆိုပြီး လျှောချတာကို လက်မခံပါဘူး။ နိုင်ငံတော်အနေနဲ့ ဥပဒေအရ အရေးယူ ပေးဖို့ တောင်းဆိုပါတယ်”ဟုလည်း ၎င်းက ပြောဆိုသည်။

ဦးမြင့်စိန်နှင့် ဦးဌေးရီတို့ ပူးပေါင်း ရောင်းစားသည်ဟု ရပ်မိရပ်ဖများက စွပ်စွဲထားသည့် မြေကွက်သည် ရန်ကုန်-ပုသိမ် ကားလမ်း ဘေး ကန်ကြီးထောင့်မြို့ အမှတ် ၃ ရပ်ကွက်တွင် တည်ရှိပြီး အကျယ် ၀.၈၀ ဧက ရှိသည်ဟု ဆိုသည်။

ယင်းမြေကွက်များမှာ ကန်ကြီးထောင့်မြို့နယ် တာဝန်ရှိသူများက လယ်သမားများထံမှ ၁၉၉၄ ခုနှစ်တွင် သိမ်းယူထားခဲ့ခြင်းဖြစ်ပြီး မြေသိမ်းမှုလျော်ကြေးအဖြစ် မူလပိုင်ရှင်လယ်သမားများကို မြေကွက်အစား ပြန်ပေးခဲ့ပြီးဖြစ်ကြောင်း သိရသည်။

လျော်ကြေးပေးကာ မြို့ပြစီမံကိန်းမြေအဖြစ် သိမ်းဆည်းထားသည့် မြေကွက်များကို မြို့နယ်အုပ်ချုပ်ရေးမှူးနှင့် မြေစာရင်းဌာနမှူးတို့၏ ဇနီးများက မူလပိုင်ရှင်လယ်သမားများကို ငွေကျပ် သိန်း ၈၀ ပေးအပ်၍ ယခုနှစ်ဆန်းပိုင်းတွင် ပြန်လည်ဝယ်ယူခဲ့ပြီး အလျားပေ ၄၀ x အနံ ပေ ၇၀ ရှိသည့် အကွက်ပေါင်း ၁၉ ကွက် ဖော်ထုတ်ခဲ့ကြောင်း မြို့ခံများက ပြောသည်။

အဆိုပါ မြေကွက်များကို တကွက်လျှင် ကျပ်သိန်း ၈၀ ဖြင့် ပြီးခဲ့သည့် ဇူလိုင်လနှင့် သြဂုတ်လအတွင်း ပြန်လည် ရောင်းချခဲ့ရာ အကွက်ပေါင်း ၁၂ ကွက် ရောင်းခဲ့ပြီး ကျပ်သိန်း ၉၆၀ ရရှိခဲ့ကြောင်း၊ တိုင်တန်းမှုများ ဖြစ်ပွားခဲ့ပြီးနောက် မြေကွက်ကိစ္စကို ရောင်းမှားဝယ် မှားဟု သတ်မှတ်ပြီး မြို့နယ်အုပ်ချုပ်ရေးမှူးနှင့် မြေစာရင်း ဌာနမှူးတို့၏ ဇနီးများက မြေ၀ယ်သူများကို ငွေပြန်အမ်းခဲ့ကြောင်း မြို့ခံများက ဆိုသည်။

“သာသနာရေးဝန်ကြီး ဦးဆန်းဆင့်ကိုတောင် ငွေကျပ် ၇၂ သိန်းနဲ့ အရေးယူခဲ့တယ်ဗျာ။ အခုက မြို့နယ်အုပ်ချုပ် ရေးမှူးနဲ့ မြေစာရင်း ဦးစီးမှူးက လုပ်ထားတာက သိန်း ၉၀၀ ကျော် ဖြစ်နေတယ်။ ကိုယ်ကျိုးအတွက် လုပ်တယ် ဆိုတာလည်း အားလုံးထင်ရှားနေတယ်။ ဒါကို ရောင်းမှား ၀ယ်မှားဆိုပြီး အရေးမယူဘဲနေတာကို မကျေနပ်ဘူး။ ခိုးပြီးပြန်ပေးလို့ လွတ်ကြေးဆိုရင် အကုန် သူခိုးဖြစ်ကုန်မှာပေါ့။ ဒီလိုသာ အရေးမယူဘဲလွှတ်ပေးနေရင် တရားဥပဒေစိုးမိုးမှုဆိုတာ ဘယ်လိုမှ မရှိနိုင်ဘူး”ဟု ပါဝင်ဆန္ဒပြခဲ့သူ ကန်ကြီးထောင့်မြို့နယ် လိပ်ကမ္ဘာ ကျေးရွာမှ ကိုအောင်အောင် က ပြောသည်။

ဧရာဝတီတိုင်းဒေသကြီးတွင် ၂၀၁၄ ခုနှစ်အတွင်း၌ အစိုးရဌာနဆိုင်ရာများဖြစ်သည့် ပညာရေး၊ ကျန်းမာရေး၊ လူကုန်ကူးမှု တားဆီး ကာကွယ်ရေး ရဲတပ်ဖွဲ့နှင့် တရားရေးဌာနမှ တရားသူကြီးတို့ကို ဆန္ဒဖော်ထုတ်မှုများ ဖြစ်ပွားခဲ့ပြီးနောက် မြို့နယ်အုပ်ချုပ်ရေးမှူးနှင့် မြေစာရင်းဌာနမှူးတို့ကို ဒေသခံပြည်သူများက ဆန္ဒဖော်ထုတ်ခြင်းမှာ ယခုအကြိမ်သည် ပထမဆုံးဖြစ်သည်။

ဆန္ဒပြသူများသည် “C – 205 မြေကွက်ကိစ္စ စုံစမ်းဖော်ထုတ် အရေးယူပေး”၊ “အကျင့်ပျက်ဝန်ထမ်းများ ပပျောက်ရေး”၊ “တရားဥပဒေအောက် တန်းတူညီမျှရှိရေး”၊ “တရားဥပဒေ စိုးမိုးရေးနှင့် ပွင့်လင်းမြင်သာမှု ရှိရေး”၊ “ပြည်သူ့မျက်နှာမကြည့်၊ ပြည်သူ့အသံနားမထောင်သူများ အလိုမရှိ” စသည့်ပိုစတာများ ကိုင်ဆောင်ကာ ကန်ကြီးထောင့်မြို့နယ် မြို့မဈေးအနီးမှ မြို့နယ်အုပ်ချုပ်ရေးမှူးရုံး၊ မြေစာရင်းရုံးနှင့် အစိုးရ ဌာနဆိုင်ရာရုံးများအနီး လှည့်လည်ဆန္ဒပြခဲ့ကြသည်။

ကန်ကြီးထောင့်မြို့နယ် အုပ်ချုပ်ရေးမှူး ဦးမြင့်စိန်က လယ်သမားများ၏ သဘောတူညီချက်ဖြင့် မြေကွက်များ ၀ယ်ယူခဲ့ခြင်းဖြစ်ပြီး တိုင်ကြားခြင်း၊ တရားစွဲဆိုခြင်းများ ရှိလာပါက အထောက်အထား ပြည့်စုံစွာဖြင့် ဖြေရှင်းသွားမည်ဟု ပြီးခဲ့သည့် စက်တင်ဘာလ အတွင်းက ဧရာဝတီ၏ မေးမြန်းမှုကို ပြောဆိုထားသည်။

ဦးမြင့်စိန်သည် ကန်ကြီးထောင့်မြို့နယ် အုပ်ချုပ်ရေးမှူး တာဝန်ကို ၂၀၁၂ ခုနှစ် နှစ်ကုန်ပိုင်းက စတင် ထမ်းဆောင်ခဲ့ခြင်း ဖြစ်ကြောင်း သိရသည်။
Irrawaddy

Monday, November 17, 2014

အကြွေးဝင်္ကပါထဲက လယ်သမား နင်းပြားများ

ဆလိုင်းသန့်စင်| November 17, 2014 |



လယ်ယာမြေ အသိမ်းခံခဲ့ရသည့် လယ်သူမတချို့ ဆန္ဒပြနေစဉ် (ဓာတ်ပုံ - စိုင်းဇော် / ဧရာဝတီ)
ကောက်စိုက်သမများ (ဓာတ်ပုံ - ဂျေပိုင် / ဧရာဝတီ)
ဧရာဝတီတိုင်း အတွင်း မြို့နယ်အသီးသီးမှ လယ်သမားများ လယ်ယာမြေ ပြန်လည်ရရှိရေး ရန်ကုန်သို့ လာရောက် ဆန္ဒကြစဉ် (ဓာတ်ပုံ - စိုင်းဇော် / ဧရာဝတီ)

ယခုအချိန်က စပါးတောင်လိုပုံ၍ ပျော်ရွှင်နေရမည့် အချိန်ဖြစ်သည် ဟု လယ်သူမကြီး ဒေါ်မိုးမိုးတို့ မိသားစုက တွေးထင်ထား ကြသည်။ သို့သော် သူမတို့ မိသားစု အပါအဝင် ဧရာဝတီတိုင်း၊ လပွတ္တာမြို့နယ်၊ သင်္ကန်းလေး ကျေးရွာအုပ်စုတွင် နေထိုင်သူ လယ်သမားများအားလုံး ကံဆိုးခဲ့ကြရသည်။

ထင်မှတ် မထားသော အချိန်တွင် ဖြစ်ပေါ်လာသော မုန်တိုင်း၏ အရှိန်ကြောင့် ယခုလို စပါးပင်များ ရင့်မှည့်ချိန်၌ ပင်လယ်ရေငန်များ ဝင်ရောက်လာ သဖြင့် စပါးခင်းများ ပျက်စီးသွားကုန်ရာ ပါးစပ်နား ရောက်ခါနီး ထမင်းလုတ်ကို ပုတ်ချခံရသလို အဖြစ်မျိုး သူမတို့မိသားစု ကြုံတွေ့လိုက်ရသည်။

“နာဂစ်ဖြစ်တုန်းက လယ်ယာတွေ၊ သီးနှံတွေ၊ စီးပွားဥစ္စာတွေ ပျက်စီးခဲ့လို့ ပြန်ပြီး ကြိုးစားလာခဲ့တာ အခု ဒီနှစ်ကျမှ အဆင်ပြေ မလိုရှိသေးတယ်၊ တခါထပ်ပြီး အဖြစ်ဆိုး ပြန်ကြုံတွေ့ ရတယ်” ဟု လယ်သူမကြီး ဒေါ်မိုးမိုးက ညည်းညူ ပြောဆို နေသည်။

လယ်သူမကြီး ဒေါ်မိုးမိုးတို့လို ဘဝတူ လယ်သမား တွေ အတွက် စပါးခင်းပျက်ပြီ ဆိုသည်နှင့် စိုးရိမ်ပူပန်မှု သောက မီးပေါင်း မြောက်မြားစွာ တောက်လောင် လေတော့သည်။ ဒေါ်မိုးမိုး၏ အတွေးထဲတွင် မိသားစု စားဝတ် နေရေး အဆင်ပြေပါ့မလား၊ ကလေးတွေရော ကျောင်း ထားနိုင်ပါ့မလား၊ နောင်နှစ်ရော လယ် ပြန်စိုက်နိုင်ပါ့မလား စသည့် သောကပေါင်း မြောက်မြားစွာ အထပ်ထပ် ဖြစ်နေသည်။

သောကများစွာထဲမှ အစိုးရ၏ မြန်မာ့လယ်ယာ ဖွံ့ဖြိုးရေးဘဏ် (လယ်သမားအခေါ် စိုက်ဘဏ်) မှ ၁ ဧကလျှင် ကျပ် ၁ သိန်း နှုန်းဖြင့် ချေးယူထားသည့် စိုက်ပျိုးစရိတ်ချေးငွေများ ပြန်မဆပ်နိုင်မည်ကို သူမတို့ အစိုးရိမ်ဆုံး ဖြစ်သည်ဟု ဒေါ်မိုးမိုးက ပြောသည်။

အစိုးရ ချေးငွေကို မဆပ်နိုင်ပါက နောင်နှစ် အတွက် စိုက်ပျိုးစရိတ် ထုတ်မပေးလျှင် သူမတို့ အတွက် လယ်ပြန် စိုက်နိုင်ရန် ပိုမိုခက်ခဲသွားမည် ဖြစ်ပြီး စိုက်ဘဏ်ချေးငွေ မဆပ်သဖြင့် နို့တစ်စာ (သတိပေးစာ) ပေးပို့ခံရခြင်း၊ နေအိမ်နှင့် စပါးခင်းများ ဝရမ်းကပ်ခံရမည်ကို တွေးကြည့်ရုံဖြင့် ဒေါ်မိုးမိုး တယောက် ကြောက်ရွံ့နေသည်။

“ကျမတို့ စိုက်ထားတဲ့လယ်တွေ ပျက်စီးကုန်တော့ ဒီနှစ်အတွက် စိုက်ဘဏ်ကို ပြန်ဆပ်ဖို့က အရမ်း အခက်အခဲ ဖြစ်နေတယ်။ ကျမတို့ မဆပ်ချင်တာ မဟုတ်ဘူး။ ဆပ်ဖို့ အဆင်မပြေတာပါ” ဟု ဒေါ် မိုးမိုးက ဧရာဝတီကို ပြောသည်။

ဧရာဝတီတိုင်း အတွင်း ဒေါ်မိုးမိုးကဲ့သို့ အကြောင်း အမျိုးမျိုးကြောင့် ၂၀၁၃ ခုနှစ်က ထုတ်ချေးထားသည့် မိုးစပါးနှင့် ဆောင်းစပါး စိုက်ပျိုး စရိတ်ချေးငွေများ ပြန်မဆပ်နိုင်သူ လယ်သမားပေါင်း ၁၅၀ဝ၀ ကျော် ရှိပြီး ငွေကြေးအားဖြင့် ကျပ်ငွေ ၈ ဒသမ ၉ ဘီလီယံ (သန်း ၈၉၀ဝ) ကျော် ကျန်ရှိနေကြောင်း သိရသည်။

အစိုးရက ၂၀၁၃ မိုးစပါးနှင့် ဆောင်းစပါး အတွက် လယ်သမားများအား ကျပ် ၁၀ဝ လျှင် ၄၁ ပြား အတိုးနှုန်းဖြင့် စိုက်ပျိုးစရိတ် ကျပ် ၃၃၄ ဘီလီယံကျော် ထုတ်ချေးထားခဲ့သည်ဟု ဆိုသည်။

ဧရာဝတီတိုင်း အတွင်းရှိ မြို့နယ် ၂၆ မြို့နယ် အနက် ၁၀ မြို့နယ်မှ လယ်သမားများသာ ချေးငွေ အကျေဆပ်နိုင်ပြီး တိုင်းအစိုးရ ရုံးစိုက်ရာ ပုသိမ်မြို့ အပါအဝင် မြို့နယ် ၁၆ မြို့နယ်မှ လယ်သမားများ သည် ချေးငွေများ ပြန်လည် ပေးဆပ်ရန် ပျက်ကွက်မှုများ ရှိနေသည်ဟု သိရသည်။ ချေးငွေ ပြန်လည် မဆပ်သည့် အများဆုံး မြို့နယ်မှာ ဘိုကလေးမြို့နယ်ဖြစ်ပြီး လပွတ္တာမြို့နယ်နှင့် မော်လမြိုင်ကျွန်း မြို့နယ်တို့မှာ ဒုတိယနှင့် တတိယနေရာ တွင် ရှိနေသည်။

လက်ရှိတွင် ဧရာဝတီတိုင်း လယ်ယာဖွံ့ဖြိုးရေး ဘဏ်၏ ညွှန်ကြားချက်ဖြင့် သက်ဆိုင်ရာ မြို့နယ် လယ်ယာဖွံ့ဖြိုးရေး ဘဏ် မန်နေဂျာများက ချေးငွေ မဆပ်နိုင်သည့် လယ်သမားများ စိုက်ပျိုးထားသော စပါးများနှင့် နေအိမ်တို့အား ဝရမ်းကပ်ခြင်း၊ ချေးငွေ လိမ်လည် ထုတ်ယူသူများအား ပုဒ်မ ၄၂၀ (လိမ်လည်မှု) ဖြင့် တရားစွဲဆိုခြင်းများ ပြုလုပ်နေသည် ဟု ဒေသခံ လယ်သမားများက ပြောသည်။

ချေးငွေ ပြန်မဆပ်သဖြင့် အရေးယူ ဆောင်ရွက်နေသော မြို့နယ်များမှာ ပုသိမ်ခရိုင်တွင် ပုသိမ်၊ ကန်ကြီးထောင့်၊ သာပေါင်း၊ ငပုတော၊ ကျောင်းကုန်း၊ ရေကြည်၊ ဟင်္သာတခရိုင်တွင် အင်္ဂပူ၊ လေးမျက်နှာ၊ မြောင်းမြ ခရိုင်တွင် မြောင်းမြ၊ ဝါးခယ်မ၊ လပွတ္တာခရိုင်တွင် လပွတ္တာနှင့် မော်လမြိုင်ကျွန်း၊ မအူပင်ခရိုင်တွင် မအူပင်၊ ပန်းတနော်နှင့် ဖျာပုံခရိုင်တွင် ဘိုကလေး နှင့် ဒေးဒရဲမြို့နယ်များ ဖြစ်ကြောင်း တိုင်းလယ်ယာ ဖွံ့ဖြိုးရေး ဘဏ်က ထုတ်ပြန်ထားသည်။

ထိုသို့ အရေးယူမှုနှင့် ပတ်သက်ပြီး တိုင်းလယ်ယာ ဖွံ့ဖြိုးရေးဘဏ် မန်နေဂျာ ဦးခင်မာင်လွင်က “ကျနော်တို့ ဌာနဟာ လယ်သမားတွေကို ကူညီပေးနေတဲ့ မိတ်ဆွေဌာနပါ။ ရန်သူဌာန မဟုတ်ပါဘူး။ အခုလို အရေး ယူမှုတွေ လုပ်ရတာ ကလည်း မလွှဲမရှောင်သာ ဖြစ်ပါတယ်။ ဒီလို ချေးငွေ မကျေတာတွေ များသထက် များလာရင် ချေးငွေ လမ်းကြောင်း ပိတ်ဆို့ သွားနိုင်ပါတယ်” ဟု ဧရာဝတီကို ပြောသည်။

လယ်ယာဖွံ့ဖြိုးရေး ဘဏ်က စိုက်ပျိုးစရိတ် ချေးငွေများကို စိုက်ပျိုးရာသီ အချိန်မီ ထုတ်မပေးနိုင်ခြင်း၊ ဆန်စပါး ဈေးကွက် ခိုင်မာမှု မရှိခြင်းနှင့် ရာသီဥတု ဖျက်ဆီးခြင်း တို့ကြောင့် လယ်သမားများသည် အစိုးရချေးငွေကို ပြန်မဆပ် နိုင်ခြင်း ဖြစ်သည်ဟု လပွတ္တာအခြေစိုက် တောင်သူ လယ်သမားသမဂ္ဂက ပြောသည်။

“လယ်သမားတွေကို အစိုးရက စိုက်ပျိုး စရိတ် အချိန်မီ ထုတ်မပေးနိုင်ဘူး။ စိုက်ပျိုးချိန် လွန်ပြီးမှ စိုက်ပျိုး စရိတ် ထုတ်ပေးတော့ လယ်သမားက အပြင်က ငွေရှာပြီး စိုက်ပျိုးရတယ်။ အဲဒီတော့ သူတို့ ဘဝက အကြွေးသံသရာ လည်နေတယ်။ ဈေးကွက် ကျတော့ အာမခံချက် မရှိဘူး။ လယ်သမား လက်ထဲမှာ စပါး မရှိတဲ့ အချိန်ကျမှ ကုန်သည် လက်ထဲ စပါးရောက်ချိန်ကျမှ ဈေးကောင်းရော။ ကြိုက်သလောက် စပါးဈေးတက်။ လယ်သမား အများစု အကျိုး မခံစားရဘူး” ဟု တောင်သူလယ်သမား သမဂ္ဂ ဥက္ကဋ္ဌ ဦးအောင်မိုးဝင်းက ပြောသည်။

အစိုးရဘဏ်ချေးငွေ ပြန်မဆပ်နိုင်ကြသည့် လတ်တလော အခြေအနေ တခုတည်းကို မကြည့်ဘဲ ခေတ်အဆက်ဆက် လယ်သမားများ ဆင်းရဲဒုက္ခ ရောက်ခဲ့ကြရသည့် အခြေအနေကိုပါ ထည့်သွင်း စဉ်းစားရန် လိုသည်ဟု ဦးအောင်မိုးဝင်း က ထောက်ပြ ပြောဆိုသည်။

“လယ်သမားတွေဟာ ခေတ်အဆက်ဆက် နင်းပြားဘဝနဲ့ အတိဒုက္ခ ရောက်ခဲ့ကြတယ်။ အဲဒါကိုလည်း ထည့်သွင်း စဉ်းစားဖို့ လိုတယ်” ဟု ၎င်းက ပြောသည်။

လယ်သမားများသည် အင်္ဂလိပ်အစိုးရ လက် ထက်တွင် မြေခွန်၊ လူခွန်နှင့် သီးစားခအခွန်များ အဓမ္မကောက်ခံမှုကို ခံခဲ့ရသည်။ များပြားလှသည့် အခွန်များ ထမ်းဆောင်ရင်း စပါးဈေး မကောင်း၍ စီးပွားရေး မပြေလည်ချိန်တွင် လယ်သမားတို့မှာ ချစ်တီးကုလား သူဌေးတို့ဆီမှ ငွေချေးကာ စပါးစိုက် ပျိူးခဲ့ကြသည်။ နောက်ဆုံးတွင် လယ်သမားတို့၏ တခုတည်းသော အသက်မွေးရာ လယ်ယာမြေများမှာ ချစ်တီး ကုလားတို့၏ အကြွေးဖြင့် အဓမ္မ သိမ်းယူခြင်း ခံခဲ့ရသည်။

၁၉၆၃ ခုနှစ်တွင် အာဏာ သိမ်းပြီး ပထမဆုံး စစ်အုပ်ချုပ်ရေး စနစ် အသက် သွင်းခဲ့သူ ဗိုလ်ချုပ်ကြီး နေဝင်း၏ မြန်မာ့ဆိုရှယ်လစ် လမ်းစဉ်ပါတီ (မဆလ) လက်ထက်တွင် အစိုးရတာဝန်ကျေ စပါးဆိုသော ကြိမ်လုံးဒဏ်ကို လယ်သမားများ ကျောကော့အောင် ခံစားခဲ့ရသည်။ တဧကလျှင် စပါး ၁၂ တင်းနှုန်း အစိုးရ စပါးဒိုင်သို့ မဖြစ်မနေ ပေးသွင်းရသည့် တာဝန်ကျေ စပါးကို မပေးသွင်း နိုင်သည့် လယ်သမားများအား အစိုးရအာဏာပိုင်များက နေပူလှန်းခြင်း၊ ရိုက်နှက်ခြင်း၊ ဖမ်းဆီးချုပ်နှောင်ခြင်းများ ပြုလုပ်ကာ ညှဉ်းပန်းနှိပ်စက်ခဲ့ ကြသည်။

အချုပ်အနှောင်ခံရမည့်ဘေး၊ နေလှန်းခံရမည့် ဘေးများကို ကြောက်၍ တာဝန်ကျေစပါး ပြည့်မီရန် မျိုးစပါး၊ အိမ်စားဖို့ ဝမ်းစာ စပါးပင် မချန်ဘဲ လယ်သမားများ အငတ်ခံပြီး အစိုးရကို ပေးဆပ်ခဲ့ ရသည်။ ရှိသမျှပစ္စည်း ထုခွဲ ရောင်းချပြီး တာဝန်ကျေ စပါး ပေးသွင်းခဲ့ရသည်။ မဆလခေတ်ကို ဖြတ်သန်းခဲ့ဖူးသော ဆင်းရဲသား လယ်သမားကြီးများ တချို့ဆိုလျှင် လယ်ဆိုသည်ကို လှည့်၍ပင် မကြည့်ချင် လောက်အောင် စိတ်နာသည်ဟု ပြောဆိုကြသည်။

တဖန် ၁၉၈၈ လူထု အရေးတော်ပုံကြောင့် မဆလအစိုးရ ပြုတ်ကျပြီး အာဏာသိမ်းကာ တိုင်းပြည်ကို အုပ်ချုပ်ခဲ့ကြသည့် ဗိုလ်ချုပ်မှူးကြီး စောမောင် ဦးဆောင်သည့် နိုင်ငံတော် ငြိမ်ဝပ်ပိပြားမှု တည်ဆောက်ရေးအဖွဲ့ (နဝတ)၊ ဗိုလ်ချုပ်မှူးကြီး သန်းရွှေ၏ နိုင်ငံတော် အေးချမ်းသာယာရေးနှင့် ဖွံ့ဖြိုးရေးကောင်စီ(နအဖ) လက်ထက်တွင် တောင်သူလယ်သမားများမှာ စစ်တပ်၊ ဌာနဆိုင်ရာ၊ ကုမ္ပဏီနှင့် အစိုးရ လက်ဝေခံ အဖွဲ့အစည်း အမျိုးမျိုးတို့၏ လယ်ယာမြေ အဓမ္မသိမ်းယူခြင်းများ ခံခဲ့ရပြန်သည်။

ယနေ့ စပါး စိုက်ပျိုးနေသော လယ်ကွင်းမှာ နောက်တနေ့ စီမံကိန်းနယ်မြေ ဖြစ်သွားပြီး တောင်သူလယ်သမားပေါင်း ထောင်နှင့် သောင်းနှင့်ချီ၍ လယ်မဲ့ယာမဲ့ဘဝ ရောက်ကာ ဘဝပျက်နေကြရသည်။ လယ်သမား အများစုသည်လည်း ယနေ့တိုင် လက်လွတ်ဆုံးရှုံးခဲ့သည့် လယ်ယာမြေများ ပြန်မရသေးသည့် အခြေအနေ၌ ရှိနေကြသေးသည်။ ယခင် စစ်အစိုးရ လက်ထက်က စိုက်ပျိုးစရိတ် ချေးငွေ ကျပ် ၂ သောင်း ထောက်ပံ့ခဲ့ခြင်းက လယ်သမားများ အကြွေးသံသရာ လည်စေခဲ့သည် ဟု လယ်သမားများက ပြောဆိုသည်။

“အရင် အစိုးရ လက်ထက်က လယ် ၁ ဧကမှ ၂ သောင်းပဲ ချေးတာလေ။ လယ်သမားက ဒီငွေ ၂ သောင်းနဲ့ ဘယ်လိုလုပ် စပါးစိုက်မလဲ။ မလောက်တော့ အတိုးကြီးကြီးနဲ့ အပြင်က ချေးရတယ်။ မစိုက် ရသေးတဲ့ စပါးကို ဈေးပေါပေါနဲ့ ကြိုရောင်းရတယ်။ စပါးပေါ်တော့ အကြွေး ထိုးဆပ်ရတယ်။ နောင်နှစ် စိုက်ဖို့ တခါပြန်ချေး ရတယ်။ ဒီလိုမျိုး အကြွေးသံသရာနဲ့ လယ်သမားဘဝက ဖြတ်သန်းခဲ့ကြရတာ” ဟု ကန်ကြီးထောင့်မြို့နယ် ဝဲကျေးရွာမှ လယ်သမား ဦးလှဌေးက ပြောသည်။

