Latest News

Monday, December 16, 2013

ထွန်တုံးတိုက်ပွဲဝင် လယ်သမား ၃ ဦး စပါးခိုးမှုဖြင့် ဖမ်း

ဆလိုင်းသန့်စင်| December 16, 2013 |
လယ်သိမ်း, ဧရာဝတီတိုင်း, ထွန်တုံးတိုက်ပွဲ, လယ်သမား
လယ်သမားများကို ဖမ်းဆီးထားသည့် ငပုတောမြို့မရဲစခန်း (ဓာတ်ပုံ – ဆလိုင်းသန့်စင် / ဧရာဝတီ)

ထွန်တုံးတိုက်ပွဲပြုလုပ်ကာ စပါးစိုက်ပြီးနောက် ရင့်မှည့်သည့်စပါးများကို ရိတ်သိမ်းခဲ့သည့် ငပုတောမြို့နယ်မှ လယ်သမား ၃ ဦးကို ရဲက ဖမ်းဆီးသွားပြီး စပါးခိုးမှုဖြင့် တရားစွဲရန် ပြင်ဆင်နေကြောင်း လယ်သမားအရေးလှုပ်ရှားသူများက ပြောသည်။

ငပုတောမြို့နယ်၊ ခရင်ဝက်ချောင်းကျေးရွာအုပ်စု၊ ကြက်ချေးချောင်းကျေးရွာမှ လယ်သူမ ဒေါ်ပုံလုံ၊ ဦးအောင်ထွန်းလင်းနှင့် ဦးဖိုးထုံတို့ကို တောင်ကလေးရဲစခန်းမှူး ဦးဆောင်သည့် ရဲတပ်ဖွဲ့ဝင်များက ယခုလ ၁၂ ရက်နေ့တွင် ဖမ်းဆီးခဲ့ပြီး လက်ရှိတွင် ငပုတော မြို့မရဲစခန်း၌ လယ်သမားများကို ချုပ်နှောင်ထားကြောင်း သိရသည်။

“ဒေါ်ပုံလုံတို့ဟာ သူတို့လယ်တွေ မတရားဆုံးရှုံးခဲ့တဲ့အတွက် မိုးတွင်းတုန်းက ထွန်တုံးတိုက်ပွဲ လုပ်ပြီး စပါးတွေစိုက်ခဲ့တယ်။ အဲဒါကို အကြွေးနဲ့သိမ်းထားတဲ့ငွေရှင် မုန်တိုင်းဆိုတဲ့လူက ဆင်းပြီးဖျက်တယ်။ ဖျက်လို့ကျန်တဲ့စပါးတွေကို အခုရိတ်တဲ့အခါမှာ အဲဒါကို ခိုးပါတယ်ဆိုပြီး တိုင်တယ်။ တိုင်တော့ရဲကလာဖမ်းတယ်။ ရိတ်ထားတဲ့စပါးအိတ်တွေကိုလည်း ရဲတွေက အိမ်ပေါ်က အတင်းဆွဲချသွားပြီး တောင်ကလေးရဲစခန်းကို ယူသွားတယ်”လို့ လယ်သမားအရေး ကူညီပေးနေသည့် ဘိုးတော်ဝင်းနိုင်က ဧရာဝတီကို ပြောသည်။

လယ်သမား ၃ ဦး အဖမ်းခံရမှုနှင့်ပတ်သတ်ပြီး ဧရာဝတီက တောင်ကလေးရဲစခန်းသို့ ဆက်သွယ်မေးမြန်းခဲ့ရာ စခန်းမှူးဖြစ်သူက မည်သည့်လယ်သမားကိုမှ ဖမ်းဆီးခြင်း မရှိကြောင်း ငြင်းဆိုခဲ့သည်။

ထို့ကြောင့် ငပုတောမြို့မရဲစခန်းက စခန်းမှူး ဒုရဲမှူး တင်ကြည်ကို ဧရာဝတီက သွားရောက် တွေ့ဆုံမေးမြန်းခဲ့ရာ တောင်ကလေးရဲစခန်းမှ လယ်သမား ၃ ဦးကို ဖမ်းဆီးခဲ့ခြင်းဖြစ်ပြီး လက်ရှိတွင် ငပုတောစခန်း၌ ရမန်ယူကာ ချုပ်နှောင်ထားကြောင်း၊ ပြစ်မှုဆိုင်ရာဥပဒေပုဒ်မ ၃၇၉ (မရွှေ့ပြောင်းနိုင်သော ပစ္စည်းခိုးယူမှု) ဖြင့် အမှုဖွင့် အရေးယူထားကြောင်း ပြောသည်။

“သူတို့ကို ဖမ်းထားတာ ဟုတ်ပါတယ်။ ပထမတော့ ပုဒ်မ ၄၄၇ ပါ။ ပိုင်နက်ကျူးလွန်မှုပေါ့။ ဒါပေမယ့် သူတို့ကပိုင်နက်ကျူးလွန်ရုံတင်မဟုတ်ဘဲ အဲဒီထဲကစပါးကိုရိတ်ပြီး အပြင်ကို ထုတ်ရောင်းပစ်လိုက်တယ်။ အဲဒါကြောင့် ၄၄၇ ကနေ ပုဒ်မ ၃၇၉ ကိုပြောင်းပြီးတော့ အချုပ်ထဲထည့်ထားတယ်။ ပုဒ်မ ၃၇၉ ဆိုတော့ အာမခံပေးလို့မရပါဘူး”ဟု သူက ပြောသည်။

တရားလို ဦးမျိုးဝေ၏ တိုင်တန်းချက်အရ ဖမ်းဆီးခြင်းဖြစ်ပြီး အချိန် ၁ ပတ်ခန့်အတွင်း တရားရုံးသို့ တင်ပို့သွားမည်ဟု ငပုတောမြို့မစခန်းမှူးက ပြောသည်။

လယ်ယာမြေဥပဒေ၊ နည်းဥပဒေနှင့် ဗဟိုလယ်ယာမြေစီမံခန့်ခွဲမှုအဖွဲ့၏ ညွှန်ကြားချက်များတွင် လယ်ယာမြေအငြင်းပွားမှု၌ အမှုရှုံးသူဖြစ်သော်လည်း စိုက်ပျိုးပြီးသားဖြစ်နေပါက သီးနှံ ရိတ်သိမ်းချိန်အထိ ဆက်လက်စိုက်ပျိုးခွင့်ပြုရန်၊ သီးနှံ၏အကျိုးအမြတ်ကို ခံစားခွင့်ပြုရန်နှင့် အနိုင်ရသူက နောက်ရာသီတွင် စိုက်ပျိုးလုပ်ကိုင်ရန် အတိအလင်း ညွှန်ကြားထားသောကြောင့် ယခုကဲ့သို့ စပါးရိတ်သည့်လယ်သမားကို ဖမ်းဆီးမှုမှာ လယ်ယာမြေဥပဒေ၊ နည်းဥပဒေနှင့် ဗဟိုလယ်ယာမြေစီမံခန့်ခွဲမှုအဖွဲ့၏ ညွှန်ကြားချက်များနှင့် ညီညွတ်ခြင်းမရှိကြောင်း ပြည်ထောင်စု ကြံ့ခိုင်ရေးနှင့်ဖွံဖြိုးရေးပါတီမှ ငပုတောမြို့နယ် တိုင်းဒေသကြီးလွှတ်တော် ကိုယ်စားလှယ် ဦးအေးကြည်က ပြောဆိုသည်။

“လယ်ယာမြေ အငြင်းပွားမှုမှာ အမှုရှုံးတဲ့လူဖြစ်ပေမယ့် သီးနှံစိုက်ပျိုးပြီးသားဖြစ်နေရင် ရိတ်သိမ်းပြီးတဲ့အထိ ဆက်လက်လုပ်ကိုင်ခွင့်ပြုဖို့နဲ့ သီးနှံရဲ့အကျိုးအမြတ်ကို ခံစားစေဖို့၊ နိုင်တဲ့လူက နောက်ရာသီမှသာ စိုက်ပျိုးလုပ်ကိုင်ဖို့ဆိုတာတွေကို ဗဟိုလယ်ယာမြေ စီမံခန့်ခွဲမှုအဖွဲ့က အတိအလင်းညွှန်ကြားထားပါတယ်။ အဲဒါကို ရဲစခန်း တာဝန်ရှိသူတချို့နဲ့ မြေစာရင်းတချို့ကနေ မျက်ကွယ်ပြုထားတဲ့အတွက် ရိုးသားစွာလယ်လုပ်တဲ့လူတွေ အဖမ်းခံနေရတယ်လို့ မြင်တယ်”လို့ သူကပြောသည်။

ဗဟိုလယ်ယာမြေစီမံခန့်ခွဲမှုအဖွဲ့မှ ယခုနှစ် မေလ ၁၇ ရက်နေ့ ရက်စွဲဖြင့် ထုတ်ပြန်ခဲ့သည့် ညွှန်ကြားစာအပိုဒ် ၇ တွင် “အဆင့်ဆင့်သော လယ်ယာမြေစီမံခန့်ခွဲမှုအဖွဲ့များသည် အငြင်းပွားမှု ဖြစ်ပေါ်နေသော လယ်ယာမြေများနှင့်စပ်လျဉ်း၍ လက်ရှိလုပ်ကိုင်နေသူအား သီးနှံရိတ်သိမ်းပြီးစီးသည်အထိ ဆက်လက်လုပ်ကိုင်စေရေးနှင့် စိုက်ပျိုးထားသော သီးနှံများကိုလည်း ခံစားနိုင်ခွင့်ရှိစေရေးအတွက် သေချာစွာကြပ်မတ်ဆောင်ရွက်ပေးရန်”ဟူ၍ ပါရှိသည်။

ယခုလို လယ်သမားများ အဖမ်းခံရခြင်းကိစ္စမှာ မြို့နယ်နဲ့ကျေးရွာ လယ်ယာမြေစီမံခန့်ခွဲမှု အဖွဲ့များအပေါ်တွင် အဓိကတာဝန်ရှိကြောင်း ငပုတောလွှတ်တော်ကိုယ်စားလှယ်က ဆိုသည်။

“အဓိကကတော့ လယ်ယာမြေစီမံခန့်ခွဲမှုအဖွဲ့တွေမှာ တာဝန်ရှိတယ်။ ရဲမှာလည်း တာဝန်ရှိတယ်။ လယ်သိမ်းထားတဲ့လူတွေက တယောက်ထောင်ချပြီး ကျန်တဲ့ဟာတွေပါ ဆက်ချဖို့လုပ်တယ်။ လယ်ယာမြေအငြင်းပွားမှုတွေ မလုပ်ရဲအောင်၊ လက်လုပ်လက်စား လယ်သမားတွေ ခေါင်းမဖော်ရဲအောင် လုပ်နေတယ်။ ကျေးရွာက လုပ်ငန်းရှင်တွေက ဖုန်းတွေဆက်ပြီး ဒေသဆိုင်ရာ အာဏာပိုင်တချို့နဲ့ပူးပေါင်းလုပ်နေလို့ ဒီလိုအဖမ်းခံရတဲ့ ကိစ္စတွေ ဖြစ်ပေါ်နေတာ”ဟု သူကပြောသည်။

ငပုတောမြို့နယ်တွင် ထွန်တုံးတိုက်ပွဲပြုလုပ်မှုကြောင့် လယ်သမား ၅ ဦး ထောင်ဒဏ်များ ချမှတ်ခံခဲ့ရပြီး မော်လမြိုင်ကျွန်းမြို့နယ်တွင်လည်း လယ်သမား ၂၀ ကျော် အလုပ်ကြမ်းနှင့် ထောင်ဒဏ်များ ချမှတ်ခံခဲ့ရသည်။

ဧရာဝတီတိုင်းဒေသကြီးတွင် ပြီးခဲ့သည့်မေလနှင့် ဇွန်လများက မြို့နယ် ၁၀ ကျော်တွင် ထွန်တုံးတိုက်ပွဲများ ဖြစ်ပွားခဲ့ပြီးနောက် လယ်သမားပေါင်း ၅၀၀ ကျော် တရားစွဲခံခဲ့ရကြောင်း လယ်သမားအရေးလှုပ်ရှားသူများထံမှ သိရသည်။
Irrawaddy

Tuesday, November 26, 2013

ဧရာရွှေဝါ ပြန်အပ်သည့် မြေများအနက် ဧက ၂ သောင်းကျော် ပြန်ပေးပြီးဟုဆို

ဆလိုင်းသန့်စင်| November 26, 2013 |
Land Confiscation, လယ်သိမ်းမြေသိမ်း, ဧရာရွှေဝါ ကုမ္ပဏီ, ဧရာဝတီတိုင်း
ယခုနှစ် ဇွန်လအတွင်းက ဧရာဝတီတိုင်း ဒေသကြီး ကန်ကြီးထောင့် မြို့နယ်တွင် ထွန်တုံးတိုက်ပွဲ ဆင်နွှဲနေသည့် လယ်သမားများ (ဓာတ်ပုံ – ဆလိုင်း သန့်စင် / ဧရာဝတီ)

ဧရာရွှေဝါ စိုက်ပျိုးရေးကုမ္ပဏီက ဧရာဝတီတိုင်းဒေသကြီး အစိုးရထံ ပြန်လည် အပ်နှံထားသည့် မြေဧက ၄ သောင်းကျော် အနက် ဧက ၂ သောင်း ၈ ထောင်ကျော်ကို လယ်သမားများထံ ပေးအပ်ပြီးဖြစ်ကြောင်း ဧရာဝတီတိုင်း ကြေးတိုင်နှင့် မြေစာရင်းဦးစီးဌာနက ပြောသည်။

ဧရာရွှေဝါကုမ္ပဏီက လုပ်ကိုင်ခွင့်ယူပြီး ၁၉၉၈ ခုနှစ်က သိမ်းယူခဲ့သည့် မြေဧက ၄၁,၂၀၀ အား ဧရာဝတီတိုင်း အစိုးရထံ ပြန်လည်အပ်နှံခဲ့ရာ လက်ရှိအချိန်အထိ တိုင်းအစိုးရ အစီအစဉ်ဖြင့် လယ်မြေ ၂၈,၉၅၁ ဧက ပြန်ပေးပြီးဖြစ်ကြောင်း တိုင်းဒေသကြီး ကြေးတိုင်နှင့် မြေစာရင်းဌာန ဦးစီးမှူး ဦးကျော်ထင်က ဧရာဝတီကို ပြောသည်။

“အခုပြန်လည် အပ်နှံထားတဲ့ ဧရိယာတွေထဲက ပြန်လည် ချထားပေးဖို့ ဧက ၆၀၀၀ ၀န်းကျင် လောက်ပဲ ကျန်တော့မှာပါ။ တော်တော်များများက ပြဿနာမရှိဘဲ ငြိမ်းချမ်းစွာနဲ့ ခွဲဝေပေးပြီးလည်း ဖြစ်ပါတယ်” ဟု သူက ပြောသည်။

လယ်သမားများထံ ပြန်လည်ပေးအပ်သည့် မြေဧကများမှာ ကန်ကြီးထောင့်မြို့နယ်တွင် ၃,၇၇၉ ဧက၊ ကျောင်းကုန်းမြို့နယ်တွင် ၇,၅၀၈ ဧက၊ ရေကြည်မြို့နယ်တွင် ၇,၃၁၈ ဧကနှင့် သာပေါင်းမြို့နယ်တွင် ၁၀.၃၄၆ ဧက ဖြစ်ကြောင်း တိုင်းကြေးတိုင်နှင့် မြေစာရင်းဦးစီးမှူးက ပြောသည်။

တိုင်းအစိုးရက လယ်များပြန်ပေးခဲ့ရာ၌ ယခင်ကတည်းက ဧရာရွှေဝါ ကုမ္ပဏီကို သီးစားခပေး၍ အကျိုးတူ စိုက်ပျိုးလုပ်ကိုင်ခဲ့သည့် ယူနစ်လယ်သမားများသာ လယ်လုပ်ခွင့်ရနေပြီး လယ်သိမ်းခံခဲ့ရသည့် မူလပိုင်ရှင် လယ်သမားအများစု ယနေ့တိုင် လယ်ပြန်မရသေးကြောင်း တိုင်းဒေသကြီး လွှတ်တော် ကိုယ်စားလှယ်များက ပြောသည်။

“တိုင်းအစိုးရက ပြန်ပေးတယ်ဆိုပေမယ့် လယ်တွေက ဧရာရွှေဝါနဲ့ အကျိုးတူပူးပေါင်း လုပ်နေတဲ့သူတွေလက်ထဲ ရောက်နေတယ်။ မူလဆုံးရှုံးတဲ့ နွမ်းပါးတဲ့တောင်သူတွေ လက်ထဲကို မရောက်ဘူး။ တဆင့်ခံယူထားတဲ့ လက်ကြီးသမား၊ သူဌေးလယ်သမားတွေ လက်ထဲမှာပဲ ရောက်နေတာ” ဟု ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီ၏ သာပေါင်းမြို့နယ် တိုင်းဒေသကြီး လွှတ်တော်ကိုယ်စားလှယ် ဦးဝင်းသိန်းက ပြောသည်။

ကုမ္ပဏီမှ ပြန်လည်အပ်နှံသည့် လယ်ယာမြေများမှာ ရပ်ကွက်နှင့် ကျေးရွာ လယ်ယာမြေ စီမံခန့်ခွဲမှု အဖွဲ့များထံ ရောက်ရှိလာပြီးနောက် လယ်လုပ်ခွင့်ကို မူလပိုင်ရှင် လယ်သမားအား ချမပေးဘဲ ယူနစ်လယ်သမားကိုသာ
ချထားပေးခဲ့သည့် အတွက် အောက်ခြေတွင် လယ်ယာမြေအငြင်းပွားမှု အမြောက်အမြား ဖြစ်ပွားနေကြောင်း အမျိုးသား
ဒီမိုကရေစီအဖွဲ့ချုပ် (NLD) ပါတီ၏ ရေကြည်မြို့နယ် တိုင်းဒေသကြီးလွှတ်တော် ကိုယ်စားလှယ် ဒေါက်တာ လှမြတ်သွေးက ပြောသည်။

“ကျမတို့ ရေကြည်မြို့နယ်တင် မဟုတ်ဘူး။ ဧရာဝတီတိုင်းထဲမှာ ဧရာရွှေဝါ ပြန်ပေးတဲ့ လယ်အားလုံးရဲ့ ၉၅ ရာခိုင်နှုန်းက
မူလလက်ငုပ် လယ်သမားလက်ထဲကို ပြန်မရောက်ဘူး။ အဲဒါ သေချာတယ်။ အောက်ခြေမှာလည်း လယ်ယာမြေ အငြင်းပွားမှုတွေက အများကြီး ဖြစ်နေတာ” ဟု သူက ပြောသည်။

လယ်များပြန်ပေးရာတွင် မူလပိုင်ရှင် လယ်သမားနှင့် လက်ရှိလုပ်ကိုင်နေသူ လယ်သမားတို့ အငြင်းပွားမှု မရှိစေရန်
ရပ်/ကျေး မြေယာစီမံခန့်ခွဲမှုအဖွဲ့များ၊ မြေအသုံးချမှု စီမံခန့်ခွဲရေး အဖွဲ့များနှင့် ရပ်ကျေး အထောက်အကူပြု ကော်မတီများ ပူးပေါင်း၍ ညှိနှိုင်းဆောင်ရွက် ဖြေရှင်းပေးနေကြောင်း ကြေးတိုင်နှင့် မြေစာရင်းဌာနမှူး ဦးကျော်ထင်က ပြောသည်။

“လယ်သမားတွေ ပြန်ပေးရာမှာ တချို့နေရာတွေမှာ ပေးဖို့ခက်တဲ့ အနေအထားရှိတယ်။ အဲဒါကတော့ တချိန်က လုပ်ကိုင်ခဲ့တဲ့ မူလလက်ငုပ်ရယ်။ လက်ရှိ မြေပြင်ပေါ်မှာ လုပ်ကိုင်နေသူ လက်ရှိ လက်ငုပ်ရယ် ဒီ ၂ ဦး အငြင်းပွားပြီးတော့မှ ဘယ်သူ့ကို လုပ်ပိုင်ခွင့်ပေးရမလဲ ဆိုတာကို ဖြေရှင်း ဆောင်ရွက်ပေးလျက်ရှိတယ်။ အဲဒီလိုမှ ညှိုနှိုင်းလို့မရရင် ကျေးရွာလယ်ယာမြေ စီမံခန့်ခွဲမှု အဖွဲ့ဆီမှာ မူလမြေယာမှုခင်း ဖွင့်လှစ်ဖို့ ဒီလိုပဲ ဆောင်ရွက်နေတာတွေ ရှိပါတယ်” ဟု သူက ပြောသည်။

လယ်မြေများနှင့် ပတ်သတ်၍ ဧရာရွှေဝါနှင့် အကျိုးတူ ပူးပေါင်းလုပ်ကိုင်ခဲ့သည့် လက်ငုပ် လယ်သမားအား ထည့်သွင်း စဉ်းစားရန် မလိုအပ်ကြောင်း သာပေါင်း လွှတ်တော်ကိုယ်စားလှယ် ဦးဝင်းသိန်းက ဆိုသည်။

“မူလသိမ်းသွားတာ ဘယ်သူ့လက်ထဲက သိမ်းသလဲ။ မူလသိမ်းသွားတဲ့လူ လက်ထဲ ရောက်အောင် ပြန်ထည့်ပေးရမှာပေါ့။ လက်ရှိလက်ငုပ် ဆိုတာက ဧရာရွှေဝါကသူ့ကို အငှားချထားလို့ သူက လက်ငုပ်ဖြစ်နေတာလေ။ သူတို့ကကြားလူပဲ။ ဧရာရွှေဝါနဲ့ လယ်သိမ်းခံရတဲ့ လယ်သမားကြားမှာ ကြားလူဖြစ်တဲ့ ယူနစ်သမားတွေကို ထည့်စဉ်းစားဖို့ မလိုအပ်ဘူးလို့ ကျနော်ထင်တယ်” ဟု သူက ပြောသည်။

ဗိုလ်ချုပ်မှူးကြီးသန်းရွှေ ဦးဆောင်သည့် နိုင်ငံတော် အေးချမ်းသာယာရေးနှင့် ဖွံ့ဖြိုးရေးကောင်စီ အစိုးရက ၁၉၉၈ ခုနှစ်တွင် ရေကြီးကွင်း၊ ရေနက်ကွင်း၊ မြေလွတ်မြေရိုင်းများ ဖော်ထုတ်ရေး စီမံကိန်းအဖြစ် ဧရာရွှေဝါကုမ္ပဏီအား
ဧရာဝတီတိုင်းရှိ ရေကြည်၊ ကျောင်းကုန်း၊ ကန်ကြီးထောင့်၊ ဒါးက၊ သာပေါင်းစသည့် မြို့နယ်များမှ မြေဧက ၄ သောင်းကျော်ကို လုပ်ကိုင်ခွင့် ပေးအပ်ခဲ့ခြင်း ဖြစ်သည်။

ယင်းစီမံကိန်းကို အကြောင်းပြု၍ ဧရာရွှေဝါ ကုမ္ပဏီက မြေခွန်ပြေစာ၊ သီးစားပြေစာများရှိသည့် ဒေသခံ လယ်သမားတို့၏ လယ်ယာမြေဧက သောင်းနှင့်ချီ၍ သိမ်းယူခဲ့ပြီး လျှော်ကြေး အနည်းငယ်သာ ပေးအပ်ခဲ့ကြောင်း၊
ဧရာရွှေဝါ ကုမ္ပဏီကြောင့် ဧရာဝတီတိုင်းမှ လယ်သမား မိသားစု အမြောက်အမြား ဘ၀ပျက်ခဲ့ကြကြောင်း လယ်သမားအရေး ကူညီပေးနေသူ လူ့အခွင့်အရေး စောင့်ကြည့်ကာကွယ်ရေး ကွန်ရက်မှ ကိုမြင့်နိုင်က ပြောသည်။

“ဧရာရွှေဝါကို ပေးလိုက်တဲ့ စီမံကိန်းက မြေလွတ်မြေရိုင်းနဲ့ ရေနက်ကွင်း ဖော်ထုတ်ဖို့ ပေးလိုက်တာ။ အဲဒီထဲမှာ သီးစားတွေ ပါသွားတယ်။ အဲတော့ သီးစားလယ်မြေတွေကို မူလလက်ငုပ် လယ်သမားကို မဖြစ်မနေ ပြန်ပေးပါ။
လယ်သမားတွေ စောင့်ခဲ့ရတာလည်း ကြာပါပြီ။ ကြာလာရင် မငြိမ်းချမ်းတဲ့ အခြေအနေတွေ ဆူပူမှုတွေ ဖြစ်လာနိုင်ပါတယ်” ဟု သူက ပြောသည်။

ဧရာရွှေဝါ ကုမ္ပဏီက ၎င်းတို့ လုပ်ပိုင်ခွင့်ရမြေဧက ၄ သောင်းကျော်အား ကုမ္ပဏီဥက္ကဋ္ဌ ဦးတေဇ ကိုယ်တိုင် လက်မှတ်ထိုး၍ ဧရာဝတီတိုင်း အစိုးရထံ ပြီးခဲ့သည့် ၂၀၁၂ ခုနှစ် ဇူလိုင်လ ၂၆ ရက် နေ့တွင် ပြန်လည်အပ်နှံခဲ့သည်။

အစိုးရထံ မြေများအပ်နှံ၍ ၁ နှစ်နှင့် ၄ လ ကြာမြင့်သည့်တိုင် မူလပိုင်ရှင် လယ်သမားများ ပြန်လည် မရရှိသေးဘဲ ဖြစ်နေသည်။
Irrawaddy

Monday, September 9, 2013

ဧရာဝတီတိုင်း ထွန်တုံးတိုက်ပွဲကြောင့် လယ်သမား ၅၀၀ ကျော် တရားစွဲခံရ


ဆလိုင်းသန့်စင်| September 9, 2013 |

ဧရာဝတီတိုင်းဒေသကြီးတွင် မြို့နယ်ပေါင်း ၂၆ မြို့နယ်ရှိသည့်အနက် အနည်းဆုံး မြို့နယ် ၁၃ ခုတွင် ပြီးခဲ့သည့် ဇွန်လနှင့် ဇူလိုင်လအတွင်း ထွန်တုံးတိုက်ပွဲ အနှံ့အပြားဖြစ်ပွားခဲ့သည် (ဓာတ်ပုံ - ဆလိုင်းသန့်စင် / ဧရာဝတီ)

ဧရာဝတီတိုင်းဒေသကြီးတွင် မြို့နယ်ပေါင်း ၂၆ မြို့နယ်ရှိသည့်အနက် အနည်းဆုံး မြို့နယ် ၁၃ ခုတွင် ပြီးခဲ့သည့် ဇွန်လနှင့် ဇူလိုင်လအတွင်း ထွန်တုံးတိုက်ပွဲ အနှံ့အပြားဖြစ်ပွားခဲ့သည် (ဓာတ်ပုံ – ဆလိုင်းသန့်စင် / ဧရာဝတီ)

ထွန်တုံးတိုက်ပွဲပြုလုပ်ခဲ့မှုကြောင့် ဧရာဝတီတိုင်းဒေသကြီးအတွင်းရှိ လယ်သမား ၅၀၀ ကျော် တရားစွဲခံနေရပြီး လယ်သမားတချို့မှာ အလုပ်ကြမ်းနှင့်ထောင်ဒဏ်များ ချမှတ်ခံရကြောင်း လယ်သမားအရေးလှုပ်ရှားသူများက ပြောသည်။