လယ်သမားများ ချေးငွေကြွေးကျန်ကိစ္စတွင် အစိုးရ ဌာနဆိုင်ရာ ဝန်ထမ်းတို့၏ အကျင့်ပျက် ခြစားမှုများ ပါဝင် ပတ်သက်နေသည်ဟု သိရသည်။ ဧရာဝတီတိုင်း၌ အောက်ခြေ ရပ်ကွက်နှင့် ကျေးရွာ/အုပ်စုများတွင် လယ်မရှိဘဲ ချေးငွေ လိမ်လည် ထုတ်ယူမှုများ၊ အမှန်ကတယ် လုပ်ကိုင်နေသည့် လယ်ပမာဏထက် ပိုမိုထုတ်ယူမှု အများအပြား ရှိနေပြီး၊ ထိုသို့ ထုတ်ယူနိုင်ရန် ကျေးရွာ အုပ်ချုပ်ရေးမှူးနှင့် မြေစာရင်း ဝန်ထမ်းတို့က ကူညီလုပ်ဆောင်ပေးနေသည် ဟု လယ်သမားများက ပြောသည်။

“ချေးငွေ ပြန်မဆပ်သူတွေထဲမှာ လိမ်ထုတ်သူတွေ အများကြီး ပါတယ်။ ဒီလို လိမ်ထုတ်နိုင်အောင်လည်း အောက်ခြေက ရပ်ကျေး အုပ်ချုပ်ရေးမှူးတွေ၊ မြေစာရင်းတွေက ကူညီပေးနေတာ ရှိတယ်။ အဲဒီတော့ ပုဒ်မ ၄၂၀ (လိမ်လည်မှု) နဲ့ အရေးယူမယ် ဆိုရင် လိမ်ထုတ်တဲ့ လယ်သမားတင်မက ကူညီပေးတဲ့ သူတွေပါ အရေးယူသင့်တယ်။ ဒါမှသာ အဲ့ဒီလို လိမ်ထုတ်တာတွေ ရပ်တန့်သွားမယ်” ဟု ကန်ကြီးထောင့်မြို့နယ် တိုင်းဒေသကြီး လွှတ်တော် ကိုယ်စားလှယ် ဦးချစ်လွင်က ဆိုသည်။

စိုက်ပျိုးစရိတ် ပြန်မဆပ်သူ လယ်သမားထဲတွင် အမျိုးအစား ၃ မျိုး ကွဲပြားနေသည်ကို တွေ့ရသည်။ ပထမ အမျိုးအစားမှာ အကြွေးပတ်လည်ဝိုင်းနေ၍ အမှန်တကယ် ပြန်မဆပ်နိုင်သူဖြစ်ပြီး၊ ဒုတိယ အမျိုးအစားမှာ ငွေရှိသော်လည်း တခြားသူများ မဆပ်၍ ပြန်မဆပ်ဘဲ အစိုးရချေးငွေအား အခြား နည်းဖြင့် အသုံးပြုနေသူများ ဖြစ်သည်။ တတိယ အမျိုးအစားမှာ လယ်မရှိဘဲ ချေးငွေ လိမ်လည်ထုတ်ယူသူ ဖြစ်ကြောင်း သိရှိရသည်။

ဒုတိယနှင့် တတိယ အမျိုးအစားများတွင် ပါဝင်သည့် လယ်သမားများကို ဥပဒေအရ အရေးယူ သင့်သော်လည်း အကြွေး ပတ်လည်ဝိုင်းနေ၍ အမှန်တကယ် ပြန်မဆပ်နိုင်သူ လယ်သမားများ အတွက် သီးခြား စီစဉ်ပေးသင့်သည် ဟု လယ်သမားများက ဆိုသည်။

“ရာသီဥတု ဖျက်ဆီးလို့ အမှန်တကယ် ပြန်မဆပ်နိုင်တဲ့ လယ်သမားကို ဖမ်းဆီးအရေးယူမယ် ဆိုရင် အဲဒီ လယ်သမား မိသားစု ဘဝပျက်တာပဲ အဖတ်တင်မယ်။ အစိုးရငွေတော့ ပြန်ဆပ်နိုင်ဖို့ မလွယ်ဘူး” ဟု လယ်သမား ဦးလှဌေးက ပြောသည်။

အစိုးရက လယ်သမားတို့ အကြွေးနွံနစ်နေရသည့် အဓိကအကြောင်းရင်းကို ရှာဖွေပြီး ဖြေရှင်းပေးသင့်ကြောင်း တောင်သူလယ်သမား သမဂ္ဂ ဥက္ကဋ္ဌ ဦး အောင်မိုးဝင်းက ပြောသည်။

“လယ်သမားတွေ ဘယ်ဟာတွေ အခက်တွေ့ နေတာလဲ။ ဘယ်ဟာကို ဖြေရှင်းပေးသင့် သလဲ။ ဘာတွေ ပံ့ပိုးရင် ဒီဘဝက လွန်မြောက် သွားနိုင်မလဲ ဆိုတာကို အစိုးရအနေနဲ့ စဉ်းစားစေချင်တယ်။ အမှန်တကယ် မရှိလို့ မပေးဆပ်နိုင် သူကို တရားမစွဲဘဲနဲ့ ဘယ်လို ဖြေလျှော့လို့ ရမလဲ ဆိုတာ စဉ်းစားစေချင် ပါတယ်” ဟု ၎င်းက ဆိုသည်။

အစိုးရက လယ်သမားချေးငွေ ပြန်မဆပ်သည့် ကိစ္စအား ကြမ်းတမ်းစွာ ကိုင်တွယ်ပါက လယ်သမားများ လယ်ယာ လုပ်ငန်းခွင်ကို စွန့်ခွာသွားနိုင်သည် ဟု မြန်မာနိုင်ငံ တောင်သူလယ်သမား အသင်း ဥက္ကဋ္ဌ ဒေါက်တာ စိုးထွန်းက ပြောသည်။

“အမှန်တကယ် မရှိလို့ မပေးနိုင်တဲ့ လယ်သမား ကို ဝရမ်းကပ်မယ်၊ ဖမ်းမယ်ဆီးမယ် ဆိုရင်တော့ အဲဒီလယ်သမားက ရှိတဲ့လယ်ကို ရောင်းပြီး ဆပ်မယ်။ လယ်ယာလုပ်ငန်းခွင်ကို စွန့်ခွာပြီး နိုင်ငံခြားထွက် အလုပ် လုပ်တာတွေ ဖြစ်လာ လိမ့်မယ်” ဟု ၎င်းက ဆက်ပြောသည်။

သဘာဝ ဘေးကြောင့် လယ်ယာပျက်စီး သွားသူများ အတွက် သမ္မတ သုံးစွဲခွင့် ရှိသည့် သဘာဝဘေး အန္တရာယ် ရန်ပုံငွေဖြင့် ထောက်ပံ့ ကူညီပေးသင့်ကြောင်း၊ လယ်မပျက်ဘဲ အကြွေး မဆပ်နိုင်သူ လယ်သမား အတွက် လယ်/ဆည် ဌာန ပြည်ထောင်စုဝန်ကြီး ဦးမြင့်လှိုင် ဦးဆောင်သည့် တောင်သူလယ်သမား အကျိုးစီးပွား ကာကွယ် မြှင့်တင်ရေး ဦးဆောင် ကော်မတီအနေဖြင့် နှစ်ရှည်ချေးငွေ အစီအမံ တရပ်ချမှတ် ဆောင်ရွက်သင့်ကြောင်း ဒေါက်တာ စိုးထွန်းက အကြံပြု ပြောဆိုသည်။

“လယ်သမားတွေ အတွက် နှစ်ရှည် ချေးငွေရအောင် ဥပဒေအရ လုပ်ဆောင် ပေးသင့်တယ်။ ဒီကိစ္စဟာ အစိုးရ အနေနဲ့ အမြန်ဆုံး ဖြေရှင်းရမယ့် ပြဿနာတရပ်လို့ မြင်တယ်။ အဲဒီလို မဟုတ်ရင် နောက်ဆက်တွဲ ပြဿနာတွေက ကျနော်တို့ တိုင်းပြည် အပေါ် အကျိုးသက်ရောက်မှုတွေ အများကြီး ဖြစ်လာနိုင်မယ် ထင်ပါတယ်”ဟု ၎င်းက ဆက်ပြောသည်။

လယ်များ ရေနစ်မြုပ် ဆုံးရှုံးခဲ့ရသူ လယ်သူမကြီး ဒေါ်မိုးမိုးကတော့ အစိုးရ လယ်ယာဘဏ် ချေးငွေ ကို မူလအတိုင်း ဆက်လက်ထုတ်ချေးစေလိုပြီး ယမန်နှစ်က အကြွေးကိုတော့ အရစ်ကျစနစ်ဖြင့် ပေးဆပ်ခွင့် ပြုရန် မျှော်လင့်နေသည်။ သို့မှသာ သူတို့ မိသားစု၏ တခုတည်းသော အသက်မွေးဝမ်းကျောင်း ပြုရာ လယ်ယာလုပ်ငန်းကို ဆက်လက် လုပ်ကိုင်နိုင်မည်ဖြစ်ပြီး အကြွေးပတ်လည် ဝိုင်းနေသည့် ဘဝမှ လွတ်မြောက်ဖို့ မျှော်လင့်နိုင်မည် ဖြစ်သည်။     ။

(ဆလိုင်းသန့်စင်သည် ဧရာဝတီသတင်းဌာန၏ အကြီးတန်း သတင်းထောက် တဦးဖြစ်ပြီး၊ နိုင်ငံရေး၊ စီးပွားရေး၊ လူမှုရေး ဆိုင်ရာ သတင်းနှင့် ဆောင်းပါးများ ရေးသားလျက်ရှိသည်။)
Irrawaddy

Friday, November 7, 2014

ပန်းတနော်မြို့နယ် တရားသူကြီးကို ဒေသခံ ၂၀၀ ကျော် ဆန္ဒပြ

ဆလိုင်းသန့်စင်| November 7, 2014 |
ပန်းတနော်, တရားစီရင်ရေး

ပန်းတနော်မြို့နယ် တရားသူကြီး၏ စီရင်ဆုံးဖြတ်မှုများကို မကျေနပ်သဖြင့် ဆန္ဒပြနေသည့် ပန်းတနော်ဒေသခံများ (ဓာတ်ပုံ – ဆလိုင်းသန့်စင် / ဧရာဝတီ)

ဧရာဝတီတိုင်းဒေသကြီး ပန်းတနော်မြို့နယ် တရားသူကြီး၏ အမှုစီရင်ဆုံးဖြတ်မှုများအပေါ် မကျေနပ်သည့် အတွက် ပန်းတနော်ဒေသခံ ၂၀၀ ကျော်က ယနေ့နံနက်ပိုင်းတွင် ပန်းတနော်မြို့နယ် တရားရုံးရှေ့၌ ဆန္ဒပြခဲ့ကြောင်း သတင်းရရှိသည်။

ပန်းတနော်မြို့နယ် တရားသူကြီးသည် အမှုနှင့်ပတ်သက်၍ လာဘ်ငွေရယူခြင်း၊ သက်သေခိုင်လုံစွာ တင်ပြခဲ့သော်လည်း တရားခံများကို ထောင်ဒဏ်ချမှတ်ခဲ့ခြင်း၊ လယ်သမားများကို ငါးခိုးသည်ဟုဆိုကာ ဖမ်းဆီးတရားစွဲဆိုမှုများကို အချိန်ကြာမြင့်စွာ ကြားနာစစ်ဆေးခြင်းနှင့် အာမခံပေးရန် ငြင်းဆန်ခြင်းများ ပြုလုပ်ခဲ့သည့်အတွက် ဆန္ဒပြရခြင်း ဖြစ်ကြောင်း ပန်းတနော်ဒေသခံများက ပြောသည်။

“ကျမ အမျိုးသားက မအူပင်မှာ ထောင်ကျနေပါတယ်။ အကြောင်းရင်းကတော့ ရပ်ရွာထဲမှာ ဆိုးသွမ်းတဲ့လူကို တာဝန်အရ ခဏထိမ်းသိမ်းထားတာကို အဲဒီလူက ဒဏ်ငွေ ၁ သောင်းပဲ ဒဏ်ရိုက်ခဲ့ပြီး ရပ်ရွာက တာဝန်ရှိတဲ့ ဆယ်အိမ်မှူးတွေကို ကျတော့ မတရားဖမ်းဆီးချုပ်နှောင်မှုနဲ့ ထောင် ၁ လ ချမှတ်ခဲ့တဲ့အတွက် မကျေနပ်လို့ အခုလို ဆန္ဒပြရခြင်း ဖြစ်ပါတယ်” ဟု ပန်းတနော်မြို့နယ်၊ သရက်ငူအုပ်စု ကင်းဝကြီးကျေးရွာမှ မသင်းသင်းခိုင်က ဧရာဝတီသို့ ပြောသည်။

သရက်ငူကျေးရွာအုပ်စု ကင်းဝကြီးကျေးရွာတွင် ၂၀၁၃ ခုနှစ် စက်တင်ဘာလအတွင်းက ကျေးရွာအတွင်း မူးယစ်ရမ်းကား ဆဲဆိုသူတဦးအား ကျေးရွာအုပ်ချုပ်ရေးပိုင်း တာဝန်ရှိသူ ၃ ဦးက ခေတ္တ ဖမ်းဆီးထိမ်းသိမ်းထားခဲ့ရာ ထိမ်းသိမ်းခံခဲ့ရသူမှ အုပ်ချုပ်ရေးမှူး အပါအ၀င် လူ ၉ ဦးကို မတရား ဖမ်းဆီးချုပ်နှောင်မှုဖြင့် ပန်းတနော်မြို့နယ် တရားရုံးတွင် ပြန်လည် တရားစွဲဆိုခဲ့သည်။

ယင်းအမှုကို ၁ နှစ်ကျော် ကြားနာစစ်ဆေးပြီးနောက် ပြီးခဲ့သည့် အောက်တိုဘာလ ၂၁ နေ့တွင် ပန်းတနော်မြို့နယ် တရားသူကြီးက ဆယ်အိမ်မှူး ၃ ဦးအပါအ၀င် လူ ၈ ဦးအား ထောင်ဒဏ် ၁ လစီ ချမှတ်ခဲ့ပြီး ကျေးရွာအတွင်း မူးယစ်ရမ်းကားဆဲဆိုသူကိုမူ ဒဏ်ငွေ ၁ သောင်းကျပ် ချမှတ်ခဲ့သည့်အတွက် ထောင်ဒဏ် ချမှတ်ခံရသူတို့၏ မိသားစုဝင်များက ပန်းတနော်မြို့နယ် တရားသူကြီးအား ဦးဆောင်ဆန္ဒ ဖော်ထုတ်ခဲ့ကြခြင်း ဖြစ်သည်။

ဧရာဝတီတိုင်းဒေသကြီးတွင် အစိုးရဌာနဆိုင်ရာများဖြစ်သည့် ပညာရေး၊ ကျန်းမာရေး၊ လူကုန်တား ရဲတပ်ဖွဲ့တို့အား ဆန္ဒဖော်ထုတ်မှုများ ဖြစ်ပွားခဲ့ပြီးနောက် တရားရေးဌာနမှ မြို့နယ်တရားသူကြီးတဦးအား ဒေသခံပြည်သူများက ဆန္ဒဖော်ထုတ်ခြင်းမှာ ယခုအကြိမ်သည် ပထမဆုံးဖြစ်သည်။

ဆန္ဒပြသူများသည် “လယ်သမားများအား မတရားဖမ်းဆီးထောင်ချနေသော ပန်းတနော်မြို့နယ် တရားသူကြီးနှင့် ဥပဒေအကျိုးဆောင် အလိုမရှိ”၊ “တရားသူကြီးနှင့်ပေါင်းပြီး လာဘ်ပေးလာဘ်ယူမှု မလုပ်ရေး”၊ “တရားသူကြီးများ
မှန်မှန်ကန်ကန် ဆုံးဖြတ်ပြီး လယ်သမားများကို မြန်မြန်လွှတ်ပေးရေး”၊ “မှန်ကန်သော တရားစီရင်ရေး ချက်ခြင်း လုပ်ဆောင်ပေး” စသည့်ပိုစတာများ ကိုင်ဆောင်ကာ ပန်းတနော်မြို့နယ် အထွေထွေ အုပ်ချုပ်ရေးဌာနရုံးရှေ့မှ မြို့နယ်တရားရုံးရှေ့အထိ လှည့်လည် ဆန္ဒပြခဲ့ကြသည်။

“ရပ်ထဲရွာထဲ မူးပြီး ဆဲဆိုရမ်းကားနေသူကိုကျတော့ ဒဏ်ငွေ ကျပ် ၁ သောင်းပဲ ရိုက်တယ်။ တာဝန်အရ ထိမ်းသိမ်း လုပ်ဆောင်ခဲ့ကြသူတွေရော၊ ဒီကိစ္စမှာ လုံးဝမပါဘဲ ကိုယ့်အိမ်ကိုယ် နေကြတဲ့လူတွေကိုပါ ထောင်ဒဏ် ၁ လ ချမှတ်ခဲ့တဲ့ ပြစ်ဒဏ်က လုံးဝ တရားမျှတခြင်း မရှိပါဘူး။ ဒါကြောင့် နိုင်ငံတော်သမ္မတကြီးနဲ့ နိုင်ငံတော်တရားသူကြီးချုပ်တို့က ဒီလိုမျိုး မတရားပြစ်ဒဏ် ချမှတ်တဲ့တရားသူကြီးကို စစ်ဆေးအရေးယူပေးဖို့ တောင်းဆိုပါတယ်” ဟု ကင်းဝကြီးကျေးရွာမှ ဦးအေးမြင့်က ပြောသည်။

ထို့အပြင် ငါးခိုးမှု အပါအ၀င် ပုဒ်မ ၃ ခုဖြင့် ပန်းတနော်မြို့နယ် တရားရုံး၌ အချိန် ၄ လကျော်ကြာ အမှုရင်ဆိုင် နေရသည့် လယ်သမား ၁၉ ဦးကိစ္စတွင်လည်း လယ်သမားတို့အား အာမခံပေးရန် ပန်းတနော်တရားရုံးက ငြင်းဆန်ခဲ့ခြင်းနှင့် အချိန်ကြာမြင့်စွာ အမှုစစ်ဆေးနေခြင်းတို့အတွက် တရားသူကြီးအား စစ်ဆေး အရေးယူပေးပါရန် ဖမ်းဆီးခံနေရသည့် လယ်သမားတို့၏မိသားစုများက တောင်းဆိုခဲ့ကြသည်။

“ကျနော်တို့ လယ်သမားတွေကို လယ်ကိစ္စညှိနှိုင်းဖို့ဆိုပြီး ပန်းတနော်တရားရုံးကို ခေါ်ပါတယ်။ တရားရုံးထဲလည်း ရောက်ရော လယ်သမားတွေကို အကုန်လက်ထိပ်ခတ်ပြီး ဖမ်းခဲ့တာပါ။ အခုဆို လယ်သမားတွေကို အချုပ်ထဲ ထည့်ထားလို့ အချုပ်ထဲကနေ အမှုရင်ဆိုင်နေရတာ ၄ လကျော်နေပါပြီ။ အာမခံပေးဖို့ တင်တာလည်း မြို့နယ်တရားရုံးက ငြင်းပယ်ခဲ့ပါတယ်။ နိုင်ငံတော်သမ္မတကြီးနဲ့ တာဝန်ရှိသူတွေကို ပြောချင်တာက တရားရေးမဏ္ဍိုင်ဟာ တော်တော် ယိုင်နေပါတယ်။ ဒါကို ပြုပြင်ပြောင်းလဲပေးပါလို့ ပြောချင်ပါတယ်” ဟု အစ်ကိုဖြစ်သူ ဖမ်းဆီးခံထားရသည့် ကျောင်းကုန်းမြို့နယ် ကုန်းရှမ်းကျေးရွာမှ ကိုအောင်မြဦးက ပြောသည်။

ပန်းတနော်မြို့နယ် တရားရုံးတွင် ၂၀၁၃ နှင့် ၂၀၁၄ ခုနှစ်အတွင်း လယ်ယာမြေနှင့် ပတ်သက်သည့် အမှုပေါင်း ၃၀ ကျော် ဖြစ်ပွားခဲ့ပြီး လယ်သမားပေါင်း ၂၀၀ ကျော် တရားစွဲဆိုခံခဲ့ရကာ ယင်းအနက်မှ လူ ၅၀ ကျော် ထောင်ဒဏ်များ ချမှတ်ခံခဲ့ရပြီးဖြစ်ကြောင်း ပန်းတနော်မြို့မှ လယ်သမားအရေးလှုပ်ရှားသူ ဦးဇော်ဇော်က ပြောသည်။
Irrawaddy

ပင်လယ်ခံတွင်းဝက ဘ၀များ

ဆလိုင်းသန့်စင်| November 7, 2014 |

ပင်လယ်ရေက ချောင်းသဖွယ်ထိုးဖောက်လာပြီး တော်ပေါင်စိန်ကျေးရွာကို တိုက်စားနေသည်ကို မြင်တွေ့ရစဉ်။ (ဓာတ်ပုံ - ဆလိုင်းသန့်စင် / ဧရာဝတီ)

ပင်လယ်၏ ၀ါးမျိုခြင်းခံလိုက်ရသည့် ဒေးဒရဲမြို့နယ် တော်ပေါင်စိန်ကျေးရွာမှ တော်ပေါင်စိန်စေတီတော် (ဓာတ်ပုံ - ဆလိုင်းသန့်စင် / ဧရာဝတီ)

ဒေးဒရဲမြို့နယ် တော်ကရင်ကျေးရွာရှိ ဒီရေတောစားကျက်မြေအတွင်း ဒေသခံများစုပေါင်း၍ ဒီရေတောအပင်များ စိုက်ပျိုးကြစဉ်။ (ဒေသခံတို့၏ ဒီရေတောစိုက်ပျိုးမှုကို ဧရာဝတီတိုင်းအစိုးရက အသိအမှတ်မပြုခဲ့ပါ။) (ဓာတ်ပုံ - ဆလိုင်းသန့်စင် / ဧရာဝတီ)

တ၀ုန်းဝုန်းရိုက်ခတ်နေသည့် ပင်လယ်လှိုင်းများကြားထဲတွင် ရွှေရောင်တ၀င်းဝင်းနှင့် ရေထဲတွင် တ၀က်မြုပ်နေပြီး ရေပြင်ပေါ်တွင် တ၀က်ပေါ်နေသည့် စေတီတော်ကိုကြည့်ရင်း ဦးရွှေတယောက် စိတ်ဆင်းရဲသည်မှာ ကြာခဲ့ပြီ။

လွန်ခဲ့သည့် ၁၅ နှစ်ခန့်က သူနှင့် မိတ်ဆွေအပေါင်းအသင်းများ စုပေါင်း၍ သူတို့နေထိုင်ရာ ဧရာဝတီတိုင်းဒေသကြီး၊ ဒေးဒရဲမြို့နယ်၊ တော်ချိုက်အုပ်စု၊ တော်ပေါင်စိန် ကျေးရွာအနီးမှာ စေတီတဆူ တည်ထားကိုးကွယ်ခဲ့ပြီး တော်ပေါင်စိန် စေတီတော်ဟုပင် ဘွဲ့တော်သတ်မှတ်ခဲ့ကြသည်။

စတင်တည်ထားကတည်းက ပင်လယ်ရေတိုက်စားမှုဒဏ်မှ ကင်းဝေးစေရန် ပင်လယ်ကမ်းစပ်နှင့် ၂ ဖာလုံခန့် ကွာဝေးသည့် သူတို့ကျေးရွာအနီးမှာ တည်ထားခဲ့ပေမယ့် ၁၅ နှစ်ခန့် ကြာချိန်မှာတော့ ပင်လယ်က ရေတိုက်စားသည့်နည်းလမ်းဖြင့် ကုန်းမြေများသာမက တော်ပေါင်စိန် စေတီကိုပါ ၀ါးမျိုခဲ့တော့သည်။

“ဘုရား ပင်လယ်ထဲကျသွားတာတော့ ၄ နှစ်ကျော်လောက် ရှိပြီ။ ဒါပေမယ့် ကိုယ်လုပ်နေကျဖြစ်တဲ့ ဘုရားပန်းကပ်တာ၊ အမွှေးတိုင်ထွန်းတာတွေတော့ ကမ်းခြေသောင်ခုံပေါ်ကနေ ရေထဲကဘုရားကို ကပ်လှူနေဖြစ်ပါတယ်။ ကိုယ်တွေ တည်ခဲ့တဲ့ဘုရားက အခုလို ရေထဲတ၀က် ရေပေါ်တ၀က် ဖြစ်နေတာ မြင်ရတော့ ဘယ်စိတ်ကောင်းမလဲဗျာ” ဟု ရေထဲမှစေတီတော်ကို ကြည့်ရင်း ဘုရားဒကာ ဦးရွှေက စိတ်မကောင်းသည့် လေသံဖြင့်ပြောသည်။

မုတ္တမပင်လယ်ကွေ့အနီးတွင် တည်ရှိသည့် ဒေးဒရဲမြို့နယ် တောင်ဘက်ပိုင်း ဒေသတွင် ကျေးရွာပေါင်း ၄၇ ရွာရှိပြီး လူဦးရေ ၄ သောင်းကျော် အခြေချနေထိုင်သည့် ပင်လယ်ကမ်းစပ်ဒေသ ဖြစ်သည်။ ယင်းဒေသရှိ တော်ပေါင်စိန်၊ ချောင်းသစ်ပေါက်၊ ဥသြလမ်း၊ ကျွန်းပင်၊ ဆူးကလပ်၊ တိုး၊ သံဒိပ်စသည့် ကျေးရွာများအပါအ၀င် ရွာပေါင်း ၁၃ ရွာမှာ ပင်လယ်ရေတိုက်စားခြင်းကြောင့် သဘာဝပတ်ဝန်းကျင် ပျက်စီးခြင်းနှင့် ကမ်းပါးပြိုခြင်းများ ဆိုးဝါးစွာ ရင်ဆိုင်နေရသည်။

“ဒီဒေသတ၀ိုက်မှာဆိုရင် ဆူးကလပ်ရွာက ဘုရားက မနှစ်ကပြိုတယ်။ သံဒိပ်ဆိုရင် နဂါးဘုရားက ရေထဲပါသွားပြီ။ တိုးကျေးရွာက ဘုရားလည်း ပင်လယ်ရေတိုက်စားလို့ ပါသွားပြီ။ တော်ပေါင်စိန်မှာဆို ဘုရား ၂ ဆူရှိတာ၊ တဆူက ရေတိုက်စားတာနဲ့ လှိုင်းရိုက်တာတွေကြောင့် တစစီ ပျက်စီးသွားပြီ။ အခုတဆူကျန်တာတောင် ပင်လယ်ထဲမှာ တည့်တည့်မတ်မတ် ထောင်နေလို့ မြင်နေရတာ” ဟု ကျောင်းဆိပ်ကျေးရွာမှ ဒေသခံ ကိုအောင်ကျော်စန်းက ပြောသည်။

အဆိုပါဒေသတွင် အင်္ဂလိပ်အစိုးရလက်ထက်က ပင်လယ်ရေတိုက်စားမှုဒဏ်နှင့် မုန်တိုင်း၊ ဆူနာမီလှိုင်းကဲ့သို့သော သဘာဝဘေးဒဏ်များမှ ကာကွယ်နိုင်ရန်အတွက် ဒီရေတော စားကျက်မြေဧက ၂၀၀၀ ကျော် သတ်မှတ် ပေးခဲ့ရာ တောများက နှစ်ပေါင်း ၁၀၀ ကျော်ကြာအောင် သဘာဝဘေးဒဏ်များနှင့် ပင်လယ်၏၀ါးမျိုခြင်းရန်မှ ကာကွယ်ပေးခဲ့ကြောင်း ဒေသခံများက ပြောပြသည်။

သို့သော် ၁၉၉၇ ခုနှစ်တွင် ဒေးဒရဲမြို့နယ် တောင်ဘက်ပိုင်းရှိ ဒေသခံများကို ကံဆိုးမိုးမှောင် ကျစေမည့် စီမံကိန်းတရပ် ပေါ်ပေါက်လာခဲ့သည်။

ယင်းမှာလက်ရှိ ပြည်သူ့လွှတ်တော်ဥက္ကဋ္ဌ တာဝန်ထမ်းဆောင်နေပြီး ထိုစဉ်က အနောက်တောင်တိုင်း စစ်ဌာနချုပ် (နတခ) တိုင်းမှူး တာဝန်ယူထားသည့် ဗိုလ်ချုပ် သူရရွှေမန်း လက်ထက်တွင် ဧရာဝတီတိုင်း၌ လယ်ယာမြေဧက ၁ သန်း ဖော်ထုတ်ရေးစီမံကိန်း လုပ်ဆောင်ခဲ့ရာ ဒေးဒရဲမြို့နယ် တောင်ဘက်ပိုင်းရှိ ဒီရေတော စားကျက်မြေများမှာလည်း အာဏာပိုင်တို့၏ ခွင့်ပြုချက်ဖြင့် လယ်ယာမြေများ ဖြစ်သွားခဲ့သည်။

“အရင်တုန်းက ဒီရေတောတွေ ခုတ်လို့မရဘူး။ ဥပဒေနဲ့ ကာကွယ်ထားတယ်။ ခုတ်တဲ့လူ ထောင်ကျတာပဲ။ ၉၇ – ၉၈ ခုနှစ်ကျတော့မှ ကျေးရွာဥက္ကဋ္ဌ ဦးမြတ်စိုးက စားကျက် ၁ ဧက ၄၅၀၀ ဆိုပြီး ဆိုင်းဘုတ်ထောင် ရောင်းစားခဲ့တာ။ လယ်လုပ်ချင်သူတွေကလည်း ၀ယ်တယ်။ ပြီးတော့ လူတဖက်စာမက ရှိတဲ့ ဒီရေတော အပင်ကြီးတွေကို ခုတ်လှဲ၊ မီးတွေရှို့ပြီး လယ်လုပ်ပစ်လိုက်တော့ ဒီရေကာတောတွေ အကုန်လုံး ပျက်စီးပြုန်းတီးသွားခဲ့တယ်” ဟု တော်ကနိ – ညောင်လိန်ကုန်း ကျေးရွာမှ ရာအိမ်မှူး ဦးခင်ဝင်းက လယ်ယာမြေဖြစ်နေသည့် ဒီရေတော စားကျက်မြေများကို ညွှန်ပြရင်းပြောသည်။

သဘာဝဒီရေတောများ ပျက်စီးပြုန်းတီးခဲ့သည့် ၁၉၉၇ ခုနှစ်နောက်ပိုင်း ပင်လယ်ရေ တိုက်စားမှုများ ပိုမိုပြင်းထန်လာခဲ့ပြီး လက်ရှိအချိန်တွင် ဒီရေကာတောများ မရှိတော့ဘဲ အကာအကွယ်မဲ့နေသည့် ဒေးဒရဲမြို့နယ် တောင်ဘက်ခြမ်းမှ ကျေးရွာများကို ၀ါးမျိုရန် ပင်လယ်ပြင်က တဖြည်းဖြည်း ချဉ်းကပ်လာခဲ့ပြီဖြစ်သည်။

တော်ပေါင်စိန်၊ အလယ်ကုန်း၊ ကျွန်းပင်၊ ဥသြလမ်း၊ ချောင်းသစ်ပေါက် စသည့်ကျေးရွာများနှင့် ကပ္ပလီပင်လယ်ပြင်မှာ ကိုက် ၁၀၀ ခန့်သာ ကွာဝေးပြီး တော်ပေါင်စိန်နှင့် ကျွန်းပင်ကျေးရွာများတွင် အစိုးရအစီအစဉ်ဖြင့် တည်ဆောက် ပေးထားသည့် ကမ်းပတ် တာနံဘေးအထိပင် ပင်လယ်ရေ တိုက်စားနေသည်ကို တွေ့ရသည်။

ငလျင်ကြောင့်ဖြစ်သော ဆူနာမီရေလှိုင်းများ၊ မုန်တိုင်းကြောင့်ဖြစ်သော ဒီရေလှိုင်းများ ဖြစ်ပေါ်လာပါက အကာအကွယ် မဲ့နေသော ဒေးဒရဲမြို့နယ်တောင်ပိုင်းရှိ ကျေးရွာများမှာ ပင်လယ်လှိုင်းတို့၏ ရိုက်ပုတ်ဖျက်ဆီးခြင်းကို မလွဲမသွေ ရင်ဆိုင်ရမည့် အခြေအနေတွင် ရှိနေသည်။

“ပြီးခဲ့တဲ့လတွေတုန်းက ရေတက်ရက်မှာဆိုရင် ကျနော့်အိမ်ရှေ့ကို ပင်လယ်ရေတွေလျှံကျတယ်။ ပင်လယ်ရေ တက်လာတော့ ရွာနဲ့ပင်လယ်ကြားက သောင်ခုံကိုပါ ရေတွေကျော်ကျလာတာလေ။ အရင်ကဆို ပင်လယ်ကမ်းစပ်ကရွာနဲ့ ကိုက် ၃၀၀ လောက်ဝေးမယ်။ အဝေးကြီးသွားရတာ။ အခုက ကိုက် ၁၀၀ တောင် မဝေးတော့ဘူး။ မတော်လို့များ ဆူနာမီရေလှိုင်းလိုဟာမျိုး၊ မုန်တိုင်းဒီရေ တက်တာမျိုး ဖြစ်လာရင်တော့ ဘယ်လိုမှ ပြေးလို့လွတ်မှာ မဟုတ်ဘူး။ အကုန်သေမှာပဲ” ဟု ချောင်းသစ်ပေါက်ရွာမှ ဦးခင်ရွှေက ရေလှိုင်းများ တ၀ုန်းဝုန်းရိုက်ခတ်နေသည့် ပင်လယ်ပြင်ကို ကြည့်ရင်း ပြောသည်။

ဦးခင်ရွှေ စိုးရိမ်မည်ဆိုလည်း စိုးရိမ်လောက်သည်။ ၂၀၀၈ ခုနှစ် နာဂစ်မုန်တိုင်း တိုက်ခတ်စဉ်က မုန်တိုင်းနှင့် ပင်လယ်ဒီရေ လှိုင်းများ လက်ချက်ကြောင့် ဒေးဒရဲမြို့နယ်တွင် လူပေါင်းသောင်းနှင့်ချီ သေကြေပျောက်ဆုံးခဲ့ပြီး နေအိမ်အဆောက်အဦး များစွာ ပျက်စီးဆုံးရှုံးခဲ့သည်။

နာဂစ်မုန်တိုင်းနောက်ပိုင်း အစိုးရနှင့် အလှူရှင်များ ပူးပေါင်း၍ ဒေးဒရဲမြို့နယ်တောင်ပိုင်း ဒေသအတွက် မုန်တိုင်းခို အဆောက်အဦး (ဆိုင်ကလုန်း ရှယ်လ်တာ) ၅ လုံး တည်ဆောက်ပေးခဲ့သည်။ သို့သော် ရွာပေါင်း ၄၇ ရွာရှိပြီး လူပေါင်း ၄ သောင်းကျော် အခြေချနေထိုင်သည့် ဒေသအတွက်လူ ၅၀၀ ဆန့်ရှယ်တာ ၅ လုံးဆိုသည်မှာ အင်မတန် မမျှတသော အချိုးအစား ဖြစ်သည်။

“အခုနေများ တနာရီမိုင် ၈၀ လောက် မုန်တိုင်းလာခဲ့ရင်တောင် ကျနော်တို့ဒေသက မလွယ်ဘူး။ လေဒဏ်ရေဒဏ်နဲ့ အကုန်သေကုန်မှာ။ ရှယ်လ်တာရှိလို့ အဲဒီပေါ် တက်ပြီးခိုလို့ရတယ် ထားဦး။ လူအသက်ရှင်ပြီး စီးပွားဥစ္စာ၊ နေအိမ်တွေ ပျက်စီးသွားတော့ ဘယ်သူက ပြန်ပေးမှာလဲ။ ကျနော်တို့ လိုချင်တာက သဘာဝဘေးကနေ ကာကွယ်ပေးနိုင်တဲ့ ဒီရေတောတွေ လိုချင်တာ။ အဲဒါရှိမှ ကျနော်တို့ဘ၀တွေ လုံခြုံမှာ” ဟု ကျွန်းပင်ကျေးရွာမှ ကိုမြင့်ဌေးက ပြောသည်။

လက်ရှိတွင် ကျောင်းဆိပ်နှင့် တော်ပေါင်စိန်ကျေးရွာမှ ရေတွင်းများ သုံးစွဲ၍ မရတော့ဘဲ ရေငန်များ ဖြစ်ကုန်ကြောင်း၊ ဒီရေတောစားကျက်မြေများကို ခုတ်ထွင်ရှင်းလင်း၍ စပါးစိုက်ပျိုးကြသည့် လယ်ယာမြေများမှာလည်း သဲမြေများ ဖုံးလွှမ်း၍ တဖြည်းဖြည်း ပျက်စီးလာနေကြောင်း ဒေသခံများက ပြောပြသည်။

“ကျွန်းပင်ရွာဘေးက ဒီရေကာတောကို ခုတ်ထွင်ပြီး လယ်လုပ်ထားတဲ့နေရာတွေဆိုရင် အခု သဲဖုံးလို့ တချို့အကွက်တွေ စိုက်လို့မရတော့ဘူး။ ပျက်စီးကုန်ပြီ။ ပင်လယ်ကနီးလာတော့ လှိုင်းရေက သဲသောင်ပြင်ဖြစ်အောင် လုပ်ပေးတယ်လေ။ အဲဒီသဲတွေက လေတိုက်တော့ တဖြည်းဖြည်း လယ်တွေထဲကို ၀င်ကုန်တာပေါ့။ တော်ပေါင်စိန်၊ ကျွန်းပင်ရွာတွေဘက်က ရေတွင်းတွေဆိုလည်း ရေငန်တွေဖြစ်ကုန်ပြီ” ဟု ဒေသခံ ဒေါ်ကရင်မက ပြောသည်။

ထို့ကြောင့် ပင်လယ်ရေ တိုက်စားခြင်းနှင့် သဘာဝဘေးဒဏ်များမှ ကာကွယ်နိုင်ရန်အတွက် အင်္ဂလိပ်အစိုးရ လက်ထက်က ဖော်ထုတ်သတ်မှတ်ခဲ့သော ဒီရေတောစားကျက်မြေများကို မူလအတိုင်း ပြန်လည် သတ်မှတ်ပေးရန် ဧရာဝတီတိုင်း ဒေသကြီး အစိုးရအဖွဲ့ထံ ၂၀၁၂ ခုနှစ်ကတည်းက အကြိမ်ကြိမ် တောင်းခံခဲ့သော်လည်းတိုင်းအစိုးရက လုပ်ဆောင်ပေးခြင်း မရှိကြောင်း ဒေသခံများက ပြောသည်။

“အင်္ဂလိပ်အစိုးရ လက်ထက်က မြန်မာနိုင်ငံမှာ လူဦးရေ ၁၈ သန်းပဲရှိတယ်။ အခုက သန်း ၆၀ ဖြစ်နေပြီ။ တိုးတက်လာတဲ့ လူဦးရေနဲ့အညီ စားနပ်ရိက္ခာဖူလုံရေးက အရေးကြီးပါတယ်။ ဒါကြောင့်လည်း ၁၉၉၇ ခုနှစ်က လယ်ယာမြေဧက ၁ သန်းဖော်ထုတ်ရေး စီမံချက်နဲ့ လုပ်ကိုင်ခဲ့ကြတာပါ။ လယ်သမားတွေက လယ်စိုက်လာတာ ၁၇ နှစ်လောက် ရှိပြီဆိုတော့ အခုကျမှ စားကျက်မြေ ပြန်လုပ်ပေးဖို့က အခက်အခဲတွေရှိတယ်” ဟု ဧရာဝတီတိုင်း အစိုးရအဖွဲ့ဝင် စိုက်ပျိုးရေးနှင့် မွေးမြူရေးဝန်ကြီး ဦးစန်းမောင်က ဧရာဝတီကို ပြောသည်။

ဧရာဝတီတိုင်းအစိုးရက ဒီရေတော စားကျက်မြေများ ပြန်လည် သတ်မှတ်ပေးရန် တုံ့ဆိုင်းနေခဲ့သဖြင့် ဒေသခံများက တိုင်းအစိုးရ ဆုံးဖြတ်ချက်ကို မစောင့်ဆိုင်းတော့ဘဲ ဒီရေတော စားကျက်မြေများအတွင်း အပင်ပေါင်း ၁ သိန်းကျော်ကို ပြီးခဲ့သည့်မေလအတွင်းက စုပေါင်းစိုက်ပျိုးခဲ့ကြသည်။

ဒေသခံအများစုက ကိုယ်ထူကိုယ်ထစနစ်ဖြင့် ဒီရေတောများ စိုက်ပျိုးခဲ့သော်လည်း ယင်းစိုက်ပျိုးမှုကို ဧရာဝတီတိုင်း အစိုးရက အသိအမှတ်မပြုခဲ့ဘဲ အဆိုပါ ဒီရေတောစားကျက်မြေ ၁၀၈၃ ဧကနှင့် အခြားမြေ ၅၂ ဧကပေါ်တွင် ခါတိုင်း နှစ်များကဲ့သို့ လယ်စိုက်ပျိုးရန် ဆက်လက် ခွင့်ပြုကြောင်း ထုတ်ပြန် ကြေညာခဲ့သည်။

တိုင်းအစိုးရက လယ်စိုက်ခွင့်ပြုသဖြင့် လယ်သမားများက ဒီရေတော စားကျက်မြေများအတွင်း ၀င်ရောက် ထွန်ယက်ခဲ့ကြရာ ဒီရေတော တောင်းခံနေသူများ စုပေါင်းစိုက်ပျိုးခဲ့ကြသည့် အပင်ပေါင်း ၁ သိန်းကျော် ပျက်စီးဆုံးရှုံးသွားခဲ့ပြီး ဒီရေတောစိုက်ပျိုးသူ ၃၇ ဦးမှာလည်း တရားစွဲဆိုခံခဲ့ရသည်။

ဒေသခံလူပေါင်း ၄ သောင်းကျော်၏ ဘ၀လုံခြုံမှုအတွက် ဒီရေတောများ စိုက်ပျိုးရန် အရေးတကြီး လိုအပ်နေချိန်တွင် ဒီရေတောမြေများကို လယ်စိုက်ခွင့်ပြုခဲ့သည့် ဧရာဝတီတိုင်းအစိုးရ၏ လုပ်ရပ်အပေါ် အလွန်စိတ်ပျက်မိကြောင်း ယင်းဒေသတွင် သဘာဝပတ်ဝန်းကျင် ထိမ်းသိမ်းရေး လှုပ်ရှားမှုများ ပြုလုပ်နေသည့် လူ့အခွင့်အရေး စောင့်ကြည့်ကာကွယ်ရေး ကွန်ရက် (HRWDN) မှ ဦးထွန်းထွန်းဦးက ပြောသည်။

“လက်ရှိမှာ ပင်လယ်ရေတိုက်စားမှု အခြေအနေက အရမ်းစိုးရိမ်ရတဲ့ အနေအထားမှာရှိတယ်။ သဘာဝဘေး တခုခု ဖြစ်လာရင် ဒေသခံတွေအတွက် ဘာအကာအကွယ်မှ မရှိဘူး။ ဒီလို အခြေအနေမျိုးမှာ ဒီရေတောတွေ အလျင်အမြန် စိုက်ပျိုးပြီး ပင်လယ်ရေ တိုက်စားမှုကို ကာကွယ်ရမှာ ဖြစ်ပါတယ်။ အဲဒါကို ဒီရေတော မစိုက်ဘဲ လယ်စိုက်ဖို့ခွင့်ပြုခဲ့ပြီး လိုအပ်တာတွေ ကူညီပေးခဲ့တဲ့ ဧရာဝတီတိုင်း အစိုးရရဲ့လုပ်ရပ်ကို အရမ်းအံသြမိသလို အရမ်းလည်း စိတ်ပျက်မိတယ်” ဟု သူက ပြောသည်။

ဒေသခံကျေးရွာများ ကိုယ်ထူကိုယ်ထ စုပေါင်းစိုက်ပျိုးခဲ့သည့် ဒီရေတောအပင်များ ပျက်ဆီးခဲ့ပြီးနောက် ဧရာဝတီတိုင်း အစိုးရက ၎င်းတို့အစီအစဉ်ဖြင့် ဒေသခံများ အသုံးမပြုသည့် မြေလွတ်ဧက ၃၀၀ ပေါ်တွင် ဒီရေတောအပင်များ စိုက်ပျိုးသွားမည်ဟု ပြောသည်။

“အခု အဲဒီဒေသက မြေလွတ်ဧက ၃၀၀ ပေါ်မှာ ဒီရေတောစိုက်ဖို့ ပျိုးပင်တွေလည်း စုထားပြီးပြီ။ အစိုးရအစီအစဉ်နဲ့ ဒေသခံတွေ စုပေါင်းပြီး ဒီရေတောစိုက်ဖို့ မကြာခင် လုပ်သွားမယ်” ဟု ၀န်ကြီး ဦးစန်းမောင်က ပြောသည်။

အစိုးရအစီအစဉ်ဖြင့် ပြုလုပ်မည့် ဒီရေကာတော စိုက်ပျိုးမှုများအောင်မြင်မည် မဟုတ်ကြောင်း HRWDN အဖွဲ့မှ ဦးထွန်းထွန်းဦးက ပြောသည်။

“ကျနော်တို့အဖွဲ့တွေ ဒီဒေသမှာ သေချာကွင်းဆင်း လေ့လာပြီးပါပြီ။ မြေလွတ်ဆိုလို့ သဲသောင်ခုံတွေပဲ ရှိတယ်။ အပင်စိုက်လို့ ရတဲ့နေရာမှန်သမျှ လယ်တည်ပြီး စပါးစိုက်ထားတာ။ မြေလွတ်တွေမှာသာ အပင်ပေါက်နိုင်ရင် ဒီရေတောအပင်က စိုက်စရာမလိုပါဘူး၊ အပင်ပေါက်ပြီး တောဖြစ်နေတာ ကြာပါပြီ။ အပင်စိုက်မယ်ဆို အခုလယ်လုပ်ထားတဲ့ ဒီရေတော စားကျက်မြေထဲမှာ စိုက်မှပဲရမယ်” ဟု သူက ပြောသည်။

ပင်လယ်ရေ တိုက်စားမှုကိုဒီရေတောများ စိုက်ပျိုး၍ ကာကွယ်နိုင်ခြင်း မရှိပါက ကျေးရွာများ ရွှေ့ပြောင်းရသည်အထိ အခြေအနေ ဆိုးဝါးလာနိုင်ကြောင်း သဘာဝပတ်ဝန်းကျင် ပညာရှင် ဦးစည်သူလွင်က သတိပေး ပြောဆိုသည်။

“ဒီရေတောတွေဟာ ပင်လယ်လှိုင်းရဲ့ ရိုက်ပုတ်ဖျက်ဆီးမှုဒဏ်ကို ၉၀ ရာခိုင်နှုန်း လျော့ကျစေပါတယ်။ နောက်ပြီး မြေအောက်ကနေ ရေငန်မ၀င်နိုင်အောင်လည်း ဟန့်တားပေးပါတယ်။ တော်ရုံတန်ရုံ လေဒဏ်မိုးဒဏ် မုန်တိုင်းဒဏ်ကိုလည်း ကာပေးထားနိုင်တယ်။ အခုလိုအကာအကွယ် မရှိဘဲ ပင်လယ်ရေ တိုက်စားပုံမျိုးနဲ့ဆိုရင် ဒီရွာတွေ အကုန်လုံးရွှေ့ပြောင်းရတာတွေ ဖြစ်လာနိုင်တယ်။ မြေအောက်ကလည်း ရေငန်တိုးတဲ့အတွက် ရေချိုတွေ ရေငန်တွေ ဖြစ်ကုန်မယ့် အနေအထားမျိုး ကြုံတွေ့လာနိုင်တယ်” ဟု သူကပြောသည်။

ပင်လယ်ရေတိုက်စားမှုနှင့် သဘာဝဘေးဒဏ်များ ကာကွယ်လိုပါက ဒီရေတောများ ကျယ်ကျယ်ပြန့်ပြန့် စိုက်ပျိုးရန် လိုအပ်ကြောင်း၊ လက်ရှိအချိန်က စတင်စိုက်ပျိုး လုပ်ဆောင်ပါက အချိန်မီနိုင်သေးကြောင်း ဦးစည်သူလွင်က အကြံပြုသည်။

“တကယ်က ဒီရေတောအပင်ဆိုတာ စိုက်စရာမလိုပါဘူး။ ဒီရေတော သစ်မျိုးတွေက သူ့ရာသီနဲ့သူ အသီးကြွေနေတာ ဆိုတော့ လုံးဝမထိဘဲ ဒီအတိုင်း ပစ်ထားလိုက်ရင်ကို ၁ နှစ် ၂ နှစ်ဆိုရင် သူ့ဘာသာ တောဖြစ်လာတာ။ ၄ နှစ် ၅ နှစ်ကြာတဲ့ အချိန်မှာ အပင်ရဲ့အမြစ်တွေက ကောင်းကောင်း ကုပ်ဆွဲထားပြီ ဆိုတော့ အပေါ်က ဆင်းလာတဲ့မြေကြီးတွေက အဲဒီမှာလာဖို့ပြီးတော့ ပင်လယ်ကလာတဲ့ လှိုင်းဒဏ်ကို အတိုင်းအတာတခု အထိတော့ ခံနိုင်ရည်ရှိသွားပါလိမ့်မယ်” ဟု သူကပြောသည်။

ပင်လယ်ရေ တိုက်စားခံနေရသည့် ကျောင်းဆိပ်ကျေးရွာမှ အသက် ၈၁ နှစ် ရှိပြီဖြစ်သည့် ဦးစိမ်းကတော့ သူမသေခင် သူ့သားမြေးများ လုံခြုံအေးချမ်းသောဘ၀မျိုး ဖြစ်သွားသည်ကို မြင်ချင်ကြောင်း ပြောသည်။

“ဒီရေတောတွေရဲ့ တန်ဖိုးကို နာဂစ်မုန်တိုင်းကာလမှာ ကျနော်တို့တွေ ကောင်းကောင်း နားလည်သွားခဲ့တယ်။ ဒါပေမယ့် အခုနာဂစ်ဖြစ်တာ ၆ နှစ်ကျော်ပြီ။ ကျနော်တို့ဆီမှာ ဒီရေတောတွေ မရှိသေးဘူး။ အဲဒီတော့ သဘာဝဘေးတခုခု ဖြစ်မှာကို လူတွေက အမြဲတမ်း စိုးရိမ်ထိတ်လန့် နေကြတယ်။ ကျနော် မသေခင် ကျနော့်သားမြေးမြစ်တွေ ဒီရေတောတွေကြားမှာ လုံခြုံတဲ့ဘ၀မျိုး ရရှိသွားတာ မြင်ချင်တယ်ဗျာ” ဟု အဘိုးအိုက ၎င်း၏ဆန္ဒကို ပြောပြသည်။

အဘိုးဦးစိမ်း မျှော်လင့်သကဲ့သို့ သူတို့ဒေသတွင် ဒီရေတောစိုက်ပျိုးမှုများ ဖြစ်လာပြီး ပင်လယ်ပြင်၏ ၀ါးမျိုခြင်းရန်ကို ကာကွယ်နိုင်မလား၊ ပင်လယ်ကြီးကပဲ အဘိုးအိုတို့ ဒေသတခုလုံးကို ၀ါးမျိုသွားမလား ဆိုသည်မှာ မည်သူမျှ တပ်အပ်သေချာ မဖြေဆိုနိုင်သည့်မေးခွန်းတခုအဖြစ် တည်ရှိနေသည်။

တကယ်တော့ အဘိ်ုးဦးစိမ်းကဲ့သို့ ဒေးဒရဲမြို့နယ်တောင်ပိုင်း ဒေသခံတို့၏ ဘ၀တွေသည် ပင်လယ် ခံတွင်းပေါက်ထဲ အချိန်မရွေး ကျရောက်သွားနိုင်သည့် ပင်လယ်ခံတွင်းဝက ဘ၀များသာ ဖြစ်လေသည်။
Irrawaddy

Thursday, November 6, 2014

စိုက်ပျိုးစရိတ်ချေးငွေ မဆပ်နိုင်သည့် လယ်သမား ၁၅၀၀၀ ကျော်ကို အရေးယူ

ဆလိုင်းသန့်စင်| November 6, 2014 | 
စိုက်ပျိုးစရိတ် ချေးငွေ, ဧရာဝတီတိုင်း , မြန်မာ့ လယ်ယာ ဖွံ့ဖြိုးရေး ဘဏ်

ဧရာဝတီတိုင်း ပုသိမ်မြို့အနီး ပုသိမ်-ရန်ကုန် ကားလမ်းဘေးရှိ လယ်ကွင်းများတွင် လယ်စိုက်နေသည့် လယ်သမားများ(ဓာတ်ပုံ – ဂျေပိုင် / ဧရာဝတီ)

စိုက်ပျိုးစရိတ်ချေးငွေ ပြန်လည် ပေးဆပ်နိုင်ခြင်း မရှိသည့် ဧရာဝတီတိုင်းဒေသကြီးမှ လယ်သမား ၁၅၀၀၀ ကျော်ကို အစိုးရ မြန်မာ့ လယ်ယာဖွံ့ဖြိုးရေး ဘဏ်က တရားလိုပြုလုပ်၍ အမှုဖွင့် အရေးယူမှုများ လုပ်ဆောင်နေကြောင်း သိရသည်။

၂၀၁၃ ခုနှစ် မိုးစပါးနှင့် ဆောင်းစပါးစိုက်ပျိုးရန်အတွက် မြန်မာ့လယ်ယာဖွံ့ဖြိုးရေးဘဏ်မှ ထုတ်ပေးထားသည့် ချေးငွေပြန်မဆပ်သူ ၁၅,၄၇၂ ဦးရှိပြီး ငွေကြေးအားဖြင့် ကျပ် ၈ ဒသမ ၉ ဘီလီယံရှိကြောင်း၊ ချေးငွေ ပြန်ဆပ်ရန် စက်တင်ဘာလကုန်အထိ စောင့်ဆိုင်း ပေးခဲ့သော်လည်း သတ်မှတ်ချိန်ကျော်လွန်သည် အထိ ပေးဆပ်ခြင်းမရှိသည့်အတွက် အရေးယူရခြင်းဖြစ်ကြောင်း တိုင်း ဒေသကြီး မြန်မာ့ လယ်ယာ ဖွံ့ဖြိုးရေးဘဏ် မန်နေဂျာ ဦးခင်မောင်လွင်က ဧရာဝတီကို ပြောသည်။

ထို့အပြင် သတ်မှတ်ချိန်ကျော်လွန်၍ ချေးငွေမဆပ်နိုင်သူများ၏ နေအိမ်များကို လေလံတင်ရောင်းချမည်ဟူသော ၀ရမ်းကပ်ခြင်းနှင့် စိုက်ပျိုးရရှိထားသော စပါးများနှင့် ပတ်သက်၍ ၀ရမ်းကပ်ခြင်းများလည်း ပြုလုပ်ကြောင်း သိရသည်။