တရားစွဲခံနေရသူများမှာ တိုင်းအစိုးရရုံးစိုက်ရာ ပုသိမ်မြို့နယ်အပါအ၀င် မြို့နယ် ၈ မြို့နယ်မှ လယ်သမားများဖြစ်ပြီး လယ်ယာမြေ လုပ်ကိုင်ခွင့်ရထားသူများက ပုဒ်မ ၄၄၇ (ပိုင်နက်ကျူးလွန်မှု)၊ ၄၂၇ (အကျိုးဖျက်ဆီးမှု) တို့ဖြင့် တရားစွဲဆိုထားခြင်း ဖြစ်သည်။

“ကျနော်တို့ပြုစုထားတဲ့စာရင်းအရ တရားစွဲခံနေရတဲ့ လယ်သမား ၅၁၃ ဦး ရှိတယ်။ အဲဒီထဲမှာ မော်လမြိုင်ကျွန်းမြို့နယ်က တရားစွဲခံရသူ အများဆုံးဖြစ်နေတယ်။ တရားရုံးတွေမှာ လယ်ယာမြေအမှုတွေနဲ့ လယ်သမားတွေဆိုတာ ပြည့်နေတာပဲ” ဟု လယ်သမားအရေး လှုပ်ရှားနေသည့် လူ့အခွင့်အရေးစောင့်ကြည့် ကာကွယ်ရေးကွန်ရက်မှ ကိုထွန်းထွန်းဦးက ဧရာဝတီကို ပြောသည်။

ထွန်တုံးတိုက်ပွဲကြောင့် တရားစွဲဆိုမှုများဖြစ်ပေါ်နေသည့်မြို့နယ်များမှာ ပုသိမ်၊ ကျောင်းကုန်း၊ ငပုတော၊ မော်လမြိုင်ကျွန်း၊ ဖျာပုံ၊ လပွတ္တာ၊ အင်္ဂပူ၊ သာပေါင်းနှင့် ကန်ကြီးထောင့်မြို့နယ်တို့ ဖြစ်သည်။

မော်လမြိုင်ကျွန်းမြို့နယ်တခုတည်းမှာပင် တရားရုံးသို့ လယ်ယာမြေနှင့်ပတ်သတ်၍ ဦးတိုက် လျှောက်ထားစွဲဆိုသည့် အမှုပေါင်း ၁၅၈ မှုရှိပြီး တရားစွဲခံနေရသည့်လယ်သမား ၃၀၀ ကျော် ရှိနေကြောင်း စုံစမ်းသိရှိရသည်။

ထို့ပြင် ထွန်တုံးတိုက်ပွဲပြုလုပ်သူ လယ်သမား ၁၇ ဦးအား ယခုလ ၄ ရက်၊ ၅ ရက်နှင့် ၆ ရက်နေ့များတွင် မော်လမြိုင်ကျွန်းမြို့နယ်တရားရုံးမှ ပုဒ်မ ၄၄၇၊ ၄၂၇ အရ အလုပ်ကြမ်းနှင့် ထောင်ဒဏ် ၂ လစီ ချမှတ်ခဲ့ကြောင်း သိရသည်။

“လယ်သမားတွေ ထွန်တုံးတိုက်ပွဲလုပ်တဲ့ရာသီမှာ အဲဒီလယ်တွေထဲမှာ ဘာပင်မှ မစိုက်ရသေးဘူး။ မြက်နဲ့ပေါင်းပင်တွေပဲရှိတယ်။ အဲဒါကို ၄၂၇ (အကျိုးဖျက်ဆီးမှု) ပုဒ်မထည့်ပြီး တရားစွဲတယ်။ ပြီးတော့ အမိန့်တွေချတယ်။ ဒါတွေဟာ တရားဥပဒေနဲ့ မညီညွတ်ဘူး ဖြစ်နေတယ်”ဟု လယ်သမားအရေးလှုပ်ရှားသူ ကိုထွန်းထွန်းဦးက ပြောသည်။

ပြစ်မှုဆိုင်ရာဥပဒေပုဒ်မ ၄၄၇ (ပိုင်နက်ကျူးလွန်မှု) မှာ ထောင်ဒဏ် ၃ လနှင့် ဒဏ်ငွေ ၅၀၀ ကျပ် အမြင့်ဆုံးချမှတ်နိုင်ပြီး ပုဒ်မ ၄၂၇ (အကျိုးဖျက်ဆီးမှု) မှာ အများဆုံးထောင်ဒဏ် ၂ နှစ်နှင့် ဆုံးရှုံးပျက်စီးမှုအပေါ်မူတည်၍ ဒဏ်ငွေချမှတ်နိုင်သည်။

“လယ်သမားကို အလုပ်ကြမ်းနဲ့ ထောင်ဒဏ်ချတယ်ဆိုတာက အရမ်းပြင်းထန်ပါတယ်။ ဒါဟာ လုံးဝမဖြစ်သင့်ပါဘူး။ ဒါမျိုးတွေချည်းဆက်ဖြစ်လာမယ်ဆိုရင် တချိန်ကဖြစ်ခဲ့တဲ့ ဆရာစံရဲ့တောင်သူ လယ်သမားအရေးတော်ပုံလိုမျိုး လယ်သမားတွေ သူပုန်ထ အုံကြွတာမျိုးတွေ ဖြစ်လာနိုင်တယ်”ဟု လယ်သမားအရေးလှုပ်ရှားသူ အမျိုးသားဒီမိုကရေစီ ကွန်ရက်မှ
ဦးကြည်လွင်ကပြောသည်။

လယ်သမားများကို ချမှတ်သည့်ပြစ်ဒဏ်မှာ လိုသည်ထက် ပိုမိုပြင်းထန်နေကြောင်း ဥပဒေ ပညာရှင်တချို့ကလည်း ထောက်ပြပြောဆိုကြသည်။

“ဥပဒေမှာ ပြဌာန်းထားတာက လူတယောက်ကို ပြုပြင်ပြောင်းလဲစေလိုတဲ့ ဆန္ဒလောက်နဲ့သာ အပြစ်ဒဏ်ချရမယ်လို့ ပါရှိပါတယ်။ ဒီလယ်သမားတွေကို ဒီလိုလုပ်ရင် ဒါတွေ ဖြစ်နိုင်တယ်ဆိုတာကို သတိပေးတာမျိုးလောက်ပဲ ပြစ်ဒဏ်ပေးသင့်တယ်လို့ မြင်ပါတယ်။ အလုပ်ကြမ်းနဲ့ထောင်ဒဏ် ၂ လ ဆိုတာက နည်းနည်းများတယ်လို့မြင်တယ်”ဟု
ရန်ကုန်မြို့မှ အထက်တန်းရှေ့နေတဦးက ပြောသည်။

မန္တလေးမြို့မှ တရားလွှတ်တော်ရှေ့နေ ဦးမြင့်သွင်ကလည်း “အာဏာပိုင်အဖွဲ့အစည်းတွေ၊ တရားစီရင်ရေးအဖွဲ့အစည်းတွေက နောက်နောင် မကျူးလွန်အောင် စံပြအဖြစ် လုပ်ချင်တဲ့ စိတ်မျိုးနဲ့ လုပ်လိုက်သလားတော့ မပြောတတ်ဘူး။ တကယ်တမ်းက ပိုပြီးတော့ နာကြည်းသွားစေနိုင်တယ်လေ”ဟု ပြောသည်။

ဧရာဝတီတိုင်းဒေသကြီး တရားလွှတ်တော်တရားသူကြီးချုပ်ကမူ မိမိတို့အနေဖြင့် ထွန်တုံးတိုက်ပွဲဟုဆိုကာ လယ်ယာမြေကျူးကျော်ထွန်ယက်မှုများအား ဥပဒေနှင့်အညီ
ဖြေရှင်း ဆုံးဖြတ်ပေးနေကြောင်း ယခုလ ၆ ရက်နေ့က ကျင်းပပြုလုပ်သည့် လွှတ်တော် အစည်းအဝေးတွင် လွှတ်တော်ကိုယ်စားလှယ်တဦး၏ မေးမြန်းချက်ကို ပြန်လည် ဖြေကြားသွားခဲ့သည်။

ဧရာဝတီတိုင်းဒေသကြီးတွင် မြို့နယ်ပေါင်း ၂၆ မြို့နယ်ရှိသည့်အနက် အနည်းဆုံး မြို့နယ် ၁၃ ခုတွင် ပြီးခဲ့သည့် ဇွန်လနှင့် ဇူလိုင်လအတွင်း ထွန်တုံးတိုက်ပွဲ အနှံ့အပြားဖြစ်ပွားခဲ့ကြောင်း လယ်သမားအရေး လှုပ်ရှားသူများထံမှ စုံစမ်းသိရှိရသည်။

ထွန်တုံးတိုက်ပွဲဖြစ်ပွားသည့် လယ်မြေအများစုမှာ စီမံကိန်းပြုလုပ်မည်ဟု ပြောဆိုကာ ဌာနဆိုင်ရာနှင့် ကုမ္ပဏီတို့ သိမ်းယူခဲ့သည့်မြေများ၊ တာဝန်ကျေစပါးမသွင်းနိုင်၍ ကျေးရွာ အုပ်ချုပ်ရေးတာဝန်ရှိသူများက သိမ်းဆည်းခဲ့သည့်မြေများနှင့် ငွေရှင်များမှ အကြွေးဖြင့် သိမ်းယူခဲ့သည့်မြေများ အများစုပါဝင်နေသည်။

ဧရာဝတီတိုင်း အနှံ့အပြားတွင် စစ်တပ်၊ ကုမ္ပဏီ၊ ဌာနဆိုင်ရာစသဖြင့် အဖွဲ့အစည်းမျိုးစုံက အကြောင်းအမျိုးမျိုးဖြင့် သိမ်းဆည်းထားသည့်လယ်ယာမြေဧက ၁ သိန်းကျော်ရှိနေကြောင်း သိရသည်။
Irrawaddy

Monday, August 26, 2013

သမ္မတအကြံပေးနှင့် တောင်သူများ၏ မြေယာပြဿနာ မနက်ဖြန်ကြားနာမည်

ဆလိုင်းသန့်စင်| August 26, 2013 |
ပြင်ဦးလွင်မြို့မှ မြေယာ မြင်ကွင်းတချို့ကို တွေ့ရစဉ် (ဓာတ်ပုံ – myanmarfriendsday.net)

နိုင်ငံတော်သမ္မတ ဦးသိန်းစိန်၏ စီးပွားရေးအကြံပေး တဦးဖြစ်ပြီး သမ၀ါယမဘဏ် (CB Bank) ဥက္ကဋ္ဌလည်း ဖြစ်သူ ဦးခင်မောင်အေးနှင့် မန္တလေးတိုင်း ပြင်ဦးလွင်မြို့နယ်မှ တောင်သူများအမှုကို သြဂုတ်လ ၂၇ ရက်နေ့တွင် ပြင်ဦးလွင်မြို့နယ် တရားရုံး၌ စစ်ဆေးမည်ဖြစ်ကြောင်း သတင်းရရှိသည်။

ပြင်ဦးလွင်မြို့နယ် သုံးတောင်အုပ်စု ကျင်ဂနိုင်ကျေးရွာမှ မြေသိမ်းခံထားရသည့် တောင်သူ ၁၃ ဦးက ၎င်းတို့၏ မူလ မြေယာများအတွင်း ၀င်ရောက်စိုက်ပျိုးခဲ့ရာ ယင်းမြေကို ၀ယ်ယူထားသည့် ဦးခင်မောင်အေးက တောင်သူများအား ပုဒ်မ ၄၄၇ (ကျူးကျော်မှု)၊ ၄၂၇ (အကျိုးဖျက်ဆီးမှု) တို့ဖြင့် ပြင်ဦးလွင် တရားရုံးတွင် တရားစွဲဆိုထားခြင်း ဖြစ်သည်။

လက်ရှိတွင် အဆိုပါအမှုအား ရုံးချိန်းပေါင်း ၃၀ ကြားနာခဲ့ပြီး ဖြစ်၍ သြဂုတ်လ ၂၇ ရက်နေ့တွင် ၃၁ ကြိမ်မြောက် ရုံးချိန်းအဖြစ် ကြားနာ စစ်ဆေးမည် ဖြစ်သည်။

“အမှုက စစ်နေတာ၊ တရားလိုဘက်ကို စစ်ပြီးသွားလို့ တရားခံ စစ်တဲ့အဆင့်ရောက်ပါပြီ။ တရားခွင်ကိုတော့ CB ဘဏ် ဥက္ကဋ္ဌ ဦးခင်မောင်အေးရဲ့ ကိုယ်စားလှယ် ဦးကိုကိုလွင်လာပြီး အစစ်ခံပါတယ်” ဟု အမှုနှင့်ပတ်သတ်၍ ကြီးကြပ် ကူညီပေးနေသည့် မန္တလေးမြို့မှ တရားလွှတ်တော် ရှေ့နေ ဦးမြင့်သွင်က ဧရာဝတီကိုပြောသည်။

ပြင်ဦးလွင်မြို့နယ် ကျင်ဂနိုင်ကျေးရွာရှိ တောင်ယာမြေများကို ၁၉၉၆ ခုနှစ်တွင် လုပ်ငန်းရှင် ဦးသန်းအောင်က ကော်ဖီ စီမံကိန်း အတွက် သိမ်းယူခဲ့ခြင်းဖြစ်ပြီး နောက်ပိုင်းတွင် သမ္မတ၏ စီးပွားရေးအကြံပေး ဦးခင်မောင်အေးထံ လွှဲပြောင်း ရောင်းချ ခဲ့ကြောင်း၊ ဦးသန်းအောင် သိမ်းဆည်းစဉ်က ဧက ၉၀ သာ ရှိသော်လည်း ဦးခင်မောင်အေး လွှဲပြောင်း ရယူပြီးနောက် စီမံကိန်း အနီးရှိ ယာမြေများကို တိုးချဲ့သိမ်းယူခဲ့ရာ ဧက ၁၂၀ အထိ အသိမ်းခံခဲ့ရကြောင်း ကျင်ဂနိုင်ကျေးရွာမှ ဒေသခံတောင်သူများက ပြောသည်။

“စသိမ်းတုန်းက ကျနော်တို့ ဒေသခံတောင်သူတွေကို လုံးဝ အကြောင်းကြားခြင်း မရှိဘူးခင်ဗျ။ လျော်ကြေး ပေးခြင်းလည်း မရှိဘူး။ ညှိနှိုင်းခြင်း၊ ဆွေးနွေးခြင်းလည်း မရှိဘူး။ နောက်ပိုင်း ကျနော်တို့ ယာမြေထဲ ၀င်ထွက်သွားလာ နေတော့မှ သူတို့ သိမ်းသွားပြီဆိုတာ သိရတာ။ ကော်ဖီစီမံကိန်းဆိုပြီး ဒီကနေ့အထိ ကော်ဖီတပင်တောင် စိုက်ပျိုးတာမရှိပါဘူး” ဟု ယာမြေ ၇ ဧက သိမ်းဆည်း ခံခဲ့ရသည့် တောင်သူ ဦးဌေးဝင်းက ပြောသည်။

သိမ်းဆည်းမြေများတွင် မည်သည့်အပင်မှ စိုက်ပျိုးခြင်းမရှိသည့် အတွက် ၂၀၁၂ ခုနှစ် နိုဝင်ဘာလတွင် မူလတောင်သူများက ၀င်ရောက်စိုက်ပျိုးခဲ့ရာ ဦးခင်မောင်အေးက ၎င်းပိုင်မြေဟုဆိုပြီး တောင်သူများကို တရားစွဲဆိုခဲ့ခြင်း ဖြစ်သည်။

တရားရုံးတွင် စစ်ဆေး ပေါ်ပေါက်ချက်အရ တရားစွဲဆိုသူမှာ ဦးခင်မောင်အေး ဖြစ်သော်လည်း မြေစာရင်းဌာနတွင် ဦးသန်းအောင် အမည်ဖြင့်သာ နာမည်ပေါက် နေသည့်အတွက် အမှုမှာ လွဲမှားနေကြောင်း ရှေ့နေ ဦးမြင့်သွင်က ထောက်ပြ ပြောဆိုသည်။

“သူတို့ကတော့ ဦးသန်းအောင် အမည်ပေါက်ပြီး ဦးခင်မောင်အေး လက်ရှိဆိုပြီးတော့ စွဲတာပါ။ တကယ်တမ်း ဥပဒေပုဒ်မ ၄၄၇၊ ၄၂၇ အရ အဲဒီလယ်ယာမြေမှာ စိုက်ပျိုးနေတဲ့ လက်ရှိလူကပဲ စွဲဆိုခွင့်ရှိတာ ဖြစ်တဲ့အတွက် အခုစွဲဆိုထားတဲ့ အမှုဟာ ဥပဒေအရ မှားယွင်းနေပါတယ်။ တောင်သူတွေက သူတို့အပင်တွေကို ဖျက်ဆီးတာ မရှိဘူး။ တောင်သူတွေစိုက်တဲ့ အပင်တွေပဲ ရှိပါတယ်။ တောတွေကိုပဲ တောင်သူတွေက ခုတ်ထွင်ရှင်းလင်းပြီး စိုက်ပျိုးတာဖြစ်ပါတယ်” ဟု သူက ဆက်ပြောသည်။

သမ္မတအကြံပေးနှင့် တောင်သူများအမှုကို ပြင်ဦးလွင်မြို့နယ် တွဲဘက် မြို့နယ်တရားသူကြီး ဒေါ်အေးမြင့်က ကိုင်တွယ် စစ်ဆေးနေကြောင်း သိရသည်။

အဆိုပါ ယာမြေများကို ပြန်လည် စိုက်ပျိုးနိုင်ရန် တောင်သူများက ပုံစံ – ၁ (လယ်ယာမြေ လုပ်ပိုင်ခွင့်လျှောက်လွှာ) လျှောက်ထား သော်လည်း သုံးတောင် ကျေးရွာအုပ်စု အုပ်ချုပ်ရေးမှူး ဦးကျော်ရွှေက လက်မခံခဲ့ဘဲ ဦးခင်မောင်အေး၏ ပုံစံ – ၁ လျှောက်ထားချက်ကိုသာ လက်ခံ၍ မြို့နယ် မြေစာရင်းဦးစီးဌာနသို့ တင်ပြပေးခဲ့ရာ မြို့နယ်က လုပ်ပိုင်ခွင့် ပြန်ချပေးခဲ့ကြောင်း တရားစွဲခံနေရသည့် ကျင်ဂနိုင်ရွာမှ တောင်သူ ဦးအောင်လင်းက ပြောသည်။

“ကျနော်တို့ သွားလျှောက်တော့ မင်းတို့ဟာက ပြဿနာ တက်နေတဲ့မြေ။ ရှင်းပြီးမှ ဘယ်သူပိုင်တယ်ဆိုတာ ငါတို့ ထုတ်ပေးမယ် အခု လောလောဆယ်တော့ ပုံစံ – ၁ မတင်ပါနဲ့လို့ ကျေးရွာအုပ်ချုပ်ရေးမှူးက ပိတ်လိုက်တယ်။ သူ့ကျတော့ လယ်ယာမြေ လုပ်ပိုင်ခွင့် လျှောက်တာ လက်ခံတဲ့အပြင် မြို့နယ်က ပြန်ချပေးလိုက်တယ်” ဟု သူက ဆိုသည်။

ဦးခင်မောင်အေး၏ ကိုယ်စားလှယ်ဖြစ်သူ ဦးကိုကိုလွင် လက်မှတ်ထိုး လျှောက်ထားသည့် လယ်ယာမြေ လုပ်ပိုင်ခွင့် လျှောက်လွှာတွင် ၎င်းနေထိုင်သည့် ရန်ကုန်မြို့ နေရပ်လိပ်စာ၊ မှတ်ပုံတင်အမှတ်နှင့် အလုပ်အကိုင်နေရာ၌ လုပ်ငန်းရှင်ဟု ဖြည့်စွက်ထားပြီး မိသားစုဝင်များနေရာ၌ ဇနီးနှင့် သား ၃ ဦးတို့၏ အမည်များကိုပါ ဖော်ပြထားသည်။

လျှောက်ထားသည့် မြေမှာ ကွင်းအမှတ် ၆၅၃ (က)၊ ဦးပိုင်အမှတ် (၁၂/၁၉) ဖြစ်ပြီး လျှောက်ထားသည့်ဧက ၁၂၀ ဟု ရေးသားထားကာ ၁၉၉၇ ခုနှစ်က စတင်လုပ်ကိုင်ခဲ့သည်ဟု ဖော်ပြထားသည်။

ဦးခင်မောင်အေးမှာ ယခင် စစ်အာဏာရှင်ဟောင်း ဦးသန်းရွှေ၏ မိသားစုနှင့် ခင်မင်ရင်းနှီးသူ တဦးဖြစ်ပြီး သစ်လုပ်ငန်း၊ ဆောက်လုပ်ရေး လုပ်ငန်း၊ ပဲရောင်းဝယ်ရေးလုပ်ငန်း၊ ဘဏ်လုပ်ငန်းနှင့် မြေကွက် အရောင်းအ၀ယ်လုပ်ငန်းများဖြင့် ကြွယ်ဝ ချမ်းသာလာသူ ဖြစ်ကြောင်း စုံစမ်းသိရှိရသည်။

ထို့ပြင် CB ဘဏ်တွင် ရှယ်ယာအများဆုံး ထည့်ဝင်ထားသူ တဦးလည်းဖြစ်ပြီး ၎င်းဥက္ကဋ္ဌအဖြစ် တာဝန်ယူထားသည့် CB ဘဏ်မှာ မြန်မာတနိုင်ငံလုံးတွင် ဘဏ်ခွဲပေါင်း ၅၂ ခု ဖွင့်လှစ် လည်ပတ် နေသည့် ကြီးမားသော စီးပွားရေးလုပ်ငန်းကြီးတခု ဖြစ်သည်။
Irrawaddy

Tuesday, July 30, 2013

ထွန်တုံးတိုက်ပွဲ ဆင်နွှဲသဖြင့် တရားစွဲခံရသည့် လယ်သမားများ ဆန္ဒဖော်ထုတ်မည်


ဆလိုင်းသန့်စင်| July 30, 2013 |

ပဲခူးတိုင်းဒေသကြီး ပန်းတောင်းမြို့နယ် အတွင်း အသိမ်းခံ လယ်မြေများတွင် ဝင်ရောက် ထွန်ယက်နေသည့် အလုပ်သမားများ (ဓာတ်ပုံ – Civil & Political Rights Campaign Group)

ထွန်တုံးတိုက်ပွဲ ဆင်နွှဲသဖြင့် တရားစွဲခံနေရသည့် ဧရာဝတီတိုင်းဒေသကြီး လပွတ္တာခရိုင် မော်လမြိုင်ကျွန်းမြို့မှ လယ်သမား ၃၁ ဦးက ၎င်းတို့အပေါ် တရားစွဲဆိုထားသည့်ကိစ္စများနှင့် လယ်ယာမြေပြဿနာများအတွက် စုပေါင်း ဆန္ဒဖော်ထုတ် သွားမည် ဖြစ်ကြောင်း သတင်းရရှိသည်။

မော်လမြိုင်ကျွန်းမြို့နယ် မြစ်ကြီးပိုး၊ အနန်းချောင်း၊ ကြက်လျှာ၊ မာလိန်၊ ကဿပေါင်း၊ တည့်တည့်ကူး စသည့်ကျေးရွာများမှ
ထွန်တုံးတိုက်ပွဲ ဆင်နွှဲခဲ့သူ လယ်သမား ၃၀ နှင့် လယ်သူမ ၁ ဦးတို့အား ပုဒ်မ ၄၄၇ (ပိုက်နက်ကျူးလွန်မှု)၊ ၄၂၇ (အကျိုးဖျက်ဆီးမှု) တို့ဖြင့် လယ်လုပ်ခွင့် ရထားသူများက မော်လမြိုင်ကျွန်းမြို့နယ် တရားရုံးတွင် တရားစွဲဆိုထားရာ လယ်သမားများက မကျေနပ်သဖြင့် ဆန္ဒဖော်ထုတ်ရန် စီစဉ်ကြခြင်းဖြစ်သည်။

“နိုင်ငံတော် သမ္မတကြီးကိုယ်တိုင်က အကြောင်းကြောင်းကြောင့် သိမ်းဆည်းခံထားရတဲ့ လယ်တွေကို ပြန်ချထားပေးမယ် ဆိုလို့ ကျနော်တို့က ကိုယ့်ဘိုးဘွားပိုင် လယ်ကို ပြန်ဝင်ထွန်ကြတာပါ။ မထွန်ခင်ကလည်း လယ်ယာမြေ ပြဿနာတွေကို ဖြေရှင်း ပေးပါလို့ အုပ်ချုပ်ရေး အဆင့်ဆင့်ကို တိုင်ကြားခဲ့ပါတယ်။ သူတို့ ဖြေရှင်းပေးတာ မရှိလို့ ကျနော်တို့ ၀င်ထွန်ကြတာပါ။ အခုကျမှ ကျနော်တို့ကို တရားစွဲတာ မတရားဘူးလို့ ထင်ပါတယ်” ဟု မြစ်ကြီးပိုးကျေးရွာမှ လယ်သမား ကိုကျော်နိုင်ဦးက ဧရာဝတီကို ပြောသည်။

ဆန္ဒပြခွင့် လျှောက်လွှာ တင်ခြင်းကို တရားစွဲခံထားရသူ လယ်သမား ၃၁ ဦးအမည်ဖြင့် မြို့နယ်ရဲတပ်ဖွဲ့မှူးရုံးသို့ လျှောက် ထားမည် ဖြစ်ပြီး ခွင့်ပြုသည်ဖြစ်စေ၊ မပြုသည်ဖြစ်စေ ၂ ပတ်အတွင်း ဆန္ဒဖော်ထုတ် သွားမည်ဟု လယ်သမားများက ဆိုသည်။

ဧရာဝတီ တိုင်းဒေသကြီးတွင် ပြီးခဲ့သည့် ၂ လအတွင်း မြို့နယ်ပေါင်း ၂၆ မြို့နယ်ရှိသည့်အနက် မော်လမြိုင်ကျွန်း အပါအ၀င် မြို့နယ် ၁၃ ခု၌ ထွန်တုံးတိုက်ပွဲများ အနှံ့အပြား ဆင်နွှဲခဲ့ကြောင်း သိရှိရသည်။

ထွန်တုံးတိုက်ပွဲ ဖြစ်ပွားသည့် လယ်မြေအများစုမှာ စီမံကိန်း ပြုလုပ်မည်ဟု ပြောဆိုကာ ဌာနဆိုင်ရာနှင့် ကုမ္ပဏီတို့ သိမ်းယူခဲ့သည့် မြေများ၊ တာဝန်ကျေစပါး မသွင်းနိုင်၍ ကျေးရွာအုပ်ချုပ်ရေး တာဝန်ရှိသူများက သိမ်းဆည်းခဲ့သည့် မြေများနှင့် ငွေရှင်များက အကြွေးဖြင့် သိမ်းယူခဲ့သည့် မြေများ ပါဝင်နေသည်။