“ချေးငွေပြန်မဆပ်တဲ့ လယ်သမားကို နီးရင် ၇ ရက်၊ ဝေးရင် ၁၀ ရက်၊ ၁၅ ရက် နို့တစ်စာ(သတိပေးစာ)ကို ကျေးရွာအုပ်ချုပ်ရေးမှူးကနေတဆင့် အကြောင်းကြားပါတယ်။ ချေးငွေပြန်ဆပ်ဖို့ပေါ့နော်။ အဲဒါမှ လယ်သမားက မဆပ်ရင် သူပိုင်တဲ့အိမ် ဒါမှမဟုတ် သူ စိုက်ထားတဲ့ စပါးအားလုံးကို ၀ရမ်းကပ်ပါတယ်။ ရိတ်ပြီး၊ ရောင်းပြီးရင် ဆပ်ဖို့ပြောထားပါတယ်။ ရိတ်ပြီး ရောင်းပြီးကာမှ မဆပ်ဘူး ဆိုရင်တော့ ယုံကြည်လို့အပ်နှံထားတဲ့ ပစ္စည်းကို အလွဲသုံးစားလုပ်မှု ပုဒ်မ ၄၀၆ နဲ့ အရေးယူသွားမှာပါ”ဟု ဦးခင်မောင်လွင် က ရှင်း ပြသည်။

ချေးငွေမဆပ်သဖြင့် အရေးယူဆောင်ရွက်နေသည့် မြို့နယ်များမှာ ပုသိမ်ခရိုင်တွင် ပုသိမ်၊ ကန်ကြီးထောင့်၊ သာပေါင်း၊ ငပုတော၊ ကျောင်းကုန်း၊ ရေကြည်၊ ဟင်္သာတခရိုင်တွင် အင်္ဂပူ၊ လေးမျက်နှာ၊ မြောင်းမြခရိုင်တွင် မြောင်းမြ၊ ၀ါးခယ်မ၊ လပွတ္တာခရိုင်တွင် လပွတ္တာနှင့် မော်လမြိုင်ကျွန်း၊ မအူပင်ခရိုင်တွင် မအူပင်၊ ပန်းတနော်နှင့် ဖျာပုံခရိုင်တွင် ဘိုကလေးနှင့် ဒေးဒရဲမြို့နယ်များဖြစ်ကြောင်း တိုင်း လယ်ယာ ဘဏ်က ထုတ်ပြန်ထားသည်။

စိုက်ပျိုးစရိတ်ချေးငွေ လိမ်လည်ထုတ်ယူသူများကိုလည်း အမြန်ဆုံးပြန်လည်ပေးဆပ်ရန် သတိပေး အကြောင်းကြားထားပြီး သတ် မှတ်ချိန် ကျော်သည်အထိ လာရောက်ပေးဆပ်ခြင်းမရှိပါက ရာဇ၀တ်ပုဒ်မ ၄၂၀(လိမ်လည်မှု) ဖြင့် မြို့နယ်ဘဏ်မန်နေဂျာများက တရားလိုပြုလုပ်၍ အမှုဖွင့် တရားစွဲဆိုသွားရန် ညွှန်ကြားထားကြောင်း၊ လက်ရှိတွင် မအူပင်မြို့နယ်၌ ပုဒ်မ ၄၂၀ ဖြင့် အမှုဖွင့် အရေးယူနေကြောင်း ဦးခင်မောင်လွင်က ပြောသည်။

“ချေးငွေလိမ်ထုတ်သူတွေကို ချက်ချင်း အရေးယူတာမျိုး ကျနော်တို့ မလုပ်ပါဘူး။ အဲဒီလယ်သမားကို အထောက်အထားနဲ့တကွ သူ လိမ်ထုတ်ထားကြောင်း သေချာပြောဆိုပြီးမှ ၅ ရက်အတွင်း မဟုတ်ရင် ၁၀ ရက် အတွင်း ပြန်ဆပ်ဖို့ ပြောပါတယ်။ အဲဒီရက် အတွင်း ပြန်ဆပ်ရင် အမှုမဖွင့်ပါဘူး။ ပြန်မဆပ်မှ အမှုဖွင့်တာပါ။ လက်ရှိတော့ မအူပင်မှာ ပုဒ်မ ၄၂၀ နဲ့ အမှုဖွင့်ဆောင်ရွက် နေတာ တွေ ရှိပါတယ်”ဟု သူက ပြောပြသည်။

စိုက်ပျိုးစရိတ်ချေးငွေ ပြန်မဆပ်သည့်ဖြစ်ရပ်များမှာ ၂၀၁၂ ခုနှစ်က စတင်ခဲ့ခြင်းဖြစ်ပြီး ၂၀၁၂ ခုနှစ်တွင် မအူပင်နှင့် လပွတ္တာမြို့နယ် ၂ ခုသာချေးငွေအကြေဆပ်ရန် ကျန်ရှိသော်လည်း ၂၀၁၃ ခုနှစ်တွင် ဧရာဝတီတိုင်း မြို့နယ် ၂၆ မြို့နယ်အနက် တိုင်းအစိုးရရုံးစိုက်သည့် ပုသိမ်မြို့ အပါအ၀င် မြို့နယ် ၁၆ မြို့နယ်မှာ ချေးငွေ အကြေဆပ်ရန် ပျက်ကွက်မှုများ ဖြစ်ပေါ်ခဲ့သည်။

ဧရာဝတီတိုင်းတွင် စိုက်ပျိုးစရိတ်ပြန်မဆပ်သူ အများဆုံးမြို့နယ်မှာ ဘိုကလေးမြို့နယ်ဖြစ်ပြီး ချေးငွေမဆပ်သူ လယ်သမားဦးရေ ၅၉၉၀ ရှိကြောင်း၊ လပွတ္တာမြို့နယ်မှာ ၁၈၈၉ ဦးဖြင့် ဒုတိယနေရာတွင် ရှိနေပြီး မော်လမြိုင်ကျွန်းမြို့နယ်မှာ ၁၅၃၆ ဦးဖြင့် တတိယ နေရာတွင် ရှိကြောင်း တိုင်း လယ်ယာဘဏ်၏ စာရင်းများ အရ သိရသည်။

ပုသိမ်မြို့နယ် အမှတ် ၉ ရပ်ကွက်မှ လယ်သမားတဦးက“လယ်သမားတွေက မိုးရာသီရောက်လို့ စပါးစိုက်ရမယ့် အချိန်မှာ အစိုးရ ဘဏ်ချေးငွေက မရဘူး။ ချေးငွေရတာ နောက်ကျနေတာပေါ့။ အဲဒီတော့ အပြင်ကနေ အတိုးကြီးကြီးနဲ့ယူပြီး စိုက်ပျိုးရတယ်။ အစိုးရဘဏ်ကနေ ချေးငွေထုတ်တော့လည်း အသုံးစရိတ်ထဲ ပါသွားပြီး စပါးပေါ်တော့ အပြင်က ချေးထားတဲ့လူကို ဆပ်လိုက်ရ တယ်။ အဲဒီမှာ ဘဏ်ချေးငွေကို မဆပ်နိုင်ဘူး ဖြစ်တာပေါ့။ တချို့ ကျတော့လည်း ချေးငွေတွေကို တခြားနည်းလမ်းနဲ့ သုံးပစ်တာ တွေရှိတယ်။ ရွှေဝယ်တယ်၊ ဆိုင်ကယ်ဝယ်တယ်။ အဲဒီတော့ ပြန် ဆပ် ချိန်ကျ မဆပ်နိုင်တော့ဘူး”ဟု ပြောသည်။

စိုက်ပျိုးစရိတ်ချေးငွေများကို နိုင်ငံတော်ဗဟိုဘဏ်မှ အစိုးရပိုင် မြန်မာ့လယ်ယာ ဖွံ့ဖြိုးရေး ဘဏ်က ချေးယူ၍ လယ်သမားများထံ အတိုးနှုန်း ၁၀၀ ကျပ်လျှင် ၄၈ ပြားနှုန်းဖြင့် လယ် ၁ ဧက ကျပ် ၁ သိန်းနှုန်း ထုတ်ချေးခြင်း ဖြစ်သည်။

“ချေးငွေပြန်မဆပ်တဲ့လူ များလာရင် ချေးငွေလမ်းကြောင်း ပိတ်ဆို့သွားနိုင်ပါတယ်။ အဲဒီလိုဖြစ်လာလို့ အစိုးရက လယ်သမားကို
စိုက်ပျိုးစရိတ် ထုတ်မချေးနိုင်တော့ဘူးဆိုရင် အဆုံးသတ်မှာ လယ်သမားတွေပဲ နစ်နာ ပါလိမ့်မယ်”ဟု တိုင်း လယ်ယာဖွံ့ဖြိုးရေး ဘဏ် မန်နေဂျာ ဦးခင်မောင်လွင်က ပြောသည်။

လက်ရှိတွင် မိုးစပါးစိုက်ပျိုးရန်အတွက် တိုင်း လယ်ယာဖွံ့ဖြိုးရေး ဘဏ်က ဧရာဝတီတိုင်းအတွင်းရှိ လယ်ဧက ၂၃ သိန်းကျော် အတွက် စိုက်ပျိုးစရိတ် ကျပ် ၂၃၄ ဘီလီယံ ထုတ်ချေးပြီးဖြစ်ကြောင်း သိရသည်။
Irrawaddy

Wednesday, October 29, 2014

လပွတ္တာ၌ လယ်ဧက ၁၀၀၀ ကျော် ရေမြုပ်ပျက်စီး၍ လယ်သမားများ အခက်ကြုံ

ဆလိုင်းသန့်စင်| October 29, 2014 |
လပွတ္တာ

လပွတ္တာမြို့ ဆိုင်းဘုတ်(ဓာတ်ပုံ – လပွတ္တာ သတင်းများ ဖေ့စ်ဘုတ်)

ဧရာဝတီတိုင်း ဒေသကြီး လပွတ္တာမြို့နယ်ရှိ စပါးစိုက်ခင်းများအတွင်း ရေငန်များ ၀င်ရောက်၍ စိုက်ပျိုးထားသော စပါးများ ပျက်စီး သွားခြင်းကြောင့် ဒေသခံ လယ်သမားများ စားဝတ်နေရေး ခက်ခဲခြင်း၊ စိုက်ပျိုး စရိတ် ချေးငွေများ ပြန်မဆပ်နိုင်ခြင်း စသည့် အခက် အခဲများနှင့် ကြုံတွေ့ နေရကြောင်း သိရသည်။

လပွတ္တာမြို့နယ် ဆင်ခြေရာကျေးရွာအုပ်စု သင်္ကန်းလေးကျေးရွာ အနီးရှိ သင်္ကန်းလေး – ၀ဲဒေါင့် ရေတံခါးသည် သြဂုတ်လ နောက် ဆုံးပတ် အတွင်းက ကျိုးပေါက်ပျက်စီးခဲ့ပြီးနောက် စပါးစိုက်ခင်းများ အတွင်းသို့ ပင်လယ်ရေငန်များ ၀င်ရောက်ခဲ့သည့်အပြင် အချိန် ၁ လ ကျော်ကြာ ရေမြုပ်ခဲ့၍ စပါးပင်များ ပျက်စီးသွားခဲ့ကြောင်း သင်္ကန်းလေးကျေးရွာမှ လယ်သမားများ က ပြောသည်။

သင်္ကန်းလေးရွာခံ လယ်သမား ဦးလှအေး က “စက်တင်ဘာလ ၁၀ ရက်ကတည်း က ရေမြုပ်ခဲ့တာပါ။ အချိန် ၁ လကျော်လောက် ရေမြုပ်သွားတော့ ကျနော့်လယ် ဧက ၄၀ ရှိတာ ဧက ၂၀ ပျက်စီးသွားတယ်။ ရွာထဲမှာ ဆိုရင်လည်းပဲ လယ်တွေ လုံးဝ မရိတ် လိုက် ရတဲ့ လယ်သမား ၁၅ ဦးလောက် ရှိတယ်။ ဧက ၃၀၀၀ လောက် ရေမြုပ်ခဲ့ရာမှာ ဧက ၁၅၀၀ လောက် ပျက်စီးသွားတယ်”ဟု ဧရာဝတီ ကို ပြောသည်။

လပွတ္တာမြို့နယ်အတွင်းမှ ဆင်ခြေရာအုပ်စု၊ သင်္ကန်းလေး၊ အောင်ဇံကုန်းနှင့် နလင်ကျော် စသည့် ကျေးရွာများမှ လယ်သမားများ ၏ လယ်ယာမြေများ ပါဝင်ကြောင်း၊ စိုက်ပျိုး မြေများ ပျက်စီးသွားခြင်းကြောင့်း၊ လယ် တဧကလျှင် စိုက်ပျိုးစရိတ် ၈ သောင်းကျပ် အနည်းဆုံး ကုန်ကျရာ လယ်ဧက ၁၀၀၀ ကျော် ပျက်စီးသွားသည့် အတွက် ဆုံးရှုံးမှု တန်ဖိုးမှာ ကျပ်သိန်း ၈၀၀ ကျော် ရှိနိုင်ကြောင်း လယ်သမားများ က ပြောဆိုကြသည်။

လယ်မြေများ ရေနစ်မြုပ်နေခြင်းနှင့်ပတ်သက်၍ လပွတ္တာမြို့နယ် ဆည်မြောင်းဦးစီးဌာနသို့ အကြောင်းကြားခဲ့သော်လည်း အချိန်မီ လာရောက် လုပ်ဆောင်ပေးခဲ့ခြင်းမရှိဟု သင်္ကန်းလေးကျေးရွာမှ ဒေသခံ လယ်သမားများ က ပြောသည်။

သင်္ကန်းလေး ကျေးရွာ ဒေသခံ ဦးအောင်အောင် က“လယ်တွေမြုပ်နေလို့ ရေတံခါးကို ပြန်လုပ်ပေးဖို့၊ ရေထိန်းတာ လုပ်ပေးဖို့ ဆည် မြောင်းကို တင်ပြတော့ ခင်ဗျားတို့ ရေတံခါးက ကိုယ့်အားကိုယ်ကိုး လုပ်ထားတာဖြစ်လို့ သူတို့နဲ့မဆိုင်ဘူးလို့ ပြောပါတယ်”ဟု ပြော ပြ သည်။

ထိုအကြောင်းအရာနှင့်ပတ်သက်၍ သတင်းဂျာနယ် တခုတွင် ရေးသားဖော်ပြခဲ့ပြီးနောက် ရေထိန်းတံခါးကို ပြီးခဲ့သည့် ရက်ပိုင်းအတွင်း က ပြန်လည် ဆေင်ရွက်ပေးခဲ့ကြောင်း ဒေသခံများ က ပြောသည်။

ဧရာဝတီတိုင်း စိုက်ပျိုးရေးဌာန ဒု တိုင်းဦးစီးမှူး ဦးမျိုးဇော် က လယ်ယာမြေများ ပျက်စီးမှု အခြေအနေများအား ကွင်းဆင်း တိုင်းတာ ရန် သက်ဆိုင်ရာက ညွှန်ကြားထားကြောင်း၊ လယ်မြေ ပျက်စီး ဆုံးရှုံးသွားသည့် လယ်သမားများအတွက် စိုက်ပျိုးစရိတ် ချေးငွေများကိုလည်း အရစ်ကျ စနစ်ဖြင့် ပေးဆပ်နိုင်ရန် ကူညီပေးသွားမည်ဟု ပြောဆိုသည်။

“လယ်ကွင်းထဲမှာ ဆားငန်ရေပါဝင်မှု အခြေအနေကို တိုင်းတာပြီးတော့မှ လယ်ဧက ပျက်စီးမှု စာရင်းလုပ်ဖို့ ညွှန်ကြားထားပါတယ်၊ ဆည်မြောင်းကတော့ ရေတံခါး ပြန်လုပ်ပေးနေပြီလို့ သိရပါတယ်။ စိုက်ပျိုးစရိတ် ပြန်ဆပ်ဖို့ ကိစ္စကိုတော့ သက်ဆိုင်ရာ စိုက်ဘဏ်၊ အုပ်ချုပ်ရေးပိုင်းတွေနဲ့ တိုင်ပင်ပြီး လယ်သမားတွေက အရစ်ကျ ပေးဆပ်လို့ရအောင် ကျနော်တို့ တင်ပြပေးသွားမှာပါ”ဟုလည်း ၎င်းက ပြောသည်။

ဧရာဝတီတိုင်း ရေကြည်မြို့နယ်တွင်လည်း ပြီးခဲ့သည့် သြဂုတ်လအတွင်းက အင်းပိတ်၍ ငါးဖမ်းမှုကြောင့် လယ်ဧက ၆၀၀ ကျော် ရေနစ်မြုပ် ပျက်စီးမှု ဖြစ်ပွားခဲ့သေးသည်။
Irrawaddy

Thursday, September 25, 2014

စိုက်ပျိုးစရိတ် ချေးငွေ ပြန်မဆပ်သည့် လယ်သမားများကို အစိုးရ တရားစွဲမည်

ဆလိုင်းသန့်စင်| September 25, 2014 |
ဗဟိုဘဏ်, မြန်မာ့ လယ်ယာဖွံ့ဖြိုးရေး ဘဏ်, ဧရာဝတီတိုင်း, စိုက်ပျိုးစရိတ်ချေးငွေ

ဧရာဝတီတိုင်း ပုသိမ်မြို့အနီး ပုသိမ်-ရန်ကုန် ကားလမ်းဘေးရှိ လယ်ကွင်းများတွင် လယ်စိုက်နေသည့် လယ်သမားများ(ဓာတ်ပုံ – ဂျေပိုင် / ဧရာဝတီ)

အစိုးရက ထုတ်ပေးထားသည့် စိုက်ပျိုးစရိတ် ချေးငွေများအား စက်တင်ဘာ လကုန် အထိ ပေးဆပ်ခြင်း မရှိသည့် လယ်သမားများကို တရားစွဲဆိုသွားမည်ဟု ဧရာဝတီတိုင်း ဒေသကြီး မြန်မာ့လယ်ယာ ဖွံ့ဖြိုးရေးဘဏ်က ပြောသည်။

ထိုချေးငွေများသည် ၂၀၁၂ ခုနှစ် နှင့် ၂၀၁၃ ခုနှစ် စိုက်ပျိုးရာသီတွင် ထုတ်ချေးထားသည့် ချေးငွေများ ဖြစ်ပြီး ကျပ် ၁၂ ဘီလီယံ ကျော် လယ်သမားများဘက်မှ ပြန်လည် ပေးဆပ်ရန် ပျက်ကွက်နေသည်ဟုလည်း ဆိုသည်။

လက်ရှိတွင် ချေးငွေအကြွေးကျန်သည့် လယ်သမားစာရင်း ပြုစုနေပြီး စက်တင်ဘာ လကုန်သည်နှင့် တရား စွဲမည့် လယ်သမား စာရင်း ထုတ်ပြန်၍ အောက်မြန်မာပြည် မြေနှင့် အခွန်တော်ဥပဒေ ပုဒ်မ ၄၅ အရ တရားစွဲဆို သွားမည်ဟု တိုင်း လယ်ယာဖွံ့ဖြိုးရေး ဘဏ် မန်နေဂျာ ဦးခင်မောင်လွင် က ဧရာဝတီကို ပြောသည်။

“စက်တင်ဘာ လကုန်တာနဲ့ တရားစွဲမယ့် လယ်သမားစာရင်း ထုတ်ပြန်မှာပါ။ တကယ်ကတော့ ဘဏ်ကြွေးဆပ်ရမယ့်အချိန် ၃ လ ကျော်တာနဲ့ တရားစွဲရမှာပါ။ ဒါပေမယ့် ကျနော်တို့ တရားမစွဲသေးဘဲ လယ်သမားတွေ လာဆပ်နိုင်အောင် စက်တင်ဘာလကုန် အထိ စောင့်ဆိုင်းပေးထားတာပါ။ စိုက်ဘဏ် မြို့နယ်တာဝန်ခံတွေက နိုင်ငံတော်ကိုယ်စား တရားလိုဖြစ်မှာပေါ့။ အကြွေးမဆပ်တဲ့ လယ်သမားကတော့ တရားခံ ပေါ့”ဟု သူက ပြောဆိုသည်။

စိုက်ပျိုးစရိတ်ချေးငွေ ပြန်မဆပ်သည့်ဖြစ်ရပ်များမှာ ၂၀၁၂ ခုနှစ်က စတင်ခဲ့ခြင်းဖြစ်ပြီး ၂၀၁၂ ခုနှစ်တွင် မအူပင်နှင့် လပွတ္တာမြို့နယ် ၂ ခုသာ ချေးငွေအကြေဆပ်ရန် ကျန်ရှိသော်လည်း ၂၀၁၃ ခုနှစ်တွင် ဧရာဝတီ တိုင်း မြို့နယ် ၂၆ မြို့နယ်အနက် တိုင်းအစိုးရ ရုံး စိုက်သည့် ပုသိမ်မြို့ အပါအ၀င် မြို့နယ် ၁၈ မြို့နယ် ချေးငွေအကြေ ဆပ်ရန် ပျက်ကွက်မှုများ ဖြစ်ပေါ်ခဲ့ကြောင်း သိရသည်။

ကြွေးကျန်ပမာဏမှာ ၂၀၁၂ ခုနှစ် မိုးစပါးချေးငွေ ကျပ် ၁၁၅ သိန်းနှင့် ဆောင်းစပါးအတွက် ၆၇ သိန်းပေးဆပ်ရန် ကျန်ရှိနေပြီး ၂၀၁၃ ခုနှစ် မိုးစပါးချေးငွေ ကျပ် ၅ ဒသမ ၆ ဘီလီယံနှင့် ဆောင်းစပါးချေးငွေ ကျပ် ၆ ဒသမ ၅ ဘီလီယံကျော် လယ်သမားများဘက်မှ ပေးဆပ်ရန် ကျန်ရှိနေကြောင်း မြန်မာ့ လယ်ယာ ဖွံ့ဖြိုးရေး ဘဏ်၏ စာရင်းဇယားများတွင် ဖော်ပြထားသည်။

ယင်းချေးငွေများကို နိုင်ငံတော်ဗဟိုဘဏ်မှ အစိုးရပိုင် မြန်မာ့ လယ်ယာဖွံ့ဖြိုးရေး ဘဏ်ကချေးယူ၍ လယ်သမားများထံ ၁ ဧက ကျပ် ၁ သိန်း နှုန်းဖြင့် စိုက်ပျိုးစရိတ် ထုတ်ပေးနေခြင်းဖြစ်ပြီး ချေးငွေပေးဆပ်ရန် ပျက်ကွက်သူများလာပါက ချေးငွေလမ်းကြောင်း ပိတ် ဆို့ သွားနိုင်ကြောင်း တိုင်း လယ်ယာ ဖွံ့ဖြိုးရေးဘဏ် မန်နေဂျာ ဦးခင်မောင်လွင်က ရှင်းပြသည်။

“အကြွေးမဆပ်တဲ့ လယ်သမားတွေ များလာရင် ချေးငွေလမ်းကြောင်းကြီး ပိတ်ဆို့သွားနိုင်ပါတယ်။ ကျနော်တို့ က ဗဟိုဘဏ်ကနေ ချေးရတာပါ။ အောက်တိုဘာ လဆန်းပိုင်းဆိုရင် ဆောင်းစပါးအတွက် ချေးငွေထုတ်ပေးရမယ့် အချိန် ရောက်လာပြီ။ အဲဒီတော့ ဗဟို ဘဏ်က ခင်ဗျားရှေ့ကြွေးတောင် မကြေသေးဘဲ နောက်ကြွေး လာယူတာလား ဆိုပြီး ဒီလို ပြောတာတွေ ရှိတယ်”ဟု သူက ပြော ဆိုသည်။

ထို့အပြင် စိုက်ပျိုးစရိတ်ချေးငွေ လိမ်လည်ထုတ်ယူမှုများလည်း ရှိနေပြီး ယင်းလယ်သမားများအား ရာဇ၀တ်မှု ပုဒ်မ ၄၂၀ (လိမ်လည်မှု) ဖြင့် တရား စွဲဆိုသွားမည်ဟု တိုင်းစိုက်ပျိုးရေးဘဏ်က ထုတ်ပြန် ထားသည်။

“၁ ဧကပဲလယ်ရှိတာကို ၁၀ ဧကဆိုပြီး လိမ်လည် ထုတ်တဲ့ လယ်သမားတွေကိုတော့ ရာဇ၀တ်ကြောင်းအရ တရားစွဲသွားမှာပါ။ ပုဒ်မ ၄၂၀ နဲ့စွဲမှာပေါ့။ အဲဒါလည်း မြို့နယ် စိုက်ဘဏ်တာဝန်ခံ တွေကပဲ တရားလိုပြုလုပ်မှာပါ”ဟု ဦးခင်မောင်လွင်က ပြောသည်။

အစိုးရဘဏ်ချေးငွေ ပြန်မဆပ်သူအများစုမှာ လယ်ဧကစာရင်းပိုတင်ပြပြီး လိမ်လည်ထုတ်ယူသူများ၊ လယ် မရှိဘဲ ဘဏ်စာအုပ် ပြုလုပ်၍ လိမ်လည်သူများဖြစ်ကြောင်း ငပုတောမြို့နယ် တိုင်းဒေသကြီးလွှတ်တော် ကိုယ်စားလှယ် ဦးအေးကြည်ကလည်း ပြော ဆို သည်။

“တချို့က လယ် ၁ ဧကပဲရှိတာကို ၅ ဧကဆိုပြီး စာရင်းပိုတင်ပြီး ချေးငွေထုတ်တယ်။ ပြန်ဆပ်ရမယ့်အချိန်ကျ မဆပ်နိုင်တော့ဘူး။ တချို့နေရာကျတော့လည်း အုပ်ချုပ်ရေးမှူးနဲ့ သူ့ဆွေမျိုးအသိုင်းအ၀ိုင်းက လယ်မရှိဘဲ ဘဏ်စာအုပ်တွေလုပ်ပြီး ငွေထုတ်စားတယ်။ ပြန်ဆပ်ချိန်ကျ မဆပ်နိုင်တော့ဘူး။ တကယ်တမ်း လယ်စိုက်သူ လယ်သမားအများစုက အစိုးရဘဏ်ချေးငွေ မဆပ်ရင် နောင်နှစ် မထုတ်ရမှာစိုးတော့ မဖြစ်မနေ ပြန်ဆပ်ကြ ပါတယ်”ဟုလည်း သူက ပြောသည်။

ဘဏ်ချေးငွေလိမ်ထုတ်သူအား တရားစွဲမည်ဆိုပါက ချေးငွေလိမ်ထုတ်နိုင်ရန် ကူညီပေးခဲ့သည့် ကျေးရွာ အုပ်ချုပ်ရေးမှူးနှင့် မြေ စာရင်းဌာန တာဝန်ရှိသူများကိုပါ ထည့်သွင်းတရားစွဲသင့်ကြောင်း ငပုတော လွှတ်တော် ကိုယ်စားလှယ် တဦးက ပြောဆိုသည်။

လက်ရှိတွင် မိုးစပါးစိုက်ပျိုးရန်အတွက် တိုင်း လယ်ယာဖွံ့ဖြိုးရေး ဘဏ်က ဧရာဝတီတိုင်းအတွင်းရှိ လယ်ဧက ၂၃ သိန်းကျော် အတွက် စိုက်ပျိုးစရိတ် ကျပ် ၂၃၄ ဘီလီယံ ထုတ်ချေးပြီးဖြစ်ကြောင်း သိရသည်။
Irrawaddy

Wednesday, September 24, 2014

ဒီရေတော စိုက်ပျိုးသူ ၄ ဦးကို ပုဒ်မ ၁၈ ဖြင့် ထောင်ဒဏ်များ ချမှတ်

ဆလိုင်းသန့်စင်| September 24, 2014 |
ဒီရေတော , ပုဒ်မ ၁၈ , လူ့အခွင့်အရေး , ဒေးဒရဲ , ဧရာဝတီတိုင်း , HRWDN
ထောင်ဒဏ် ချမှတ်ခံရပြီးနောက် တရားခွင်မှ ထွက်ခွာလာသူ HRWDN အဖွဲ့မှ ဦးထွန်းထွန်းဦး (လက်ကို အပေါ်မြှောက်ထား သူ) ကို စက်တင်ဘာလ ၂၃ ရက် ညနေပိုင်းက တွေ့မြင်ရစဉ် (ဓာတ်ပုံ – ကိုစိန်သန်း / ဒေးဒရဲ)

ဧရာဝတီတိုင်းဒေသကြီး ဒေးဒရဲမြို့နယ်အတွင်း ဒီရေတောများ စိုက်ပျိုးခဲ့သည့် လူ့အခွင့်အရေးလှုပ်ရှားသူ ဦးထွန်းထွန်းဦးနှင့် ဒေသ ခံ ၃ ဦးအား ဒေးဒရဲမြို့နယ် တရားရုံးက ငြိမ်းချမ်းစွာ စုဝေးခွင့်နှင့်စီတန်း လှည့်လည်ခွင့်ဆိုင်ရာ ဥပဒေ ပုဒ်မ ၁၈ ဖြင့် ယမန်နေ့ ညနေ ပိုင်းက ထောင်ဒဏ်များ ချမှတ်ခဲ့ကြောင်း သတင်းရရှိသည်။

ခွင့်ပြုချက်မရဘဲ ဒီရေတောစိုက်ပျိုးရန် ဟောပြောမှု၊ ခွင့်ပြုချက်မရဘဲ ဒီရေတောစိုက်ပျိုးမှုနှင့် ပုဒ်မ ၁၈ ဖျက်သိမ်းပေးရန် တကိုယ် တော် ဆန္ဒဖော်ထုတ်မှုတို့ဖြင့် လူ့အခွင့်အရေး စောင့်ကြည့်ကာကွယ်ရေး ကွန်ရက်(HRWDN)မှ ဦးထွန်းထွန်းဦးအား ထောင်ဒဏ် ၆ လ၊ ဒေသခံ ဦးချိုလွင်နှင့် ဦးခင်ရွှေတို့အား ထောင်ဒဏ် ၄ လနှင့် ဒေသခံ ဦးမြင့်လွင်အား ထောင်ဒဏ် ၂ လ ပြစ်ဒဏ်များကို ဒေးဒရဲမြို့နယ် တရားသူကြီး ဦးရဲထွဋ်ခေါင်က အမိန့်ချမှတ်ခဲ့ခြင်း ဖြစ်သည်။

“ဒီအမှုနဲ့ ပတ်သက်လို့ တရားခံတွေဘက်က ဘာပြောချင်သလဲတို့၊ အပြစ်ရှိကြောင်း ၀န်ခံသလားတို့ တရားသူကြီးက မေးမြန်းခြင်း မရှိဘူး။ ဦးထွန်းထွန်းဦး ဟိုတနေ့က တင်ထားတဲ့ အပြီးသတ်လျှေက်လဲချက်ကို တရားသူကြီးက ဖတ်ပြပြီးတော့ ပုဒ်မ ၁၈ တမှုကို ထောင် ၂ လနှုန်းနဲ့ ချမှတ်လိုက်တာ။ ဦးထွန်းထွန်းဦး ကတော့ ဒါလားကွ ဒီမိုကရေစီလို့ အော်ဟစ်ပြီး ရဲတွေခေါ်တဲ့နောက်ကို ပါသွားတယ်”ဟု တရားခွင်သို့ တက်ရောက်နားထောင်ခဲ့သည့် ဒေးဒရဲဒေသခံ ကိုအောင်ကျော်စန်းက ဧရာဝတီကိုပြောသည်။

သဘာဝပတ်ဝန်းကျင် ပျက်စီးနေသဖြင့် ဒီရေတောများစိုက်ပျိုးကြရန် HRWDN အဖွဲ့မှ ဦးထွန်းထွန်းဦးက ဒေးဒရဲမြို့နယ်၌ ယခုနှစ် မတ်လအတွင်းကလိုက်လံ ဟောပြောခဲ့ရာ ဦးထွန်းထွန်းဦးအပါအ၀င် ဒေသခံ ဦးချိုလွင်၊ ဦးခင်ရွှေနှင့် ဦးမြင့်လွင်တို့အား နယ်မြေခံ ကျုံဒါး စခန်းမှူး ရဲအုပ်နိုင်မွန်ထွန်းက ပုဒ်မ ၁၈ ဖြင့် ပထမအကြိမ် တရားစွဲဆိုခဲ့သည်။

ယခုနှစ် မေလက ဦးထွန်းထွန်းဦးနှင့် ဒေသခံများပူးပေါင်း၍ ဒေးဒရဲမြို့နယ် ကျုံကနပ်စားကျက်မြေအတွင်း၌ ဒီရေတော အပင်ပေါင်း ၉ သောင်းကျော် စိုက်ပျိုးခဲ့ရာ ရဲအုပ်နိုင်မွန်ထွန်းက ဦးထွန်းထွန်းဦးအပါအ၀င် ဒေသခံ ဦးချိုလွင်နှင့် ဦးခင်ရွှေတို့အား ပုဒ်မ ၁၈ ဖြင့် ဒုတိယအကြိမ် ထပ်မံ တရားစွဲဆိုခဲ့သည်။ ယင်းအမှုများကို ဒေးဒရဲမြို့နယ်တရားရုံးက အချိန် ၃ လကျော် ကြားနာစစ်ဆေးပြီးနောက် အမိန့်ချမှတ်ခဲ့ခြင်း ဖြစ်သည်။

“ကျမတို့ဒေသမှာ ဒီရေတောတွေစိုက်ဖို့ လိုအပ်နေတဲ့အကြောင်း ဦးထွန်းထွန်းဦးက လိုက်လံဟောပြော ဆွေးနွေးပြီး ဦးဆောင် စိုက်ပျိုး ခဲ့သူပါ။ ကျမတို့ဒေသခံတွေကလည်း ဒီရေတောတွေမရှိတော့လို့ အသက်အိုးအိမ်စည်းစိမ် ကာကွယ်နိုင်ဖို့ ဒီရေတောတွေ ၀ိုင်းစိုက်ကြတာ ဖြစ်ပါတယ်။ ဧရာဝတီတိုင်း ၀န်ကြီးချုပ်ဆီ သွားတင်ပြတော့လည်း ဒီရေတောတွေ သမီးတို့လည်းစိုက်ကြ၊ အဘတို့လည်း စိုက်မယ်လို့ပြောလို့ ကျမတို့ပြည်သူတွေက ဒီရေတောတွေ စိုက်ခဲ့ကြတာ အခုကျတော့ ပုဒ်မ ၁၈ တွေနဲ့ ထောင်ချပစ်တာဟာ လုံးဝ တရားမျှတမှု မရှိပါဘူး”ဟု ဒေးဒရဲမြို့နယ် တော်ကနိ – ညောင်လိန်ကုန်းကျေးရွာမှ ဒေါ်စိုးစိုးက ပြောသည်။

ဒီရေတောစိုက်ပျိုးသဖြင့် ထောင်ဒဏ်ချမှတ်ခံရသူ ၄ ဦးအား ဒေးဒရဲမြို့နယ် ရဲတပ်ဖွဲ့ဝင်များက ဖျာပုံထောင်သို့ ယမန်နေ့ညပိုင်းက လွှဲပြောင်း ပို့ဆောင်ခဲ့ပြီး ပြစ်ဒဏ်များကိုလည်း ဖျာပုံထောင်၌ ကျခံရမည်ဖြစ်သည်ဟု ဆိုသည်။

ဌာနဆိုင်ရာများ စုပေါင်းစိုက်ပျိုးထားသည့် ဒီရေတောများကို ကျွဲကျောင်း၍ ဖျက်ဆီးသည်ဟုဆိုကာ လူ့အခွင့်အရေး လှုပ်ရှားသူ ဦးထွန်းထွန်းဦး ကို ဒေးဒရဲမြို့နယ် သစ်တောဌာနက ပုဒ်မ ၆/၁ (ပြည်သူပိုင်ပစ္စည်း ဖျက်ဆီးမှု) ဖြင့် တရားစွဲဆိုထားပြီး ယင်းအမှုကို စက်တင်ဘာလ ၂၆ ရက်နေ့တွင် ဒေးဒရဲမြို့နယ် တရားရုံး၌ ရုံးထုတ်စစ်ဆေး သွားမည်ဖြစ်ကြောင်း သိရသည်။

ပုဒ်မ ၁၈ သည် ငြိမ်းချမ်းစွာ စုဝေးခြင်း နှင့် ငြိမ်းချမ်းစွာ စီတန်း လှည့်လည်ခြင်း ဆိုင်ရာ ဥပဒေပုဒ်မ ဖြစ်ပြီး ယင်းဥပဒေကို သမ္မတ ဦးသိန်းစိန် အစိုးရက ၂၀၁၁ ခုနှစ် ဒီဇင်ဘာလ ၂ ရက်နေ့တွင် ပြဋ္ဌာန်းခဲ့သည်။
ပုဒ်မ ၁၈ ဥပဒေ ပြဌာန်းခဲ့ပြီးနောက် ၂၀၁၂ ခုနှစ်မှ ၂၀၁၄ ခုနှစ် ဇူလိုင်လအထိ ယင်းဥပဒေဖြင့် အပြစ်ဒဏ်ပေးခံရသူ ၂၉ ဦး ရှိပြီး ၁၅ ဦးမှာ အကျဉ်းကျခံနေရဆဲ ဖြစ်ကြောင်း ထိုင်းနိုင်ငံ အခြေစိုက် နိုင်ငံရေး အကျဉ်းသားများ ကူညီစောင့်ရှောက်ရေး အသင်း (AAPP) က ထုတ်ဖော်ပြောဆိုထားသည်။

ဒေးဒရဲမြို့နယ်ရှိ ကျုံဒါး၊ မရမ်း၊ လိပ်ကျွန်း၊ ဆူးကလပ်၊ ရှမ်းကန် စသည့် ကျေးရွာ အုပ်စုများသည် ဒေးဒရဲမြို့ တောင်ဘက်တွင် တည်ရှိပြီး ကျေးရွာပေါင်း ၄၆ ရွာ ပါဝင်၍ လူပေါင်း ၄ သောင်းကျော်  အခြေချ နေထိုင်ကြသည့် ပင်လယ်ကမ်းခြေ ဒေသဖြစ်သည်။

လက်ရှိတွင် ပင်လယ်ရေ တိုက်စားမှုများ ဆိုးဝါးစွာ ဖြစ်ပေါ်နေသည့် ဒေသတခု ဖြစ်သည်။
Irrawaddy

Wednesday, September 17, 2014

ဒီရေတော စိုက်ပျိုးရန် ဟောပြောမှုဖြင့် ဒေးဒရဲ ဒေသခံ ၃ ဦး ဖမ်းဆီးခံရ

ဆလိုင်းသန့်စင်| September 17, 2014 |
ပုဒ်မ ၁၈, ဒီရေတော စိုက်ပျိူးမှု, ဒေးဒရဲမြို့နယ် , သဘာဝ ပတ်ဝန်းကျင် ထိန်းသိမ်းရေး

ဒီရေတော စိုက်ပျိုးရန် ဟောပြောသူများကို တရားရုံး အမိန့်အရ ဖမ်းဆီး ထိန်းသိမ်းထားသည့် ဒေးဒရဲမြို့မ ရဲစခန်း (ဓာတ်ပုံ – ဆလိုင်းသန့်စင် / ဧရာဝတီ)

ဧရာဝတီတိုင်း ဒေးဒရဲမြို့နယ်တွင် ပင်လယ်ရေတိုက်စားမှုမှ ကာကွယ်ရန်အတွက် ဒီရေတောများ စိုက်ပျိုးရန် လိုအပ်ကြောင်း ဟော ပြောမှုဖြင့် တရားစွဲခံထားရသူ ၃ ဦးကို စက်တင်ဘာ ၁၅ ရက်က ဖမ်းဆီးလိုက်ကြောင်း သိရသည်။

ဒေးဒရဲမြို့နယ် တောင်ဘက်ပိုင်း ကပ္ပလီပင်လယ်ဘေးရှိ ကျေးရွာများ၌  ဒီရေကာတောများ၏ အရေးပါပုံအကြောင်း လိုက်လံ ဟော ပြောရာတွင် ပါဝင်သည်ဟု ဆိုသည့် ဒေသခံရွာသား ဦးမြင့်လွင်၊ ဦးချိုလွင်နှင့် ဦးခင်ရွှေတို့အား ဒေးဒရဲမြို့နယ် ကျုံဒါး ရဲစခန်းမှ စခန်းမှူး ရဲအုပ် နိုင်မွန်ထွန်းက ပုဒ်မ ၁၈ ဖြင့် တရားစွဲဆိုပြီးနောက် ယင်းသို့ ဖမ်းဆီးလိုက်ခြင်း ဖြစ်သည်။

ဒေးဒရဲမြို့မ စခန်းမှူး ဒုရဲမှူး ကျော်ဝင်းက “သူတို့ ၃ ဦးကို ဖမ်းထားတယ် ဆိုတာ ဟုတ်ပါတယ်။ တရားသူကြီးက သူတို့ရဲ့ ကိုယ်ပိုင် ခံဝန်တွေကို ရုပ်သိမ်းခဲ့တဲ့ အတွက် ဖမ်းဆီးရတာ ဖြစ်ပါတယ်။ အခု သူတို့ကို ဒေးဒရဲစခန်း အချုပ်ထဲမှာ ထိန်းသိမ်း ထားပါတယ်”ဟု ဧရာဝတီကို ပြောသည်။

သဘာဝပတ်ဝန်းကျင် ပျက်စီးနေသဖြင့် ဒီရေတောများစိုက်ပျိုးကြရန် လူ့အခွင့်အရေး စောင့်ကြည့် ကာကွယ်ရေး ကွန်ရက်မှ ဦးထွန်းထွန်းဦးက ဒေးဒရဲမြို့နယ်အတွင်း လိုက်လံ ဟောပြောရာတွင် ဒေသခံများ ဖြစ်သော ဦးချိုလွင်၊ ဦးခင်ရွှေနှင့် ဦးမြင့်လွင် တို့က ဟောပြောမှု အဆင်ပြေရေးအတွက် လိုက်လံကူညီပေးမှုဖြင့် ရဲတပ်ဖွဲ့က ပုဒ်မ ၁၈ ဖြင့် တရားစွဲခြင်း ဖြစ်သည်ဟု ဦးခင်ရွှေ၏ သမီးဖြစ် သူ မသန်းဝင်းခိုင်က ဧရာဝတီကို ပြောသည်။

“ကျမအဖေက ဦးထွန်းထွန်းဦး ဟောပြောရာမှာ ကူညီပေးတာပဲ ရှိတယ်။ ပါဝင် မဟောပြောပါဘူး။ အဲဒါကို ရဲတပ်ဖွဲ့က ပုဒ်မ ၁၈ နဲ့ တရားစွဲထားတာပါ။ ပြီးခဲ့တဲ့ သောကြာနေ့က အဖေက နေမကောင်းလို့ ရုံးမလာနိုင်တော့ တရားသူကြီးက ရုံးမလာရင် ၀ရမ်းထုတ်ပြီး ဖမ်းခိုင်းမယ်ဆိုလို့ ဒီနေ့ တရားရုံးမှာလာပြီး အမှုရင်ဆိုင်တာကို တရားသူကြီးက ချက်ချင်း အမှုစစ်ပြီး ဖမ်းလိုက်တာ”ဟု ၎င်းက ပြောပြသည်။

ပုဒ်မ ၁၈ နှင့် ပတ်သက်ပြီး တရားခံဘက်က သက်သေ ၄ ဦး ယမန်နေ့က စစ်ဆေးပြီး ရုံးချိန်းကို စက်တင်ဘာ ၁၉ ရက်သို့ ချိန်းဆို လိုက်ကြောင်း သိရသည်။

“ပုဒ်မ ၁၈ အမှုကို တရားခံဘက်က သက်သေ ၄ ဦးကို စစ်တယ်။ ရုံးချိန်းကို ၁၉ ရက်နေ့ ပြန်ချိန်းထားတယ်။ ဦးထွန်းထွန်း ဦး ကို တော့ မနက်ဖြန်ကို ဖျာပုံထောင်မှာပဲ ပြန်ချုပ်ထားမယ်ပြောတယ်။ ကျန်တဲ့ ဦးချိုလွင်နဲ့ ၂ ဦးကိုတော့ ဒေးဒရဲစခန်းမှာပဲ ချုပ် ထား မယ်လို့ ရဲတွေကပြောတယ်”ဟု ဒေးဒရဲဒေသခံ ကိုအောင်ကျော်စန်းက ပြောသည်။

ဦးမြင့်လွင်၊ ဦးချိုလွင်နှင့် ဦးခင်ရွှေတို့ ၃ ဦးအား ရဲတပ်ဖွဲ့က ဒီရေတောစိုက်ရန် ဟောပြောသည့် အတွက် ပုဒ်မ ၁၈ ဖြင့် တရားစွဲခဲ့သည့် အပြင် ယခုနှစ် မေလအတွင်းက ခွင့်ပြုချက် မရဘဲ ဒီရေတော စိုက်ပျိုးခဲ့သည့် အတွက် ပုဒ်မ ၁၈ ဖြင့် ဒုတိယအကြိမ် တရား စွဲဆိုခြင်း ခံထားရကြောင်း သိရသည်။

လူ့အခွင့်အရေး စောင့်ကြည့် ကာကွယ်ရေး ကွန်ရက်မှ ဦးထွန်းထွန်းဦးအား ဒေးဒရဲမြို့နယ် အာဏာပိုင်များက သြဂုတ် ၂၉ ရက်တွင် ဖမ်းဆီးခဲ့ပြီး ဒီရေတော စိုက်ပျိူးရန် ဟောပြောမှု ပုဒ်မ ၁၈ အပြင်၊ ဒီရေတောများ ဖျက်ဆီးမှု ပုဒ်မ ၆/၁ ဖြင့် တရားစွဲဆိုကာ ဖျာပုံထောင်တွင် ဖမ်းဆီးထားသည်ဟု ဒေသခံများက ပြောသည်။

သဘာဝ ပတ်ဝန်းကျင် ထိန်းသိမ်းရေးနှင့် ပတ်သက်ပြီး မတ်လ အတွင်းက ဟောပြောခဲ့ခြင်း ဖြစ်ကြောင်း သိရသည်။

ယခုဖမ်းဆီးခံရသူ ၃ ဦးအား တရားစွဲဆိုထားသည့် ပုဒ်မ ၁၈ သည် ငြိမ်းချမ်းစွာ စုဝေးခြင်း နှင့် ငြိမ်းချမ်းစွာ စီတန်း လှည့်လည်ခြင်း ဆိုင်ရာ ဥပဒေပုဒ်မ ဖြစ်ပြီး ယင်းဥပဒေကို သမ္မတ ဦးသိန်းစိန်အစိုးရက ၂၀၁၁ ခုနှစ် ဒီဇင်ဘာလ ၂ ရက်နေ့က ပြဋ္ဌာန်းခဲ့သည်။

ပြစ်မှု ထင်ရှားပါက ၁ နှစ် ထက် မပိုသော ထောင်ဒဏ်ဖြစ်စေ၊ ကျပ် ၃ သောင်းထက် မပိုသော ငွေဒဏ်ဖြစ်စေ၊ ဒဏ် ၂ ရပ်လုံး ဖြစ် စေ ချမှတ်ရမည်ဟု ပါရှိသည်။ ယင်းပြစ်ဒဏ်ကို တနှစ်ထက် မပိုသော ထောင်ဒဏ်အစား ခြောက်လထက် မပိုသော ထောင်ဒဏ် သို့ လျှော့ပေါ့ ပြောင်းလဲ ထားသည်။

မြန်မာနိုင်ငံတွင် ပုဒ်မ ၁၈ ဥပဒေ ပြဌာန်းခဲ့သည့် ၂၀၁၂ ခုနှစ်မှ ၂၀၁၄ ခုနှစ် ဇူလိုင်လအထိ ပုဒ်မ ၁၈ ဖြင့် အပြစ်ဒဏ်ပေးခံရသူ ၂၉ ဦး ရှိပြီး ၎င်းအနက် ၁၅ ဦးမှာ အကျဉ်းကျခံနေရဆဲ ဖြစ်ကြောင်း ထိုင်းနိုင်ငံ အခြေစိုက် နိုင်ငံရေး အကျဉ်းသားများ ကူညီစောင့်ရှောက်ရေး အသင်း (AAPP) အဖွဲ့၏ စာရင်းများအရ သိရသည်။

ဒေးဒရဲမြို့နယ်ရှိ ကျုံဒါး၊ မရမ်း၊ လိပ်ကျွန်း၊ ဆူးကလပ်၊ ရှမ်းကန် စသည့် ကျေးရွာ အုပ်စုများသည် ဒေးဒရဲမြို့ တောင်ဘက်တွင် တည်ရှိပြီး ကျေးရွာပေါင်း ၄၆ ရွာ ပါဝင်ကာ လူပေါင်း ၄ သောင်းကျော်  အခြေချ နေထိုင်ကြသည့် ပင်လယ်ကမ်းခြေ ဒေသဖြစ်ပြီး လက်ရှိတွင် ပင်လယ်ရေ တိုက်စားမှုများ ဆိုးဝါးစွာ ဖြစ်ပေါ်နေသည့် ဒေသတခု ဖြစ်သည်။
Irrawaddy

Friday, September 5, 2014

ကန်ကြီးထောင့် အများပိုင်မြေကွက် အတွက် အာဏာပိုင်နှင့် ဒေသခံများ ပြဿနာဖြစ်နေ

ဆလိုင်းသန့်စင်| September 5, 2014 |
ကန်ကြီးထောင့်မြို့နယ်, အုပ်ချူပ်ရေးမှူး , မြေကွက်များ
ဧရာဝတီတိုင်း ကန်ကြီးထောင့် မြို့နယ် အုပ်ချူပ်ရေးမှူးရုံး (ဓာတ်ပုံ – ဆလိုင်းသန့်စင် / ဧရာဝတီ)

ဧရာဝတီတိုင်း ကန်ကြီးထောင့်မြို့နယ် အုပ်ချုပ်ရေးမှူးနှင့် မြို့နယ် မြေစာရင်းဌာနမှူး တို့သည် မြို့မြေအဖြစ် သတ်မှတ်ထားသည့် မြေ များအား ကိုယ်ကျိုးအတွက် အကွက်ရိုက် ရောင်းစားခဲ့သည်ဟုဆိုကာ မြို့မိမြို့ဖများက သမ္မတ ဦးသိန်းစိန်အထိ တိုင်ကြားသွားရန် စီစဉ်နေကြောင်း သိရသည်။

ကန်ကြီးထောင့် မြို့နယ်မှ မြို့မိမြို့ဖ ဦးမြအေးက “၁၉၉၅ တုန်းက မြို့မြေကွက်အဖြစ် သိမ်းတဲ့နေရာမှာ တာဝန်ရှိသူတွေက လယ် သမားတွေကို အိမ်ရာမြေကွက်တွေ အစား ပြန်ပေးထားပြီးသား။ အဲဒီ မြေတွေကို အစိုးရ ဌာနဆိုင်ရာ ရုံးတွေ ဆောက်ပြီးချိန်မှာ ဒီနေရာလေးက နောင်အနာဂတ်မှာ ကန်ကြီးထောင့်မြို့ သာယာစည်ပင်ရေး အတွက် ပန်းခြံ လုပ်မလား၊ ထရန်စဖော်မာတွေ လုပ်မလား၊ တခုခု လုပ်လို့ရအောင် ချန်ထားတဲ့ မြေကွက်။ အဲဒါကို ပြန်ရောင်းစားချင်တော့ ဟိုတုန်းက ပိုင်ခဲ့တဲ့ လယ်သမားကို သူတို့က ခေါ်ပြီးတော့ ငွေပေးပြီး ၀ယ်တဲ့ပုံစံလုပ်ပြီး အကွက်ရိုက် ရောင်းစားပစ်တာ။ ဒီကိစ္စကို နိုင်ငံတော် သမ္မတအထိ မကြာခင် တိုင်ကြားသွားမှာပါ”ဟု ဧရာဝတီကို ပြောသည်။

အုပ်ချုပ်ရေးမှူး ဦးမြင့်စိန်နှင့် မြေစာရင်း ဌာနမှူး ဦးဌေးရီတို့ ပူးပေါင်း ရောင်းစားသည်ဟု ရပ်မိရပ်ဖများက စွပ်စွဲထားသည့် မြေကွက် သည် ရန်ကုန်-ပုသိမ် ကားလမ်းဘေး ကန်ကြီးထောင့်မြို့ အမှတ် ၃ ရပ်ကွက်တွင် တည်ရှိသည့် မြို့မြေကွက် အမှတ် C – 205 ဖြစ်ပြီး အကျယ် ၀.၈၀ ဧက ရှိကြောင်း သိရသည်။

ကန်ကြီးထောင့်မြို့နယ် အုပ်ချုပ်ရေးမှူး ဦးမြင့်စိန်က “လယ်သမားရဲ့သဘောတူညီချက်နဲ့ ၀ယ်လိုက်တာ၊ လယ်သမား အငြင်းပွားရင် ဒီမြေကို ကျနော်တို့ စွန့်လွှတ်မှာပါ။ အခုက လယ်သမားက အငြင်းမပွားဘူး။ ကြားလူက လာအငြင်းပွားနေတာ”ဟု ဧရာဝတီကို ပြော သည်။

ဦးမြင့်စိန်သည် မြို့နယ် အုပ်ချုပ်ရေးမှူး တာဝန်ကို ၂၀၁၂ ခုနှစ် နှစ်ကုန်ပိုင်းက စတင်ထမ်းဆောင်ခဲ့ခြင်း ဖြစ်ကြောင်း သိရသည်။

ထိုမြေကွက်ဖော် ရောင်းချသည့် ပြဿနာများသည် ယခုနှစ် နှစ်ဆန်းပိုင်းက စတင်ဖြစ်ပွားလာခြင်း ဖြစ်ပြီး ကန့်ကွက်မှုများ ရှိလာသဖြင့် စက်တင်ဘာ ၂ ရက်တွင် ရပ်မိရပ်ဖများက သတင်းမီဒီယာများအား တွေ့ဆုံ ပြောဆိုခြင်း ဖြစ်သည်။

ကန်ကြီးထောင့်မြို့မှ စီးပွားရေး လုပ်ငန်းရှင် ဦးတင်မောင်စိုးက “လတ်တလောမှာတင် ကားလမ်းဘေးက မြို့မြေကွက်တွေကို လယ် သမားဆီက ပြန်ဝယ်တာ တကွက်ဝယ်ရင် အစိုးရကို တရားဝင် သွင်းရတဲ့ငွေ အပြင် ဦးမြင့်စိန်ကို ကျပ် ၅ သောင်း၊ မြေစာရင်းက ဦးဌေးရီ ကို ၅ သောင်းပေးရတယ်။ သီးသန့်ပေးရတာ”ဟု ဧရာဝတီကို ပြောသည်။

ထိုမြေများအား လယ်သမားများထံမှ ၀ယ်ယူကြောင်း စာချုပ် ချုပ်ဆိုပြီးနောက် အလျားပေ ၄၀ x အနံ ပေ ၇၀ ရှိသည့် အကွက်ပေါင်း ၁၉ ကွက် ဖော်ထုတ်ကာ တကွက်လျှင် ကျပ်သိန်း ၈၀ ဖြင့် ပြန်လည် ရောင်းချခဲ့ရာ အကွက်ပေါင်း အနည်းဆုံး ၁၂ ကွက် ရောင်း ချခဲ့သည်ဟု မြို့မိမြို့ဖများက ဆိုသည်။