မော်လမြိုင်ကျွန်းမြို့နယ် တခုတည်းမှာပင် မြစ်ကြီးပိုး၊ တည့်တည့်ကူးစသည့် ကျေးရွာများမှ လယ်သမား ၃၁ ဦး၊ သရက်ကုန်း၊ ကျွန်းဆိပ်စသည့် ကျေးရွာများမှ လယ်သမား ၁၃ ဦး စုစုပေါင်း ၄၄ ဦး တရားစွဲဆိုခြင်း ခံနေရသည်။

“ကျေးရွာဥက္ကဋ္ဌ ဆိုတာက အုပ်ချုပ်ရေး ယန္တရားမှာ ပါဝင်နေတဲ့ အစိုးရ ၀န်ထမ်းပါပဲ။ အရင်အစိုးရ လက်ထက်က ဥက္ကဋ္ဌတွေ လုပ်ခဲ့တဲ့ ကိစ္စတွေကို အခုအစိုးရက တာဝန်ယူဖြေရှင်း မပေးဘဲ တရားရုံးတွေဆီ လွှဲချနေတာဟာ ကိုယ်လုပ်ရမယ့် တာဝန်ကို ခေါင်းရှောင်နေတဲ့ သဘောမျိုး ဖြစ်နေပါတယ်” ဟု လယ်သမားအရေး လိုက်ပါ ကူညီပေးနေသည့် အမျိုးသား ဒီမိုကရေစီ အဖွဲ့ချုပ် ကွန်ရက်မှ ကိုကြည်လွင်က ပြောသည်။

ယခု တရားစွဲခံနေရသည့်လယ်သမားများမှာ ၂၀၀၈ ခုနှစ်က ၀င်ရောက်တိုက်ခတ်ခဲ့သည့် နာဂစ်မုန်တိုင်းဒဏ် ခံခဲ့ရသည့် နာဂစ်ဒုက္ခသည်များ ဖြစ်ပြီး ၎င်းတို့ဘ၀ ပြန်လည်ထူထောင်ရေး အတွက် လယ်ယာမြေများ ပြန်လည်လုပ်ကိုင်ခွင့် ရရန် လိုအပ်နေကြောင်း ကိုကြည်လွင်က ဆက်ပြောသည်။

“သူတို့မှာ ဆင်းရဲပါတယ် ဆိုကာမှ လယ်သိမ်းခံရတော့ အလုပ်လက်မဲ့တွေ ဖြစ်ပြီး ကြုံရာကျပန်း လုပ်စားကြရတယ်။ ၂၀၀၈ မှာ နာဂစ်ဖြစ်တော့ သူတို့ မိသားစုတွေသေ၊ အိုးအိမ် စီးပွားတွေလည်း အကုန်ပျက်စီးသွားတော့ ဘ၀က ပိုဆိုးကုန်ရော။ နိုင်ငံတော် အစိုးရအနေနဲ့လည်း လက်ရှိမှာ သူတို့ဘ၀တွေ ပြန်လည်ထူထောင်ရေး အတွက် လုပ်ပေးထားတာ မရှိဘူး။ အဲဒီတော့ သူတို့ ဘိုးဘွားပိုင် လယ်ယာမြေတွေ ပြန်ရအောင် ဆောင်ရွက်ပေးခြင်း အားဖြင့် သူတို့ဘ၀ ပြန်လည် ထူထောင်ရေး အတွက် ကူညီပေးရာရောက်သလို၊ ဆင်းရဲမွဲတေမှု လျှော့ချရေး လုပ်ဆောင်ရာလည်း ကျပါတယ်” ဟု သူက ဆိုသည်။

မော်လမြိုင်ကျွန်းမြို့နယ်တွင် အငြင်းပွားမှု ဖြစ်နေသည့် လယ်မြေဧက ၇၅၀၀ ကျော်ရှိနေပြီး အလျင်အမြန် ဖြေရှင်းပေးရန် လိုအပ်နေကြောင်း လယ်သမားအရေး လှုပ်ရှားသူများက ပြောသည်။

“လယ်သမားအရေး ဖြေရှင်းရာမှာ ကျေးရွာ မြေယာစီမံခန့်ခွဲမှု ကော်မတီ ဥက္ကဋ္ဌက ကျေးရွာ အုပ်ချုပ်ရေးမှူး ဖြစ်နေသမျှ ဒီပြဿနာတွေ ဘယ်တော့မှ မပြေလည်ဘူး။ ဘာလို့လဲ ဆိုတော့ ကျေးရွာအုပ်ချုပ်ရေးမှူးတွေ၊ မြေစာရင်းတွေက ဒီ လယ်ပြဿနာတွေရဲ့ အဓိက တရားခံတွေ ဖြစ်နေလို့ပါ။ အဲဒီတော့ လယ်ယာမြေ အငြင်းပွားမှု စုံစမ်းစစ်ဆေးရေး ကော်မရှင် ဆိုတာပဲ ဖြစ်ဖြစ်၊ လူမှုကွန်ရက်တွေပဲ ဖြစ်ဖြစ် တရားဝင် ပါဝင် ဖြေရှင်းမှသာ ပြေလည်နိုင်မယ်” ဟု လယ်သမား အရေး ကူညီပေးနေသည့် ဦးမောင်မောင်အေးက ဆိုသည်။

မော်လမြိုင်ကျွန်းမြို့ပေါ်၌ ဇူလိုင်လ ၁၅ ရက်နေ့က ဆန္ဒထုတ်ဖော်မှု တခု ပထမဆုံး ဖြစ်ပွားခဲ့ပြီး ဒေသခံ လယ်သမား ၄၀၀ ကျော်က အစိုးရ အာဏာပိုင်များ ဖမ်းဆီးထားသည့် လယ်သမားများ ပြန်လွှတ်ပေးရန်နှင့် လယ်ယာမြေ ပြဿနာများ အမြန်ဆုံး ဖြေရှင်းပေးရန် ဆန္ဒ ဖော်ထုတ်ခဲ့ကြခြင်း ဖြစ်သည်။

ဧရာဝတီတိုင်း ဒေသကြီးတွင် ထွန်တုံးတိုက်ပွဲ ဆင်နွှဲမှုကြောင့် မော်လမြိုင်ကျွန်းအပြင် ငပုတောမြို့နယ်မှ လယ်သမား ၃ ဦး၊ အင်္ဂပူ မြို့နယ်မှ ၃ ဦး၊ လပွတ္တာမြို့နယ်မှ ၆ ဦး တရားစွဲဆိုခံထားရသည်။
Irrawaddy

Thursday, July 18, 2013

ထွန်တုံးတိုက်ပွဲဝင် လယ်သမား ၁၉ ဦး တရားစွဲခံရ


ဆလိုင်းသန့်စင်| July 18, 2013 |

ပုသိမ်မြို့ ငွေဆောင်မြို့နယ်ခွဲ လရောင်းကျေးရွာက ထွန်တုံးတိုက်ပွဲဝင်နေသည့် လယ်သမား (ဓာတ်ပုံ – ဆလိုင်းသန့်စင် / ဧရာဝတီ)

ဧရာဝတီတိုင်း ဒေသကြီး မော်လမြိုင်ကျွန်း၊ အင်္ဂပူ၊ လပွတ္တာနှင့် ငပုတော မြို့နယ်များရှိ ထွန်တုံး တိုက်ပွဲဆင်နွှဲသူ လယ်သမား ၁၉ ဦး နှင့် ပုသိမ်မြို့အခြေစိုက် လယ်သမားအရေး လှုပ်ရှားသူများ တရားစွဲ ခံနေရကြောင်း သတင်းရရှိသည်။

လပွတ္တာခရိုင် မော်လမြိုင်ကျွန်းမြို့နယ်မှ ၇ ဦး၊ လပွတ္တာမြို့နယ်မှ ၆ ဦး၊ အင်္ဂပူမြို့နယ်မှ ၃ ဦးနှင့် ငပုတောမြို့နယ်မှ ၃ ဦးတို့အား ဌာနဆိုင်ရာနှင့် လယ်လုပ်ကိုင်ခွင့် ရထားသူများက ပုဒ်မ ၄၄၇ ကျူးကျော်မှု၊ ၄၂၇ အကျိုးစီးပွား ဖျက်ဆီးမှု တို့ဖြင့် သက်ဆိုင်ရာ မြို့နယ် တရားရုံးများတွင် တရားစွဲဆိုထားခြင်း ဖြစ်သည်။

မော်လမြိုင်ကျွန်းမြို့နယ်မှ လယ်သမားများအား ယမန်နေ့က ရုံးထုတ်စစ်ဆေးခဲ့ပြီး လပွတ္တာမြို့နယ် ကျောက်တန်းကြီး ကျေးရွာအုပ်စုမှ လယ်သမားများကို ယနေ့ ရုံးထုတ် စစ်ဆေးကြောင်း သိရသည်။

“ဒီနေ့ လပွတ္တာမြို့နယ် ကျောက်တန်းကြီး ကျေးရွာအုပ်စုက လယ်သမားတွေကို မြို့နယ်တရားရုံးမှာ ရုံးထုတ်ပါတယ်။ တရားသူကြီး က လယ်သမားတွေကို အပြစ်ရှိသလားမေးတော့ လယ်သမားတွေက အပြစ်မရှိပါဘူးလို့ပဲ ပြန်ဖြေတယ်။ အဲဒါနဲ့ အာမခံယူပြီး ပြန် လာခဲ့ကြတယ်။ ဒီအမှုကို ကျနော်တို့ လူ့အခွင့်အရေး ရှေ့နေများနဲ့တိုင်ပင်ပြီး ခုခံချေပသွားမှာဖြစ်ပါတယ်”ဟု လယ်သမား အရေး လှုပ်ရှားသူ လူ့အခွင့်အရေး စောင့်ကြည့် ကာကွယ်ရေး ကွန်ရက်(HRWDN)မှ ကိုထွန်းထွန်းဦးက ဧရာဝတီကို ပြောသည်။

ထွန်တုံးတိုက်ပွဲပြုလုပ်ခဲ့သည့် ကျောက်တန်းကြီး ကျေးရွာအုပ်စု တဲကြီးစုကျေးရွာမှ ကိုထွန်းထွန်းဇော်၊ ကိုဆန်းထွန်း၊ ကိုမောင်နိုင် တို့ အပါအ၀င် လယ်သမား ၆ ဦးအား လယ်ယာမြေကျူးကျော် ထွန်ယက်သည်ဟု ဆိုကာ တဲကြီးစုကျေးရွာနေ လယ်မြေ အပေါင် ခံသူ ငွေရှင် ဦးသောင်းဝင်းက ပုဒ်မ ၄၄၇ ဖြင့် တရားစွဲဆိုထားခြင်း ဖြစ်သည်။

ကိုထွန်းထွန်းဇော်၏ ဖခင်ဖြစ်သူ ဦးဝင်းကြည်က ၎င်းပိုင် လယ်မြေ ၄၆ ဧကအား ဦးသောင်းဝင်းထံ ငွေ ၁၂၀၀၀၀ ကျပ်ဖြင့် ၁၉၉၃ ခုနှစ်က လယ်ပြန်ငွေပြန်စနစ်ဖြင့် အပေါင်ထားခဲ့ကြောင်း၊ ယင်းနှစ်အတွင်း ပြန်ရွေးမည်ဟု ကတိပြုထားသည့်အတိုင်း ငွေပြန်ဆပ်ရာ တွင် ဦးသောင်းဝင်းက လက်မခံတော့ဘဲ လယ်မြေကို အပိုင်ရယူသွားသည့်အတွက် မိမိတို့ ဘိုးဘွားပိုင် လယ်မြေများ ပြန်လည်ရရှိရေး ထွန်တုံးတိုက်ပွဲ ဆင်နွှဲရခြင်းဖြစ်ကြောင်း တရားစွဲခံနေရသူ ကိုထွန်းထွန်းဇော်က ပြောသည်။

“မဖြစ်စလောက်ငွေကို အတိုးတွေ အထပ်ထပ်တက်ပြီးတော့ မမျှတတဲ့ အကြွေးတွေ လုပ်တယ်။ ပြီးတော့ သူတို့က အာဏာပိုင် အဖွဲ့ အစည်းတွေနဲ့ပေါင်းပြီး ကျနော်တို့ကို ဖိနှိပ်ချုပ်ချယ်တယ်။ အဲဒီတော့ လွတ်လပ်ပွင့်လင်းလာတဲ့ခေတ်မှာ မတရားဆုံးရှုံးခဲ့ရတဲ့ ကျနော်တို့လယ်ပြန်ရဖို့ ထွန်တုံးတိုက်ပွဲ လုပ်တာပါ။ အခုလို တရားစွဲတဲ့အတွက် ပိုပြီးတော့တောင် အမှန်တရားပေါ်ပေါက်လာမယ် လို့ ယုံကြည်ပါတယ်”ဟု သူက ပြောသည်။

ဧရာဝတီတိုင်း ဒေသကြီးတွင် စစ်တပ်၊ ဌာနဆိုင်ရာ၊ ကုမ္ပဏီတို့ သိမ်းယူခဲ့သည့်မြေများ၌သာမက တာဝန်ကျေ စပါး မသွင်းနိုင်၍ ကျေးရွာအုပ်ချုပ်ရေး တာဝန်ရှိသူများက သီးစားချထားမှု ရုပ်သိမ်းခဲ့သည့်မြေများနှင့် ငွေရှင်များမှ အကြွေးဖြင့်(လယ်ပြန်ငွေပြန်စနစ်) သိမ်းယူခဲ့သည့်မြေများတွင်လည်း ထွန်တုံးတိုက်ပွဲများ အနှံ့အပြား ဖြစ်ပွားခဲ့သည်။

“တာဝန်ကျေစပါးကို တနှစ်မသွင်းနိုင်တာနဲ့ လယ်ယာမြေသီးစားချထားမှုကို သိမ်းဆည်းခွင့် မရှိပါဘူး။ တာဝန်မကျေရင် လိုနေတဲ့ စပါးကို နောက်နှစ်တွေမှာဆက်ပြီး ကျေအောင်သွင်းလို့ရတယ်လို့ ဥပဒေမှာ ပြဌာန်းထားပါတယ်။ ဒါပေမယ့် တကယ့်လက်တွေ့မှာတော့ ၁ တင်းလျော့ရင်တောင် အဲဒီအချိန်က ကျေးရွာ ဥက္ကဋ္ဌတွေက သီးစားချထားမှု ပြန်သိမ်းပြီး သူပေးချင်တဲ့လူ ပြန်ချပေးခဲ့တာ တွေ ဖြစ်ခဲ့ပါတယ်”ဟု ပန်းတနော်အခြေစိုက် တောင်သူလယ်သမားနှင့် ရေလုပ်သား ဖွံ့ဖြိုးတိုးတက်ရေး သမဂ္ဂ ဥက္ကဋ္ဌ ဦးသိန်းဝင်းက
ပြောသည်။

ထို့ပြင် အကြွေးဖြင့်လည်း လယ်သိမ်းခွင့် မရှိသည့်အတွက် ယခင်ကာလများက အကြွေးဖြင့် လယ်သိမ်းသည့်ဖြစ်ရပ်များမှာ တရား မ၀င်သည့် ကိစ္စများသာဖြစ်ကြောင်း ဦးသိန်းဝင်းက ဆိုသည်။

“အကြွေးရှိရင် ပိုင်ဆိုင်တဲ့နေအိမ်၊ ဥစ္စာပစ္စည်းကို တရားဥပဒေအရ သိမ်းယူခွင့်ရှိတယ်။ အကြွေးမပေးနိုင်ရင် လိမ်လည်မှုနဲ့ လူကို တရားစွဲ ထောင်ချနိုင်တယ်။ ဒါပေမယ့် လယ်ယာမြေနဲ့ လယ်ယာသုံးပစ္စည်းတွေဖြစ်တဲ့ ကျွဲ၊ နွား၊ ထွန်တုံး၊ ထွန်တံ၊ မျိုးစပါး အဲဒါတွေ ကို လုံးဝ သိမ်းဆည်းခွင့်မရှိဘူး”ဟု သူက ပြောသည်။

ဧရာဝတီတိုင်း ဒေသကြီးတွင် မြို့နယ် ၂၆ ခု ရှိသည့်အနက် ပြီးခဲ့သည့် ၂ လအတွင်း ပုသိမ်၊ မအူပင်၊ ညောင်တုန်း၊ ပန်းတနော်၊ မော်လမြိုင်ကျွန်း၊ ဖျာပုံ စသည့်မြို့နယ်များအပါအ၀င် မြို့နယ် ၁၃ ခု၌ ထွန်တုံးတိုက်ပွဲများဖြစ်ပွားခဲ့ကြောင်း၊ ထွန်တုံး တိုက်ပွဲပြုလုပ် သည့် လယ်သမားပေါင်း ၁၀၀၀ ကျော်ရှိပြီး အငြင်းပွားမှုဖြစ်နေသည့် လယ်မြေဧက သောင်းနှင့် ချီ၍ ရှိနေကြောင်း လယ်သမား အရေး လှုပ်ရှားသူများက ပြောသည်။

ထွန်တုံးတိုက်ပွဲကြောင့် ကန်ကြီးထောင့်နှင့် မော်လမြိုင်ကျွန်းမြို့နယ်မှ လယ်သမားတချို့ ဖမ်းဆီးခံရမှုများ ရှိခဲ့ပြီး မြို့နယ်ပေါင်းစုံမှ လယ်သမား ၅၀ ထက်မနည်း သက်ဆိုင်ရာမြို့နယ် ရဲစခန်းများတွင် အမှုဖွင့်ထားခြင်း ခံနေရသည်။

“တိုင်းအစိုးရအနေနဲ့ ထွန်တုံးတိုက်ပွဲလုပ်တဲ့ လယ်သမားတွေကို ဖမ်းဆီး၊ တရားစွဲတာထက် လယ်သမားတွေ ဒီထွန်တုံးတိုက်ပွဲတွေ ဘာကြောင့်လုပ်ရသလဲ။ သူတို့ ဘယ်လိုတွေနစ်နာခဲ့လို့ ဒီဟာကိုလုပ်ရသလဲဆိုတဲ့ အကြောင်းရင်းကိုရှာဖွေပြီး ဖြေရှင်းဖို့ကြိုးစား သင့်တယ်လို့ မြင်ပါတယ်”ဟု လယ်သမားအရေး ကူညီ ဆောင်ရွက်နေသူ HRWDN အဖွဲ့မှ ကိုမြင့်နိုင်က ပြောသည်။

မိမိတို့ ဧရာဝတီတိုင်းဒေသကြီး အစိုးရအဖွဲ့အနေဖြင့် လယ်ယာမြေပြဿနာများအား လယ်ယာမြေဥပဒေ ပြဌာန်းချက်များအတိုင်း ဖြေရှင်း ဆောင်ရွက်ပေးနေကြောင်း တိုင်းအစိုးရ စိုက်ပျိုးရေးနှင့် မွေးမြူရေးဝန်ကြီး ဦးစန်းမောင်က ပြောသည်။

“ဒီလယ်ယာမြေပြဿနာတွေဟာ အခုမှဖြစ်တဲ့ပြဿနာ မဟုတ်ပါဘူး။ ဟိုးအရင်နှစ်တွေက ဖြစ်ခဲ့တဲ့ကိစ္စတွေကို အခုချိန်မှာ တပြိုင် တည်း တထိုင်တည်း ဖြေရှင်းဖို့ မလွယ်ပါဘူး။ လယ်သမားက သူ့လယ်မြေမှန်ရင် ကျနော်တို့က ဥပဒေနဲ့အညီ ပြန်လည် ရရှိအောင် ဆောင်ရွက်ပေးနေပါတယ်”ဟု ၎င်းက ဆိုသည်။

လက်ရှိတွင် ဇူလိုင် ၄ ရက်နေ့က ပုသိမ်မြို့တွင်ပြုလုပ်ခဲ့သည့် လယ်သမားဆန္ဒပြပွဲ ဦးဆောင်သူ HRWDN မှ ကိုထွန်းထွန်းဦးနှင့် အမျိုးသား ဒီမိုကရေစီ ကွန်ရက်(NDN)မှ ဦးသန်းဝင်းတို့အား ပုသိမ်မြို့ အမှတ်၂ ရဲစခန်းမှ စခန်းမှူး ရဲအုပ်စိန်လင်းက တရားလိုပြုလုပ်၍ ပုဒ်မ ၁၈ ခွင့်ပြုချက်မရဘဲဆန္ဒပြမှု ဖြင့် အမှုဖွင့်ထားကြောင်း သိရသည်။

“ကျနော်တို့က တရားစွဲထောင်ချလည်း လယ်သမားအရေးက ဆက်ပြီးကူညီပေးနေဦးမှာပါပဲ။ ဘာလို့ဆိုတော့ ဆင်းရဲသား လယ် သမားတွေရဲ့ နစ်နာမှုတွေအတွက် တကယ်လုပ်ပေးရမယ့် နိုင်ငံရေးပါတီတွေ၊ လွှတ်တော်ကိုယ်စားလှယ်တွေ၊ အစိုးရ တာဝန်ရှိသူတွေက ဒီတာဝန်တွေလစ်ဟင်းနေလို့ ကျနော်တို့က ၀င်ထမ်းပေးဖို့ လိုအပ်နေတဲ့အတွက် ဖြစ်ပါတယ်”ဟု NDN ခေါင်းဆောင် ဦးသန်းဝင်းက ပြောသည်။

အစိုးရ လမ်းညွှန်ချက်ဖြင့် ရပ်/ကျေး အဆင့်တွင် ဖွဲ့စည်းထားသည့် လယ်ယာမြေ စီမံခန့်ခွဲမှု ကော်မတီများမှာ လယ်ယာမြေ ဥပဒေ ကို နားလည်မှုမရှိဘဲ စီမံခန့်ခွဲဆုံးဖြတ်နေသည့်အတွက် ပြဿနာများ မပြေလည်သည့်အပြင် ပိုမိုရှုပ်ထွေးလာနေကြောင်း ပုသိမ်မြို့မှ လယ်သမားအရေး ဆောင်ရွက်နေသူများက ပြောဆိုကြသည်။
Irrawaddy

Thursday, July 11, 2013

Ko Yarzar – ဦးဝင်းတင်နဲ့ နေထိုင်ခြင်း (၁၂)


● ဦးဝင်းတင်နဲ့ သမ္မတတရား

တစ်နေ့ တစ်နေ့ နေရထိုင်ရတာ သိပ်မကောင်းသလိုဖြစ်ဖြစ်နေတယ်ဗျာ။ လမ်းတွေကပိတ်တော့ မိတ်ဆွေတွေဆီ မသွားချင်။ အင်တာနက် သုံးမယ်ဆိုပြန်တော့ မီးပျက်။ ဒါပေမယ့် ဗမာပြည်က နေပျော်ပါတယ်။ နေတတ်ရင် ကျေနပ်စရာမဟုတ်လား။ ကျနော်ကတော့ အဘ ဦးဝင်းတင်ဆီ နေ့စဉ်ဆိုသလို သွားစကားပြောဖြစ်တယ်ဗျာ။ သူကြားတာတွေ သူ့စကားတွေ နားထောင်၊ ကျနော်ကြားတာတွေ ကျနော်မြင် တာတွေ ပြောပြပေါ့ဗျာ။ သူက ကိုယ့်ထက်သတင်းစုံတယ်ဗျ။ အိမ်မှာသာထိုင်နေတာ။ ကျနော်က နောက်တောက်တောက်ကောင်ဆိုတော့အဘထိုင်နေမယ့်အစား သမ္မတလုပ်ပါ့လားဆိုတော့ ကျနော့်ငေါက်တယ်။



“မင်းက ထောင်တန်တဲ့စကား ရယ်ပေါ့လုပ်နေတဲ့ ကလေက၀ကောင်စားပဲကွာ။ ဒီစကား ဒီိတရားကို ဒေါ်စုဘာစိတ်ဓာတ်နဲ့ပြောသလဲ ဘာအ ဓိပ္ဗါယ်နဲ့ပြောသလဲ သိအောင်ကြိုးစား။ ဒေါ်စုသမ္မတလုပ်ချင်တယ်ဆိုတဲ့စကားက ပေါ့သေးသေးစကားမဟုတ်ဘူးကွ။ သူ့လုပ်ပိုင်ခွင့် လိုချင်တာ လုပ်ပိုင်ခွင့်ရမှတိုင်း ပြည်ကောင်းအောင်လုပ်နိုင်မှာ ကလေးကစသိတယ်။ အာဏာတို့ ပါဝါတို့ လိုချင်လို့ပြောနေတာ မဟုတ်ဘူ။ အခုလည်း သူကကမ္ဘာ့ခေါင်းဆောင်ပဲကွ။ သူပြောဆိုလုပ်ကိုင်နေတာ ကမ္ဘာကစောင့်ကြည့်နေရတာ သူသမ္မတဖြစ်ဖို့လိုတယ်။ ဟိုလူနှစ် ယောက်ပြောတာတော့ ဘာသဘောဆောင်တယ်၊ ဘာတောကြောင် ရယ်ငါမသိဘူးကွာ” တဲ့။



“အဘ ကျနော့်စိတ်ထင်တော့ သမ္မတကြီးက အယင်ဒီတစ်သက်တမ်းပဲပြောရာကနေ နောက်တစ်သက်တမ်းပဲဆိုလာတာက သမ္မတလူပေါ အဖွဲ့များ မြှောက်ပေးနေလို့လား”



“ဟာ…ဟာ..ဟေ့ယောင် သမ္မတလူချောအဖွဲ့လုပ်ပါကွ။ မင်းမလည်း လူကြီးတွေစော်ကားရတာ ထမင်းဝတယ်ထင်နေလား”



“အာ..အဘပြောမှ ကျနော့်မယ်ဂိုဏ်းသင့်ကုန်တော့မယ်။ ကျနော်ဆိုလိုတာက ဒီဝန်ကြီးတွေဟာ ပေါတောပေါက်တောက် လူ့ငနောက်တွေ လို့ပြောတာ မဟုတ်ဘူး အဘရဲ့။ သမ္မတကြီးခမျာ ပြည်တွင်းငြိမ်းချမ်းရေး၊ နိုင်ငံတကာဆက်ဆံရေး၊ တမတ်သားအရေးတွေ ရှုပ်ထွေးလွန်း တော့ ၀န်ကြီးခြောက်ယောက်ကိုတင်မြှောက်ထားရတယ်။ လူတွေပေါတယ်ပြောတာပါ”



“ငါ့လာမပြောနဲ့ကွာ။ အဲ့သလိုအစိုးရ အမျက်တော်ရှမယ့်ကိစ္စတွေ မင်းဘာသာရှင်း”  တဲ့။



ဒီလိုနဲ့ သမ္မတတရားကြားရတော့တာပေါ့။



“လူတွေအတော်ဆန်းတယ်ကွ။ သမ္မတဦးသိန်းစိန်ကလည်း ဒေါ်စုကို သူသမ္မတအဖြစ် မငြင်းဘူးပြောတယ်။ လွှတ်တော်ဥက္ကဌကလည်း ဒေါ်အောင်ဆန်းစုကြည်ကို သမ္မတအဖြစ်တင်မြှောက်ချင်ပါတယ်ပြောတယ်။ နှစ်ယောက်စလုံးကလည်း သမ္မထပ်လုပ်ချင်တယ်ပြောပြန် တယ်။ တကယ်တမ်း ဒေါ်စုပေါ်စေတနာထား အခြေခံဥပဒေစကားပြောပါ့လား။ ကျန်တာအသာထား ၅၉ (စ) လေးတော့ လျော့ပေါ့သင့်တယ်။ ဘယ်ကောင်ပြောလဲ။ ဘယ်သူမှထုတ်မပြောဘူး။ ခုထက်ထိအခုလည်း လွှတ်တော်ကပြင်မယ်ဆိုတာ ဘယ်လောက်ယုံရမလဲ။ ငါတော့ လူထုနည်းသုံးရမယ်ထင်တာပဲ။ ဒီလူတွေ တောက်လျှောက်အလုပ်လုပ်လာတာ အချိန်ဆွဲနည်းတို့ ညစ်နည်းတို့က ကျွမ်းကျင်နေပြီ။ ငါတော့စိုးရိမ်တယ်။ ဒေါ်စု ဘယ်လိုတွေးမယ်တော့ မသိနိုင်ဘူးပေါ့ကွာ”



ဆိုတော့ အဘစေတနာက မြင်သာနေပါတယ်။ ကျနော်တော့ ရှည်ရှည်ဝေးဝေး သိပ်မစဉ်းစားတတ်တဲ့ ဒုံးပေကပ်သတ်ကောင်ဆိုတော့ အဘစကား အဘတရားတွေကိုသာနားထောင်ပြီး လိုက်နာနေတာပဲလေ။ လူအတော်များများကျတော့ အဘစကားကို သိပ်သဘောပေါက် မယ် မထင်ဘူး။



“ဒီလိုကွာ .. ငါက ဒေါ်စုကို ဒုသမ္မတလောက်ပဲဖြစ်မယ်ဆိုတာ မှန်းပြောတော့ လူတွေဆဲတယ်မဟုတ်လား။ ငါတို့က ကိုယ့်ခေါင်းဆောင်ကိုအမြင့်ဆုံးဖြစ်စေချင်တာပေါ့ကွာ။ ဒါပေမယ့် အောက်လွှတ်တော်တစ်ယောက်၊ အထက်လွှတ်တော်တစ်ယောက်၊ အစိတ်သားလွှတ်တော် တစ်ယောက်မှာ ဖြစ်စားရှိ ဒေါ်စုကအောက်လွှတ်တော်ကသမ္မတလောင်းတစ်ယောက်ဖြစ်မယ်။ နောက် အထက်လွှတ်တော်ကို ဒီလူတွေစီး ဖို့ကြံမယ်ကွာ။ ဒါဆို နှစ်ယောက်နဲ့ တစ်ယောက်ဖြစ်သွားမယ်။ လူတွေသတ္တိရှိ အမေရိကန်လိုလုပ်ပေါ့။ အခုတော့ အဓိကထားပြီးပြင်ရမယ့်အခြေခံဥပဒေကိုကျတော့ မတို့မထိစကားလုံးတွေနဲ့ပဲဖိနေတာ။ ဟေ့ယောင်ရေမှတ်ထားကွ။ ဒေါ်စုသမ္မတမဖြစ်လို့ကတော့ ဒီမိုကရေစီနိုင်ငံ မဖြစ်ဘူးလို့သာ မှတ်ပိုက်ပေတော့”



ကျနော်တို့ ငြင်းခုန်ရန်ဖြစ်နေကြမယ့်အစား ဒီမိုကရေစီနိုင်ငံဖြစ်အောင် အရင်လုပ်ကြပါစို့လား။

Thursday, June 27, 2013

Ko Yarzar – ဦးဝင်းတင်နဲ့ နေထိုင်ခြင်း (၁၀)


● ဦးဝင်းတင်နဲ့ မယုံသုံးပါး ယုံသုံးပါး

ဒီတစ်ပတ်ထုတ် ဒီလှိုင်းမှာ ဦးဝင်းတင်က သမ္မတကြီးကို ကိုယ်ချင်းစာစကားနဲ့ စေတနာထားလိုက်တယ်ဗျ။ သူတို့က နှလုံးစက်တပ်ထား ခြင်းလည်း တူပေသကိုး။ စေတနာထားတာများ ရေစီကမ်းပြိုလိုက်နေသလားတောင် မှတ်ရတယ်။ အဘက အသက်နည်းနည်းပိုကြီး သူဆိုတော့ ဆုံးမတရားလေးလည်း ပါသေးသကိုးဗျ။

သူပြောတာက “သမ္မတကြီး ပျော့ပြောင်း သဘောကောင်းတာ ကျေးဇူးတင်သဗျ။   ပျော်နေ မော်နေတာကြည့်ပြီးလည်း မုဒိတာပွားမိသဗျ။ ဒါပေမယ့် သမ္မတကြီးရယ် ပျော့တော့ မပျော့ပါနဲ့ဗျာ၊ ဆိုတင်း စကားလိုရင်းနဲ့ပါးလိုက် တယ်” ပြောပါတော့ဗျာ။

အဟုတ်ဗျ။ သမ္မတကြီးကို ဘယ်နေရာ တွေ့လိုက် တွေ့လိုက် ပြုံးပြုံကြီးနဲ့ ကိုယ်ပါလိုက်ပြုံးပျော်မော်ကြွားချင်စရာတောင် ဖြစ်ဖြစ်လာတာပေါ့။ မိဘပြည်သူများခင်ဗျား အစချီတိုင်းပြည်မိန့်ခွန်းများကလည်း မကြာခဏ ဟကာခြွေလှစ်ပြနေတော့ ပြည်သူပြည်သား အားကိုးအားထား လည်းပြုပြန်တယ်ဗျာ။ ဒါပေမယ့် တစ်ခါတလေ သမ္မတကြီးက ကိုယ်နဲ့မဆိုင်တာတွေ ဂလိုင်လိုက်ခေါက်ခေါက်နေတော့ တာဝန်ထမ်းနိုင်ပါ့ မလားတောင် စိုးရိမ်စရာတွေဖြစ်လာတယ်။

တပ်မတော်သား နှစ်ဆယ့်ငါးရာခိုင်နှုန်းဟာ လိုကို လိုအပ်ပါတယ်ဆိုစကားများ ဒီမိုကရေစီသမား ကျနော်တို့မှာ ဖျားတောင်ယူရတယ်။ အဲ့ဒါသမ္မတကြီးနဲ့ ဘယ်လိုများသက်ဆိုင်နေသလဲ။ ဟဲဟဲ…..ဟဲဟဲ။ ကိုယ့်ဖာသာသိတယ်နော်။ ဘာ ပြောပြော သမ္မတကြီးကိုလည်း ကိုယ်ချင်းစာပါတယ်။

တစ်ဖက်မှာလည်း လွှတ်တော်ကို ဦးဝင်းတင်တို့အုပ်စုတွေ ဇွတ်ကလော်နေပြန်ရော။ ဦးခွန်ထွန်းဦးဆို အယုံအကြည်မရှိတောင် ပြောတာ ကလား။ ကျနော်တို့ကတော့ ဒီလိုသဘောမှာမထားပါဘူး။ ဒါပေမယ့် လွှတ်တော်ဥက္ကဌကြီး အမေရိကန်အပြန်ခရီးမှာပြောလိုက်တဲ့စကားသာဓုခေါ်ရမလား၊ဘာလား ညာလားတောင် မသိတော့ဘူး။ ဖက်ဒရယ်ဟာ ဖက်တွယ်ထားတဲ့ပြည်ထောင်စုစနစ်ဆိုတာ သိပါပြီတဲ့။ မသေ ခင်သိသွားတာ အတော်ကျေးဇူးများလှပါတယ်။ လွှတ်တော် အလုပ်ဖြစ် မဖြစ်ကတော့ ညစ်ကျယ်ကျယ် မပြောချင်တော့ဘူး။ ဘာတဲ့   လယ်ယာမြေနဲ့ အခြားမြေယာများ သိမ်းဆည်းခံရခြင်းကော်မတီဥက္ကဌရှေ့မှာတင် အိမ်တွေဖြိုချမြေတွေပြန်သိမ်းပြလိုက်ဆိုပါ့လား။ အော်..စစ်သား…စစ်သား ညည်းတွားမိပေရဲ့ဗျာ။

ဒီလိုတြိသုံးပါးကိုနားလည်အောင်ကြိုးစားမိတော့ အဘဦးဝင်းတင်စကားက ရှင်းတယ်ဗျာ။ ကွင်းစကွင်းပိတ်ထဲက စကားတွေကတော့ ကျနော်ပြောတာပါ။

“ဟေ့ယောင်ရာဇာ ငါကတော့ သမ္မတလည်းမယုံဘူး (သမ္မတယိမ်းအဖွဲ့ကြီးပေါ့ဗျာ။ တောင်ပြေးလိုက် မြောက်ပြေးလိုက် ယိမ်းသမတွေ ယိမ်းကတာထက်တောင် လှနေသေး) လွှတ်တော်လည်း ငါမယုံဘူး။ (အင်းဥက္ကဌနာမည်ကိုက ဇာတ်မင်းသားနာမည်ဖြစ် နေတော့ လွှတ်တော်ဇာတ်သဘင်ကြီးမှာပေါ့လေ။ NLDတွေကလည်း တစ်ချက်ချက် အရွှန်းဝင်ဝင်ဖောက်ပေးရသေးတယ်။ ဥပမာ ပိုင်ဆိုင်မှုကြေညာရေးကိစ္စမျိုးပေါ့) စစ်တပ်ကို သာမယုံသေးတယ်။ (ဒီကောင်တွေ အာဏာပါးဝနေတာကြာပေါ့။ အာဏာအကြောင်း စစ်တပ်သက် သေတောင်ဖြစ်နေသေးတာ) ဘာလို့လည်းဆိုတော့ သမ္မတကကွာ တိုင်းပြည်အရေးကြီးကိစ္စ ဘာပြောလဲ။ ပဋိပက္ခတွေဖြစ်တယ်။ ဘာမှမ ပြောဘူး။ ဟိုရှောင် ဒီရှောင် တိုင်းရင်းသားအရေးကိစ္စ ဝေ့လည်ကြောင်ပတ်၊ လူ့အခွင့်အရေးရာ ငါမပါဆိုတဲ့လူကွာ ။တကယ့်လူ။ ပျော့ပြောင်း တာကောင်းတယ်ကွ။ ပျော့ညံ့တာ အလုပ်မဖြစ်ဘူး။ လွှတ်တော်ကွာ အရေးကြီးတာပေါ့။ ဒါပေမယ့် သူကငြင်းခုန်ခြင်းစင်တာတောင်မ ဟုတ်ဘူး။ ဇာတ်တိုက်နေသလို ဖြစ်နေတယ်။ သူတို့ဟာက ကြိုတင်ကြံစည်ထားသလိုဖြစ်နေတယ်။ တကယ့်ဒီမိုကရက်လမ်းကြောင်း တင်ကြည့်။ ဘယ်ကောင်မှ လက်ခံမှာမဟုတ်ဘူး။ ပိုင်ဆိုင်မှုကိစ္စ၊ ရင်းနှီးမြှုပ်နှံမှုကိစ္စ၊ အခြေခံဥပဒေပြင်ရေးကိစ္စ၊ အပစ်အခတ်ရပ်စဲရေး ကိစ္စလွှတ်တော်က လောက်လောက်လားလား ဘာအဖြေထွက်သလဲ။ မထွက်ဘူး။ ဒါပေမယ့် လွှတ်တော်ရှိရမှာပေါ့။ ဒီမိုကရေစီနိုင်ငံပဲ။ လွှတ်တော် ပုံစံပြင်ရမှာ။ လွှတ်တော်မှာ ဥက္ကဌကြီးကြွလာပါပြီခင်ဗျားဆိုတာကအစနဲ့ နေတာ ထိုင်တာ လွတ်လပ်မှုမရှိတာတွေ ကိုယ်နဲ့ဆိုင် ဆိုင် မဆိုင် ထိုင်နားထောင်နေရတာတွေကွာ။ ဒီမိုကရက်လွှတ်တော်ဖြစ်အောင်ပြင်ဆင်ရမှာ ကိုယ်တိုင်က မလွတ်လပ်ပဲ လွတ်လပ်ခြင်း အကြောင်းပြောရင်တော့ မဟုတ်သေးဘူးထင်တယ်။ စစ်တပ်ကတော့ အဆိုးဆုံးပေါ့ကွာ။ သူများခိုင်းတာ လုပ်ရတာကိုး။ ဘာတဲ့ မဆီမဆိုင် ပြောပြောနေတဲ့စကား ငါတော့ နားခါးတယ်ကွာ။ အမျိုးသားနိုင်ငံရေးဦးဆောင်မှုကို တပ်မတော်က ဆက်လက်ဆောင်ရွက်ရမယ်ဆိုလား ဘာလားကွာ ငါတော့ ဒီသုံးခုကို မယုံဘူးကွာ”

မယုံတာကို အသေအလည်း ယုံပါလို့ ပြောမကောင်းတော့ ကျနော်လည်း အာညောင်းမခံပါဘူး။ မယုံဘူးပေါ့ဗျာ။ ဒီလိုအမြင်နဲ့ နိုင်ငံရေးလုပ် ရင် အဆိုးမြင်ဖြစ်တော့မပေါ့အဘရာဆိုတော့ အဘပြောတာလေးကောင်းတယ်။

“ဟေ့ယောင် လောကကြီးမှာ ဘာဖြစ်ဖြစ် အပျက်မြင်နေလို့တော့မဖြစ်ဘူးကွာ။ အထူးသဖြင့် နိုင်ငံရေးသမား အဆိုးချည်းလိုက်မြင်နေရင်ကိုယ်တိုင်ပါ ပျက်စီးတတ်တယ်။ ငါကတော့ (၁) ဒေါ်အောင်ဆန်းစုကြည်ကို ယုံတယ်။ (၂) အမျိုးသားဒီမိုက ရေစီအဖွဲ့ချုပ်ကို ယုံတယ်။ (၃)ငါတို့ဗမာပြည်သူလူထုကို အရမ်းယုံတယ်။ ဒါပဲကွာ။ ဒီယုံကြည်မှုနဲ့ ငါတိုက်ပွဲဝင်နေတယ်။ မင်းတို့ယုံတာ မယုံတာ ငါနားမလည်ဘူး။ ငါ့ယုံကြည်မှုနဲ့ ငါလုပ်နေတယ်။ ဒါပဲ”

အဲ… အဲကျနော်လည်း ကိုယ့်ဖာသာ မသေမချာ မရေမရာဖြစ်နေတာလေး ဟန်ကျပြီး ဘ၀င်ကျသွားတယ်။ အော် အခုတော့ ထမင်းလည်း ကောင်းးကောင်းစားလို့ ညလည်း အိပ်ပျော်တယ်ဗျာ။ ဘာပြောပြော ပျော်စရာကနေ ပျက်စရာဖြစ်မလာ ပြီးတာပဲမဟုတ်လား။

Tuesday, June 25, 2013

Ko Yarzar – ဦးဝင်းတင်နဲ့ နေထိုင်ခြင်း (၉) ( ဦးဝင်းတင်နဲ့ သေခြင်းတရား)

ကုိုရာဇာ။ ဇွန် ၂၅၊ ၂၀၁၃


● ဦးဝင်းတင်နဲ့ သေခြင်းတရား

လူတွေမွေးဖွားကတည်းက တခါတည်း အမှတ်အသားပြုပေးလိုက်တာကတော့ သေခြင်းတရားပဲဗျ။ သေမှာပဲ သေတာ အမျိုးအစားခွဲလိုက် သေးရတယ်။ လူ့သတ်မှတ်ချက်တွေပေါ့လေ…။ အသေဆိုး..အဆိုးသေ..အစိမ်းသေ အစရှိသဖြင့် သေခြင်းတရားကို အမျိုးအစားခွဲထား သေးတယ်။ ဒါပေမယ့် ဘယ်လိုသေသေ သေတာကတော့ သေတာပါပဲ။ ကျနော်တို့တွေ အသက်အရွယ်သတ်မှတ်ချက်အလိုက် သေခြင်းကို အသက်ကြီးသူများကို ဦးစားပေးထားတယ်ဗျ။ ငါကတော့ ငယ်သေးလို့၊ ဟိုလူကတော့ သေချိန်တန်နေပြီ အစရှိသဖြင့် ဘုရားဟော ဒေသ နာကို နှလုံးမသွင်းနိုင်ပဲ ကိုယ်သေစေ့ချင်တဲ့လူဆို သေချိန်တန်နေပြီ၊ကိုယ်ချစ်ခင်တဲ့လူဆို အသေစောလို့ နှမြောလှချည့်တွေဖြစ်ကုန်တော့တာပဲ။ ဆိုပါတော့ဗျာ အဘဦးဝင်းတင် ရှစ်ဆယ့်လေးဆိုတော့၊ ကျနော့်ထက် အသက်ထက်ဝက်မကကြီးတယ်။ ဒီတော့ သေစားရှိ ဦးဝင်းတင် အရင်သေပေးရမှာပေါ့။ (ဒီနေရာမှာတော့ အဘကို ကျနော်သဘောထားကြီးပေးလိုပါတယ်) အဲ့သလို တရားမရှိ ကြီးပြင်းနေကြ တာလားဗျာ။



ဒီတော့ သေခြင်းကို ဦးဝင်းတင် ဘယ်လိုသဘောများပိုက်နေသတုန်း။ ကျနော်တို့ တာရာမင်းဝေခေါ် ရွှေဖုန်းလူရဲ့နှစ်ပတ်လည်ကိုသွား  တယ်။ ဦးဝင်းတင်ပါတယ်။ ဦးသာဘန်းပါတယ်။ ကျနော်ပါတယ်။ ဦးသာဘန်းက စကားတစ်ခွန်းပြောတယ်။

“ကိုဝင်းတင် ဒီကောင်ရွှေ ဖုန်းကလူတော်ဗျ။ အရက်သောက်လွန်းလို့သေတာတဲ့။”

ဒီတော့ အဘဦးဝင်းတင်က ဘာပြန်ပြောလည်းဆိုတော့ “မင်းမလည်းသာဘန်းရာ … ဒီကောင်သေတာကောင်းတာပေါ့။ ကိုယ်ကြိုက်တာလုပ်ရင်းသေတာ။ သောက်ချင်တာသောက်ပြီး သေတာကွာ။ မင်းရော ငါပါသေမှာပဲ လေ …” တဲ့။

ရယ်စရာအဖြစ် ပြောကြတာပေါ့လေ။ ဆင်ခြင်ပွားများ လူ့တရားဆိုသလို ကျနော်လည်း မြောက်ဒဂုံမှာ လမ်းတွေမှားပြီး ဆင်ခြင် ပွားများတွေးတောထားစရာတွေရှိတယ်။ ဟုတ်ပါ့မလား တာရာမင်းဝေ သေချိန်မတန်ဘူးလား။ အရက်တွေမသောက်ရင် တကယ်မသေ ဘူးလား အစရှိသဖြင့်ပေါ့လေ။

အဘကို ကျနော် သေချာစူးစူးစမ်းစမ်းဖြစ်နေမိတာ ဒီသေခြင်းကိုပဲ။ အဘ ကျနော့်ကို သူဆေးရုံတက်တော့ပြောဖူးတယ်။ ကျနော့်ကိုဆို တာထက် ဆရာဝန်ကြီးတစ်ယောက်ကိုပြောတာပါ။

“ကျနော်လည်းဗျာ ၀တ္တရားအရဆေးကုနေရတာ။ ကျနော်က ဆရာဝန်တွေဘာတွေ သိပ်အယုံအကြည်မရှိဘူးခင်ဗျ…”တဲ့။

ကျနော့်မှာ မျက်လုံးပြူး မျက်ဆန်ပြူးဖြစ်ပြီး အားနာလိုက်တာဗျာ။ ဒီတော့ ကျနော် အဘကိုပြောတယ်။ “အဘ ဒီလိုမပြောသင့်ဘူး” ဆိုတော့ အဘက “ကျနော့်ကို မင်းငါ့ဘ၀ထဲ ၀င်မစွက်ပါနဲ့”တဲ့။ “ငါသိတာပေါ့ကွာ”တဲ့။ ဒါဆို “အဘဆေးမကုပဲ သေချင် သေနေပါ့လား” ဆိုတော့ “ဒီဆေးရုံလာတက်တာ ငါ့ဖာသာလာတက်တာလား။ မင်းတို့ကောင်တွေ လျှာရှည်ပို့တာလား” ဆိုတော့ ပြီးရောပေါ့ဗျာ။

အဘသေခြင်းကို ဒက်ဖနေး ရှင်းတယ်။

“ဟေ့ယောင် … ရာဇာ လူဆိုတာသေမျိုးကွ။ ငါ့အမြင် သေခြင်းဟာ အသက်ရှည်သူတွေအတွက်ဆိုရင် သုံးမျိုးလောက်ရှိမယ်။ ပထမညဏ်သေ မယ်ကွာ။ ဒုတိယလှုပ်ရှားမှုသေမကွာ။ တတိယအသက်သေမယ် ကွယ်ပျောက်မယ်ကွာ။ ဒီနေရာမှာ စစ်သားအိုတွေဟာ မသေဘူး။ ကွယ်ပျောက်သွားတာပါ ဆိုတဲ့စကား ငါလက်ကိုင်ထားတယ်။ ငါလည်းနိုင်ငံရေးသမား ပျောက်ကွယ်သွားတာမျိုးပဲဖြစ်ရမယ်ကွ။ ငါ ဒေါ် အောင်ဆန်းစုကြည်လွတ်လာခြင်းညမှာ စီအီးစီအစည်းဝေးထိုင်တော ငါ သေချာပြောတယ်။ ဒေါ်စု ကျနော်လည်းအိုပြီ၊ ညဏ်လည်းယိုင်ပြီ ခြေထောက်တင် ယိုင်တာမဟုတ်ဘူး၊ ညဏ်ပါယိုင်နေပြီ။ ကျနော့်ကို စီအီးစီကထွက်ခွင့်ပေးပါ။ ကျနော် ပါတီကထွက်မပြေးပါဘူး။ ကျနော် ပါတီမှာပဲအလုပ်လုပ်ပါ့မယ်။ ကျနော် စီစီမှာ ဆင်းလုပ်ပါ့မယ်ဆိုတာ မင်းတို့အမေ သဘောမတူလုို့ ငါ့မှာ ယောင်ချာချာနဲ့ ခုထိ ပါနေရ သေးတာကွာ။ ငါ့ကောင် ဘယ်တော့မှသေတဲ့အထိ လုပ်မယ်ဆိုတဲ့စကားမပြောကောင်းဘူး။ ဒီလိုပဲ ဖယ်ပေးရမှာပေါ့ကွာ။ ငါကဖယ်ပေးမယ် ပြောတော့ ဒေါ်စုက နေရာချဲပေးတယ်လောက်ပဲသုံးပါ။ ဖယ်ပေးပါလို့ မပြောဘူး။ ဒေါ်စုက ကာလဒေသလိုက် စကားလုံးသုံးနှုန်းတာလည်း လှတယ်ကွာ။ အဲ့လိုနေရာတွေမှာ ဒေါ်စုကို ဘယ်သူမှမလိုက်နိုင်ဘူး။ မင်းတို့ကောင်တွေယောင်ဝါးဝါးတော့မလုပ်နဲ့။ ငါနိုင်ငံ့ထိပ်ပိုင်းခေါင်း ဆောင်ဆိုတဲ့လူတွေနဲ့ ဆက်ဆံဖူးတယ်။ အကုန်ပျက်ကုန်တာပဲ။ အေးတစ်ခုရှိတယ်။ ဒေါ်အောင်ဆန်းစုကြည်ကမပျက်ဘူးကွ။ သူ့နေရာမှာ တခြားလူဆို ခုလောက်ရှိ ရူးပါကုန်လောက်ပြီ။ ဘယ်ဒီလောက်ထိ မြှောက်ပင့်ပေးနေတာ တော်ယုံလူဆိုမြောက်ပြီပေါ့။ ဒီတစ်ကွက် ဒီအ ချက်နဲ့တင်ကို ကျေးဇူးတင်လေးစားစရာကောင်းလှပြီကွာ။ ငါသေတာ မသေတာ အရေးမကြီးဘူး။ ဒေါ်စုမသေဖို့လိုတယ်” တဲ့။

ကျနော်က တော့ အဘပြောတဲ့ သေခြင်းကို မငြင်းဆန်ပါဘူး။

ညဏ်သေတာကတော့ ကျနော်တို့လူငယ်တွေ အရင်သေနေတာ။ သောက်သောက်စားစား လူ့မင်းသားပေါ့ဗျာ။ ယိုင်တာလည်း ကျနော်တို့ လူငယ်တွေပဲ။ ဘယ်မဟုတ်က ဟုတ်ကတွေ ဒီလောက်သောက်စားနေတာ။ အကုန် မေ့မေ့လျော့လျော့ဖြစ်နေတာကြာပေါ့။ အဘတို့များ အခုမေး လွန်ခဲ့တဲ့ နှစ်ဆယ့်ငါးနှစ်ကိစ္စ ခုဖြေနိုင်တုန်း။ ကျနော်တို့များ နှစ်ဆယ့်ငါးမိနစ်ကြာပြောထားတဲ့ဟာ မေ့လို့မေ့။ ကောင်းပါတယ်။ အကုန်သေအေးတာပဲဆိုတဲ့စကား ရှိတယ်မဟုတ်လား။ ကျနော်ကတော့ အဘဦးဝင်းတင်တို့၊ အမေ ဒေါ်အောာင်ဆန်းစုကြည်တို့ကို မသေစေ့ချင်တဲ့ လူ့အန္ဓစိတ်ကလေး မွေးမိတုန်းပဲ။ ဒါ့အပြင် အချုပ်မှူးကြီးတို့၊ အရှုပ်အရူးကြီးတို့ဆိုတာတွေကိုတော့ ချက်ခြင်းလက်ငင်းသေစေချင်တဲ့ အဘိစ္ဆာတရား ပွားများမိနေတုန်းပဲ။ ဒါတွေလည်း မသေခင်လေး အကုသိုလ်ယူရတဲ့အမျိုးကိုး……။

Sunday, June 23, 2013

Ko Yar Zar -ဦးဝင်းတင်နဲ့ နေထိုင်ခြင်း (၈)