“ဒီမြေဟာ နိုင်ငံတော်သိမ်းပြီးသားမြေ၊ ပန်းခြံတို့၊ ကစားကွင်းတို့ လုပ်မယ့်မြေကို လယ်သမားဆီက ပြန်ဝယ်ပြီး အကွက်ရိုက် ရောင်း စားလို့ ကန်ကြီးထောင့်က မြို့မိမြို့ဖ အကုန်၊ မြို့သူမြို့သား အကုန်လုံးက မကျေနပ်တာ။ ဒီမြေကွက် ရောင်းရငွေတွေကို မြို့ဖွံ့ဖြိုးတိုးတက်ဖို့တွေမှာ ပြန်သုံးပေးရင် တော်သေးတယ်။ အခုဟာက သူတို့ ကိုယ်ကျိုးအတွက် လုပ်သွားတာကို မကျေနပ်ကြတာ။ ဒါကြောင့် အာဏာအကြောင်းပြုပြီး ကိုယ်ကျိုးရှာတာကို အရေးယူပေးဖို့ တိုင်ကြားသွားမှာ”ဟု ကန်ကြီးထောင့်မြို့ ဒေသခံ တဦးဖြစ်သူ ဦးတင်ဦးက ပြောသည်။

အဆိုပါ မြေကိစ္စနှင့် ပတ်သက်ပြီး တိုင်ကြားခြင်း၊ တရားစွဲဆိုခြင်းများ ရှိလာပါက အထောက်အထား ပြည့်စုံစွာဖြင့် ဖြေရှင်းသွားမည် ဟု မြို့နယ်အုပ်ချုပ်ရေးမှူး ဦးမြင့်စိန်က ဆိုသည်။

ကန်ကြီးထောင့်မြို့နယ် ပြည်ထောင်စု ကြံ့ခိုင်ရေး နှင့် ဖွံ့ဖြိုးရေး ပါတီမှ ပြည်သူ့လွှတ်တော် ကိုယ်စားလှယ် ဦးကျော်ဝင်းကမူ မြို့နယ် အုပ်ချုပ်ရေးမှူးနှင့် မြေစာရင်းဌာနမှူးတို့၏ လုပ်ရပ်နှင့် ပတ်သက်ပြီး ဒေသခံ ပြည်သူများ၏ သဘောထားနှင့် အညီ ရပ်တည် မည်ဟု ပြောသည်။

“ကိုယ်က အာဏာပိုင်ဆိုပြီး နဂိုတုန်းက အမြင်၊ အစွဲတွေနဲ့ အလုပ်လုပ်တဲ့ အနေအထား ဖြစ်နေတယ်။ ပြည်သူပိုင်တဲ့ဟာကို အများနဲ့ ပွင့်လင်းမြင်သာစွာ အလုပ်လုပ်ရမှာကို သူတို့ ၂ ဦးတည်းလုပ်တဲ့ အတွက်ကြောင့် မှားတယ်လို့ မြင်တယ်။ ကျနော့် သဘောထား ကတော့ ကန်ကြီးထောင့်မြို့က ပြည်သူတွေရဲ့ သဘောထား အတိုင်းပါပဲ”ဟု ဦးကျော်ဝင်း က ပြောဆိုသည်။
Irrawaddy

Wednesday, August 20, 2014

အင်းပိတ် ငါးဖမ်းမှုကြောင့် ရေကြည်မြို့နယ်ရှိ လယ်ဧက ၁၀၀၀ ကျော် ရေမြုပ်

ဆလိုင်းသန့်စင်| August 20, 2014 |
ရေကြည်မြို့, လယ်ဧက ၁၀၀၀ ကျော် ရေမြုပ်, ဟင်္သာတ, အင်းသားကြီး , လယ်သမား

ရေကြည်မြို့အ၀င် ဆိုင်းဘုတ်(ဓာတ်ပုံ – ဆလိုင်းသန့်စင် / ဧရာဝတီ)

ဧရာဝတီတိုင်း ဒေသကြီး ရေကြည်မြို့နယ်မှာ အင်းပိတ်ပြီး ငါးဖမ်းမှုတွေ ပြုလုပ်နေတာကြောင့် လယ်ဧက ၁၀၀၀ ကျော် ရေနစ်မြုပ် ခဲ့ရာမှာ လယ်ဧက ၆၀၀ ကျော် ပျက်စီးဆုံးရှုံးသွားခဲ့ပြီး ကျန်ဧက ၅၀၀ ခန့်ကတော့ ဆက်လက်ရေမြုပ်နေဆဲဖြစ်ကြောင်း သတင်းရရှိပါတယ်။

သြဂုတ်လ လဆန်းပိုင်းက မိုးသည်းထန်စွာရွာတဲ့အတွက် ရေကြည်မြို့နယ် နတ်စင်ငူ၊ သံတင်း၊ ဇီးကုန်း၊ ပျဉ်မတော၊ မောင်လှရိုး ကျေးရွာများ အပါအ၀င် ရွာ ၉ ရွာက လယ်ဧက ၁၀၀၀ ကျော် ရေနစ်မြုပ်ခဲ့ကြောင်း သိရပါတယ်။

နောက်ရက်တွေမှာ မိုးစဲသွားပေမယ့် အဓိက ရေထွက်ပေါက်ဖြစ်တဲ့ ကလိပ်ပတ်ဘုတ် ချောင်းကို အင်းသားကြီး ဦးကျော်ကျော်ထွန်း က အင်းပိတ် ငါးဖမ်းနေတဲ့အတွက် ရေမစီးဆင်းနိုင်ဖြစ်ပြီး အချိန်ကြာမြင့်စွာ ရေမြုပ်ခဲ့လို့ စပါးခင်းတွေ ပျက်စီးခဲ့ရတာဖြစ်တယ်လို့ သံတင်းကျေးရွာက လယ်သမား ဦးသီဟလှိုင်က ဧရာဝတီကို ပြောပါတယ်။

“ဒီလအစောပိုင်းက မိုးတအားရွာတော့ လယ်တွေရေမြုပ်တယ်။ အဲဒီမှာ အင်းသားကြီး ဦးကျော်ကျော်ထွန်းက အင်းပိတ်ချိန်လည်း မဟုတ်ဘဲနဲ့ ငါးရစ်ငါးသန်ကာလမှာ အင်းပိတ်ပြီးငါးဖမ်းနေတာ ၁ ရက် ၂ ရက်နဲ့ လျော့ကျသွားရမယ့်ရေက မလျော့ဘဲ ဖြစ်နေပြီး လယ်တွေလည်း အခုထိ ရေမြုပ်နေတာ။ အခုဆို အနည်းဆုံး ဧက ၆၀၀ လောက်က ပျက်စီးသွားပြီ။ အချိန်အကြာကြီး ရေမြုပ်သွားတော့ စပါးပင်တွေက ၀ါပြီးရိကုန်တာ။ အမြစ်ပုပ်တဲ့ဟာတွေလည်း ပုပ်တာပေါ့”လို့ သူက ပြောပြပါတယ်။

စပါးခင်းတွေ ရေနစ်မြုပ်ပျက်စီးရာမှာ နတ်စင်ငူ၊ သံတင်း၊ ကြို့ကုန်းနဲ့ တောင်လဟာကျေးရွာက လယ်သမားတွေရဲ့လယ်တွေအများဆုံး ပါဝင်ကြောင်း သိရပါတယ်။

လယ် ၁ ဧကကို စိုက်ပျိုးစရိတ် ၈ သောင်းကျပ် အနည်းဆုံးကုန်ကျပြီး လယ်ဧက ၆၀၀ ခန့် ပျက်စီးသွားတဲ့အတွက် ဆုံးရှုံးမှုတန်ဖိုး ဟာ ကျပ် သိန်းပေါင်း ၄၈၀ နီးပါးရှိမယ်လို့ လယ်သမားတွေက ခန့်မှန်းပြောဆိုပါတယ်။

ငါးတွေ မျိုးဥချပြီး မျိုးပွားမယ့်အချိန် ငါးရစ်ငါးသန်ကာလမှာ လုံးဝငါးမဖမ်းဖို့ အစိုးရက ကြေညာချက်ထုတ်ပြန် တားမြစ်ထားပါတယ်။

ငါးမဖမ်းရတဲ့ ငါးရစ်ငါးသန်ကာလကတော့ နှစ်စဉ် ဧပြီလကုန်ပိုင်းကနေ သြဂုတ်လအထိဖြစ်ကြောင်း သိရပါတယ်။ မြန်မာလနဲ့ဆိုရင် တန်ခူးလပြည့်ကျော် ၁ ရက်နေ့ကနေ တော်သလင်းလဆန်း ၁ ရက်နေ့အထိ ဖြစ်ပါတယ်။

ဒီလို ငါးရစ်ငါးသန်ကာလမှာ အင်းသားကြီး ဦးကျော်ကျော်ထွန်းက ၀ါခေါင်လဆန်း ၁ ရက်နေ့ (ဇူလိုင်လ ၂၇ ရက်) ကစပြီး အင်းပိတ်ပြီး ငါးဖမ်းနေလို့ လယ်တွေရေမြုပ်တဲ့အကြောင်းကို ရေကြည်မြို့နယ် ငါးလုပ်ငန်းဦးစီးမှူး ဦးမောင်မောင်ထံမှာ တင်ပြပေမယ့် ငါးလုပ် ငန်းက အင်းသားကြီးကို ထိရောက်စွာ အရေးယူပေးခြင်းမရှိဘူးလို့ နတ်စင်ငူကျေးရွာက လယ်သမား ကိုကြည်ခိုင်က ပြောပါတယ်။
ရေကြည်မြို့နယ် ငါးလုပ်ငန်းဦးစီးဌာနကတော့ အင်းပိတ်ပြီး ငါးဖမ်းတဲ့အတွက်ကြောင့် လယ်တွေရေမြုပ်တာ မရှိသလို အင်းသားကြီး ဦးကျော်ကျော်ထွန်းကလည်း သူ့အချိန်ကျလို့ အင်းပိတ်တာဖြစ်တယ်လို့ ပြောဆိုပါတယ်။

“လယ်သမားတွေတိုင်ကြားလို့ ကျနော်တို့ငါးလုပ်ငန်းဌာနက ၂ ကြိမ်တိုင်တိုင် ကွင်းဆင်းကြည့်ပြီးပါပြီ။ အဲဒီမှာ လယ်တွေရေနစ်မြုပ် တာကို မတွေ့ခဲ့ရပါဘူး။ အင်းတွေမှာ အင်းဆည်ချရက် ရှိပါတယ်။ ဒီအင်းဟာ ဒီရက်မှာဆည်ချရမယ်။ ဦးကျော်ကျော်ထွန်းရဲ့အင်းက အင်းဆည်ချရက်ရောက်လို့ ကျနော်တို့က ခွင့်ပြုပေးရတာပါ”လို့ ရေကြည်မြို့နယ် ငါးလုပ်ငန်းဦးစီးဌာန အကြီးတန်းအရာရှိတဦးက ပြောပါတယ်။

လယ်သမားတွေက လယ်တွေ ရေနစ်မြုပ်မှုနဲ့ ပတ်သက်ပြီး ဧရာဝတီတိုင်း အစိုးရအဖွဲ့ ၀န်ကြီးချုပ် ဦးသိန်းအောင်၊ လွှတ်တော် ဥက္ကဋ္ဌ ဦးတင်စိုး၊ တိုင်းဒေသကြီး စိုက်ပျိုးရေးနဲ့ မွေးမြူရေး ၀န်ကြီး ဦးစန်းမောင်နဲ့ ရေကြည် လွှတ်တော် ကိုယ်စားလှယ် ဒေါက်တာ လှမြတ်သွေး တို့ဆီကို ဒီလ ၁၂ ရက်က တင်ပြ တိုင်ကြားထားတယ်လို့ သိရပါတယ်။

တိုင်းအစိုးရအဖွဲ့ဝင် လယ်ယာစိုက်ပျိုးရေးနဲ့ မွေးမြူရေးဝန်ကြီး ဦးစန်းမောင်က“ဒီကိစ္စကို ကျနော် စုံစမ်းစစ်ဆေးသွားမှာပါ။ ငါးရစ်ငါးသန် ကာလမှာ ဘယ်သူမှ ငါးဖမ်းခွင့် မရှိပါဘူး။ တကယ်လို့သာ လယ်သမားတွေ တင်ပြသလို ငါးဖမ်းနေတာ အမှန်ပဲဆိုရင် အဲဒီလူ ကို အင်းလုပ်ငန်း လိုင်စင် ရုပ်သိမ်းပစ်ပါမယ်။ သူ့ကိုလည်း Black List (အမည်ပျက်စာရင်း) သွင်းပစ်မှာပါ”လို့ ဧရာဝတီကို ပြောပါတယ်။

လက်ရှိအချိန်အထိ ရေလှောင်ငါးဖမ်းနေတဲ့ ဆည်ချက်ကို တာဝန်ရှိသူတွေက အရေးယူဖယ်ရှားပေးခြင်း မရှိတဲ့အတွက် လယ်တွေရေနစ်မြုပ်ခံနေရတဲ့ ရေကြည်မြို့နယ်က လယ်သမားတွေက ရေကြည်မြို့နယ် ငါးလုပ်ငန်းဌာနနဲ့ အင်းသားကြီးတွေကို ဆန္ဒပြဖို့ပြင် ဆင် နေကြောင်း သိရပါတယ်။

“ကျနော့်အမြင်ကတော့ ငါးလုပ်ငန်းဌာနတွေက ပြည်သူလူထု အကျိုးစီးပွားနဲ့ အင်းသားကြီး အကျိုးစီးပွားယှဉ်လာရင် အင်းသားကြီး တွေရဲ့အကျိုးစီးပွားကိုပဲ ဦးစားပေးကြတာ များပါတယ်။ လယ်သမားတွေ ဒုက္ခရောက်နေတာ သူတို့လည်း မြင်နေတာပဲလေ။ မြင်နေ တာကို ထိထိရောက်ရောက် လုပ်ရမယ့်အစား ရလာမယ့် လာဘ်လာဘနဲ့ငွေကြေးက သူတို့ရဲ့ ပါးစပ်တွေ ပိတ်ထားတဲ့ အခြေအနေ ဖြစ်နေတာပေါ့”လို့ လယ်သမားတွေကို ကူညီပေးနေတဲ့ ကျုံပျော်မြို့ ၈၈ ပွင့်လင်းအဖွဲ့မှ ဦးသိန်းမြင့်ဆောင်းက ပြောဆိုပါတယ်။

ဧရာဝတီတိုင်းမှာ မိုးရာသီကာလ အင်းသားကြီးတွေက ချောင်းမြောင်းတွေကို ပိတ်ဆို့ငါးဖမ်းတဲ့အတွက် ဟင်္သာတ၊ ရေကြည်၊ ကျောင်းကုန်းနဲ့ ပန်းတနော်ဒေသက လယ်ယာမြေတွေ ရေနစ်မြုပ်ပျက်စီးမှု နှစ်စဉ် ရင်ဆိုင်နေရတယ်လို့ လယ်သမားအရေး လှုပ်ရှားသူ တွေ က ပြောပြကြပါတယ်။

ဟင်္သာတ ခရိုင် အတွင်းရှိ အင်းအိုင်ချောင်းမြောင်းတွေကိုလည်း အင်းသားကြီးတွေက ပိတ်ဆို့ငါးဖမ်းနေလို့ လယ်ဧက ၄၀၀၀ ကျော် ရေ နစ်မြုပ်မှု ရင်ဆိုင်နေရတဲ့ အတွက် ဟင်္သာတက လယ်သမား ၄၀၀ ကျော်က ဒီလ ၁၂ ရက်နေ့မှာ ဟင်္သာတခရိုင် ငါးလုပ်ငန်း ဦးစီး ဌာနနဲ့ အင်းသားကြီးတွေကို ဆန္ဒပြခဲ့ကြပါသေးတယ်။
Irrawaddy

Friday, August 15, 2014

သာပေါင်း၌ ကျောက်ထုတ် လုပ်ငန်းကြောင့် လယ်ဧက ၆၀ ကျော် ပျက်စီး

ဆလိုင်းသန့်စင်| August 15, 2014 |
သာပေါင်းမြို့နယ်, တရားမ၀င် ကျောက်ထုတ်လုပ်ငန်း, လယ်ယာမြေ သဘာဝ ပတ်ဝန်းကျင် ပျက်စီးမှု
သာပေါင်းမြို့နယ် တောင်သုံးလုံး ကျေးရွာတွင် လုပ်ကိုင်နေသည့် ကျောက်ထုတ် လုပ်ငန်းခွင်တခု (ဓာတ်ပုံ – ဆလိုင်းသန့်စင် / ဧရာဝတီ)

ဧရာဝတီတိုင်း ဒေသကြီး သာပေါင်းမြို့နယ်တွင် ကျောက်ထုတ်လုပ်ငန်းများကြောင့် တောတောင် သဘာဝ ပတ်ဝန်း ကျင်များ ပျက်စီးခြင်း၊ လယ်ယာမြေများ ရွှံ့နွံဖုံးလွှမ်းခြင်းနှင့် ချောင်းမြောင်းများ တိမ်ကောခြင်းတို့ ဖြစ်ပေါ်နေကြောင်း သိရသည်။

ကျောက်ထုတ်လုပ်ငန်းများမှ ထွက်ရှိသည့် ရွှံ့နွံများဖုံးလွှမ်းမှုကြောင့် သာပေါင်းမြို့နယ်တွင် လယ်ဧက ၆၀ ကျော် ပျက်စီးသွားပြီဖြစ် ကြောင်း ပျဉ်းမထုံး ကျေးရွာမှ ဦးစိုးအောင်က ဧရာဝတီကို ပြောသည်။

“ကျောက်စရစ်ထုတ်တဲ့ သူတွေက ဒီတောတောင်တွေကို မြေတူးစက်မျိုးစုံနဲ့ စိတ်ကြိုက် တူးဖေါ်လာတာ ၂ နှစ် ၃ နှစ် လောက် ရှိပါပြီ​။ သူတို့က တောင်တွေကို ရေပိုက်တွေနဲ့ ထိုးပြီး ကျောက်စရစ်တွေကို ဖြိုချကြတာ။ လိုချင်တဲ့ ကျောက်ကို ယူပြီး ကျောက်မှာ ပါတဲ့ မြေတွေက ရေနဲ့အတူ ချောင်းအတိုင်း စီးတော့ ချောင်းတွေ ကောလာတယ်။ လယ်တွေထဲကို စီးတော့ လယ်တွေ ဖုံးကုန်တယ်” ဟု သူက ပြောပြသည်။

သာပေါင်းမြို့နယ် ကြက်သွန်ကွင်းနှင့် နံနံပင်ကုန်း ကျေးရွာအနီးရှိ တောင်ကြောများပေါ်တွင် လမ်းခင်း ကျောက်ကြီးများကို ထုတ် လုပ် လျက်ရှိပြီး ဆောက်လုပ်ရေး လုပ်ငန်းခွင်သုံး ကျောက်စရစ်များကို ပျဉ်းမထုံး ကျေးရွာအုပ်စု အတွင်းရှိ ရေသိုး၊ တောင်သုံးလုံးနှင့် ၀ါးနက်ချောင်း ကျေးရွာများတွင် ထုတ်လုပ်လျက်ရှိသည်ဟုလည်း ဦးစိုးအောင်က ဆက်ပြောသည်။

လယ်မြေများကို ရွှံ့သဲမြေများ ဖုံးသည့်အပြင် သာပေါင်းမြို့နယ်ရှိ သဲဖြူချောင်း (ခေါ်) ၀ါးနွယ်စမ်းချောင်းလည်း တိမ်ကော ပျက်စီး သွားပြီ ဖြစ်ကြောင်း ဧရာဝတီတိုင်း အခြေစိုက် Beautiful Land (လှပသောမြေ) သဘာဝ ပတ်ဝန်းကျင် စောင့်ကြည့်လေ့လာရေး အဖွဲ့က ပြောပြသည်။

Beautiful Land အဖွဲ့ခေါင်းဆောင် ဦးမြင့်အောင်က “အရင်တုန်းက ၆ ပေလောက် နက်တဲ့ ချောင်းဟာ အခု ၂ ပေလောက်ပဲ နက် တော့တယ်။ ကျောက်စရစ် ထုတ်တဲ့ လုပ်ငန်းက ထွက်တဲ့ သဲနဲ့ရွှံ့မြေတွေက ချောင်းထဲကို ၀င်ကုန်တော့ ချောင်းက လုံးဝပျက်သွားတယ်။ ကျောက်ထုတ်လုပ်ငန်း ပတ်ဝန်းကျင် တ၀ိုက်က သစ်ပင်တွေဆိုလည်း ပျက်စီးကုန်တယ်”ဟု ပြောသည်။

ယင်းဒေသတွင် ကျောက်ကြီး ထုတ်လုပ်သူ ၅ ဦးခန့် ရှိပြီး တနေ့လျှင် တန် ၅၀ ခန့် ထုတ်လုပ်လျက် ရှိကြောင်း၊ ကျောက်စရစ် ထုတ်လုပ်သူမှာ ၇ ဦးခန့် ရှိပြီး နေ့စဉ် တန် ၁၀၀ ခန့် ထုတ်လုပ်နေသည်ဟု ဒေသခံများက ပြောဆိုသည်။

ထိုသို့ ကျောက်ထုတ်လုပ်ရာတွင် ကျောက်ကြီး ထုတ်လုပ်သူ ၃ ဦးသာ လုပ်ငန်းလိုင်စင်ဖြင့် လုပ်ကိုင်နေခြင်း ဖြစ်ပြီး ကျောက်ကြီး လုပ်ငန်း အတွက် လိုင်စင်လျှောက်ထားဆဲ ၃ ဦး ရှိကြောင်း၊ ကျောက်စရစ် ထုတ်လုပ်မှုလုပ်ငန်းများမှာ လုပ်ငန်းလိုင်စင် ချထားခြင်း မရှိဘဲ လိုင်စင် လျှောက်ထားလာသူလည်း မရှိသေးကြောင်း သာပေါင်းမြို့နယ် အထွေထွေ အုပ်ချုပ်ရေးဌာနက တာဝန်ရှိသူ တဦး က ပြောသည်။

“သာပေါင်းမြို့နယ် အတွင်းမှာ ကျောက်ကြီး ထုတ်လုပ်တာနဲ့ ပတ်သက်လို့ နှစ်ဦးသုံးဦးလောက် ခွင့်ပြုထားတာ ရှိတယ်၊ ခွင့်ပြုပေးဖို့ နှစ်ဦးသုံးဦးလောက် လျှောက်ထားတာလည်း ရှိတယ်၊ ကျောက်စရစ်နဲ့ ပတ်သက်လို့တော့ လျှောက်ထားတာ မရှိသေးဘူး၊ ကျောက် ထုတ်လုပ်တာတွေနဲ့ ပတ်သက်ပြီး ဒေသခံတွေက တိုင်ကြားတာတွေရှိလို့ ကျောက်ထုတ်လုပ်တာတွေ အားလုံး ဆက်မလုပ်ဖို့ တား ထားတယ်၊ နာမည်နဲ့တကွ တိုင်ထားတဲ့ ကျောက်ထုတ်လုပ်သူတွေကိုလည်း အဖွဲ့ဖွဲ့ပြီး စစ်ဆေးနေပါတယ်။ ပေါ်ပေါက်ခဲ့ရင် တရား ဥပဒေနဲ့ အညီ အရေးယူ သွားမှာပါ”ဟု သူက ပြောဆိုသည်။

ကျောက်ကြီး ထုတ်လုပ်ရာတွင် မြေကြီးကို တူး၍ ဒိုင်းနမိုက်ဖြင့် ဖောက်ခွဲကာ ထုတ်ကြပြီး ကျောက်စရစ် ထုတ်လုပ်မှုသည် တောင် များကို ရေပိုက်အပြင်းစားဖြင့် ထိုးပြီး ကျောက်စရစ်များ ထုတ်ယူခြင်း ဖြစ်သည်။ ရရှိလာသည့် ကျောက်စရစ်နှင့် ကျောက်ကြီးများကို ပုသိမ်မြို့အပါအ၀င် ဧရာဝတီတိုင်း အတွင်းရှိ မြို့နယ် အသီးသီးသို့ ကုန်းလမ်း၊ ရေလမ်းတို့ဖြင့် ရောင်းချနေပြီး ပုသိမ်မြို့တွင် ကျောက်ကြီး တကျင်းလျှင် ကျပ် ၇ သောင်းခန့်၊ ကျောက်စရစ် တကျင်းလျှင် ကျပ် ၆ သောင်းခန့် ပေါက်ဈေး ရှိကြောင်း သိရသည်။

ကျောက်စရစ်နှင့် ကျောက်ကြီး ထုတ်လုပ်ခြင်းကို သာပေါင်းမြို့နယ် သာမက ငပုတောမြို့နယ်ရှိ ဂျမ်းကပ်၊ မှော်ဘီ၊ သဲချောင်း စသည့် ကျေးရွာများတွင် တွင်ကျယ်စွာ လုပ်ကိုင်နေကြပြီး သာပေါင်း ဒေသကဲ့သို့ ယင်းဒေသများ၌ သစ်တောများ ပြုန်းတီးခြင်း၊ ချောင်းမြောင်းများ တိမ်ကောခြင်း၊ မြေပြိုခြင်းနှင့် လူနေအိမ်များ သဲဖုံးလွှမ်းမှု ခံရခြင်းများ ဖြစ်ပွားလျက် ရှိကြောင်း ဒေသခံများက ပြော ဆိုကြသည်။
Irrawaddy

Wednesday, August 13, 2014

ဟင်္သာတ၌ ငါးလုပ်ငန်း ဦးစီးဌာနကို လယ်သမား ၄၀၀ ကျော် ဆန္ဒပြ

ဆလိုင်းသန့်စင်| August 13, 2014 |
ဟင်္သာတ ခရိုင်, လယ်သမားများ ဆန္ဒပြ , ငါးလုပ်ငန်း ဦးစီးဌာန

ဟင်္သာတ ခရိုင် ငါးလုပ်ငန်း ဦးစီးဌာနကို ဆန္ဒပြနေသည့် လယ်သမားများ (ဓာတ်ပုံ – ဆလိုင်းသန့်စင်/ဧရာဝတီ)

 ရေချိုငါး လုပ်ငန်းဥပဒေ ချိုးဖောက်သည့် အင်းသားကြီးများအား အရေးယူခြင်း မရှိဟုဆိုကာ ဟင်္သာတခရိုင် ငါးလုပ်ငန်း ဦးစီးဌာန ကို လယ်သမား ၄၀၀ ကျော်က သြဂုတ်လ ၁၂ ရက် နံနက်ပိုင်းတွင် ဆန္ဒပြကြောင်း သိရသည်။

ဟင်္သာတခရိုင် အတွင်းရှိ အင်းအိုင်၊ ချောင်း၊ မြောင်း များကို အင်းသားကြီးများက ပိတ်ဆို့ ငါးဖမ်းကြသဖြင့် ယခုနှစ် မိုးရာသီအတွင်း လယ်ယာမြေ ဧက ၄၀၀၀ ကျော် ရေနစ်မြုပ်မှု ဖြစ်ပေါ်နေကြောင်း၊ ဥပဒေ ချိုးဖောက်၍ ငါးဖမ်းနေသည့် အင်းသားကြီးများကို အရေး ယူပေးရန် ဟင်္သာတခရိုင် ငါးလုပ်ငန်းဌာနသို့ အကြိမ်ကြိမ် တင်ပြသော်လည်း အရေးယူခြင်း မရှိသည့်အတွက် ဆန္ဒပြရခြင်း ဖြစ်ကြောင်း ဆန္ဒပြရာတွင်ပါဝင်သည့် ဟင်္သာတမြို့နယ် နိဗ္ဗာန်တိုက်နယ် တံတားဦးကျေးရွာမှ လယ်သမား ကိုသိန်းဇော်မြင့်က ပြော သည်။