ကုိုရာဇာ၊ ဇွန် ၂၃၊ ၂၀၁၃
ဦးဝင်းတင်နဲ့ မိမိကိုယ်ကို စောင့်ရှောက်ရေး
            လူတွေဟာ သာမန်အားဖြင့်ကြည့်ရင် မိမိကိုယ်ကိုယ် သိပ်ဂရုမစိုက်တတ်ဘူး ထင်ရတတ်ပါတယ်။ ဥပမာအားဖြင့် ကျနော်ဆို ဘယ်တော့မှ မှန်မကြည့်ပါ။ ဆံပင်ညှပ်ရင် ဘယ်လိုပုံလေး ညှပ်ပေးပါ ဆိုတာမရှိ၊ အ၀တ်အစားဆိုလည်း ကိုယ်နဲ့လိုက် ဖက်ခြင်းရှိသလား မရှိသလားဆိုတာလည်း မစဉ်းစားတတ်ပါဘူး။ အပေါင်းအသင်းအများစုက ကျနော့်ကို “ကလေက၀”လို သဘောထားကြပါတယ်။ ကျနော်ကလည်း ဘာကိုမှ ဂရုမစိုက်အချိုး ရှိတတ်ပါတယ်။ ဒါပေမယ့် ဟိုးတစ်လောက ကျနော် ဖျားပါလေရောဗျာ။ ခေါင်း ဘယ်လိုမှ မထူနိုင်အောင်ဖြစ်လည်းလာရော “အမေတ” တော့တာပဲဗျာ။ ဆိုလိုတာက ကျနော်ဟာ မသိစိတ်မှာ အတော်လေး ကြောက်တတ်သူပါလားလို့ ဆင်ခြင်ပွားများမိပါတယ်။ ဒီလိုကိစ္စကို ထုံးစံအတိုင်း ကိုယ့်ဘဘ ဘယ်လိုများ နေထိုင်ဖြေရှင်းသလဲ ကြည့်ရအောင်ဗျာ။
             တစ်နေ့သား အဖွဲ့ချုပ်ရုံးမှာ လုပ်စရာအလုပ်က မရှိဆိုတော့၊ ကျနော်နဲ့ အဘနှစ်ယောက်သား စကားထိုင်ပြောနေ ကြတယ်။ ရွေးကောက်ပွဲကိုလည်း သပိတ်မှောက်ထားတော့ ရုံးကို လူလည်း သိပ်မလာရဲကြတော့ လူအတော်လေးရှင်းနေတယ်။ (အဲ့ဒီတုန်းက ရုံးကို ဗွီဒီယိုမှတ်တမ်း မတင်ထားဖြစ်တာ နာလှသဗျာ။ တခြားတော့မဟုတ်ပါဘူး၊ အခုလူတွေကို ပြချင်တာပါ။ အဲ့ဒီတုန်းမှာ အဘနဲ့ သက်တူရွယ်တူ နိုင်ငံရေးသမားကြီးဦး … … … … ရောက်လာသဗျ။ သူလည်း စကားဝိုင်းထဲ ၀င်ပါ၊ လေကန်တော့တာပေါ့ဗျာ။ ပြောနေတုန်း သူက နာရီတကြည့်ကြည့်ဗျ။ နောက်တော့ “နှစ်နာရီထိုးပြီ၊ ဆေးသောက်ရတော့မယ်” ဆိုပြီး ရေထခပ် ဆေးသောက်ပေါ့။ ဒီမှာတင် သူက … “ကိုဝင်းတင်” တဲ့၊ “ခင်ဗျားကော ဆေးတွေ ဘာတွေ သောက်တာ မှန်သလား …” တဲ့။ အဘ ဆေးသောက်ပျင်းတာ သူလည်း သိတယ်။ အဘက ပြန်ဖြေတယ် “ဒီလိုပါပဲဗျာ…ကြုံသလို ကျသလိုပါပဲ” လူက ကိုယ့်ကိုကိုယ် အဲ့လောက် ဂရုမစိုက် မယုယနိုင်ပါဘူး။
                   နောက်နှစ်ရက်လောက်ရှိတော့ အဘအိမ်ကို အဘသူငယ်ချင်း နိုင်ငံရေးသမားကြီး ဒေါသတကြီးနဲ့ ရောက် လာတယ်။ “နေပါအုံး … ကိုဝင်းတင် …” အစချီပြီး၊ သူဟာ (တကသ)မှာ ဘယ်လို ခေါင်းဆောင်ခဲ့တယ် ဆိုတာတွေ။ သူဟာ ထောင်ထဲမှာ ထောက်လှမ်းရေး အဆိပ်ခတ် ခံရတာတွေ လာပြောနေတယ်။ အကြာကြီးပဲ။ လိုရင်း မရောက်ဘူး။ နှစ်နာရီလောက် ရှိတော့မှ အဘက “ဟေ့လူ၊ ခင်ဗျားက ဘာကိုဆိုလိုချင်တာလဲ” ဆိုတော့မှ၊ “ခင်ဗျား ဟိုနေ့က ရုံးမှာ ကျနော့်ကိုကြောက်တတ်တယ်လို့ ပြောလိုက်လို့ လာရှင်းပြတာ …” တဲ့။ ကျနော်တောင် ဘေးကနေ သူ့ကိုယ်စား မောသွားတယ်။
          သူပြန်သွားတောမှ အဘက တခွီးခွီးရယ်တယ်။
“ငါ သူ့ကိုပြောတာက ကိုယ့်ကိုကိုယ် စောင့်ရှောက်တာ ကောင်းတယ်။ ယုယနေတာ မကောင်းဘူး၊ ပြောတာကိုကွာ၊ သူက သူ့ကို ကြောက်တတ်တယ်လို့ ပြောတယ် ထင်နေတာ။ အင်း ဒီလူ ဒီပုံအတိုင်းဆို သူငယ်ပြန်အုံးမယ်။ ဒီလိုကွ၊ ငါ ရှစ်ဆယ်ခုနှစ် အကျော်မှာ နှလုံးရောဂါရှိတာ စသိတယ်ကွ။ (ကျနော် အမှတ်မမှား ရင်တော့ ၁၉၈၄) ဒီလိုကွာ။ နေရထိုင်ရတာ ကြပ်လာတယ်ကွ ။ ငါလည်း ငါ့ကိုယ်ငါ တစ်ခုခုဖြစ်ပြီဆိုတာ သိလိုက်ပြီ။ အဲ့ဒါနဲ့အလုပ်သမားတွေကို ခေါ်ပြီးတော့ … ဟေ့ကောင်တွေ … ငါတစ်ခုခုဖြစ်ရင် ဆေးရုံကြီးသာပို့လို့ ပြောလိုက်ပြီးကတည်းက ပစ်လဲကျသွားတယ် ။ နောက်တော့ ငါသတိရလာတော့ မန္တလေးဆေးရုံကြီးပေါ်ကို ရောက်နေတယ်။ အဲ့ဒီတုန်းက ငါသာ အလုပ်သမားတွေကို မမှာထားဘူး ဆိုရင်၊ အလုပ်သမားတွေလည်း ဘာလုပ်လို့ ဘာကိုင်ရမယ်မှန်း မသိဖြစ်ပြီး၊ ငါလည်း တစ်ခါတည်း သေမှာကွ။ ဆိုလိုတာက ငါ သတိကောင်းတယ်။ သတိထားတယ် ဆိုတာထက် ငါ့ကိုယ်ငါ စောင့်ရှောက်မှု ပေးတာပေါ့ကွာ။ လူဆိုတာ အဲ့လောက်တော့ ကိုယ့်ကိုကိုယ် စောင့်ရှောက်ဖို့ ကောင်းတာပေါ့ ။ ဒါပေမယ့် ဒီ့ထက်ကဲပြီး မင်းသိတယ်ဟုတ်လား လူတစ်ချို့ ၀က်ခြံပေါက် ပေါက်ပြန်ပြီ ။ ကိုယ်ပူ ပူပြန်ပြီ ။ ဟိုခါးနာလို့ … ဟာ….စုံစေ့နေတာပဲကွာ။ ယုယနေလိုက်တာ။ သူ့ဟာသူတင် တစ်ယောက်ထဲ ယုယနေတာ အကြောင်းမဟုတ်ဘူး။ ဘေးပတ်ဝန်းကျင်၊ အသိုင်းဝိုင်းရှိသေးတယ်ကွ။ ဘေးလူတွေက လိုက် လုပ်ပေးနေရတာ။ ဆရာဝန်ပဲ ပြေးခေါ်ရတော့မလိုလို၊ ဆေးရုံပဲ ပြေးတင်ရမလိုနဲ့ ။ ငါတော့ မကြိုက်ဘူးကွာ။ ယုယနေတာမျိုး ၊ သူများဒုက္ခများမယ့်ဟာမျိုး ၊ သူများအားကိုးနေရမယ့်ဟာမျိုး ၊ မလုပ်ချင်ဘူး။ ငါ သေစားရှိရင် ငယ်ငယ်လေးကတည်းက သေပြီ။ ငါ့ဖာသာ သတိကပ်လို့သာ ငါ ခုထိအသက်ရှင်နေတာ ။ သေခြင်းတရားအပေါ်တော့ ငါ ဒီလို သဘောထားတယ်ကွာ … ”
           အဘပြောသလို ကျနော်လည်း ခုနောက်ပိုင်းတော့ ကိုယ့်ကိုကိုယ် သတိကပ်အောင် နေတတ်လာပါပြီ။ သို့သော် ယုယချင်စိတ်ကလေး၊ တနည်းဆိုရရင်တော့ သူများအရေးပေးခံချင်တဲ့ စိတ်ကလေးတော့ ရှိနေသးတယ်လို့ ခံစားမိနေတယ်။ အခုတစ်ပတ်တော့ အသက်ရှင်တာတွေ ရေးပြနေတာ၊ ရှင်ခြင်းဟာ ကောင်းပါတယ်။ အသက်ရှင်သန်နေလို့လည်း လူတွေဟာ ဆက်သွယ်မိနေကြသေးတာကိုး။ သေသွားရင်တော့ ဘာမှကို လုပ်မရတော့။ အသက်ရှည်တာ ကောင်းတယ်လို့ အဘဦးဝင်းတင်ကလည်း ခံယူပါတယ်။ ဘာလို့လဲ ဆိုတော့ နှစ်ပေါင်းငါးဆယ်ကျော်မှ ပြန်ရိုက်ခွင့်ရတဲ့ သူ့စာအုပ်တွေကို သူကိုယ်တိုင် ပြန်မြင်ခွင့်၊ တွေ့ခွင့်၊ ဖတ်ခွင့်ရနေလို့ပါပဲ။
နောက်အပတ်များကျမှပဲ ဦးဝင်းတင်နဲ့သေခြင်းတရားဆိုတဲ့ဟာလေး ရေးပြရသေး တာပေါ့။ အလုပ်တွေရှုပ်နေလို့ နေ့စဉ် မရေးပေးဖြစ်တာ နားလည်ပေးမယ်ထင်ပါတယ်။
 ကိုရာဇာ
(Photo – 2103, Burmese Thagyan, in front of NLD office, watching Thagyan Pwe)

Monday, June 17, 2013

Ko Yar Zar – ဦးဝင်းတင်နဲ့ နေထိုင်ခြင်း (၇)


ဦးဝင်းတင်နဲ့နေထိုင်ခြင်း
ကုိုရာဇာ
ဇွန် ၁၇၊ ၂၀၁၃

● ဦးဝင်းတင်ဟာကွန်မြူနစ်လား
ဒီစာ၊ဒီစကားဟာ အန္တရာယ်များကောင်းများမယ်ဆိုတာ ကျနော်သိတယ်ဗျ။ ဘာလို့လည်း ဆိုတော့ အယူဝါဒတစ်ခုအကြောင်းက မပြောကောင်းဘူးလို့ ကျနော်သဘောထားလို့ပဲ ။ ကောင်းပြီ … ကျ နော်တို့ဦးဝင်းတင်ကို ဘယ်လိုနားလည်ထားသလဲ။ ဦးဝင်းတင်ကို အရင်းနှီးဆုံး ဘယ်မှာဖြစ်ရသလဲ … ဆိုတော့ စစ်အာဏာရှင်ခေတ် သတင်းစာရှင်းလင်းပွဲတွေမှာ ဦးဝင်းတင်ဟာ ကွန်မြူနစ်ဖြစ်တယ် ၊ဒေါ် အောင်ဆန်းစုကြည်ဟာ ဦးဝင်းတင်ကြိုးကိုင်တာကို လိုက်လုပ်တယ်၊ ဦးဝင်းတင်ကိုလည်း ကွန်မြူနစ်ပါ တီက ကြိုးကိုင်တယ်။ ကွန်မြူနစ်ပါတီကိုလည်း တရုတ်က ကြိုးကိုင်တယ်ဆိုတာမျိုးကို၊ အခုဘုရားဒကာယောင်ဆောင် ဦးကြောင်တောင်တောင် မှောင်တောင်မိုက်တိုက် လူ့အသိုက်အ၀န်းနဲ့မှ မထိုက်သူတစ် ယောက်က ပြောဖူးတယ်လေ။
ဒီတော့နှောင်းလူများ အမှတ်မှားသွားရင် မဖြစ်ချေဘူးဆိုပြီး မထူးဇာတ်သွင်း ဒီစာကို ရေးသားခြင်းဖြစ်ပါတယ်။ ကျန်တာ တာဝန်မယူပါ။ ကွန်မြူနစ်ဖြစ်ခြင်း မဖြစ်ခြင်းက သပ်သပ်ပေါ့ဗျာ။ အဓိက အဲ့ဒီအူကြောင်ကြား ဗရမ်းဗတာစကားတွေပြောတာက သိက္ခာချချင်တာ၊ ဘယ်သူက ဘယ်သူ့တပည့် ဘယ်သူက ဘယ်သူ့ရုပ်သေး ဆိုတာမျိုးပြောချင်တာ။ တကယ်ပြောရင်တော့ သူက အဲ့လိုပြောနေတာ သူ သူ့ပထွေး အဖေဆရာပြောခိုင်းနေတာတွေ ပြောရတာကလားဗျာ။ သူ့ဟာသူသိပါတယ်။ ဒါပေမယ့် စိတ် နေစိတ်ထားအောက်တန်းစား ဆိုတော့ေ ပြောချင်ရာရာပြော ငါ့စကားနွားရ၊ လျာခလုတ်မထိ ဆူးမငြိပြီး ရောလျောက်လျောက် ပြောတာပေါ့ဗျာ။
သူလျောက်ပြောသွားတာနှစ်ဆယ့်ငါးနှစ်ကြာမှ ပြန်တုန့်ပြန်တယ်မထင်နဲ့ ဒီလိုလူစားကျနော် က စာရင်းသွင်းမထား၊ အဖက်မလုပ်ဘူး။ အခုဟာက အဘကို တိုက်ရိုက်ထိခိုက်ခဲ့တဲ့ စကားမို့ပြန်ပြောနေတာပါ။ ကွန်မြူနစ်အပြောခံရတာလည်း နာစရာတော့ မဟုတ်လှပါဘူး။ ဒါပေမယ့် ဒါကြီးက ဒုတိယဘာသာတရား လိုဖြစ်နေလို့ ပြန်ပြောတာဖြစ်ပါတယ်။
“ငါနိုင်ငံရေးသမားမဟုတ်ဘူးကွ။ ငါသတင်းစာသမား။ နောက်တစ်ခုက ငါဘယ်တော့မှ ရန်မဖြစ်ဘူး ။ ငါ့တိုက်ပိုင်က အလံနီကွ။ ဒီတော့ သူ့အပေါင်းအသင်းတွေကလည်း အလံနီ။ သူတို့ဒဂုန်တာရာကို သဘောမကျဘူး။ ဗကပဆိုပါတော့ ဒဂုန်တာရာက။  ငါကတော့ ဒဂုန်တာရာ့စာတွေထည့်တာပဲ။ သတင်းစာထဲကို။ အချို့က ငါ့ကိုဆဲချင်တယ် ။ ငါကတော့ လုပ်စရာရှိတာလုပ်တာပဲ။  ဘယ်သတင်းသမားမှ နိုင်ငံရေးသမားသြ ဇာခံ မဖြစ်သင့်ဘူး။ အမေရိကန်မှာ နစ်ဆင်လက်ထက်က ဇစ်ကလေယာဆိုတဲ့ သတင်းစာဆရာတစ်ယောက်ရှိသကွ ။ သူကနစ်ဆင်ကို ကာကွယ်ရင်းကာကွယ်ရင်း နောက်ဆုံးဝါးတာဂိတ်ဖြစ်တော့မှ အကုန် ပေါ်ကုန်တာလား ။ ဒီတော့ သူ့ကို နယ်ပယ်အသီးသီးက လူတွေက ဇစ်ကလိမ်ယာလို့တောင် ကင်ပွန်း တပ်ကြတယ်ကွာ။ အဲ့သလောက်ထိဖြစ်ဖူးတဲ့ သာဓကရှိတယ်ကွ ။ ငါကတော့ အခုနိုင်ငံရေးလုပ်နေတာ လည်း တိုက်ပွဲဝင်သတင်းသမားတစ်ယောက်အနေနဲ့ပဲ လုပ်တယ်။ သတင်းသမားဆိုတာက အမှန်တရား ဖော်ထုတ်ခြင်းဆိုတာ သက်သက်မဟုတ်ဘူး ။ အမှားတရားကိုလည်း တိုက်ဖျက်ရတယ်။ ဒီသဘောထား ဒီလိုတရားများနဲ့ ငါတော့ပြောတယ်၊ ဆိုတယ်၊ လုပ်ကိုင်တယ်၊ ဒါပါပဲ မင်း နောက်တစ်ခုပြောရအုံးမယ်။ ကွန်မြူနစ်တာ မနစ်တာအပထား။ နိုင်ငံရေးသမားဆိုတာ တရားသေသမားမဖြစ်ရဘူး ။ ကွန်မြူနစ်ခေါင်း ဆောင်ကြီး သခင်………….ဟာ တရားသေ၀ါဒဆုပ်ကိုင်ရင်း သေသွားတာသာကြည့် ။ ကွန်မြူနစ်တွေဟာ တော်တယ်ကွ။ ဒါပေမယ့် သူတို့ဟာ ပြုလွယ်ပြောင်းလွယ်မရှိတတ် ဖြစ်တတ်တယ်”
ဒီလိုပြောနေကတည်းက အဘဟာ ကွန်မြူနစ်တစ်ယောက် ဟုတ်မဟုတ် သိသာတယ်ဗျာ။ ကျနော့် သဘောတော့ ကွန်မြူနစ်ဖြစ်နေလည်း ဘာဖြစ်လည်း။ ဒါပေမယ့် အဘက ကွန်မြူနစ်တစ်ယောက်မဟုတ်ဘူး ဆိုတာတော့ ကျနော်အခိုင်အမာပြောရဲတယ်။ ဒါ့အပြင် အဘကို ခုစွပ်စွဲနေကြတဲ့လူတွေကို ကျနော်ပြော ချင်တယ်။ အဘဟာ ချဉ်းကပ်ရလွယ်သလို၊ ရှင်းပြလို့လည်း လွယ်ကူသူ ခေါင်းဆောင်တစ်ယောက်ဖြစ်ပါ တယ်။
အခြေအနေအချိန်အခါလိုက်ပြီး ပြောင်းလဲနိုင်စွမ်းသူလည်းဖြစ်ပါတယ်။ မူဝါဒပိုင်းစွဲမြဲတာကို ကွန်မြူနစ်လို့ခေါင်းစဉ်တပ်ရင် “အမေ” လည်းမလွတ်လောက်ဘူးထင်တယ်။ ဘာဖြစ်လို့လည်း ဆိုတော့ အာဏာရှင်ဆန့်ကျင်ရေးကို လွန်ခဲ့တဲ့နှစ်ဆယ့်ငါးနှစ်လောက်က အဘကစွဲကိုင်ခဲ့သလို၊ အမေကလည်း အခုထက်ထိ အမျိုးသားပြန်လည်ရင်ကြားစေ့ရေးကို စွဲကိုင်နေလို့ပါပဲ။ ဒါလောက်ဆိုရင် အဘကွန်မြူနစ် ဟုတ် မဟုတ်ရယ် မူဝါဒစွဲမြဲခြင်းဟာ ခေါင်းမာခြင်း၊ သဘောထားတင်းမာခြင်း မဟုတ်ဘူးဆိုတာလောက် ကိုတော့ နောက်နောင်မျိုးဆက်ရယ် အခုလက်ရှိမျိုးဖျက်နေတဲ့ကောင်တွေရယ် သဘောပေါက်လောက်မယ် ထင်ပါတယ်။ သဘောတူမတူကတော့ ခင်ဗျားတို့လက်ထဲမှာပဲ ရှိပါတယ်။

Sunday, June 16, 2013

Ko Yar Zar – ဦးဝင်းတင်နဲ့ နေထိုင်ခြင်း (၆)

ကိုရာဇာ၊ ဇွန် ၁၆၊ ၂၀၁၃

ဦးဝင်းတင်နဲ့ဇာတိမြေချစ်စိတ်

        “ဒီမြေဟာ ငါတို့မြေ….ဗမာပိုင်ဘိုးဘွား တို့မြေ” ဆိုတဲ့သီချင်းလေး အမှတ်ရသဗျာ။ သူကလည်း ထူးထူးခြားခြား ချုပ်မှူးကြီးဆိုလား ရှုပ်ရူးကြီးဆိုလား ရေးတယ်ပြောတယ်။ ကောင်းပါ့ဗျာ၊ ကောင်းပါ့ဗျာ။ ဇွတ်မြန်မာနေတဲ့ ကော်မရှင်လည်း ဒီသီချင်းကြီး ဘယ်နည်းနဲ့ရှင်းမလဲ။ စိတ်ဝင်စားပါတယ်။ ထားပါတော့။ ဒီ အမနာပတွေက သူတို့ချင်း ရှင်းချင်တဲ့နေရာရှင်းပစေတော့။
           မျိုးချစ်စိတ်။ အမျိုးချစ်စိတ်။ ဘာကိုချစ်ကြသတုံး … ဆိုတာတော့ စိန်တလက်လက်နဲ့တိုင်းပြည် ပျက်ပြခဲ့ပြီး ပကောလား။ ကျနော်လည်း မတွေးတောတတ်ပါဘူးဗျာ။ စိန်တွေ ဒီလောက်အများ ဘယ်မှာ ထားသလဲ။ သံသရာမှားအောင်ကို အမှောင်ဖုံးလွှမ်း ရေစီးကမ်းပြိုခဲ့ကြပါသလားလို့တော့ သံဝေဂ တရားပွားများမိပါရဲ့။
       ဒီမျိုးချစ်စိတ်ဆိုတာကြီးကို မုန်းလောက်အောင်ကြားလာတော့လည်း ဘာဝနာတရားလိုတောင် ဖြစ်လာတယ်ဗျာ။ စစ်အာဏာရှင်ခေတ်တလျောက်လုံး ဒီစကားဒီတရားနဲ့ပဲ ဗမာပြည်သူလူထုဟာ အကြောက်သမားအဖြစ် မွဲပြာကျခဲ့တယ်။ သမိုင်းတွေ အတိတ်တွေ ပြောမနေကြပါနဲ့။ ဒီနေ့ဘာဖြစ်နေလဲ ဆိုတာ လက်တွေ့က အဖြေပါပဲ။ ကျနော်ကတော့ အမျိုးချစ်ရမလား၊ မျိုးချစ် ရမလား၊ အခုထက်ထိစဉ်းစား တုန်းပဲဗျ။ အတွေးအခေါ်၊ အမြော်အမြင်ဆိုတာလည်း တထွာ တမိုက်လောက် ရှိတော့မျိုး၊ တော်တော်ချစ် တယ်ဗျာ … ဒါပဲ။ ကျနော့်ကို ငတုန်းခေါ်ခေါ် ငတိမ်ပြောပြော၊ အကြောမခံနိုင်တာကတော့ မျိုးချစ်စိတ်ပဲဗျာ။ဟဲဟဲ။
                  အခုထက်ထိတော့လည်း ဒီမျိုးချစ်စိတ်ဆိုတာကြီးကို ဘယ်လိုအကောင်ထည် ဖော်ပြရမလဲ၊ စဉ်းစားရတုန်း၊ တွေးရတုန်း၊ ဘာသာတစ်ခုနဲ့ တစ်ခု သတ်တာတွေ ငေးရတုန်း၊ သေသူ့ဘက်သားတွေကို မေးရတုန်း၊ အပျက်အစီးစာရင်းတွေ ရေးရတုန်း။ ဆိုတော့ကာဗျာ … ခုလိုခေတ်ကြီးမှာ ငါသာ ဘာကောင်ဆိုတဲ့လူတွေနဲ့ ကျနော်နဲ့က မထော်မနမ်းများ ဖြစ်နေသလားပဲ။ ဖြစ်ခွင့်ရှိတာပေါ့ဗျာ။ ကျနော် ဆိုတဲ့ကောင်ကလည်း မထော်မနမ်းတွေနဲ့ အတော် သရမ်းခဲ့သေးတာလား။ စစ်အာဏာရှင်တွေကို မော် မကြည့်ရဲချိန်မှာ အမေစုသားကွ ဆိုပြီး ဒီမိုကရေစီလူရမ်းကားလို ဆဲဆိုအော်ဟစ်၊ လူ့အခွင့်အရေးကို ခေတ်စားအောင်လုပ်ကြစို့ လို့ တိုက်တွန်း ခဲ့သေးတာလား။
ဒီတော့ဒီပြဿနာကြီးဟာ ကျနော်လည်း မနိုင်တော့ဘူး၊ ဘာကိုချစ်ရမှာလဲ၊ ဘယ်လိုချစ်ကြမလဲ … ဆိုတော့ ကျနော် ဒေသနာကြားနေကျ၊ အဘဦးဝင်းတင်ဆီ စူးစမ်းရတာပေါ့။
“ငါ့ကောင်…၊ ငါကတော့ မျိုးချစ်စိတ်၊ အမျိုးချစ်စိတ်ဆိုပြီး၊ နိုင်သမျှနိုင်၊ လက်နက်အားကိုး တိုင်းပြည်ကြီးစိုးနေတဲ့ကောင်တွေကို ကြည့်ပြီး၊ အော်… ဘုရားစကား မစင်တွင်းထဲက ကြားနေရပါပကော တောင် တွေးမိတယ်။ ဒီလိုလုပ်ကွာ၊ မျိုးချစ်စိတ်တွေ၊ ဘာတွေ အသာထားပါကွာ။ ငါတို့လူမျိုးတွေ၊ “ဇာတိမြေချစ်စိတ်” ရှိသင့်တယ်တော့ ထင်တယ်။ တခြားမကြည့်နဲ့ကွာ။ မင်းတို့အန်တီ ကြည့်။  ဒီကငနဲတွေ ကြုံးဝါး၊ ကျင့်ကြံသလို ဆိုရင်တော့၊ သူ့သားနှစ်ယောက်ကိစ္စပဲ လုပ်လိမ့်မယ်ထင်ကြတယ်။ ခုဒေါ်အောင်ဆန်းစုကြည်က သူဟာ ဗမာ၊ ဗမာပြည်ဟာသူ့ပြည်၊ ဗမာလူမျိုးတွေဟာ သူ့လူမျိုးဆိုတဲ့၊ အတွေးအခေါ်တွေနဲ့  ဒီမိုကရေစီတိုက်ပွဲဝင်နေတာ ဒေါ်စုဘယ်တော့မှမရှုံးဘူး။ သူ့မှာ ဇာတိမြေချစ်စိတ်အပြည့်ရှိတယ်။ လူမျိုးဆိုတာ အစွန်းရောက်မှုတွေ ပါတယ်ကွ။ ဇာတိမြေသဘောကတော့ အစွဲမပါဘူးလား ဆိုတော့ ပါပါတယ်။ ဒါပေမယ့် ငါ့အမျိုးအဆွေဆိုတာထက် အများကြီး သက်သာပါတယ်ကွာ။ ငါတို့လူမျိုးတွေဟာ ရှေးကတည်းက ပညာတော်သင်လွှတ်တယ်ကွာ။ နိုင်ငံခြားကလူတွေနဲ့ လက်ထပ်ပြီး နိုင်ငံခြားမှာပဲနေကြတာ။ ဒေါ်စုက ဒီတစ်ခုထဲနဲ့တင် ကျေးဇူးတင်ဖို့ကောင်းနေပြီ … ” …….တဲ့။
             အဘပြောမှပဲ ကျနော်လည်း ကိုယ့်ဖာသာ သတိထားမိတယ်။ ကျနော့်ဇာတိကို ကျနော် သိပ် မတမ်းတမိတော့သိလို ဖြစ်နေတာကြာပေါ့ဗျာ။ အယင်က ထင်းရူးနံ့လေးများ သင်းလာရင် မျက်ရည်ဝဲချင် လာတယ်။ ခုတော့ သိပ်အမှတ်မထားမိသလို ဖြစ်လာတယ်။ ဒီတော့ဒေသိယစကားတွေ ဒေသိယတရားတွေ မေ့ချင်ချင်တောင် ဖြစ်လာတယ်။ ငါ့ဇာတိလို့ သဘောမထားတော့ ငါ့မြို့သားဆိုတာလည်း မရှိတော့ဘူး။ ငါ့အမျိုးအဆွေဆိုတာလည်း သိပ်သဘောမပေါက်တော့ဘူး။ ဒီဒေသ မတိုးတက်ခြင်း၊ ဆုတ်ယုတ်ခြင်း ဆိုတာတွေဟာ ကိုယ်နဲ့ မဆိုင်သလို ဖြစ်လာတာပေါ့။
                 အမေစုသာ ကျနော့်လို စဉ်းစားသူဆိုရင်၊ သူ့ဖာသာ လူ့အခွင့်အရေးပြည့်ဝနေတဲ့ တိုင်းပြည်ကြီးမှာ ဒီမိုကရေစီနိုင်ငံကြီးမှာ မိသားစုနဲ့ သာသာယာယာပေါ့။ အခုတော့ အမေဟာ သူ့ဇာတိမြေချစ်စိတ်နဲ့ တိုင်းပြည်ကြီးကို ဦးဆောင်နိုင်မှုပေးဖို့ တိုင်းပြည်ကြီးကို ကြီးပွား ကောင်းမွန်အောင် လုပ်ပေးနိုင်ဖို့၊ အရာရာကို နာကျည်း နာကျင်စွာ မေ့လျော့ပြီး ဇာတိမြေအတွက် လာလုပ်ပေးနေတာဟာ … … ။
          ထူးအိမ်သင်သီချင်း ညည်းမိတယ်ဗျာ။
 “ ကျေးဇူးပါမေမေ … … … သားလေ”
  ကိုရာဇာ
(ဓာတ်ပုံ – ဦးဝင်းတင်၊ ကိုရာဇာ ကိုဇေယျ)