“အင်းသားကြီးတွေက ယင်းစိပ် (ငါးသေးငါးနုပ်အထိ ဖမ်းဆီးနိုင်သော ငါးဖမ်းကိရိယာ) တွေသုံးပြီး ငါးဖမ်းတယ်။ အဲဒီလို ယင်းစိပ် တွေ နဲ့ ရေကိုတားပြီး ငါးဖမ်းတော့ မိုးလည်းရွာရော ရေက မစီးနိုင်တော့ဘဲ လျှံထွက်ပြီး လယ်တွေ အကုန် ရေမြုပ်ကုန်တယ်။ ဥပဒေ ချိုးဖောက်တဲ့ အင်းသားကြီးတွေကို အရေးယူပေးပါ၊ ယင်းစိပ်တွေနဲ့ ငါးဖမ်းနေတာတွေ ဖျက်သိမ်းပေးပါလို့ ခရိုင် ငါးလုပ်ငန်းကို အကြိမ်ကြိမ် တင်ပြပေမယ့် ဆောင်ရွက်မပေးလို့ အခုလို ဆန္ဒဖော်ထုတ်တာပါ”ဟု ၎င်းက ဆိုသည်။

ဆန္ဒပြပွဲသို့ ဟင်္သာတ ခရိုင်ရှိ တလုတ်ထော် တိုက်နယ်၊ နိဗ္ဗာန် တိုက်နယ်၊ ရှားခဲ တိုက်နယ်၊ ယုန်သလင်း တိုက်နယ်၊ ပျဉ်းမကုန်း တိုက် နယ်၊ ကော့ကရက် တိုက်နယ်၊ နတ်မှော် တိုက်နယ်တို့မှ လယ်သမား ၄၀၀ ကျော် ပါဝင်ပြီး ဟင်္သာတမြို့ ဥပါရဲ ဘုရားမှ မြို့နယ် အုပ်ချုပ်ရေးမှူး ရုံးနှင့် ခရိုင် ငါးလုပ်ငန်း ဦးစီးရုံးများရှေ့တွင် လှည့်လည် ဆန္ဒပြခြင်း ဖြစ်သည်။

အင်းသားကြီးများက ယင်းစိပ် အသုံးပြု၍ ငါးဖမ်းဆီးကြသဖြင့် ရေစီးရေလာ ပိတ်ဆို့ကာ ဟင်္သာတခရိုင် အတွင်းရှိ လယ်ယာမြေများသည် သြဂုတ်လ ၂ ရက်က စတင်ပြီး ရေကြီးနစ်မြုပ်မှု ရင်ဆိုင်နေရ၍ စပါးစိုက်ခင်း တချို့ ပျက်စီးကုန်ပြီ ဖြစ်ကြောင်း ဒေသခံ လယ်သမား ဦးမင်းမင်းစိုးက ပြောသည်။

“ကျနော်တို့မှာ ရေနစ်မြုပ်လို့ လယ်တွေကို နှစ်တိုင်း နှစ်ကြိမ် သုံးကြိမ်လောက် ပြန်စိုက်နေရတယ်။ အဲဒီလိုတွေ ပြန်စိုက်ရတော့ စိုက် ပျိုးစရိတ်တွေ ကုန်တယ်။ စပါးစိုက်ပြီး မိုးများများ ရွာလိုက်တာနဲ့ ရေစီးရေလာ ပိတ်ဆို့ပြီး ရေမြုပ်တော့တာပဲ။ စပါးက အရှုံးပေါ်ပြီး အကြွေးတင်တဲ့ အခြေအနေတွေ ဖြစ်နေပြီ”ဟုလည်း ၎င်းက ဆိုသည်။

ဧရာဝတီတိုင်း ဒေသကြီးတွင် ဟင်္သာတ မြို့နယ်သာမက ကျောင်းကုန်းနှင့် ပန်းတနော်မြို့နယ်များတွင်လည်း အင်းသားကြီးများ၏ ဆည်ပိတ်၊ ရေလှောင် ငါးဖမ်းမှုကြောင့် လယ်ယာမြေများ ရေကြီးနစ်မြုပ်မှု နှစ်စဉ် ကြုံတွေ့နေရကြောင်း လယ်သမားအရေး လှုပ်ရှားသူများက ပြောသည်။

ဧရာဝတီတိုင်း ဒေသကြီး လွှတ်တော်တွင် ၂၀၁၂ ခုနှစ်က ပြဌာန်းခဲ့သည့် ရေချိုငါးလုပ်ငန်း ဥပဒေအရ အင်းအိုင်၊ ချောင်းမြောင်းများအား ပိတ်ဆို့ပြီး ရေစီးရေလာ ပြောင်းလဲရေး ပြုလုပ်၍ ငါး မဖမ်းရန် တားမြစ်ထားပြီး ယင်းတားမြစ်ချက်ကို ကျူးလွန်ပါက ထောင် ဒဏ် ၃ နှစ် (သို့) ငွေဒဏ် ၆ သောင်းကျပ် (သို့) ပြစ်ဒဏ် ၂ ရပ်စလုံး ချမှတ်နိုင်သည်ဟု ပါရှိသည်။
Irrawaddy

Thursday, July 31, 2014

စစ်မှုထမ်းဟောင်း၏ လယ်ယာမြေ သိမ်းဆည်းခံ လယ်သမား ၁၉ ဦး ငါးခိုးမှုဖြင့် ဖမ်းဆီးခံထားရ

ဆလိုင်းသန့်စင်| July 31, 2014 |
လယ်ယာမြေ သိမ်းဆည်းမှု , ဧရာဝတီတိုင်း ဒေသကြီး, စစ်မှုထမ်းဟောင်း အဖွဲ့ , အနောက်တောင်တိုင်း စစ်ဌာနချုပ်
ပန်းတနော် မြို့နယ် တရားရုံးတွင် ဇူလိုင် ၂၉ ရက်က ရုံးထုတ် လာသော လယ်သမားများ (ဓာတ်ပုံ – ဆလိုင်းသန့်စင် / ဧရာဝတီ)

စစ်မှုထမ်းဟောင်း အဖွဲ့က လယ်ယာမြေများ သိမ်းဆည်းခံထားရသည့် ဧရာဝတီတိုင်း ဒေသကြီး ကျောင်းကုန်းနှင့် အိမ်မဲမြို့နယ်မှ လယ်သမား ၁၉ ဦး ငါးခိုးမှုဖြင့် စွပ်စွဲ ဖမ်းဆီး ခံထားရကြောင်း သိရသည်။

ထို လယ်သမားများသည် စပါးစိုက်ပျိုးရန် လယ်ထဲသို့ ရေမောင်းသွင်းသည်ကို အနောက်တောင်တိုင်း စစ်ဌာနချုပ် စစ်မှုထမ်း ဟောင်း အဖွဲ့ထံမှ လယ်ယာမြေများ အငှားယူ လုပ်ကိုင်နေသော လုပ်ငန်းရှင် ဦးလှအောင် ဆိုသူက ငါးခိုးသည်ဟု စွပ်စွဲ တိုင်ကြားရာ ရဲ တပ်ဖွဲ့က ဖမ်းဆီးခဲ့ကြောင်း၊ လတ်တလော၌ ပန်းတနော်မြို့နယ် တရားရုံးတွင် အမှုရင်ဆိုင်နေရကြောင်း လယ် သမားများအား လိုက်ပါ ကူညီပေးနေသည့် ငြိမ်းချမ်းရေးနှင့် တရားမျှတမှု ဖော်ဆောင်ရေး အဖွဲ့ဝင် ကိုဇော်ဇော်က ဧရာဝတီ သို့ ပြောသည်။

“လယ်သမားတွေက ပြီးခဲ့တဲ့ နွေစပါးစိုက်တုန်းက စပါးစိုက်ဖို့ ချောင်းထဲက ရေကို စက်နဲ့ မောင်းတင်တာ။ အဲဒါကို ငါးခိုးတယ် ဆိုပြီး စခန်းမှာ အမှုဖွင့်တာ။ လယ်သမားတွေလည်း မသိဘူး။ ဒီကိစ္စကို ထွေအုပ်၊ မြေစာရင်းနဲ့ တရားရေး ဌာနတွေနဲ့ ညှိနှိုင်း ပေးမယ် ဆိုပြီး လိမ်ခေါ်ပြီးတော့ မြို့ရောက်တော့ အကုန် လက်ထိပ်ခတ်ပြီး ဖမ်းလိုက်တာ။ တနေ့က ပထမဆုံး အကြိမ် ရုံးထုတ် တာ”ဟု ၎င်းက ပြောပြသည်။

ဇူလိုင် ၂၄ ရက်က ကျောင်းကုန်းမြို့နယ် ကုန်းရှမ်းကျေးရွာနှင့် အိမ်မဲမြို့နယ် ဆင်တိုးကျေးရွာမှ လယ်သမား ဦးဆိုင်ကင်းနှင့် ၁၈ ဦး ကို ငါးခိုးမှုဖြင့် ဖမ်းဆီးခဲ့ပြီး လက်ရှိတွင် ပန်းတနော်မြို့နယ် မြို့မရဲစခန်း၌ ချုပ်နှောင်ထားသည်ဟုလည်း ဆိုသည်။

လယ်သမားများအား ပုဒ်မ ၄၄၇(ပိုင်နက် ကျူးလွန်မှု)၊ ၃၇၉(ခိုးမှု)၊ ၁၄၃ (လူအုပ်စုဖြင့် ပိုင်နက် ကျူးလွန်မှု) ပုဒ်မများဖြင့် အမှု ဖွင့် တရားစွဲဆိုထားပြီး လာမည့် သြဂုတ်လ ၅ ရက်တွင် ပန်းတနော်မြို့နယ် တရားရုံး၌ ဒုတိယအကြိမ် ရုံးထုတ်မည် ဖြစ်ကြောင်း သိရသည်။

လယ်သမားများ၏ ရှေ့နေ ဦးအေးသိန်းက “လယ်သမားတွေကို တပ်ထားတဲ့ ပုဒ်မတွေထဲမှာ ၄၄၇ ဆိုတဲ့ ပိုင်နက် ကျူးလွန်မှုနဲ့ ပုဒ်မ ၃၇၉ နဲ့ တွဲထားတာက သဘာဝမကျဘူး ဖြစ်နေတယ်။ ခိုးတယ်ဆိုတာက အိမ်ထဲကို ၀င်ခိုးချင်လည်း ခိုးမှာပဲလေ။ အဲဒါကို ပိုင်နက် ကျူးလွန်မှုနဲ့ ထပ်တွဲထားတာက မဖြစ်သင့်ဘူး။ ဥပဒေကြောင်းအရ လယ်သမားတွေအတွက် ဆောင်ရွက် ပေးသွားမှာပါ”ဟု ဧရာဝတီကို ပြောသည်။

ဖမ်းဆီးခံနေရသည့် လယ်သမားများမှာ အနောက်တောင်တိုင်း စစ်ဌာနချုပ် စစ်မှုထမ်းဟောင်း အဖွဲ့၏ လယ်ယာမြေ သိမ်း ဆည်း ခြင်း ခံခဲ့ရသူများ ဖြစ်သည်ဟုလည်း ဆိုသည်။

ပန်းတနော်မြို့နယ် မိုးကုတ် ဒီးဒုတ်ကွင်း၊ ကွင်းအမှတ် ၅၉၇ (ခ) ရှိ လယ်ယာမြေဧက ၂၀၀ ခန့်ကို စစ်မှုထမ်းဟောင်း အဖွဲ့က ၂၀၀၀ ပြည့်နှစ်တွင် သိမ်းယူခဲ့ခြင်း ဖြစ်ကြောင်း၊ မြေသိမ်းခံခဲ့ရပြီးနောက် စစ်မှုထမ်းဟောင်း အဖွဲ့က မည်သည့်စိုက်ပျိုးမှုမှ မလုပ်ဘဲ လယ်သမားများကို ၁ ဧက ၁၀ တင်းနှုန်းဖြင့် သီးစားပြန်လည်ချထားပေးခဲ့ရာ လယ်သမားများ က သီးစားရယူ လုပ်ကိုင်ခဲ့ကြခြင်း ဖြစ်ကြောင်း သိရသည်။

ယင်းနောက် ၂၀၁၂ ခုက စတင်ပြီး သီးစားခ မပေးဘဲ လယ်သမားများက လုပ်ကိုင်ခဲ့ပြီး နောက်ပိုင်း ယခုကဲ့သို့ တရားစွဲဆို ခံရမှုများ ကြုံတွေ့ရခြင်း ဖြစ်သည်ဟု လယ်သမားများက ပြောသည်။

အိမ်မဲမြို့နယ် ဆင်တိုးကျေးရွာမှ လယ်သမား တဦးဖြစ်သည့် ဒေါ်နွဲ့က“လယ်တွေကို စစ်မှုထမ်းဟောင်းက သိမ်းသွားပြီးတော့ လယ်သမားတွေ ဆီကို ၁ ဧက ၁၀ တင်း သီးစား ပြန်ချတယ်။ လယ်သမားက ကိုယ့်လယ်ကိုပဲ သီးစားခပေး ပြန်လုပ်ရတယ်။ ၂၀၁၂ ခုနှစ် က စပြီးတော့ နိုင်ငံတော်က လယ်တွေ ပြန်ပေးတဲ့ အချိန်မှာ ကျမတို့က စစ်မှုထမ်းဟောင်းကို သီးစားခတွေ မပေးတော့ဘူး။ အဲဒီနောက်ပိုင်း စစ်မှုထမ်းဟောင်းဆီက အငှားယူပြီး လုပ်နေတယ် ဆိုတဲ့ ဦးလှအောင်က တရားစွဲတာ။ ၂၀၁၃ တုန်းက ပထမ တကြိမ် တရားစွဲပြီးပြီ။ ဒါက ဒုတိယအကြိမ် တရားစွဲတာ”ဟု ပြောဆိုသည်။

၂၀၁၁ ခုနှစ်က သမ္မတ ဦးသိန်းစိန်အစိုးရ တက်လာပြီး နောက်ပိုင်း ပန်းတနော်မြို့နယ်တွင် အင်းသားကြီးများနှင့် ငါးကန် လုပ်ငန်းရှင်များ၏ စွပ်စွဲဖမ်းဆီးမှုကြောင့် ရေလုပ်သားနှင့် လယ်သမား ၁၀၀ ကျော် ဖမ်းဆီး ထောင်ချ ခံခဲ့ရကြောင်း ပန်းတနော် မြို့နယ်ရှိ တောင်သူလယ်သမားနှင့် ရေလုပ်သား ဖွံ့ဖြိုးတိုးတက်ရေး သမဂ္ဂ အဖွဲ့၏ စာရင်းများအရ သိရသည်။
Irrawaddy

Saturday, June 7, 2014

ပုသိမ်မြို့၌ ဧရာရွှေဝါ ကုမ္ပဏီ သိမ်းယူခဲ့သည့် လယ်မြေများ ပြန်ရရေး ဆန္ဒဖော်ထုတ်

ဆလိုင်းသန့်စင်| June 7, 2014 |
သိမ်းဆည်းခံ လယ်မြေများ, ဦးတေဇ , ဧရာရွှေဝါကုမ္ပဏီ, သူရဦးရွှေမန်း,ဧရာဝတီတိုင်း ဒေသကြီး

ဧရာရွှေဝါ ကုမ္ပဏီ သိမ်းဆည်းခဲ့သည့် လယ်မြေများ ပြန်ရရှိရန် ပုသိမ်မြို့၌ ဆန္ဒဖော်ထုတ် နေသည့် လယ်သမားများ (ဓာတ်ပုံ – ဆလိုင်းသန့်စင် / ဧရာဝတီ)

ဧရာရွှေဝါကုမ္ပဏီက သိမ်းယူလုပ်ကိုင်ခဲ့သည့် လယ်ယာမြေများ ယနေ့အချိန် အထိ မူလပိုင်ရှင်များ လက်ဝယ် ပြန်မရရှိသေး သည့် အတွက် ဧရာဝတီတိုင်း ဒေသကြီး ကန်ကြီးထောင့် မြို့နယ်မှ လယ်သမား ၃၅ ဦးက ပုသိမ်မြို့တွင် ဇွန် ၆ ရက်က ဆန္ဒဖော်ထုတ်ခဲ့ကြောင်း သိရသည်။

ဧရာရွှေဝါ ကုမ္ပဏီက သိမ်းယူခဲ့သည့် လယ်မြေများကို နိုင်ငံတော်သို့ ပြန်လည် အပ်နှံထားပြီး မူလပိုင်ရှင်များထံ အမြန်ဆုံး ပြန်လည်ပေးအပ်ရန် တိုင်းဒေသကြီး အစိုးရအား တာဝန်ပေးထားသော်လည်း အချိန် ၁ နှစ် ကျော်ကြာသည်အထိ ဆောင်ရွက်ခြင်း မရှိသောကြောင့် ဆန္ဒထုတ်ဖော်တောင်ဆိုခြင်း ဖြစ်သည်ဟု ဆန္ဒပြပွဲတွင် ပါဝင်သော လယ်သမားများက ပြောသည်။

ယမန်နှစ် မတ်လ အတွင်းက ပြုလုပ်သော ဧရာဝတီတိုင်း ဒေသကြီး လွှတ်တော် အစည်းအဝေးတွင် တိုင်းဒေသကြီး အစိုးရ အား ဧရာရွှေဝါ ကုမ္ပဏီက သိမ်းယူခဲ့သည့် လယ်မြေများကို မူလပိုင်ရှင်များထံ အမြန်ဆုံး ပြန်လည်ပေးအပ်ရန် ဆုံးဖြတ်ပြီး လုပ်ဆောင် စေခဲ့သည်ဟုလည်း ၎င်းတို့က ဆက်ပြောသည်။

“ဧရာရွှေဝါ ကုမ္ပဏီက ၂၀၁၂ ခုနှစ်မှာ လယ်ယာမြေတွေကို နိုင်ငံတော်ကို ပြန်အပ်တယ် ဆိုပေမယ့် ကျနော်တို့ မူလပိုင်ရှင် လက်ထဲကို အခုချိန်အထိ မရောက်သေးပါဘူး။ ဧရာရွှေဝါနဲ့ အကျိုးတူ လုပ်ကိုင်ခဲ့တဲ့ လူတွေ လက်ထဲမှာပဲ လယ်တွေက ရှိနေ ပါသေးတယ်။ လယ်ယာမြေတွေကို မူလပိုင်ရှင်တွေဆီ အမြန်ဆုံး ပြန်ပေးဖို့ ဆန္ဒဖော်ထုတ်တာပါ”ဟု လယ်ဧက ၂၀ ကျော် သိမ်းဆည်းခံခဲ့ရသည့် ကန်ကြီးထောင့်မြို့နယ် ဒါးကကျေးရွာမှ လယ်သမား ဦးအောင်မြင့်က ဧရာဝတီကို ပြောသည်။

မူလပိုင်ရှင် လယ်သမားများနှင့် ပုသိမ်မြို့အခြေစိုက် လူ့အခွင့်အရေး စောင့်ကြည့်ကာကွယ်ရေး ကွန်ရက် (HRWDN) အဖွဲ့ဝင် များ ပူးပေါင်းပြီး ဇွန်လ ၆ ရက် နံနက်ပိုင်းတွင် ပုသိမ်မြို့တော်ခန်းမ ရှေ့မှ ဆိုင်းဘုတ်များ ကိုင်ဆောင်ပြီး ဧရာဝတီတိုင်း အစိုး ရ အဖွဲ့ရုံး၊ တိုင်းတရား လွှတ်တော်ရုံးများရှေ့၌ လှည့်လည် ကြွေးကြော် ဆန္ဒပြခဲ့ခြင်း ဖြစ်သည်ဟု သိရသည်။

သိမ်းယူခံရသည့် လယ်မြေများသည် လက်ရှိ ပြည်ထောင်စုလွှတ်တော် နာယက၊ ပြည်သူ့လွှတ်တော် ဥက္ကဌ တာဝန် ထမ်းဆောင်နေသည့် သူရဦးရွှေမန်း ဧရာဝတီတိုင်း စစ်တိုင်းမှူး အဖြစ် ၁၉၉၈ ခုနှစ်က တာဝန်ထမ်းဆောင်စဉ် ဧရာရွှေဝါ ကုမ္ပဏီကို ရေကြီးကွင်း၊ ရေနက်ကွင်း၊ မြေလွတ်မြေရိုင်းများ ဖော်ထုတ်ရေး စီမံကိန်း အဖြစ် လုပ်ကိုင်ရန် ဧရာဝတီတိုင်း ဒေသကြီးရှိ ရေကြည်၊ ကျောင်းကုန်း၊ ကန်ကြီးထောင့်၊ သာပေါင်း စသည့်  မြို့နယ်များမှ မြေဧကပေါင်း ၄၁,၂၀၀ ဧကအား ပေးအပ်ခဲ့ခြင်း ဖြစ်သည်ဟု ဒေသခံ လယ်သမားများက ပြောဆိုကြသည်။

ဧရာရွှေဝါ ကုမ္ပဏီကို ဦးရွှေမန်း ၏ သားတဦးဖြစ်သူ ဦးအောင်သက်မန်း တည်ထောင်လုပ်ကိုင် နေခြင်းဖြစ်ပြီး ဦးတေဇ က ဥက္ကဋ္ဌ တာဝန်ယူခဲ့ဖူးကြောင်း ဒေသခံများက ပြောသည်။

ဧရာရွှေဝါကုမ္ပဏီသည် စီမံကိန်းနယ်မြေတွင် ပါဝင်သော ရေကြီးကွင်း၊ ရေနက်ကွင်း၊ မြေလွတ်မြေရိုင်းများ သာမက ဒေသခံ လယ်သမားများ၏ သီးစားပေါက် လယ်မြေများကိုပါ ဒေသအာဏာပိုင်များနှင့် ပူးပေါင်းသိမ်းယူခဲ့ရာ ရေကြည်၊ ကျောင်းကုန်း၊ ကန်ကြီးထောင့်၊ သာပေါင်းစသည့်  မြို့နယ်များမှ လယ်မြေဧက သောင်းနှင့်ချီ၍ သိမ်းဆည်း ခံခဲ့ရသည်ဟုလည်း သိရသည်။

သိမ်းယူထားသော လယ်မြေများကို လယ်သမားများနှင့် အကျိုးတူ ပူးပေါင်းဆောင်ရွက်သည်ဟု ဆိုကာ အာဏာပိုင်များက ငွေကြေး တတ်နိုင်သော လယ်သမားများအား ဧက ၅၀၊ ၁၀၀၊ ၃၀၀ စသဖြင့် လုပ်ကွက်များ သတ်မှတ်ပြီး ၁ ဧကလျှင် စပါး ၂ တင်းနှုန်းဖြင့် သီးစားချထား လုပ်ကိုင်စေခဲ့သည်ဟု လယ်သိမ်းခံ ဒေသခံလယ်သမားများက ပြောသည်။

ယင်းလုပ်ရပ်နှင့် ပတ်သက်ပြီး လယ်သမားအရေး လှုပ်ရှားသူ HRWDN အဖွဲ့မှ ဦးမြင့်နိုင်က “လယ်တွေကို မူလပိုင်ရှင် လယ်သမားတွေကို ပြန်မပေးဘဲ ဧရာရွေဝါနဲ့ ယခင်ကတည်းက အကျိုးတူ လုပ်ခဲ့တဲ့ လူတွေကို သီးစားချပေးတာဟာ တရားမျှတမှု မရှိပါဘူး။ ဒီလယ်တွေကို မူလပိုင်ရှင် လယ်သမားတွေထံ အမြန်ဆုံး ပြန်လည် ပေးအပ်ဖို့ ဧရာဝတီတိုင်း အစိုးရကို တောင်းဆိုပါတယ်”ဟု ဆိုသည်။

၂၀၁၂ ခုနှစ် ဇူလိုင်လ ၂၆ ရက်တွင် ယင်းလယ်မြေများအား ဧရာရွှေဝါကုမ္ပဏီ ဥက္ကဋ္ဌ ဦးတေဇကိုယ်တိုင် လက်မှတ်ထိုး၍ ပြီးခဲ့သည့် နိုင်ငံတော်သို့ ပြန်လည်အပ်နှံခဲ့ရာ စိုက်ပျိုးနိုင်သည့် လယ်မြေ ၃၅၈၈၆.၆၄ ဧက၊ အင်းအိုင် ၄၈၁၃.၃၆ ဧကနှင့် ငါးကန် ၁၂၀၅.၅ ဧက ပါဝင်သည်ဟု ဒေသခံ တောင်သူများက ပြောသည်။

ပြန်လည်ပေးအပ်သော သိမ်းဆည်းခံမြေများကို ဧရာရွှေဝါကုမ္ပဏီက မူလပိုင်ရှင်များသို့ ပြန်လည် ပေးအပ်ရန် လွှဲအပ်ခဲ့သော် လည်း အာဏာပိုင်များနှင့် သီးစား လုပ်ကိုင်ခွင့်ရသူများက ယခုအချိန်အထိ လွှဲပြောင်းပေးခြင်း မရှိသဖြင့် မူလပိုင်ရှင် လယ် သမားများက ဆန္ဒဖော်ထုတ်ရခြင်း ဖြစ်သည်ဟု သိရသည်။
Irrawaddy

Saturday, May 17, 2014

မအူပင်မြို့နယ်တွင် ထွန်တုံးတိုက်ပွဲများ ဖြစ်ပွားနေ

ဆလိုင်းသန့်စင်| May 17, 2014 |
ထွန်တုံးတိုက်ပွဲ, ဧရာဝတီတိုင်း, လယ်မြေ

ပုသိမ်မြို့ ငွေဆောင်မြို့နယ်ခွဲ လရောင်းကျေးရွာတွင် ထွန်တုံးတိုက်ပွဲဝင်နေသော လယ်သမားများ (ဓာတ်ပုံ – ဆလိုင်းသန့်စင် / ဧရာဝတီ)

အစိုးရ ဌာနဆိုင်ရာများ သိမ်းယူခဲ့သည့် လယ်ယာမြေများကို မိုးရာသီ စိုက်ပျိုးချိန်အမီ ပြန်ပေးခြင်း မရှိသည့်အတွက်
ဧရာဝတီတိုင်းဒေသကြီး မအူပင်မြို့နယ်အတွင်းရှိ လယ်သမား ၆၁ ဦးတို့က ထွန်တုံးတိုက်ပွဲများ ပြုလုပ်၍ ၎င်းတို့
မူလပိုင်ဆိုင်ခဲ့သည့် လယ်ယာမြေများအတွင်း ၀င်ရောက်ထွန်ယက်နေကြောင်း သတင်းရရှိသည်။

မအူပင်မြို့နယ် တလုပ်လပ်နှင့် ခနောင်ကျေးရွာတို့မှ လယ်မြေ ၃၁၉ ဧကကို စပါးနှင့်ငါး စီမံကိန်းဟုဆိုကာ မအူပင်မြို့နယ် စစ်မှုထမ်းဟောင်း အဖွဲ့၊ မအူပင်ခရိုင် ငါးလုပ်ငန်း ဦးစီးဌာနနှင့် မွေးမြူရေးနှင့် ရေလုပ်ငန်း ၀န်ကြီးဌာနတို့က ၁၉၉၂ ခုနှစ်တွင် သိမ်းယူခဲ့ခြင်းဖြစ်ကြောင်း၊ သက်ဆိုင်ရာ အစိုးရအာဏာပိုင် အဆင့်ဆင့်ထံ တင်ပြတိုင်တန်းသော်လည်း ယနေ့ထက်တိုင် လယ်ယာမြေများ ပြန်မရသည့်အတွက် မိုးရာသီ စိုက်ပျိုးချိန်တွင် ၀င်ရောက် ထွန်ယက်ခြင်းဖြစ်ကြောင်း တလုပ်လပ် အရှေ့ကျေးရွာမှ လယ်သမား ဦးကျော်ညွှန့်က ဧရာဝတီကို ပြောသည်။

“လယ်တွေကို စပါးနဲ့ငါး စီမံကိန်းဆိုပြီး သိမ်းသွားခဲ့တာ။ သိမ်းပြီး ၂ နှစ်လောက်ပဲ စပါးစိုက်တယ်။ နောက်ပိုင်းမှာ မစိုက်တော့ဘဲ ငါးမွေးကန်တွေ လုပ်ပစ်ခဲ့တယ်။ အုပ်ချုပ်ရေးဌာန အဆင့်ဆင့် တင်ပြတော့လည်း ဘာမှမထူးဘူး။ အဲဒီတော့ ကျနော်တို့လယ်တွေကို မိုးကျတဲ့အချိန် လယ်တွေ ရေမမြုပ်ခင်မှာ ထွန်ယက်စိုက်ပျိုးတာပါ” ဟု သူက ပြောသည်။