Friday, June 14, 2013

Ko Yar Zar -ဦးဝင်းတင်နဲ့ နေထိုင်ခြင်း (၅) June 13, 2013



ဦးဝင်းတင်နဲ့နေထိုင်ခြင်း (၅)
ကိုရာဇာ၊ ဇွန် ၁၄၊ ၂၀၁၃
ဦးဝင်းတင်နဲ့အခြေခံနိုင်ငံရေးသမား
အဘဦးဝင်းတင်မှာ လက်သုံးစကားတစ်ခွန်း ရှိတယ်။အဲ့ဒါကတော့
“ဟေ့ယောင်ရာဇာ ငါ နိုင်ငံရေးသမားမဟုတ်ဘူးကွ”
ဆိုတဲ့စကားပါပဲ။
ကျနော်အဘကိုငေးငေးရီရီကြည့်မိပါတယ်။
နိုင်ငံရေး ကြောင့် နိုင်ငံကိုပြောင်းလဲအောင် လုပ်ဆောင်ခဲ့လို့ အင်းစိန်ထောင်ထဲမှာ သွားတစ်ချောင်းမှ မရှိအောင် ရိုက်ချိုးခံခဲ့ရတာ။ ဘ၀ရဲ့ဉာဏ်အားအင်တွေ အသုံးချပြီး စာရေးစာဖတ်လုပ်နေရမယ့်အချိန် အင်းစိန် ထောင်က အခန်းတစ်ခန်းထဲမှာ တစ်ယောက်တည်း ပိတ်လှောင်၊ အမှောင်ချခံခဲ့ရတာ … အစရှိတာတွေကို အဘကို ငေးရင်း တွေးမိသွားတာတွေပါပဲ။ ဒါဟာ ပြောရိုးပြောစဉ် ဖြစ်ရိုးဖြစ်စဉ်တစ်ခု ဆိုပေမယ့် အဲ့ဒါတွေ ပြောတိုင်း ကျနော်ဆက်စပ်စဉ်းစားရင်း ဆို့နင့်နာကျင်သွားရတာတွေက ဖြစ်မြဲပါ။
             တကယ်တော့ အဘဟာ နိုင်ငံရေးဉာဏ်၊ နိုင်ငံရေးအမြင်တွေနဲ့ နေထိုင်တဲ့ ဉာဏ်သမားတယောက်ဖြစ်သလို “ကုန်းမခံဘူး၊ ရုန်းကန်မကွ” ဆိုတဲ့ မာန်သမား တစ်ယောက်ဖြစ်ပါတယ်။ အားလုံးသိကြပြီးသားပါ။ အဘက သူ့ကိုယ်သူ ခံယူထားတာက အရေးတော်ပုံတပ်သား တစ်ယောက်အဖြစ် ခံယူထားတာ ပဲဖြစ်ပါတယ်။ သူ့အယူအဆကို တရေးနိုး ပြောခိုင်းလည်း ထပြောတတ်သူ၊ ရဲဘော်ရဲဘက်စိတ်အပေါ် အခြေခံပြီးတော့ အားလုံးကိုသိုင်းဖက်ပြီး ရှေ့ခရီးဆက်ချင်သူ။ မတူသော အယူအဆတွေကို ထုတ်ဖော်ပြော ဆိုပြီး အများအဆုံးအဖြတ် နာယူသူ။ ခေါင်းဆောင်အပေါ် တသွေမတိမ်း လေးစားသူ … အစရှိတဲ့ဂုဏ်ပုဒ် တွေကို ကျနော်ထုတ်ပြောနေတာက ဒင်္ဂါးတစ်ဆယ့်ခြောက်ပြား ပေးခံရတဲ့ မြင်းထိန်းငတာ ဘ၀များ ရောက် နေမလားတော့ မဆိုနိုင်ဘူး။
ကျနော်တို့လို ငသေးငနုပ်ကောင်တွေတောင် ကိုယ့်ဖာသာ နိုင်ငံရေးသမားဆိုပြီး ထောင်ထောင် လွှားလွှားတွေ လုပ်မိနေသေးသကိုး။ ဒီလိုအခြေနေမျိုးမှာ အဘက နိုင်ငံရေးသမားမဟုတ်ဘူး ဆိုတော့ေ မးရတာပေါ့။
အဘအဖြေက …
“နိုင်ငံရေးလုပ်တာကို ငါ … ဟိုးသတင်းစာသမားဘ၀ကတည်း မကြိုက် ဘူးကွာ။ ဟိုအကွက်ဖော်၊ ဒီတိုက်ကွက်နဲ့ပျော်၊ ဒီဘက်လက်နဲ့ဆော်၊ ပါးစပ်ကနေ ကလော်၊ ဟိုလူ့ရှောင်၊ ဒီလူ့ချောင်ထိုး၊ အမျိုးမျိုးတွေကွ၊ ကိုယ်ယုံကြည်တာကို ကိုယ်မပြောရဲဆိုတဲ့ဟာတွေ လုပ်ရတယ်ကွာ။ ငါကတော့ ၀င်းတင်ပဲ။ နိုင်ငံရေးကို သတင်းသမားတစ်ယောက်လို လုပ်တယ်။ နိုင်ငံရေးကို ပွင့်လင်းတဲ့ အနုပညာမြောက်အောင် လုပ်တယ်။ ဒါပါပဲကွာ။ ငါ့သဘောကတော့ အားလုံးတန်းတူပါပဲ။ ဘယ်သူ့ကိုမှ လိုက် ဆော်နေစရာ မလိုပါဘူး။ ကိုယ့်ဆဲလည်း ကောင်းကောင်းမွန်မွန် ပြန်ပြောတာပေါ့ … ” တဲ့။
အဘသဘောကို ကျနော်စောကြောမိတာတော့ ငရဲကြီးတဲ့ နိုင်ငံရေး မလုပ်ချင်ဘူးပေါ့ဗျာ။ ကုသိုလ်မရ တောင်မှ အကုသိုလ်ဖြစ်မယ့် နိုင်ငံရေးကို အဘမလုပ်ချင်ဘူးလို့ပဲ နားလည်တယ်လေ။ အဘက နိုင်ငံရေးကို အဲ့သလို ခံယူချက်နဲ့ ပါဝင်ပတ်သက်တယ်လို့ သဘောပေါက်ရပါတယ်။ တစ်ခါတလေ နိုင်ငံရေးသမားတွေ သူတို့မကျေလည်မှုတွေ အဘဆီသယ်ဆောင်လာပြီး ရင်ဖွင့်ချ ဒေါသဖြေတာတွေ ရှိပါတယ်။
ကျနော်လည်း အဘနား အချိန်ပြည့်လို ဖြစ်နေတော့၊ ဒဲ့မဟုတ်တောင်မှ ကာတင်နဲ့ ကျနော့်ရင်ကို လာမှန်တဲ့ကိစ္စ တွေလည်း ရှိပေါ့။ အဘက ရှင်းလင်းပြဆိုတယ်။ နှစ်သိမ့်တယ်။ အားပေးတယ်။ စကားအဆုံးမှာ …
“ကျနော်လည်း သိပ်တော့မသိဘူး၊ သိပ်တော့နားမလည်ဘူးဗျာ …” လို့အဆုံးသတ် တတ်ပါတယ်။
ဒါပေမယ့် အများစုကတော့ စိတ်တော်တော်လေး ကျေကျေနပ်နပ် ဖြစ်သွားတတ်တာကို ကျနော်အတိုင်းသား မြင်နေ ကြားနေရပါပကော။
တစ်ခါတစ်လေကျတော့ တက်သစ်စနိုင်ငံရေးသမားများကလည်း သူတို့နိုင်ငံရေးလာ လာသွေးကြတယ်။ မာန်တစ်ခွဲသားနဲ့ပေါ့ဗျာ။ ပြောပြောရင်းသားကျတော့ … အော်… ငါတို့ဖာသာ မာန်တတ်နေတာ၊ ငါတို့ ဘာမှ မသိသေးပါလား။ ငါတို့ ဘယ်လောက်မှ ထိရောက်အောင် မလုပ်နိုင်ကြသေးပါလား … ဆိုတာ သဘောပေါက်လာကြတော့တယ် ထင်ရဲ့၊ စကားပြောအဆုံးမှာ အဘကို စိတ်ဝင်တစားမေးကြတဲ့ မေးခွန်းတစ်ခု အမြဲလိုလိုကြားနေရတယ်ဗျ။
အဲ့ဒါကတော့ “ အဘ … နိုင်ငံရေးသမားတစ်ယောက်ဖြစ်ဖို့ ဘာတွေလိုအပ်သလဲ”
ဆိုပြီး လူငယ်လူကြီးတွေ မဖြီးဖြန်းဘဲ မေးစမ်းတတ်ကြတယ်။
အဘ အဖြေက မိုက်တယ်။ ကျနော်တော့ခိုက်တယ်။ အခြားလူများတော့ သတိမထားမိသလားတော့ မသိငြားဘူးလေ။ အဘဖြေတာက …
“ပြောရရင် အများကြီးပေါ့ဗျာ။ အယူအဆတွေ၊ ၀ါဒတွေ၊ ဘာတွေ ခုခေတ်ဆို ပိုလို့တောင် များလာသေးတယ်။ ဒါပေမယ့် ကျနော့်အမြင်တော့ အခြေခံကျကျ စဉ်းစားသင့်တယ် ထင်တယ်။ နိုင်ငံရေးသမားဆိုတာ ကျနော်နားလည်သလောက် ပြောရင်တော့ (၁) သူများကို နားထောင်ပေးရမယ်၊ ဘာပြောပြောပေါ့ဗျာ၊ ကိုယ့်ဆဲတာလည်း ပါချင် ပါမှာပေါ့။ (၂) သူများကို ကူညီပေးရမယ်၊ လူတွေဟာ အခက်ခဲတွေချည်းပဲဗျ။ ခက်တယ် ဆိုတဲ့နေရာမှာ အယူအဆအားဖြင့်၊ အတွေးခေါ်အားဖြင့် နောက်ဆုံး လူတွေ ဒုက္ခရောက်နေတယ်။ ကူညီပေးရမယ်။ (၃) စေ့စပ် ညှိနှိုင်း အဖြေရှာပေးခြင်း ဆိုတာတွေ လုပ်သင့်တယ်”
ဒီလောက်ပဲ ပြန်ပြောရှာပါတယ်။
ကျနော်ကတော့ အဲ့ဒီစကားလေး သဘောကျတယ်။ အဘက ကိုယ်တိုင်ကျင့်သုံးတာကိုပဲ သူများကို ပြောတယ်။ သူကတော့ မလုပ်ပဲ၊ အခြားလူကို လုပ်ပါ … ဘယ်တော့မှ မပြောဘူး။ ဆိုလိုတာက ပြောသလိုလုပ်၊ ငါလုပ်သလို မလုပ်နဲ့ … ဆိုတဲ့ အပြောတခြား၊ အလုပ်တခြား ခေါင်းဆောင်မျိုး လုံးဝမဟုတ်ဘူး … ဆိုတာပါပဲ။
http://moemaka.com/archives/1620

Wednesday, June 12, 2013

Ko Yar Zar – ဦးဝင်းတင်နဲ့ နေထိုင်ခြင်း (၄)



ဦးဝင်းတင်နဲ့နေထိုင်ခြင်း (၄)
ကိုရာဇာ၊ ဇွန် ၁၃၊ ၂၀၁၃
ဦးဝင်းတင်နဲ့  နံရံကပ်ခေါင်းဆောင်မှု
“ရွက်ဟောင်းညှာကြွေ ရွက်သစ်ဝေ …” ဆိုတဲ့ ဗမာစကားပုံတခု ရှိတယ်။ ကဗျာဆရာ မောင်ချောနွယ်ကတော့ “ကြွေတာကိုက ပွင့်ခြင်းတစ်မျိုး” လို့ရေးဖူးတယ်။ အဟောင်းအဟောင်းတွေနေရာမှာ အကြောင်းအကြောင်းတွေနဲ့သစ်ပစ်ရစမြဲလို့ဆိုချင်တယ်။
ဒေါ်အောင်ဆန်းစုကြည် နေအိမ်အကျယ်ချုပ်ကျနေချိန်မှာ အဘဦးဝင်းတင်ဆေးရုံတက်တော့ အစောင့်ကထုံးစံအတိုင်း ကျနော်။ ဧည့်လာချိန်ရှုပ်တယ်ဆိုပေမယ့် နှစ်ယောက်ထဲနေရချိန်က ပိုကို ပိုပါတယ်။ စကားစပ်ရင်း ဟိုအကြောင်းရောက် ဒီအကြောင်းဆိုက် ပေါ့။
သူ အသက်ကြီးပြီ ဆိုတဲ့အကြောင်း မကြာခဏလည်း ပြောသဗျ။ ကျနော့်အသက် မေးလို့လည်း ပြောရသေး။ အဲ့ဒီမှာတင် အဘက ကျနော်တို့ ဘယ်လိုမှမသိနိုင်တဲ့ လူငယ်မွေးမြူရေးကိစ္စတစ်ခု ပြောတယ်။ နိုင်ငံတော်ဝန်ကြီးချုပ်အထိ တာဝန်ယူဖူးတဲ့နိုင်ငံရေးသမားလူကြီးတစ်ယောက် မွေးနည်းမမှန်လို့ လူငယ်တွေပျက်ရတယ် ဆိုတဲ့ အကြောင်းပြောပြတယ်။ (ဒါကိုတော့ နောင်အလျဉ်းသင့်တော့ ရေးသေးတာပေါ့ဗျာ)
အဘဦးဝင်းတင်က သူ့ကိုယ်သူ သတင်းစာဆရာပဲ ပြောတယ်။ နိုင်ငံရေးသမားလို့ မပြော ဘူး။ ဒါပေမယ့် သူ့အမြင်ကို ပြောတာတော့ လူငယ်တွေကို ပျိုးထောင်ပေးသင့်တယ်။ ပြီး … ဒီလူငယ်တွေကို နေရာပေးရလိမ့်မယ်။ လူငယ်တွေဖက်ကလည်းက ခုခေတ်စားနေတဲ့ “ကက်ပစတီ”လည်း ဖြည့်ပေါ့။ စိတ်နေ စိတ်ထားလည်း ဘုရားအလောင်း သူတော်ကောင်းစိတ် ပြောင်းကြပေါ့လေ။ ဒီတင် သူ့စိုးရိမ်မှုကို ပြောတယ်။
ပါတီမှာ အလယ်တန်းခေါင်းဆောင်မရှိမှု၊ လူငယ်တွေနည်းပါးမှု (လူငယ်ဆိုတာ အသက်သတ်မှတ် ချက်အရ ဆယ့်ရှစ်ကနေ သုံးဆယ့်ငါးတ၀ိုက်ကို ပြောတာပါ) … အစရှိတာတွေကို ဘယ်လိုလုပ်ရင် ကောင်းမလဲ ဆိုတာ စဉ်းစားတယ်ဗျ။
သူ့ဖက်ကတော့ လူငယ်နေရာပေး သူဖယ်မယ်ဆိုတာ မျိုးပေါ့ဗျာ။ အဘအယူအဆအရ ကုလားထိုင်ဖက် သေရင် … လူတင်သေတာ မဟုတ်ဘူး။ ကုလားထိုင်ပါ ရောသေမယ်။ ဆိုလိုတာက သူ သတ်မှတ်ချက်တစ်ခု အထိလုပ်မယ် … ပြီးရင် တွေးမယ်၊ ငေးမယ်၊ ရေးမယ်၊ ဖတ်မယ်၊ ခရီးတွေလျှောက်သွားမယ် … ဆိုတာမျိုးကိုး။ ခုတော့ … ဒီဟာမဖြစ်လာတော့ဘူး၊ ထင်တယ်။ အဘအသက်လည်း ရှစ်ဆယ့်လေးဖြစ်နေပြီ။
အာရှတော်ဝင်ဆေးရုံမှာ တော်ဝင်စိတ်ထားနှလုံးသားနဲ့ အဖိုးအိုဟာ ပြောရှာတယ်။
“ငါ့ကောင် … နိုင်ငံရေးမှာ ဘယ်တော့မှ တပည့်မမွေးလေနဲ့ကွာ၊ လူတွေကို ပျိုးသာပျိုးထောင်ပေး၊ စိတ်သဘောထား အပြည့်နဲ့သာ လူငယ်တွေကို လေ့ကျင့်ပျိုးထောင်ပေးပါ။ ဒီနေရာမှာလည်း အများတွက် လုပ်ပါ။ ကိုယ့်သြဇာထူထောင်ဖို့ စိတ်မကူးနဲ့။ မင်း ရူးပါ ရူးသွားလိမ့်မယ်။ ပါတီမှာ ငါ့တပည့်တစ်ယောက်ပဲ ရှိတယ်။ အဲ့ဒါကလည်း နိုင်ငံရေးတပည့်မဟုတ်ဘူး။ နှစ်ပေါင်းများစွာက သတင်းစာတပည့်။ ဒီတပည့်ကို ငါနေရာလည်း မပေးဘူး။ သူ့အတွက်လည်း ဘာမှမလုပ်ပေးဘူး။ သူ့အရည်ချင်းရှိ သူဖြစ်မှာပဲ” … တဲ့။
           နောက် … ခေါင်းဆောင်မှုကိုပြောတယ်။
“အနောက်နိုင်ငံတွေမှာကွာ … နှင်းစိမ့်မှာစိုးလို့ နံရံတွေမှာ wall paper တွေ ကပ်ရတယ်ကွ။ အဆင်ပြေတာပေါ့ကွာ။ ဒါပေမယ့် အဲ့ဒါကြီးဘယ်လိုလုပ်မလဲ။ အစားထိုးလည်းမဖြစ်၊ ဖြဲပစ်လို့လည်း မကောင်း။ အဲ့ဒီလို ခေါင်းဆောင်မကောင်းတော့ ငါဘယ်တော့မှ မဖြစ်ချင်ဘူးကွာ၊ စားပွဲတင်ဓာတ်ပုံ ခေါင်းဆောင်မျိုးပဲ လုပ်ချင်တယ်။ လိုအပ်သုံး မလိုအပ်လည်း အမှိုက်ပုံးထဲထည့်။ ပစ်။ လမ်းသွားရင်လည်း ယူသွားလို့ရတဲ့ ဟာမျိုးပဲဖြစ်ချင်တယ်။ လူတွေ စိတ်မသက်မသာဖြစ်နေတဲ့ ခေါင်းဆောင်မှုမျိုးကိုတော့ ငါ တစ်သက်လုံး မလုပ်ဘူး” …တဲ့။
တကမ္ဘာလုံးလူငယ်တွေ တအုံးအုံးခေါင်းဆောင်ဖြစ်နေချိန်မှာ အဖွဲ့ချုပ်က အမှည့်တ၀င်း ၀င်း ဆိုတဲ့ … အယူအဆနဲ့လုပ်နေတာကို အဘ သဘောမကျလေသလား။ ဒါမှမဟုတ် လူငယ်သွေးသစ်တွေ နည်းနေတာကိုပဲ အားမလိုအားမရဖြစ်နေသလား ဆိုတာတော့ အဘကို မေးမကြည့်တော့ပါဘူး။
ဒါပေမယ့် ဆေးလိပ်တိုရင်၊ နေညိုလာရင်၊ အိမ်ပြန်ပို့ပေးဖို့ကိုတော့ အဘက ကျနော်အပါအ၀င်အားလုံးကို တောင်းဆိုထားပါတယ်။ အခုလည်း သူအိမ်ပြန်ဖို့ ပြင်နေပါတယ်။ ခရီးခြေလှမ်းတောင် စနေပြီလို့ပြောလို့ရပါတယ်။ WALL PAPER LEADERSHIP ဆိုတာက ဦးဝင်းတင်အတွက် မဟုတ်ပါဘူး။
(ဇွန် ၁၁၊ ၂၀၁၃ နေ့မနက်က၊ တော်ဝင်နှင်းဆီမှာ ဗွီအိုအေကိုကျော်ကျော်သိန်းက ကျနော်စာရေးနေတာကို စပါတယ်။ သူစကားလုံးရှာမရတော့ သူ့စကားက ဟာသ မမြောက်ဖြစ်နေတာပေါ့။ တကယ်တမ်းတော့ ကျနော် “ဆင်ပြာတော်”မှီပြီး ကြံစုပ်နေတာဖြစ်ပါတယ်)

(Photo – ဆရာကြီးသခင်ကိုယ်တော်မှိုင်း၁၃၇နှစ်ပြည့်မွေးနေ့ အထိမ်းအမှတ်မှာစကားပြောနေတဲ့ဘဘဦးဝင်းတင်)

Tuesday, June 11, 2013

ဦးဝင်းတင်နဲ့ နေထိုင်ခြင်း (၃) ကိုရာဇာ


ဇွန် ၁၁၊ ၂၀၁၃

• ဦးဝင်းတင်နဲ့ဒေါ်စု မမှားတရား

ဦးဝင်းတင်နဲ့ အမေစုကြားမှာ တော်တော်များများ ဗတီးဗတားတွေ အတော်များလာသ ဗျာ။ ဒီတော့ ကျနော့်မလည်း ၀င်ဝင်ပြောပြောနေရတာ တကယ်တမ်းတော့ ကျနော် ဒါတွေမပြောချင်ဘူး။  လေကုန်တယ်ထင်တယ်၊ လက်ညောင်းတယ်ထင်တယ်။ ဒါပေမယ့် အများသူငါပါ မရှင်းမရှင်းဖြစ်လာမှာ စိုး လို့ ဒီစာတွေ ရေးနေတာရယ်၊ နောက်ဦးဝင်းတင်မသေခင် သူရှင်းချင်တာ ရှင်းခွင့်ရအောင်ရယ် ရေးနေတာ ပါ။ (ကျနော် အရင်သေသွားရင်တော့ မပြောတတ်ဘူးပေါ့)

ဒီလိုဗျ ။ဒေါ်အောင်ဆန်းစုကြည်လွတ်မြောက်ခါစမှာ အတွေးတစ်မျိုး ပေါ်ဟန်တူတယ်။ အဲ့ ဒါကတော့ ပညာတတ်များ အားကိုးရေး အယူအဆပဲ ဖြစ်ပါတယ်။ ဒီအယူအဆဟာ ခုမှ ပေါ်တာမဟုတ်ဘူး။ ကျနော်တို့ ၉၈ လူငယ်တွေ့ဆုံပွဲမှာ မိန့်ကြားဖူးတယ်။ အဲ့ဒါကတော့
“အခု အန်တီသစ်ခုတ်ရမယ့်အချိန်မှာ သစ်ခုတ်မယ် ။ အဲ … ပန်းပုထုဖို့လိုချိန်မှာတော့ ပန်းပုထုတတ်တဲ့လူတွေနဲ့သာ အလုပ်လုပ်မယ်”
ဆိုပြီး ပြောဖူးတာကလား။ အဲ့တော့ လိုအပ်သောအရည်ချင်းများ ဖြည့်ဆည်းကြပေါ့ဗျာ။ စကားစပ်လို့ ပြောမယ်ဆိုရင်တော့ ကျနော်တို့တော့ သစ်ခုတ်တာတောင် အရွက်ခူးအဆင့်ပဲ။ ပန်းပုထုဖို့ဆို ဝေလာဝေးရောပဲ။

ထားပါတော့ဗျာ။ ကျနော်တို့ကိုထားတော့၊ အဘဦးဝင်းတင်နဲ့ အမေစု အကြောင်းပေါင်းသင့် တုန်းလေး ပြောအုံးစို့။ အမေစုက သူ့မူ သူ့အယူအတိုင်း ပညာတတ်တယ်ထင်တဲ့ လူငယ်တွေနဲ့ စခန်း သွားဖို့ ကြိုးစားလာတယ်။ အဲ့ဒါကတော့ အင်္ဂလိပ်စာတတ်များကို ပွဲထုတ်ရေးပေါ့လေ။ သူနဲ့ သံတမန်တွေ့ တဲ့နေရာမျိုးမှာ သူမွေးမြူထားတဲ့ လူငယ်တွေ (အင်္ဂလိပ်စာတတ်လူငယ်တွေ) ကို ပွဲထုတ်သဗျ။ ဘာပြဿနာရှိလဲ … မေးစရာရှိတယ်။ ပုံမှန်အားဖြင့်တော့ ဘာပြောစရာမှမရှိဘူး။ ဒါပေမယ့် လူတွေပဲဗျာ။ အမေစု အနားတွယ်ရောဂါ ထကောင်းနေချိန်ကိုး။ ကိုယ့်အရည်အချင်းကိုယ် မဆန်းစစ်ကြဘူး။ ကျနော့်ကို လာ ပြောတယ် … လူငယ်တချို့။
“အမေစုမွေးမြူထားတဲ့ လူငယ်တွေနဲ့ပတ်သက်ပြီးပြောစရာမရှိပါ။ ဒါပေမယ့်  နိုင်ငံရေးလည်း တလျှောက်လုံးမလုပ်၊ အေစီ (အမေရိကန်စင်တာ) ၊ ဘီစီ (အင်္ဂလိပ်ကောင်စီ) အစရှိတာတွေ တက်တိုင်း အမေ့နားကပ်ရမယ်ဆိုရင် အရင်ကတည်းက ထောင်ကျဘယ်ခံမလဲ၊ ကျနော်တို့ ရှိသမျှစည်းစိမ် ပုံအောပြီးတော့ ကျောင်းပဲတက်နေတော့မပေါ့။ ”
တကယ်တော့ မလိုတမာစကားပါ။ ဒါပေမယ့် ကျနော်တော့ အလေးနက်ထားရမယ်ထင်တယ်။