လယ်သမားများသည် တလုပ်လပ် အရှေ့ကျေးရွာ၌ ယခုလ ၁၄ ရက်နေ့မှ စတင်ကာ ထွန်တုံးတိုက်ပွဲ ပြုလုပ်ခဲ့ပြီး ယနေ့တွင် ခနောင်ကျေးရွာ၌ ထွန်တုံးတိုက်ပွဲများ ပြုလုပ်ခဲ့ကြသည်။ ယင်းထွန်တုံး တိုက်ပွဲများအား အုပ်ချုပ်ရေး အာဏာပိုင်များက တားဆီးခြင်းမရှိဘဲ မှတ်တမ်းရယူခြင်း၊ ဓာတ်ပုံရိုက်ခြင်းများ ပြုလုပ်ခဲ့ကြောင်း ဒေသခံ လယ်သမားများက ပြောသည်။

“ကျနော်တို့တွေ လယ်ထွန်နေတာကို တားမြစ်ခြင်းတော့ မရှိဘူး။ မအူပင်ထွေအုပ်ရုံးနဲ့ မြေစာရင်းဌာနကတော့ ဓာတ်ပုံရိုက်တာ မှတ်တမ်းယူတာတွေတော့ ရှိတယ်” ဟု တလုပ်လပ်ကျေးရွာမှ ဦးစိန်သန်းက ပြောသည်။

၁၉၉၆ ခုနှစ်က ပြုလုပ်ခဲ့သည့် ရေနက်ကွင်းလယ်များ ဖော်ထုတ်ရေး စီမံကိန်းကြောင့် မအူပင်နှင့် ညောင်တုန်းမြို့နယ်များရှိ လယ်မြေဧက ၅၃၀၀ ကျော်ကို  ဌာနဆိုင်ရာများနှင့် ကုမ္ပဏီများက သိမ်းယူခဲ့ကြရာ ဒေသခံလယ်သမားများ လယ်မဲ့ယာမဲ့ဖြစ်ခဲ့ကြပြီး စီးပွားပျက်ခဲ့ရကြောင်း လယ်သမားအရေး ကူညီဆောင်ရွက်ပေးနေသည့် ပုသိမ်အခြေစိုက် လူ့အခွင့်အရေး စောင့်ကြည့်ကာကွယ်ရေး ကွန်ရက် (HRWDN) အဖွဲ့က ပြောသည်။

လယ်သမားများ အနေဖြင့် လယ်ယာမြေ ပြဿနာများကို တရားဥပဒေနှင့်အညီ ဖြေရှင်းဆောင်ရွက်ရန် လိုအပ်ကြောင်း၊ မိမိတို့အစိုးရထံ စာရေးသားတင်ပြပါက လယ်ယာမြေဥပဒေနှင့်အညီ မှန်ကန်စွာ ဆောင်ရွက်ပေးမည်ဖြစ်ကြောင်း၊
ထွန်တုံးတိုက်ပွဲ လုပ်ဆောင်ပါက တရားစွဲခံရနိုင်ပြီး တရားရုံး၌ ဖြေရှင်းရမည် ဖြစ်ကြောင်း  ဧရာဝတီတိုင်းဒေသကြီး အစိုးရအဖွဲ့ ၀န်ကြီးချုပ် ဦးသိန်းအောင်က ကျောင်းကုန်းမြို့၌ ယခုလ ၁၁ ရက်နေ့က ပြုလုပ်ခဲ့သည့် လယ်ယာမြေ ပြန်လည်ပေးအပ်ပွဲ အခမ်းအနားတွင် ပြောဆိုခဲ့သည်။

“ဒီလို တရားဥပဒေများနဲ့အညီ မဆောင်ရွက်ဘဲနဲ့ တချို့သော အဖွဲ့အစည်းများက မြှောက်ပင့်ပေးလို့ အတင်းအဓမ္မ ထွန်တုံးတိုက်ပွဲလို ကိစ္စမျိုးတွေ၊ လယ်မြေတွေမှာ အတင်းဝင်ရောက်ပြီး ရိတ်သိမ်းတဲ့ ကိစ္စတွေ ဆောင်ရွက်တယ်ဆိုရင်
တဖက်က တရားဥပဒေ လမ်းကြောင်းအရ တရားစွဲဆိုလာရင် တရားရုံးမှာ ဖြေရှင်းရမှာဖြစ်ပါတယ်။ အဲဒီအခါကျရင် ငွေကြေးလည်းကုန်ကျတယ်။ အချိန်လည်းကုန်တယ်။ ကိုယ့်ဘက်က မှားရင်လည်း အချုပ်အနှောင်ခံရတဲ့အထိ ရောက်ရှိပါတယ်” ဟု သူက ပြောသည်။

လယ်သမားများ တရားစွဲဆိုခံရ၍ ထောင်ကျမှုများ ဖြစ်လာပါက မြှောက်ပင့်ပေးသည့် အဖွဲ့အစည်းများက လှည့်မကြည့်တော့ဘဲ လယ်သမားသာ ရင်ဆိုင်ဖြေရှင်းရကြောင်း ဧရာဝတီတိုင်း ၀န်ကြီးချုပ် ဦးသိန်းအောင်က ဆိုသည်။

“အဲဒီလိုဖြစ်ပြီဆိုရင် မြှောက်ပင့်ပေးတဲ့ အဖွဲ့အစည်းတွေကလည်း လှည့်မကြည့်တော့ပါဘူး။ တောင်သူလယ်သမားက မိမိကိစ္စကို မိမိဘာသာပဲ တရားရုံးမှာ ရင်ဆိုင်ဖြေရှင်းပြီးတော့ ငွေကုန်လူပန်း၊ အချိန်တွေကြန့်ကြာ၊ နောက်ဆုံးကျတော့ ကိုယ်ရှုံးတဲ့အခါ အချုပ်အနှောင်ကျဆိုတဲ့ အဖြစ်မျိုးတွေကို ကျနော်တို့တိုင်းထဲမှာ အင်မတန် ၀မ်းနည်းဖွယ်ရာ
တွေ့ရပါတယ်” ဟု သူက ပြောသည်။

မအူပင်မြို့နယ် မလက်တို ကျေးရွာတွင် ပြီးခဲ့သည့် ၂၀၁၃ ခုနှစ် ဖေဖော်ဝါရီလအတွင်းက လယ်ယာမြေကို အကြောင်းပြု၍ လယ်သမားများနှင့် မြန်မာနိုင်ငံရဲတပ်ဖွဲ့တို့ အဓိကရုဏ်းဖြစ်ပွားခဲ့ရာ ရဲတပ်သား ၁ ဦး သေဆုံးခဲ့ပြီး လူပေါင်း ၄၅ ဦး ဒဏ်ရာရရှိခဲ့သည်။

ဧရာဝတီတိုင်းဒေသကြီး၌ ၂၀၁၃ ခုနှစ် မေလက စတင်ပြီး တိုင်းအစိုးရရုံးစိုက်ရာ ပုသိမ်မြို့နယ် အပါအ၀င် ကျောင်းကုန်း၊ ငပုတော၊ သာပေါင်း၊ မော်လမြိုင်ကျွန်း၊ လပွတ္တာ၊ ဖျာပုံနှင့် အင်္ဂပူမြို့နယ် တို့တွင် ထွန်တုံးတိုက်ပွဲများ ဖြစ်ပွားခဲ့သည်။

ထွန်တုံးတိုက်ပွဲ ပြုလုပ်မှုကြောင့် လက်ငုပ်လုပ်ကိုင်နေသူများက ပုဒ်မ ၄၄၇၊ ၄၂၇ တို့ဖြင့် တရားစွဲဆိုခဲ့ရာ လယ်သမားပေါင်း ၅၂၀ ကျော် တရားစွဲဆိုခံခဲ့ရပြီး လယ်သမား ၃၄၀ ဦး ထောင်ဒဏ်များ ချမှတ်ခံခဲ့ရသည်။
Irrawaddy

Friday, May 16, 2014

စိန်ခေါ်မှုများစွာဖြင့် ဒီရေတောထိန်းသိမ်းရေး


အာဆီယံဥက္ကဋ္ဌသမ္မတ ဦးသိန်းစိန် က ရာသီဥ တုပြောင်းလဲမှုကို ကာ ကွယ်ရန် ပင်လယ် ကမ်းခြေဒေသ များတွင် ဒီရေတောများ စိုက်ပျိုး ရန် အာဆီယံနိုင်ငံများကို မေလ ၁၁ရက်တွင် တိုက်တွန်းခဲ့သည်။

အာဆီယံနိုင်ငံများကို တိုက် တွန်းနေသော်လည်း မြန်မာနိုင်ငံ တွင် ပြုန်းတီးနေသောဒီရေတော များ ပြန်လည်ထူထောင်ရန် စိန် ခေါ်မှုများစွာရင်ဆိုင်နေရသည်။

ဒီရေတောပြန်လည်ထူ ထောင်ရေးအတွက် ငွေကြေး မြောက်မြားစွာလိုအပ်နေခြင်း၊ ပြုန်းတီးနေသော လစ်လပ်ဒီရေ တောကွက်များတွင် ဒီရေတောများမစိုက်ပျိုးနိုင်ခြင်း၊ စီးပွားရေးလုပ် ငန်းရှင်များ၏ ပုစွန်တာပတ်ကန် များတိုးပွားလာခြင်း၊ မြေယာအ သုံးချမှုပုံစံပြောင်းလဲလာခြင်း၊ သစ်တောအသုံးချသည့် ဒေသခံ များဆင်းရဲမွဲတေသောကြောင့် ဒီ ရေတောများအသုံးပြုနေကြခြင်း၊ ၀န်ထမ်းများအဂတိလိုက်စားခြင်း တို့သည် ဒီရေတောများစိုက်ပျိုး ရေးအတွက် အဓိကစိန်ခေါ်ချက် များဖြစ်သည်။

ဒီရေတောအများဆုံးပြုန်း တီးနေသည် ဧရာဝတီနှင့် ရခိုင် ပြည်နယ်တို့တွင် ပြန်လည်ထူ ထောင်ရေးလုပ်ငန်း အများစုမှာ အခြားနိုင်ငံများ၏ထောက်ပံ့ငွေ ဖြင့်သာ လည်ပတ်နေရသည်။ ပြည်ပနိုင်ငံများ၏ ကူညီထောက် ပံ့ငွေများဖြင့် လည်ပတ်နေရသော ကြောင့် စီမံကိန်းများကို အပြည့် အ၀မလည်ပတ်နိုင်ပေ။

‘‘ဘဲအုပ်က တစ်ရာနှစ်ရာ မဗေဒါကတစ်ပင်တည်းဖြစ်နေသ လိုပါပဲဗျာ။ စိုက်တာတော့ စိုက် နေကြတယ်။ လူဦးရေကလည်း တိုး၊ ကျန်တဲ့တောကလည်း နည်း နည်းပဲရှိတော့ ဒီကိုပဲအစုလိုက် အပြုံလိုက်လာ သုံးနေတော့ ထင် သလောက်ခရီးမရောက်ဘူး’’ဟု နာဂစ်ဒဏ်ခံဧရာဝတီတိုင်းဒေသ ကြီးတွင် ထိန်းသိမ်းရေး လုပ်ငန်း လုပ်ကိုင်နေသူ ဦးကျော်ငြိမ်းက ပြောသည်။

အလွန်အကျွံထုတ်ယူသုံးစွဲ ခြင်းနှင့် မြေယာအသုံးချမှုပုံစံများ  ပြောင်းလဲလာခြင်းကြောင့် ဆယ် စုနှစ်များ စွာချီ၍ ပြုန်းတီးခဲ့သော ဒီရေတောအပင်များကို အစားထိုး ရသည့်လုပ်ငန်းမှာ ဆင့်ပါးစပ်နှမ်းပက် သကဲ့သို့ဖြစ်နေသည်။

ဒီရေတောမျိုးစိတ်အများဆုံးရှိပြီး ဒီရေတောအများဆုံး ပေါက်ရောက်သည့် ဧရာဝတီ တိုင်းဒေသကြီးတွင် မီးသွေးဖုတ်ရန်အတွက် ဒီရေတောများခုတ်လှဲခွင့်ကို တရားဝင်ခွင့်ပြုပေးခဲ့ခြင်းကြောင့် ပြုန်းတီးမှုမြန်ဆန်ခဲ့ သည်။

ဒီရေတောပေါက်ရောက်မှု အများဆုံးဒေသဖြစ်သော ဧရာဝ တီတိုင်းဒေသကြီးတွင် မီးသွေး ဖုတ်ခြင်းကြောင့် ပြုန်းတီးနေချိန် တွင် ပုစွန်တာပတ်မွေးမြူခြင်း ကြောင့်အခြေအနေပိုဆိုးခဲ့သည်။

၂၀၀၀ပြည့်နှစ်တွင် ရခိုင် ပြည်နယ်မှ တစ်ဆင့်ပျံ့နှံ့လာ သော ပုစွန်တာပတ်ကန်နှင့်ငါး မွေးကန်များကြောင့် ပြုန်းတီးမှုပို မိုမြန်ဆန်ခဲ့သည်။

ရခိုင်ကမ်းရိုးတန်းရှိ ဒီရေတောများနှင့်လှေတစ်စီးကိုတွေ့ရစဉ်(ဓာတ်ပုံ−မောင်ကံ)

ထို့ကြောင့် ဧရာဝတီ၊ တနင်္သာရီတိုင်းဒေသကြီးနှင့် ရခိုင် ပြည်နယ်တို့တွင် ဒီရေတောဧက ရှစ်သိန်းခွဲခန့် သာကျန်ရှိသော ကြောင့် ယခင်ကမှတ်တမ်းတင် ထားသည့် ဒီရေတောဧကတစ် သန်းခန့်ပင်ရှိတော့မည် မဟုတ် ကြောင်း ထိန်းသိမ်းရေးလုပ် ဆောင်နေသူများကဆိုသည်။

‘‘ဒီရေတော ဧရိယာကတော့ မပြောင်းလဲဘူး။ ဒီအတိုင်းပဲ။ ဒါ ပေမဲ့ အဲဒီဧရိယာထဲမှာ ဒီရေတော တွေမရှိတော့ဘူး။ ရှိတဲ့တောတွေ ကလည်း အရည်အသွေး၊အဆင့် တန်းအတော်ကြီးကိုအခြေအနေ ဆိုးသွားပြီ’’ဟု ရခိုင်ပြည်နယ်တွင် ဒီရေတောထိန်းသိမ်းရေးလုပ်ကိုင် နေသူဦးဝင်းမောင်ကပြောသည်။

မြန်မာနိုင်ငံတွင် ဒီရေတော ပေါက်ရောက်သောဒေသများမှာ ဧရာဝတီ၊ရန်ကုန်၊ တနင်္သာရီတိုင်းဒေ သကြီးနှင့်ရခိုင်၊ မွန်ပြည် နယ်တို့တွင် ဖြစ်သည်။ ဧရာဝတီ တိုင်းဒေသကြီးသည် အခြားပြည် နယ်နှင့် တိုင်းဒေသကြီးများထက် ဒီရေတော့သစ်မျိုးစိတ်စုံလင်စွာ ပေါက်ရောက်ပြီး ဒီရေတောအ များဆုံးရှိသော ဒေသလည်းဖြစ် သည်။ ရခိုင်ပြည်နယ်မှာ ဒုတိယအများဆုံးဖြစ်ပြီး တတိယမှာ တနင်္သာရီတိုင်းဒေသကြီးဖြစ် သည်။

ဒီရေတောမျိုးစိတ်များစုံ လင်ပြီး ဒီရေတောအများဆုံး ပေါက်ရောက်သည့် ဧရာဝတီတိုင်းဒေသကြီးတွင် ဒီရေတော့ များ တဖြည်းဖြည်းပျောက်ကွယ် လာပြီဖြစ်သည်။ ထိန်းသိမ်းကာ ကွယ်ရန် အစိုးရဖွဲ့စည်းထား သည့် ဒီရေတောကြိုးဝိုင်းကိုးခု တွင် မိန်းမလှကျွန်းဘေးမဲ့တော၊ ဗြုန်းမွှေးကျွန်း၊ ကဒုံကနိကျွန်းမှ လွဲ၍ ကျန်ကြိုးဝိုင်းများမှာ မြေအ သုံးချမှုပုံစံများပြောင်းလဲသွားပြီဖြစ်သည်။

ဒီရေတောသစ်ပင်များက ငွေကြေးတန်ဖိုးဖြင့်တွက်ချက် လျှင်တောင်ပေါ်သစ်ပင်များ၏ ဈေးနှုန်းကို မမီ။ သို့သော် စိုက်ပျိုး မှုကုန်ကျစရိတ်မှာ တောင်ပေါ်သစ် တောများထက်အကုန်အကျများသည်။နာဂစ်မုန်တိုင်း တိုက်ခတ်ပြီးနောက် ဒီရေတောစိုက်ပျိုး သော လူမှုအဖွဲ့အစည်းတစ်မု ဟုတ်ချင်း တိုးပွားခဲ့သော်လည်း အဆိုပါလုပ်ငန်းများမှာ ကာလတို အတွင်းပင် ပျောက်ကွယ်သွား သည်။ ဒီရေတောစိုက်သော NGO၊ INGOအများစုမှာလည်း စိုက်ပျိုး ပြီးအပင်များကို မထိန်းသိမ်းနိုင် ကြသေးပေ။

‘‘ဒီရေတောစိုက်ပျိုးရေးလုပ် ငန်းမှာ ငွေရေးကြေးရေးကအဓိ ကကျတယ်။ ပြုန်းတီးသွားတဲ့ ဧ ရိယာကို မီအောင်ငွေအင်အား၊ လူအင်အားလိုတယ်’’ဟု သစ် တောဦးစီးဌာန ညွှန်ကြားရေးမှူး ဦးဗိုလ်နီကပြောသည်။

ဒီရေတောသစ်များ ပြန်လည်စိုက်ပျိုးရန် ဒီရေတောမျိုးစိတ်များအများအပြားဝယ်ယူပြီး စိုက်ခင်းများနှင့် ပျိုးထောင်ရသည်။ ပျိုးပင်များကို ရေချို၊ ရေငန်စပ်ပင်လယ်ကမ်းရိုးတန်းများတွင် စနစ်တကျ စီတန်းစိုက်ပျိုး ရသည်။ သစ်ပင်ရှင်သန်းရေးအတွက် အချိန်နှင့်အမျှလေ့လာ စောင့်ကြည့်ရသည်။ ကုန်ကျစ ရိတ်များသည်။ စိုက်ပျိုးပြီးသစ်ပင်များကို ဈေးကွက်တင်ရောင်း၍ မရသဖြင့် ဒေသခံများကစိတ်မ၀င်စား။ ထို့ကြောင့် တောင်ပေါ်သစ်တောများလို သစ်တောဧရိယာများအတွင်း ပုဂ္ဂလိက သစ်စိုက်ခင်းလုပ်ကိုင်ခွင့်ပေးလို့မရ။

‘‘ကုန်ကျစရိတ်များတယ် လေ။ ပိုက်ဆံတွေကုန်တာတန်ရဲ့ လားလို့မေးရင် ပိုက်ဆံနဲ့တွက်ရင် မတန်ဘူး။ ဒါပေမဲ့ မတတ်နိုင်ဘူး လေ။ အကြွေးဆပ်သလို သဘော ထားပြီး ဆပ်ရမှာပေါ့’’ဟု ဧရာဝ တီတိုင်းဒေသကြီးတွင် ဒီရေတော ထိန်းသိမ်းရေးလုပ်ကိုင်နေသူဦး ကျော်ငြိမ်းကပြောသည်။

ဒီရေတောများပေါက် ရောက်သည့် ပြည်နယ်နှင့်တိုင်း ဒေသကြီးငါးခုရှိသည့်အနက် ဧရာ ၀တီတိုင်းဒေသ ကြီးကို အစိုးရက ဦးစားပေးစိုက်ပျိုးပြီး ကျန်ရခိုင် ပြည်နယ်နှင့် တနင်္သာရီတိုင်းဒေ သကြီးတို့တွင် အနည်းငယ်သာ စိုက်ပျိုးသည်ဟု သစ်တောများဦး စီးဌာနမှ ညွှန်ကြားရေးမှူးဦးဗိုလ်  နီကပြောသည်။

စိုက်ပျိုးနိုင်သည့်ဒေသများ တွင်လည်း တစ်နှစ်လျှင်ပျှမ်းမျှသုံး ရာမှ တစ်ထောင်ကြားသာစိုက်ပျိုး နိုင်သေး သည်။ ယခုနှုန်းဖြင့်သာ ဒီ ရေတောများ ဆက်လက်စိုက်ပျိုး ရန် အစိုးရလျာထားသည်။

ဆယ်စုနှစ်ချီ၍ ပြုန်းတီးခဲ့ သော ဒီရေတောများကို အလျဉ်မီ အောင် မစိုက်ပျိုးနိုင်သေးသည့်အ ချိန်တွင် တစ်ဖက်ကလည်းလူဦး ရေထူထပ်များပြားရာဒေသတွင် ဆင်းရဲနွမ်းပါးသောဒေသခံများ က ကျန်ရှိနေသော ဒီရေတောများ ကို မျက်စောင်းထိုးနေကြသည်။

ခုတ်လှဲသူက အလေးသာ နေသဖြင့် ထိန်းသိမ်းရေးလုပ်ငန်း က ထင်သလောက်ခရီးမရောက်။ ပြုန်းတီးမှုများ မရပ်တန့်သွား။ ထို ပြဿနာသည် ဧရာဝတီတိုင်းဒေ သကြီးတစ်ခုတည်းတွင်သာမက ဒီရေတော များပေါက်ရောက် သည့် ကမ်းရိုးတန်းဒေသငါးခုလုံး ကြုံတွေ့နေရခြင်းဖြစ်သည်။

‘‘တနင်္သာရီထဲမှာ ငါးမုန့် လုပ်တဲ့ စက်ရုံတွေက လောင်စာ အတွက် ထင်းကိုသုံးကြတော့ ဒီ ရေတောတွေက ပြုန်းကုန်ပြီ။ တ နင်္သာရီက နဂိုအတိုင်းဒီရေတော တွေ သဘာဝအတိုင်းရှိတယ်လို့ ပြောတာ ဒိုင်ယာရီဖြစ်တာ့မယ်။ အဲဒီနေရာတွေမှာလည်း ပုစွန် ကန်တွေဖြစ်ကုန်ပြီ’’ဟု တနင်္သာရီ တိုင်းဒေသကြီးတွင် သဘာဝပတ် ၀န်းကျင်ထိန်းသိမ်းရေးလှုပ်ရှား နေသူ ကိုဥက္ကာမင်းကပြောသည်။

ဟိုးယခင်က ပြုန်းတီးနေ  သော ဒီရေတောများပြန်လည်ပြုစု ပျိုးထောင်ခြင်း၊ ရှိနေပြီးသားဒီရေ တောများမပျောက်ပျက်အောင် ကာကွယ်ထိန်းသိမ်းရေးစသည့် လုပ်ငန်းများသည် လွယ်မယောင် နှင့်ခက်၊ တိမ်မယောင်နှင့်နက်ခဲ့ သည်။

အလိုအပ်ဆုံးနှင့်အရေးကြီး ဆုံးမှာ ငွေကြေးထောက်ပံ့မှုဖြစ် သည်။ ငွေကြေးထောက်ပံ့မှုပြီး လျှင် နည်းပညာဖြစ်သည်။ ထိန်း သိမ်းရေးလုပ်ငန်းများတွင် ဒေသ ခံပြည်သူများပူးပေါင်းပါဝင်မှုမရှိ ပါက မအောင်မြင်သောကြောင့် ဒီရေတောများအသုံးချသည့် ပြည် သူတို့၏ လူမှုဘ၀ကို ထည့်သွင်း စဉ်းစား ရမည်ဖြစ်သည်။ ၎င်းတို့ က သုံးစွဲသူများဖြစ်သည်။

သစ်ခိုးထုတ်သည့်သူကို ဖမ်း ဆီးအရေးယူသည့်နည်းလမ်းက လိုအပ်သည်မှန်သော်လည်း ယင်း အချက်တစ်ခုတည်းနှင့်မရ။ ဒေ သခံတို့ ပူးပေါင်းပါဝင်ရန် အထူး လိုအပ်သောကြောင့်   ၎င်းတို့ အဆင်ပြေသောလူမှုစီးပွားအ  သိုက်အ၀န်းတစ်ခုကို အကောင် အထည်ဖော်ပေးရမည်ဖြစ်သည်။

အခြားနိုင်ငံများကို တိုက် တွန်းနေသော မြန်မာအစိုးရသည် ဒီရေတောများပြန်လည်ထူ ထောင်ရေးအတွက် သစ်တောဦး စီးဌာနလက်အောက်တွင် သီး သန့်ဌာနထားရှိရန် ယခုမှစီစဉ်နေ သည်။ ဖွဲ့စည်းပုံနှင့် ဥပဒေမူဝါဒ များရေးဆွဲရန် ပြင်ဆင်နေဆဲဖြစ် သည်။ မွန်ပြည်နယ်နှင့် ရန်ကုန် တိုင်းဒေသကြီးတို့တွင် ပေါက် ရောက်သောဒီရေတောများကို ယ နေ့အချိန်ထိ မှတ်တမ်းတင်သုတေ သနပင် မပြုလုပ်နိုင်သေး။ နည်း ပညာများကို အာဆီယံနိုင်ငံများ သို့ သွားရောက်လေ့လာနေဆဲဖြစ် သည်။ ထို့ကြောင့် အာဆီယံနိုင်ငံ များကို ဒီရေတောစိုက်ရန်အာဆီ ယံဥက္ကဋ္ဌ၏တိုက်တွန်းချက် အ ပေါ်ဝေဖန်မှုများရှိနေသည်။

Blog Archive

Tags

Accident Ad Agriculture Article Astrology Aung San Suu Kyi Bagan Beauty Bogale Book Car Cartoon celebs Crime Crony Daily Popular Danubyu Dedaye Dhamma Dr Hla Myat Thway Education ELection Entertainment Environment Foreign Affairs General General Aung San General Knowledge Gossip Gov Health Herbal Hinthada History Hluttaw Ingapu Interview Job Kangyidaunt kyaik Lat Kyangin Kyaunggon Kyonpyaw Latputta Laymyethna Lemyethna Letter Ma Shwe Moe Mahn Johnny Maubin Mawlamyinegyun Media MMP MMP 1 money Myan Aung Myanmar Idol Myaungmya Myo Min Paing News Ngapudaw Ngathaingchaung NLD Nyaung Tone Opinion Pagoda Pantanaw Party Pathein People Photo Places Poem Police Politic Political Prisoner Popular Project Pyapon Quote School Bus Song Speech Sport Sports Student SYW SYW 1 Technology Thabaung Time Ayeyar Tourism Trailer Travel U Ba Hein U Ko Ni U Kyaw Myint U Win Htay USDP Video Wakhama Weather World News Yekyi Zalun စိတ်အဟာရ ရသစာများ စိုက်ပျိုးရေး ထူးဆန်းထွေလာ ဒီရေတော နာရေး ဗဒေငျ မဘသ မုံရွာ လယ်သိမ်းမြေသိမ်း လူပုဂ္ဂိုလ်များ လူပျောက်ကြော်ငြာ အရှင်သုစိတ္တ (မော်ကျွန်း) အရှင်သုစိတ္တ (မော်ကျွန်း) ဆရာတော် အထွေထွေ ဝေဖန်ရေး ထွေအုပ် ​မော်​တင်​စွန်း နိုင်ငံရေးအကျဉ်းသား

Labels

Recent Post