ဒါနဲ့ အဘဦးဝင်းတင်ကို ကျနော်တင်ပြရတော့တာပေါ့။
“အဘ … အမေတော့ မှားနေပြီထင် တယ်။ လူငယ်တွေတော်တော်များများကတော့ ကျနော့်ကို စကားနာထိုးနေပြီ”
ဆိုတော့ အဘကပြုံးတယ်။ မိုနာလီဆာအပြုံးမဟုတ်ပေမယ့် ကမ္ဘာကျော်တဲ့အပြုံးပါ။ သူကလည်း ကျနော့်ကို ထောက်ခံပါတယ်။
“ဟုတ်တယ်။ ဒေါ်စုချော်နေတယ်တဲ့”

ကျနော် ဘယ်လိုနားလည်ရမယ်မှန်း မသိဘူးဖြစ်သွားတယ်။ မှားနေတာလေ၊ အဘ … အမေစု မှားတာပေါ့ဆိုတော့

“ဒေါ်စုက တစ်ခါတစ်လေ ချော်တာပါကွာ။ ဒေါ်အောင်ဆန်းစုကြည် ဘယ်တော့မှ မမှားဘူးကွ။ မှတ်ထား။”
တဲ့။
အော် … ကျနော်က သိတဲ့အတိုင်း နထူနထိုင်းနဲ့ ထပ်ကွန်ပလိန်းတာပေါ့။
“မှားတာနဲ့ ချော်တာ ဘာကွာလို့လဲ … အဘရယ်။ အဘမပြောရဲတိုင်းဒေါ်စု မမှားပါဘူး၊ လုပ်နေတယ်”
ပြောတော့ အဘအနည်းငယ် စိတ်ဆိုးဟန်တူတယ်။
“မင်းက ဒေါ်စုမှားတယ် ထင်ရင်၊ မနက်ဖြန် စီအီးစီအစည်းအဝေးရှိတယ်၊ မနက်ကိုးနာရီခွဲလောက်လာ၊ ငါ ဒေါ်စုကို ပြောပေးမယ်။ ဒေါ်အောင်ဆန်းစုကြည် … ခင်ဗျားလုပ်နေတာတွေ မှားတယ်လို့ … ဒီလူငယ်ကတော့ ဝေဖန်နေတယ်ဆိုပြီ … ငါပြောပေးမယ်။ မင်းပြောဝံ့ရင် ပြော”
တဲ့။

“အာ … အဘ ကျနော် ဘယ်ပြောရဲမလဲ၊ မှားနေတာကြီးကို …”
ဆိုတော့ အဘက ကျနော့်ကို သနားကြည့် ကြည့်တယ်။
“မင်း ဗမစာ၊ ဗမာစကား တတ်သလား”
ဆိုပြီးမေးတော့၊ တတ်တယ် ဖြေတာပေါ့။
အဲ့တော့  အဘက … ကျနော့်ကို …
“မင်းဆိုတဲ့ကောင် အလကားကောင်ပဲ” တဲ့။
“ဗမာစကားမှာက မှားသူဆိုတာ ပထမဆုံးဝန်ချရတယ်။ ဒုတိယ တောင်းပန်ရတယ်။ သဘောပေါက်သလား။ ဘာမဟုတ် ညာမဟုတ် နတ်စိမ်းတွေကို ကန်တော့ပွဲနဲ့ တာင်းပန်တာ … ကွင်းပိုင်၊ အင်းပိုင်တွေကို ကန်တော့ပွဲကြီးတွေနဲ့ တောင်းပန်တာ မြင်ဖူးမဟုတ်လား။ အခုလည်း မင်းက မှားပါတယ် ဆိုတော့ ဒေါ်စုက မင်းကို ကွင်းပိုင်၊ အင်းပိုင်လို ထိုင်တောင်းပန်ရမလိုဖြစ်နေတယ်။ မသေမချင်း မှတ်ထားကွ။ မှားရင် အမှားပြင်ဆင်ချက်ဆိုတာရှိတယ်။ ချော်တယ်ဆိုရင် ရထားများဘီးချော်သလိုပဲ ပြန်တည့်လိုက်တာနဲ့ သူ့ဟာသူ ဆက်ထွက်သွားရောကွ။  ငါ ဒေါ်အောင်ဆန်းစုကြည်ကို ဒေါ်စုခေါ်တာ သိပ်မကြာသေးဘူး။ ဆိုလိုတာက ဒေါ်အောင်ဆန်းစုကြည်နဲ့ ငါက ပုဂ္ဂိုလ်ရေးအရမရင်းနှီးဘူး။ ဒါပေမယ့် ငါပြောနိုင်တာက နှစ်နှစ်ဆယ်ကျော်မှာ ဒေါ်စု မမှားဖူးသေးဘူးကွ။ ချော်တာတွေကတော့ … ဖြစ်တတ်တာပေါ့ကွာ …” တဲ့။

တနင်္ဂနွေတစ်နေ့သား ကျောက်ကုန်းက အဘဦးအုန်းထွန်းအိမ်မှာ “ဒေါ်စုမမှားတရား” ကို ဧ၀ံမေသုတံ လိုက်ရတာကို ပြန်လည်မျှဝေပေးလိုက်ရပါတယ်။ နှောင်းလူများ ဆင်ခြင်ပွားများနိုင်သော တရားစစ်ဖြစ်ပါစေ။
http://moemaka.com/archives/1640

Monday, June 10, 2013

ကြံ့ခိုင်ရေးပါတီပိုင်မြေများ လယ်သမားများထံ ပြန်ပေးရန်ပြင်ဆင်


ဆလိုင်းသန့်စင်| June 10, 2013 |
ဧရာဝတီတိုင်းဒေသကြီး ကန်ကြီးထောင့်မြို့နယ်ရှိ လယ်ယာ လုပ်ငန်းခွင်တခု (ဓာတ်ပုံ – ဆလိုင်းသန့်စင် / ဧရာဝတီ)

ဧရာဝတီတိုင်းဒေသကြီး ငပုတောမြို့နယ် သက္ကာယ်သောင်အုပ်စု အောင်ခိုင်ကျေးရွာရှိ ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီပိုင်မြေ ၈၁၄.၃၇ ဧကအား ဒေသခံ လယ်သမားများထံ ပြန်လည်ပေးအပ်ရန် တိုင်းတာမှုများ လုပ်ဆောင်နေပြီဖြစ်ကြောင်း သတင်းရရှိသည်။

အောင်ခိုင်ကျေးရွာရှိ ကွင်းအမှတ် ၁၇၇၄ (က) နှင့် (ခ) မှလယ်ယာမြေများအား အစိုးရ မွေးမြူရေးနှင့်ရေလုပ်ငန်းဝန်ကြီးဌာနက ရေငန်ပုစွန်မွေးမြူရေးအတွက် ၁၉၈၆ ခုနှစ်တွင် သိမ်းယူခဲ့ခြင်းဖြစ်ပြီး ၁၉၉၇ ခုနှစ်တွင် ပုသိမ်အခြေစိုက် အနောက်တောင်တိုင်းစစ်ဌာနချုပ် (နတခ) သို့လည်းကောင်း၊ ၂၀၀၇ ခုနှစ်တွင် နတခမှ ကြံ့ခိုင်ရေးအသင်းသို့ လည်းကောင်း အသီးသီး လွှဲပြောင်းပေးခဲ့သည်။

လယ်မြေများပြန်ရလိုကြောင်း ဒေသခံလယ်သမားများက ဧရာဝတီတိုင်းအစိုးရထံ တင်ပြ တောင်းဆိုခဲ့ရာ တိုင်းအစိုးရနှင့် ကြံ့ခိုင်ရေးပါတီ (ဗဟိုဌာနချုပ်) တို့ ညှိုနှိုင်းပြီးနောက် ကြံ့ခိုင်ရေး ပါတီက ယင်းမြေများအား နိုင်ငံတော်သို့ ပြန်လည်အပ်နှံခဲ့သည်။

ယခုအခါ အဆိုပါ လယ်ယာမြေများအား တိုင်းအစိုးရ၏ကြီးကြပ်မှုဖြင့် အောင်ခိုင်ကျေးရွာမှ မူလပိုင်ရှင် လယ်သမား ၅၄ ဦးထံပြန်လည်ပေးအပ်ရန် ပြင်ဆင်နေခြင်းဖြစ်သည်။

“လယ်ယာမြေတွေကို မိုးရာသီစိုက်ပျိုးချိန်အမီ မူလပိုင်ရှင်လယ်သမားတွေကို ပေးအပ်သွားမှာပါ။ တိုင်းတာမှုတွေတော့ ဧက ၂၇၀ လောက် ပြီးစီးသွားပါပြီ။ ပိုင်ရှင် တဦးချင်းအလိုက် ၁ ကွက်ချင်း တိုင်းတာပေးနေပါတယ်။ ၁ ပတ်အတွင်း အားလုံးပြီးစီးဖို့ လုပ်ဆောင်နေပါတယ်”ဟု ငပုတောမြို့နယ် အုပ်ချုပ်ရေးမှူး ဦးဝင်းကိုကိုက ဧရာဝတီကို ပြောသည်။

သိမ်းဆည်းစဉ်က ဦးပိုင်အမည်ပေါက် လယ်ယာမြေများဖြစ်သော်လည်း ဧက ၃၈၀ ကျော်ကို ပုစွန်မွေးမြူရေးကန်အဖြစ် ပြုလုပ်ခဲ့သည့်အတွက် လက်ရှိတွင် စပါးစိုက်ပျိုးနိုင်သော ဧရိယာမှာ ၃၃၅ ဧကသာ ကျန်ရှိတော့သည်။

“ကျနော်တို့အနေနဲ့ မိုးစပါးစိုက်ချိန်မီအောင်လို့ လယ်မြေတွေကို ဦးစားပေးတိုင်းတာပါတယ်။ လယ်မြေတွေတိုင်းပြီးရင် ပုစွန်ကန်နေရာတွေကို ဆက်လက်တိုင်းတာပြီး ပိုင်ရှင်ထံ ပြန်အပ်မှာပါ။ လက်ရှိမှာတော့ လယ်ထဲရော ပုစွန်ကန်မှာရော မိုးရွာထားတော့ ရေတွေပြည့်နေလို့ တိုင်းတာရတာ အတော်လေး ခက်ခဲတဲ့အနေအထားရှိတယ်”ဟု ဦးဝင်းကိုကိုက ပြောသည်။

ယင်းလယ်မြေနှင့်ပုစွန်ကန်များအား မွေး/ရေဌာနက နတခထံ လွှဲပြောင်းပေးပြီးနောက် နတခ က ၀မ်တိုးကုမ္ပဏီနှင့် အကျိုးတူပူးပေါင်း လုပ်ကိုင်ခဲ့ပြီး ၂၀၀၇ ခုနှစ်တွင် ကြံ့ခိုင်ရေးအသင်းသို့ လွှဲပြောင်းပေးခဲ့ရာ ကြံ့ခိုင်ရေးအသင်းကလည်း ၀မ်တိုးကုမ္ပဏီနှင့်ပင် ၂၀၁၂ ခုနှစ်အထိ အကျိုးတူဆက်လက်လုပ်ကိုင်ခဲ့သည်။

ယင်းမြေနေရာတွင် “ပြည်ခိုင်ဖြိုးပါတီ(ဗဟိုဌာနချုပ်)ပိုင်မြေ။ မကျူးကျော်ရ”ဟူ၍ ဆိုင်းဘုတ် ထောင်ထားပြီး ပြည်ထောင်စုလွှတ်တော်မှ လယ်ယာမြေနှင့်အခြားမြေများ သိမ်းဆည်းခံရမှု စုံစမ်းစစ်ဆေးရေးကော်မရှင်ဥက္ကဋ္ဌ ဦးတင်ထွဋ် ငပုတောမြို့သို့ ကွင်းဆင်းစစ်ဆေးသည့် အချိန်ကျမှသာ ဆိုင်းဘုတ်ကို ဖြုတ်ချခဲ့ခြင်းဖြစ်ကြောင်း သိရသည်။

မူလပိုင်ရှင် လယ်သမားများ လက်ဝယ်သို့ လယ်ယာမြေများ ပြန်လည်ရောက်ရှိ တော့မည့်အတွက် ၀မ်းသာမိကြောင်း ကြံ့ခိုင်ရေးပါတီမှ ငပုတောမြို့နယ် တိုင်းဒေသကြီးလွှတ်တော် ကိုယ်စားလှယ် ဦးအေးကြည်က ပြောသည်။

“ကျနော်က ပြည်ခိုင်ဖြိုးပါတီကဖြစ်ပေမယ့် နစ်နာဆုံးရှုံးခဲ့ရတဲ့ လယ်သမားတွေကို သူတို့လယ်တွေ ပြန်ရစေချင်ပါတယ်။ ဒါကြောင့်လည်း ဒုတိယအကြိမ် တိုင်းလွှတ်တော် အစည်းအဝေးမှာ အောင်ခိုင်ကျေးရွာက လယ်မြေကိစ္စကို ကြယ်ပွင့်ပြမေးခွန်းအဖြစ်နဲ့ တင်ပြမေးမြန်းခဲ့တာ ဖြစ်ပါတယ်။ အခု မိုးရာသီအမီ လယ်တွေပြန်မရဘူးဆိုရင် လွှတ်တော်မှာ  ကျနော် ဒုတိယအကြိမ် ထပ်ပြီးအဆိုတင်ဖို့ စိတ်ကူးထားတာပါ။ ခုလိုပြန်ရသွားတော့ လယ်သမားတွေအတွက် ၀မ်းသာမိပါတယ်”ဟု သူက ပြောသည်။

မြန်မာနိုင်ငံ အာဏာရပါတီ ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီသည် ပါတီအဖြစ်အသွင်မပြောင်းမီ ကြံ့ခိုင်ရေးအသင်းဘ၀က ဧရာဝတီတိုင်းဒေသကြီးရှိ မြို့နယ်အချို့တွင် လယ်ယာမြေများသိမ်းဆည်း၍ စီးပွားရေးလုပ်ကိုင်မှုများ ရှိခဲ့သည်။

ကြံ့ခိုင်ရေးအသင်းကာလ  ၂၀၀၃ ခုနှစ်တွင် မအူပင်ခရိုင်၊ ပန်းတနော်မြို့နယ် မိုးကုတ်ဒီးဒုတ်ကွင်းရှိ လယ်ဧက ၃၈၀ ကျော်ကို  လျော်ကြေးမပေးဘဲ သိမ်းယူ၍ ငါးကန်များ တူးဖော်လုပ်ကိုင်ခဲ့ကြောင်း၊ ယင်းငါးကန်များတွင် ယနေ့တိုင် ငါးများမွေးမြူ လုပ်ကိုင်နေကြောင်း လယ်သိမ်းခံခဲ့ရသည့် လယ်သမားများက ပြောသည်။

ငါးကန်များ တူးဖော်ခဲ့သည့် လယ်ယာများအတွက် နစ်နာကြေးရလိုသဖြင့် ဖြေရှင်း ဆောင်ရွက်ပေးပါရန် လယ်မြေဆုံးရှုံးခဲ့သူ လယ်သမား ၅၉ ဦးက ၀န်ကြီးချုပ် ဦးသိန်းအောင်ထံ ပြီးခဲ့သည့် ၂၀၁၂ ခုနှစ် စက်တင်ဘာလက စာရေးသားတိုင်တန်းခဲ့သော်လည်း ယနေ့တိုင် ထူးခြားမှုမရှိကြောင်း လယ်သမားများက ဆိုသည်။
Irrawaddy

Sunday, June 9, 2013

Ko Yarzar – ဦးဝင်းတင်နဲ့နေထိုင်ခြင်း (၂)



ဦးဝင်းတင်နဲ့နေထိုင်ခြင်း အပိုင်းများ

ကိုရာဇာ ၊ ဇွန် ၉ ၊ ၂၀၁၃

ဦးဝင်းတင်နဲ့ ဧကမက္ကောနိုင်ငံရေး

                     ဒီစာကိုရေးသင့်နေတာကြာပါပေါ့ဗျာ။ ဒါပေမယ့် အကြောင်းကြောင်းတွေနဲ့ အဟောင်း အဟောင်းဟာ အသစ်ဖြစ်မြဲမဟုတ်လား။ အခုမှ ရေး အခု ဖတ်တော့ပိုမိုဇာတ်ရည်လည်သပေါ့ဗျာ။

ဒီလိုဗျ ။ ရွေးကောက်ပွဲအကြို (၂၀၁၂)မှာ ကျနော့်ဇာတိမြေကလည်း လစ်လပ်လို့ အမေစု ကလည်း သွားမယ်ဆိုလို့ ကျနော့်နယ် ကျနော်ပြန် ကြံဖန်ရတော့တာပေါ့။ အဲ့ဒီမှာ လူတစ်ယောက်က မေးခွန်း တစ်ခုမေးတယ်။

“ကိုရာဇာ….ဟံသာဝတီဦးဝင်းတင် ဆိုတဲ့လူက ဘာကောင်လဲတဲ့” ။

ဟိုက် ခနဲဖြစ် သွား ရသေးသဗျာ။ ကျနော့်မျက်စိထဲတော့ လှုပ်ရှားမှုတုန့်နှေးနှေး၊ ဆံပင်ဖြူအဖွေးသားနဲ့ အပြာရောင် ထောင်ပြာကြီး ပြေးမြင်မိသဗျ။ တိုင်းပြည်အတွက် အသက်မငဲ့ကွက်တာလည်း ပါသပေါ့။

“နို့နေပါအုံး မိတ်ဆွေကြီးက ဘာများသိချင်လို့ပါလဲ … ” ဆိုတော့

“ဒီလူ အမေစုပြောသမျှ ကန့်လန့်တိုက်နေတယ် …” တဲ့။

သြော် … ဒါလား။

ကျနော်လည်း မျက်စိသူငယ် နားမလည်ဖြစ်နေသေးတယ်။ နောက်တော့မှ ဘော်ဒါကြီးရေ … နိုင်ငံရေးမှာ ပရက်ရှာဆိုတာ ဘာ။ ကွန်ပရိုမိုက်စ်ဆိုတာ ညာ ဆိုတာတွေနဲ့ နထူနထိုင်းကနေ နိုင်ငံရေးသမားတပိုင်း ဖြစ်သွားသေးတယ်။ ဒါပေမယ့် ကိုယ့်ဆရာက သိပ်ကျေလည်ဟန် မတူပါဘူး။ မထူးဘူး ဆို ပစ်ထား လိုက်တော့တယ်။ သူပြောချင်တာတွေကို စောဖေ နောကျေနေပါတယ်။ ဒါပေသိ မသိကျိုးကျွံ ပြုခဲ့တယ်။

အခုကတော့ အားအားယားယားလေးလည်း ရှိ၊ တာဝန်လည်း သိအုံးမှဆိုပြီး ဒီစာရေးတာပါ။ ဆရာလုပ်တယ်တော့ ထင်မနေနဲ့။ ကိုယ့်အတွေးအခေါ် ဘာမှ ပါတာ မဟုတ်ဘူး။ အဘရဲ့အကျင့်အကြံ အဘနိုင်ငံရေး၊ သူတွေးထားတာလေး ရေးပြမှာ။ အထက်က ပုဂ္ဂိုလ် ဆိုလိုနေတာက အမေစုက ရွေးကောက် ပွဲဝင်တော့မယ်၊ ဦးဝင်းတင်က သဘောမတူကြောင်း ပြောနေတာဟာ အမေစုလမ်းစဉ် မလိုက်တာဗျ … လို့ ပြောချင်နေတာပါ။ ဒါနဲ့ပတ်သက်ပြီးတော့ ၂၀၁၀ အရှေ့ပိုင်းနားလေး ပြန်သွားရမလိုပဲလား။

၂၀၁၀မှာ အထွေထွေရွေးကောက်ပွဲလုပ်တော့ အမေစုက ထောင်ကျနေချိန်ပေါ့ဗျာ။ ပါတီကို ဦးဆောင်ပေးနေတာက ဘဘဦးတင်ဦးနဲ့ ဘဘဦးဝင်းတင်တို့ နှစ်ယောက်ဖြစ်တယ်။ အဲ့ဒီတော့ ရွှေဂုံ တိုင်ကြေညာချက်အတိုင်း ရွေးကောက်ပွဲဥပဒေကို ပြင်ပေးပါ တောင်းဆိုထားတာ၊ လိုက်လျောရင် ၀င်မယ် မပြင် မ၀င်ဘူး။ “ပြင်” “၀င်” ဆိုတဲ့လိုင်းကျတယ်။ မပြင်ပေးတော့ မ၀င်ဘူး။ ရွေးကောက်ပွဲသပိတ်မှောက် လိုင်းကို ဆုံးဖြတ်ကြတယ်။ ဒါ အားလုံးသိပြီးသား ။ ကျနော်က ဇာတ်သွားလေး ပြောချင်တာပါ။ ရွေးကောက်ပွဲလုပ်အပြီးမှာ အားလုံး မျှော်လင့်တောင့်တနေတဲ့ အမေဟာ ပြန်လာနိုင်ခဲ့ပါပြီ။ နောက်တော့ ဟိုလူနဲ့တွေ့၊ ဒီလူနဲ့ဆုံ … ဆိုတာတွေဖြစ်ပြီးနောက်ပိုင်း၊ ကြားဖြတ်ဝင်မယ်ဆိုတာ ဖြစ်လာတယ်။

ဒီတော့ ဦးဝင်းတင်ရဲ့လက်စက ဘာလဲ။ သပိတ်မှောက်လိုင်း။ ဦးဝင်းတင်ကို ခေါင်းမာသူ အဖြစ် လူသိများကြတယ်။ ဦးဝင်းတင်ဟာ အင်မတန်မှ ပျော့ပြောင်းညင်သာသူ ဖြစ်တယ်ဆိုတာ နောက်ပိုင်း ဆက်ရေးပြပါ့မယ်။ ဒါပေမယ့် မူဝါဒကိုတော့ စွဲမြဲတယ်၊ စွဲကိုင်တယ်။ ဒါကလည်း သူ့အပြော၊ သူ့အရေးတွေ ပြေးကြည့်စရာမလို၊ အပိုအလိုမရှိ၊ ကွက်တိ။ သူ့မူဝါဒကို စွဲကိုင်တော့ သပိတ်မှောက်တာပဲ ဆက်လုပ်တော့မှာပေါ့။ ဒါက ကလေးတွေးတောင် တွေးနိုင်တယ်။ ဒါပေမယ့်၊ ဒါက ပြဿနာ အသွင်ဆောင်လာတယ်ဗျ။ အမေစုကို ကန့်လန့်တိုက်နေသူများက ဦးဝင်းတင်ပြောစကားတွေ ပရင့်ထုတ်တယ်၊ လိုက်ဖြန့်တယ်။

ခေါင်းဆောင်နှစ်ယောက်က ထပဲ သတ်တော့မယောင်၊ သဘောထားကွဲပြီ။ ဦးဝင်းတင်နဲ့ အ မေစုအပြီး ကွဲပြီ။ ဘယ်လိုမှ စေ့စပ်မရတော့ဘူး။ ဦးဝင်းတင်က တအားမှန်တယ်၊ ဘာညာ … အထိဖြစ်လာကရော။ ဒီအတောတွင်းမှာပဲ အဘဦးဝင်းတင် အမြဲစကားသွားသွားပြောနေတဲ့ သတင်းစာဆရာသမား တစ်ယောက်အိမ်ကို ကျနော်တို့ ကြာသပတေးတစ်နေ့သား ရောက်သွားရော။ ဟိုကပညာရှိ ဆိုတော့

“ဦးဝင်းတင် … ကျနော့်ဆီကို ဒေါ်အောင်ဆန်းစုကြည်နားက နှစ်ယောက် ဒီမနက်လာတယ်၊ ခင်ဗျားပြောတာတွေ ဒေါ် အောင်ဆန်းစုကြည် စိတ်အနှောက်အယှက်ဖြစ်နေဟန် တူတယ်တဲ့။ ဒီလောက်ပဲ ပြောတယ်။ ခင်ဗျားတို့ ပါတီကိစ္စ ကျနော်ဝင်မပါဘူး …”

ဆိုပြီး ပြောတယ်။ ဒါပါပဲ။ အဲ့တော့ ဦးဝင်းတင်က မီဒီယာအင်တာဗျူးတွေမှာ သူ့မူ ၀ါဒအတိုင်း ဆက်ပြောတယ်။

ဒီပြဿနာဟာ သုံးဆယ့်ခြောက်လမ်းက ဘဘသခင်သိန်းမောင်အိမ်ပေါ် တက်လာပြန် တယ်။ ၀ါရင့်တိုင်းရင်းသား နိုင်ငံရေးသမားတစ်ယောက်ဆီ အထက်ကသတင်းစာဆရာလိုပဲ “ဟိုလူနှစ်ယောက်” ရောက် သွားပြန်တယ်ထင်ရဲ့။ အဘက အဲ့ဒီနိုင်ငံရေးသမားကို ချဲတော့တယ်။ မင်း ဘာလဲ၊ ငါ ဘာလဲ၊ အထိ ဖြစ်တာနော်။ လူငယ်တွေဖြစ်သလို ဖြစ်တာ၊ “ကျုပ်တို့ပါတီကိစ္စ ၊ ခင်ဗျားဝင်မပါနဲ့ ” ဆိုပြီးဖြစ်တာကလား။

ဟိုနိုင်ငံရေးသမားက အပြော သိပ်မတတ်တော့ ဦးဝင်းတင်နဲ့ အမေစုကြား သူက ၀င်ရှင်းပေးရတာ လိုလို ပြောမိထင်ပါရဲ့။ သေချာမသိဘူး။ သိတာကတော့ အဘ တအားစိတ်ဆိုးတယ်ဆိုတာ သိတယ်။ ဆက် ပြောနေပြန်ကော သူ့မူဝါဒကို။

ဒီကိစ္စက တောင်ဥက္ကလာဖက် ရောက်လာပြန်တယ်။ နိုဝင်ဘာ(၁၀)။ မဖြူနဲ့ နှစ်ယောက်ချင်း ပြောချင်တယ်တဲ့။ ပြောပေါ့။ ပြောပြီးပြီး မဖြူလည်း ရေချက်ခြင်းချိုး၊ အဘအိမ် တဟုန်ထိုး ပြေးကြရတာပေါ့။ မ ဖြူက အပြင်ထွက်ရင် တစ်ခါမှ ဒီလောက် မမြန်ဖူးတော့၊ ကျနော့်မယ် လမ်းမှာ မေး စမ်း၊ မေးမြန်း ရတာပေါ့။ “ဟိုကိစ္စ” မဟုတ်လား ဆိုတော့၊ ဟုတ်တယ် … တဲ့။ အဘ ရန်ကင်းအိမ် ရောက်တော့ မဖြူဖြူသင်းက အဘ အိမ်ဟိုဘက် ဘေးလေး ထိုင်နေတယ်။ မပြောရဲဘူး။ ကျနော်ပဲ အရဲစွန့် ပြောရတော့တာပေါ့။

“အဘ … အန်တီနဲ့ လမ်းခွဲဖို့ အစီအစဉ်ရှိသလား …” ဆိုတော့

“မရှိပါဘူး၊ ဘာဖြစ်လဲ …” ဆိုတော့

“ဒီလို၊ ဒီလိုပဲလေ အဘ။ ဒါပေမယ့် … အန်တီနဲ့ လမ်းခွဲလည်း အဘ အထီးကျန်မဖြစ်ပါဘူး။ ကျနော်ဝတ္တရားအရ၊ ကျင့်ဝတ်အရ၊ သိက္ခာပိုင်းဆိုင်ရာအရ ကျနော် အဘ နောက်လိုက်ပါ့မယ်။ နောက် အခြား အဘကို ထောက်ခံသူတွေလည်း ရှိပါတယ်။ ဟိုဘက်မှာ ထိုင်နေတဲ့ မဖြူဖြူသင်းကတော့ ဒေါ်အောင်ဆန်းစုကြည်နောက်ပဲ လိုက်မယ်ပြောတယ်။ လောလောဆယ်ဆယ် ဒီနှစ်ယောက်တင် နှစ်ပိုင်းကွဲနေပါပြီ …” ဆိုပြီး တောင်ပြော မြောက်ပြော လျှောက် လျှောက်ပြောတော့တာပေါ့။

ဒီတော့ … အဘက ကျနော့်ကို ပြောတယ်။

“မင်းတို့ အန်တီကလည်းကွာ … သူက ဥက္ကဌပဲ။ ငါ့က ပါတီဝင်ပဲ။ ဦးဝင်းတင် ရှင်မပြောနဲ့ဆို … ပြီးတာကို … ”တဲ့။

နောက်တော့ အေးအေးဆေးဆေး ရှင်းပြတယ်။ ကျနော့်ကို ပြန်နှစ်သိမ့်နေတာ သနားစရာဗျာ။

ကျနော် ပြောမိတာတောင် အားနာမိသွားတယ်။ အဘကတော့ အေးဆေးပါပဲ။

“ဟေ့ယောင် …” တဲ။့

“ဧကမက္ကော နိုင်ငံရေးပဲ …” တဲ့။

“ဒေါ်အောင်ဆန်းစုကြည် နောက် လိုက်ခြင်းမှတပါး တခြားမရှိဘူး။ သူ့လမ်းစဉ် လိုက်ရမှာပဲ” တဲ့။

ကျနော်ကလည်း အထွန့်တက်မိတယ်။

“ဒါဆို အဘရယ် … အခုလို ရွေးကောက်ပွဲ သပိတ်စကားတွေ ပြောမနေပါနဲ့တော့လား။ အဘကို ကိုးကားပြီးတော့ အမေစု စော်ကားနေကြတာ အဘမှာလည်း တာဝန်ရှိသလို ဖြစ်နေမပေါ့” ဆိုတော့။

“ငါ့သဘောက ဒီလိုကွ။ အခု ဗဟိုဦးစီးအစည်းအဝေးက နိုဝင်ဘာ ၁၈ မဟုတ်လား။ ငါ့သဘောတော့ နိုဝင်ဘာ၁၇ အထိ ငါသဘောမတူကြောင်း ပြောမယ်ကွာ။ ၁၈ နေ့ကျတော့မှ အများဆုံးးဖြတ်ချက်အရ ရွေးကောက်ပွဲဝင်ခြင်းကို လိုက်လုပ်မယ်ဆိုတာ ပြောမယ်။ ဒါလည်း ဒီမိုကရေစီပဲ …” တဲ။့

“ကိုယ့်လွတ်လပ်ခွင့်အရ ကိုယ့်အယူအဆကို ပြောမယ်။ ဒါပေမယ့် အများသဘောတူ ဆုံးဖြတ်ချက်ကို လိုက်လုပ်ရမယ်။ ဆိုလိုတာကတော့ လူနည်းစုရဲ့ ဆန္ဒကို လေးစားသလို၊ လူအများဆန္ဒအရ သဘောမတူလည်း လိုက်လုပ်ရတယ် ဆိုတဲ့ ဒီမိုကရေစီရဲ့ အနှစ်သာရကို ပြောပြ၊ လုပ်ပြနေတာ … ” တဲ့။

ဒါပါပဲဗျာ။ ဒီလောက်ဆိုရင်တော့ အဘဦးဝင်းတင် ကျင့်ကြံနေတဲ့ ဧကမက္ကော နိုင်ငံရေးကို သဘောပေါက်လိမ့်မယ် ထင်ပါရဲ့။ သဘောမတူရင်တော့ ဖတ်သူများရဲ့အလိုအတိုင်း ဖြစ်ပါစေ။

ချစ်ခင်လေးစားလျက်

ကိုရာဇာ

( မိုးမခဖြည့်စာ = ၂၀၁၁ နိုဝင်ဘာ ၂၁၊ မိုးမခနဲ့ ဦးဝင်းတင်မေးခွန်းများမှာ NLD ရွေးကောက်ပွဲဝင်တဲ့ ဆုံးဖြတ်ချက်နဲ့ ပတ်သက်ပြီး မေးခဲ့ပါတယ်။  http://moemaka.com/archives/19923

၂၀၁၂ နိုဝင်ဘာ ၁၈၊ အင်န်အယ်ဒီပါတီ မှတ်ပုံတင်ပြီး ရွေးကောက်ပွဲဝင်ရန် ဆုံးဖြတ်ပြီ သတင်း။

http://moemaka.com/archives/19902)

Wednesday, June 5, 2013

ဧရာဝတီတိုင်း အနှံ့ ထွန်တုံးတိုက်ပွဲများ ဖြစ်ပွားနေ

ဆလိုင်းသန့်စင်| June 5, 2013 |

ဧရာဝတီတိုင်း ဒေသကြီး ကန်ကြီးထောင့် မြို့နယ်တွင် ထွန်တုံးတိုက်ပွဲ ဆင်နွှဲနေသည့် လယ်သမားများ (ဓာတ်ပုံ – ဆလိုင်း သန့်စင် / ဧရာဝတီ)

ဧရာဝတီတိုင်း ဒေသကြီး ၈ မြို့နယ်အတွင်းရှိ လယ်ယာမြေသိမ်းဆည်းခံ လယ်သမားများက ၎င်းတို့လယ်ယာမြေများ ပြန်လည်ရရှိရေးအတွက် ထွန်တုံးတိုက်ပွဲ ဆင်နွှဲမှုများ ပြုလုပ်ကြောင်း သိရသည်။

ပန်းတနော်၊ မအူပင် ၊ ကျောင်းကုန်း၊ ၊ မော်လမြိုင်ကျွန်း၊ ဖျာပုံ၊ ကန်ကြီးထောင့်၊ သာပေါင်းနှင့် ငပုတော မြို့နယ်များတွင် ပြီးခဲ့သည့် ရက်သတ္တပတ်အတွင်း လယ်သမားများက ထွန်တုံးတိုက်ပွဲ ဆင်နွှဲ၍ လယ်ယာမြေများကို ထွန်ယက်စိုက်ပျိုးမှုများ လုပ်ဆောင်နေကြခြင်း ဖြစ်သည်ဟု ဒေသခံ လယ်သမားများက ပြောသည်။

ပန်းတနော်မြို့နယ်တွင် ဦးကြည်ငြိမ်း ပိုင်ဆိုင်သည့် ဖိုးလမင်း ကုမ္ပဏီက သိမ်းဆည်းထားသော လယ်ယာမြေဧက ၅၀၀၀ ကျော်အနက် ကဒုံကနိ ကျေးရွာအနီးရှိ လယ်ဧက ၅၀၀ ကျော်အား လယ်သမားများက ပြန်လည်ရယူကာ ၀င်ရောက် ထွန်ယက်စိုက်ပျိုးနေ ကြောင်း သိရသည်။

“ကျမကတော့ လယ်ထွန်ပြီးလို့ ပျိုးတောင်ကြဲထားပြီးပြီ။ ကျမတို့မှာ လုပ်စရာ ဒီလယ်လေးပဲ ရှိတာ။ အစိုးရကလည်း ဖြေရှင်းပေး မယ်ဆိုပြီးတော့ မိုးစပါးစိုက်ချိန်သာရောက်လာတယ်။ ဘာမှ ဖြစ်မလာဘူး။ အဲဒီတော့ ကျမတို့လည်း မစောင့်နိုင်တော့ဘူး။ ကိုယ့် လယ်ကို ကိုယ့်ဘာသာ ၀င်ထွန်ပစ်လိုက်တယ်”ဟု ပန်းတနော်မြို့နယ် ခနွဲကပို ကျေးရွာမှ လယ်သူမတဦးက ဧရာဝတီကို ပြော သည်။

ဖျာပုံမြို့နယ် ကျိုက်ကမ္ဘာကျေးရွာအုပ်စုမှ လယ်သမား ၂၀၀ ကျော်က ယခင်ကျေးရွာ ဥက္ကဋ္ဌဟောင်းများ သိမ်းဆည်းထားသည့် လယ်မြေဧက ၄၀၀ ကျော်ကို ၀င်ရောက်ထွန်ယက် စိုက်ပျိုးမှုများလုပ်ဆောင်ခဲ့ပြီး ငပုတောမြို့နယ် ကညင်ငူကျေးရွာတွင်လည်း ဧရာဝတီ တိုင်းဒေသကြီး အထူးစုံစမ်း စစ်ဆေးရေးဌာန(စစစ) မှ ၂၀၀၁ ခုနှစ်က သိမ်းဆည်းထားသည့် လယ်မြေဧက ၄၀ ကျော်ကို မူလပိုင်ရှင်တောင်သူများက ထွန်တုံးတိုက်ပွဲဆင်နွှဲ၍ ပြန်လည်ရယူ လုပ်ကိုင်နေသည်။

“သိမ်းတုန်းက စသုံးလုံး ၀န်ထမ်းသက်သာချောင်ချိရေးဆိုပြီး သိမ်းသွားတာ။ ပြေစာ အထောက်အထားတွေပြလည်း မရဘူး။ ကျနော်တို့မှာ လယ်ယာတွေမရှိတော့ ကလေးတွေလည်း ကျောင်းထုတ်ရ၊ စားဝတ်နေရေးလည်း ကျပ်တည်းခဲ့ကြပါတယ်။ အခုက မိုးက ရွာနေတော့ ထွန်ယက်ဖို့အချိန်ကျနေပြီ။ စိုက်ချိန်တန်လို့ မစိုက်ဘဲနေရင် စပါးက ရိတ်တဲ့အချိန်ကျတော့ အဆင်မပြေတော့ဘူး။ လေလွင့်ပျက်စီးမှုတွေ ကြုံရနိုင်တယ်။ အဲဒီတော့ မစောင့်နိုင်တော့ဘဲ ကိုယ့်လယ်ကို ၀င်ထွန်ကြတာပါ”ဟု လယ်မြေ ဧက ၂၀ အသိမ်း ခံခဲ့ရသည့် ကညင်ငူကျေးရွာမှ ဦးစန်းဝင်းက ပြောသည်။

သာပေါင်းမြို့နယ် ကျားရဲကျေးရွာအုပ်စုတွင်လည်း ဧရာရွှေဝါကုမ္ပဏီက နိုင်ငံတော်သို့ ပြန်အပ်သည့် လယ်ယာမြေ ၅၆၂ ဧကကို ကျေးရွာလယ်ယာမြေ စီမံခန့်ခွဲမှုကော်မတီက ယာယီလုပ်ကိုင်ခွင့် ချထားပေးရာတွင် မကျေနပ်သည့်အတွက် ဒေသခံတောင်သူများက ထွန်တုံးတိုက်ပွဲ လုပ်ဆောင်ခဲ့ကြသည်။

“ဧရာရွှေဝါက နိုင်ငံတော်ကို ပြန်ပေးပြီးသားလယ်တွေကို ကျေးရွာလယ်ယာမြေ စီမံခန့်ခွဲမှု ကော်မတီဆီကို အပ်လိုက်တယ်။ ကော်မတီက ယာယီလုပ်ကိုင်ခွင့်ချပေးရာမှာ မူလပိုင်ရှင် လယ်သမားတွေကို ချမပေးဘဲ ဧရာရွှေဝါဆီကနေ သီးစားခပေးပြီး ယခင် လုပ်ကိုင်နေတဲ့ ယူနစ်လယ်သမားတွေကို ချပေးတဲ့အတွက် မကျေနပ်လို့ လယ်သမားတွေက ထွန်တုံးတိုက်ပွဲ လုပ်ကြတာပေါ့”ဟု သာပေါင်းမြို့နယ် တိုင်းဒေသကြီး လွှတ်တော်ကိုယ်စားလှယ် ဦးဝင်းသိန်းက ပြောသည်။

အလားတူ မအူပင်မြို့နယ် မလက်တိုကျေးရွာ ၊ ကျောင်းကုန်းမြို့နယ် သဲခုံကျေးရွာ၊ မော်လမြိုင်ကျွန်းမြို့နယ် ကြက်လျှာကျေးရွာနှင့် ကန်ကြီးထောင့်မြို့နယ် ခုံဇင်ကုန်းကျေးရွာတို့တွင်လည်း အကြောင်းအမျိုးမျိုးဖြင့် သိမ်းဆည်းခံထားရသော လယ်ယာမြေများကို မူလပိုင်ရှင် လယ်သမားများက ပြန်လည်ရယူ လုပ်ကိုင်နေကြသည်။

သိမ်းဆည်းခံထားရသည့် လယ်ယာမြေများနှင့်ပတ်သက်၍ ရသင့်ရထိုက်သည့်လယ်များကို ဥပဒေနှင့်အညီ ပြန်လည်ပေးအပ်သွားမည်ဖြစ်ကြောင်း၊ ထွန်တုံးတိုက်ပွဲ ပြုလုပ်ရာတွင် တပါးသူ ပိုင်ဆိုင်သောလယ်မြေအတွင်း ၀င်ရောက်ထွန်ယက်မိပါက ဥပဒေအရ တရားစွဲမှုများ ခံရနိုင်ကြောင်း ဧရာဝတီတိုင်းဒေသကြီး စိုက်ပျိုးရေးနှင့် မွေးမြူရေးဝန်ကြီး ဦးဆန်းမောင်က ပြောဆိုထားသည်။

တိုင်းဒေသကြီးအစိုးရက ဒေတတချို့ရှိ ထွန်တုံးတိုက်ပွဲများကို တားမြစ်ခြင်းများ ရှိသော်လည်း အကြမ်းဖက်ဖြိုခွင်းမှုများ ယနေ့တိုင် ပြုလုပ်ခြင်းမရှိသေးပေ။

“မူလပိုင်ရှင် လယ်သမားတွေ လက်ထဲကို လယ်ယာမြေတွေ ပြန်မရောက်မခြင်း ထွန်တုံးတိုက်ပွဲတွေက ဖြစ်နေမှာပါပဲ။ တိုင်းဒေသကြီးအစိုးရအနေနဲ့ ဒီလယ်ယာမြေပြဿနာ တွေကို ဖြေရှင်းမယ်ဆိုရင် အခုက အချိန်မီပါသေးတယ်။ ဒါဟာ အချိန်ဆွဲထားလို့မရဘဲ အလျှင်အမြန်ဖြေရှင်းရမယ့် ပြဿနာ၊ ဧရာဝတီတိုင်းဒေသကြီးအတွက် အရမ်းအရေးကြီးတဲ့ ပြဿနာမို့လို့ ကျနော်တို့ အခုလို ထပ် ကာ ထပ်ကာ တိုက်တွန်းပြောဆိုနေတာ ဖြစ်ပါတယ်”ဟု ဧရာဝတီတိုင်း ဒေသကြီး တောင်သူလယ်သမားနှင့်ရေလုပ်သားဘ၀ ဖွံ့ဖြိုးတိုးတက်ရေး သမဂ္ဂ ဥက္ကဋ္ဌ ဦးသိန်းဝင်း က ပြောဆိုသည်။

လယ်ယာမြေပြဿနာများဖြေရှင်းရာတွင် အစိုးရက မိမိအစီအစဉ်ဖြင့် ဖြေရှင်းနေခြင်းထက်၊ လယ်သိမ်းခံရသူလယ်သမား၊ တောင်သူ လယ်သမားအရေး ဆောင်ရွက်နေသူ သမဂ္ဂ ကွန်ရက်အဖွဲ့အစည်းများ၊ တိုင်းဒေသကြီးအစိုးရနှင့် လယ်သိမ်းသူအဖွဲ့အစည်းများ စားပွဲဝိုင်းတွင် တွေ့ဆုံကာ ဆွေးနွေးညှိနှိုင်းဖြေရှင်းခြင်းက အကောင်းဆုံးဖြစ်မည်ထင်ကြောင်း ဦးသိန်းဝင်းက ဆိုသည်။

ဧရာဝတီတိုင်းအနှံ့ စစ်တပ်၊ ကုမ္ပဏီ၊ ဌာနဆိုင်ရာစသဖြင့် အဖွဲ့အစည်းမျိုးစုံက အကြောင်းအမျိုးမျိုးဖြင့် သိမ်းဆည်းထားသော လယ် ယာမြေဧက ၁ သိန်းကျော်ရှိကြောင်း ပြည်ထောင်စုလွှတ်တော်မှ ဖွဲ့စည်းထားသည့် လယ်ယာမြေနှင့် အခြားမြေများ သိမ်းဆည်း ခံရမှု စုံစမ်းစစ်ဆေးရေး ကော်မရှင်၏ ထုတ်ပြန်ချက်အရ သိရသည်။

“ကျနော့်အနေနဲ့ကတော့ လယ်ယာမြေပြဿနာတွေကို အမြန်ဆုံး ပြေလည်စေချင်ပါတယ်။ ဘာလို့ဆိုတော့ လယ်ယာမြေတွေကို အကြောင်းပြုပြီး ကျနော်တို့ တိုင်းဒေသကြီးမှာ ပဋိပက္ခတွေ၊ အကြမ်းဖက်မှုတွေဖြစ်လာမှာကို မလိုလားပါဘူး။ ဒါကြောင့် သိမ်း ဆည်း ခံရတာလည်း မှန်တယ်။ ပိုင်ဆိုင်ကြောင်း အထောက်အထားတွေလည်း ရှိတယ်ဆိုရင် မူလပိုင်ရှင်လယ်သမားတွေကို လယ် ယာမြေတွေ အမြန်ဆုံး ပြန်ပေးလိုက်တာ အကောင်းဆုံး ဖြစ်မယ်ထင်ပါတယ်”ဟု ငပုတောမြို့နယ် တိုင်းဒေသကြီးလွှတ်တော် ကိုယ်စားလှယ် ဦးအေးကြည်က ပြောသည်။

ဧရာဝတီတိုင်း ဒေသကြီးတခုလုံးတွင် လယ်ယာမြေဧကပေါင်း ၃၇ သိန်းကျော်ရှိကြောင်း လယ်ယာစိုက်ပျိုးရေးနှင့် ဆည်မြောင်းဝန်ကြီးဌာန စာရင်းများအရ သိရသည်။
Irrawaddy

Tuesday, June 4, 2013

Ko Yar Zar – ဦးဝင်းတင်နဲ့နေထိုင်ခြင်း အပိုင်းများ (၁)

ဦးဝင်းတင်နဲ့နေထိုင်ခြင်း အပိုင်းများ
ကိုရာဇာ၊ ဇွန် ၄၊ ၂၀၁၃
(ဒေါ်ဖြူဖြူသင်း ဖေ့စ်ဘွတ်စာမျက်နှာမှ တဆင့် ကူးယူဖော်ပြသည်)

ကျနော်အခုလက်ရှိမှာအမျိုးသားဒီမိုကရေစီအဖွဲ့ချုပ်ဝင်တစ်ယောက်အဖြစ်လှုပ်ရှားနေတယ်။ အယင်ကတည်းက အဖွဲ့ချုပ်မှာ လှုပ်ရှားနေခဲ့တာ ခုဆို နှစ် နှစ်ဆယ်နီးပါတော့မယ်။ လိုအပ် မလိုအပ်ခြင်းများ ငြင်းဆန်ခံနေ့စွဲများ၊ ကိုယ့်အချင်းချင်း ချနင်းပစ်ခံရတဲ့ အစိမ်းရောင်နာရီတွေကို ပြန်ပြန်ကြည့်မိသလို ဖြစ်ဖြစ်နေတယ်။ ကောင်းပါပြီ၊ အခြားအနာတရကိစ္စတွေမှာ ကိုယ့်ဒဏ်ရာကို ပြန်လျက် ပြီး ဖြေသာလိုက်ပါတယ်။ ဒါပေမယ့် အတွင်းရေးဆိုတာကလည်း ရေးသွင်းဖို့ လိုလာရင်တော့ တစ်မျိုးပေါ့ဗျာ။

 ဆယ်စုနှစ်နှစ်ခုနီးပါးလောက်မှာ ကျနော်ဘာလုပ်သလဲ၊ ဘာရသလဲ၊ ဘာပေးနိုင်ခဲ့သ လဲ ဆိုတာ လည်ပြန်ကြည့်တော့ ဘာမှ မရှိ ဆိုသလိုတောင် ဖြစ်နေတာပြန်ဆန်းစစ်မိပါတယ်။ ဒါပေမယ့် လူထုခေါင်းဆောင်ဒေါ်အောင်ဆန်းစုကြည်၊ အဘဦးတင်ဦး၊ အဘဦးဝင်းတင် အစရှိတဲ့ခေါင်းဆောင်တွေရဲ့ နောက်လိုက်ဖြစ်ခဲ့ရတာ၊ မဖြူဖြူသင်း (အခု ပြည်သူ့လွှတ်တော် ကိုယ်စားလှယ် ဒေါ်ဖြူဖြူသင်း)တို့နဲ့ တွဲဖက်ပြီးတော့ ခုခံအားကျဆင်းမှုတိုက်ဖျက်ရေးကိစ္စတွေ ဆောင်ရွက်ခဲ့တာတွေအတွက် ကျနော်ကျေ နပ်နေမိပါတယ်။( အခြား နိုင်ငံရေးကိစ္စတွေကိုတော့ သီးခြားရေးဖို့ စဉ်းစားမိပါတယ်)


ကျနော်တို့ အဖွဲ့ချုပ်မှာ ရတနာသုံးပါး ရှိပါတယ်။ အဲ့ဒါကတော့ ဒေါ်အောင်ဆန်းစုကြည်၊ ဘဘ ဦးတင်ဦးနဲ့ ဘဘဦးဝင်းတင်တို့ သုံးယောက်ဖြစ်ပါတယ်။ (ဒီ ရတနာသုံးပါးစကားလုံးက မိထ္တီလာမြို့နယ် ပြည်သူ့လွှတ်တော်ကိုယ်စားလှယ် ဦးဝင်းထိန်ရဲ့ အသုံးအနှုန်းပါ)။ ဘ၀မှာ တန်ဖိုးအရှိဆုံးကို ညွှန်းဆိုပါဆိုရင်တော့ ဒီရတနာသုံးပါးမှာ ဦးဝင်းတင်တည်းဟူသော ရတနာတပါးကို ကျနော်ဆည်းကပ်ခွင့်ရခဲ့ပါတယ်။ အနီးကပ်ပါပဲ။

ကျနော် အဖွဲ့ချုပ်ကို စတင်ရောက်တော့ ဒီခေါင်းဆောင်သုံးယောက်မှာ ဦးဝင်းတင်တစ်ယောက် မရှိပါဘူး။ အဘက ထောင်ထဲမှာပါ။ အဘရဲ့ စာအုပ်တွေကို ကျနော်ငယ်က ဖတ်ဖူးပါတယ်။ အဘနဲ့ပတ် သက်ပြီးလည်း တလွဲသတင်းစကားတွေ ကြားဖူးပါတယ်။ အဲ့ဒါကတော့ သွားလေသူ ဦးနေ၀င်းက အဘကို ၀န်ကြီးတစ်နေရာပေးတော့မယ်ဆိုတဲ့ သတင်းစကားပါ။ အဘကို မီဒီယာတွေမှာလည်း သိပ်မမြင်ဖူးပါဘူး။ ကျနော်တို့ အသက်ငယ်တာလည်း ပါ ပါလိမ့်မယ်။

ကျနော်တို့အဖွဲ့ချုပ်ရဲ့ စိန်ခေါ်မှု အများဆုံးကာလလို့ ပြောရမယ့် ၂၀၀၉ခုနှစ်မှာ အဘ အင်းစိန်အကျဉ်းထောင်ကနေ ပြန်လွတ်လာခဲ့ပါတယ်။ အဲ့ဒီတော့မှ ကျနော်ငယ်က လေးစားအားကျရတဲ့ သတင်းစာဆရာကြီး ဟံသာဝတီဦးဝင်းတင် ဆိုတာကို မြင်ဖူးပါတော့တယ်။ ပိန်ပိန်ပါးပါး အဖိုးအိုဟာ ထောင်ဝတ်စုံဖြစ်တဲ့ အကျီ င်္အပြာရောင်ဝတ် ထားပါတယ်။ ချိုသာတဲ့ အပြုံးနဲ့ ပြတ်သားတဲ့ အသံရှိနေပါတယ်။ ဒါ လူကိုယ်တိုင် မြင်ရတာမဟုတ်ပါဘူး။ ရုပ်သံက လွှင့်တဲ့သတင်းတွေထဲ မြင်ဖူးတာပါ။

အဘကို တစ်ရက်သားမှာ သွားကန်တော့ဖို့ ကြိုးစားပါတယ် တွေ့ခွင့်မရခဲ့ပါဘူး။ ကန်တော့စာလေး တွေပေးပြီး ပြန်ခဲ့ရပါတယ်။ နောက်ပိုင်းမှာလည်း အဘနားကပ်နေတဲ့ လူငယ်တချို့ကို ကျနော်သဘောမတွေ့ခဲ့ပါဘူး။ ကျနော်တို့ပါတီကို ဖောက်လွဲဖောက်ပြန်လုပ်တယ်လို့ ကျနော်တို့ဖက်က ယူဆထားတဲ့ လူငယ်တော်တော်များများက အဘကို ၀န်းရံနေလို့ဖြစ်ပါတယ်။

အဘ ဒုတိယအကြိမ် ဆေးရုံတက်တော့ ကျနော်တို့ သတင်းမေးသွားပါတယ်။ အာရှတော်ဝင်ဆေးရုံမှာပါ ။ နှလုံးစက်တပ်တဲ့အကြိမ်ဖြစ်ပါတယ်။ လူတွေများနေတာနဲ့ စကားအနည်းငယ်ပဲ ပြောခွင့်ရပါတယ်။ ဒါ တောင် ကျနော်ပြောခွင့်ရတာမဟုတ်ပဲ ဒေါ်ဖြူဖြူသင်း ပြောတာပါ။

နောက်တော့ ဒီဗွီဘီ(DVB)ရုပ်သံမှာ အဘဦးဝင်းတင် အင်တာဗျူးပါလာပါတယ်။ သူဆေးရုံ တက်စဉ်က အကူညီရထားတဲ့ငွေတွေ ရှိပါသတဲ့။ အဲ့ဒီငွေတွေကို နှစ်ခုခွဲပြီး တစ်ခုကို ဦးကျော်သူကိုသွား ရောက်လှူဒါန်းပြီးပါပြီ။ ကျန်တစ်ဝက်ကိုတော့ မဖြူဖြူသင်းတို့ကို လှူမယ်လို့ ပြောတာ ပါလာပါတယ်။ အဘကို မမေးပါဘူး၊ မပြောပါဘူး။ အဲဒီအချိန်မှာ အဘလိုင်းကား တိုးမစီးနိုင်တော့ပါဘူး။ တက္ကစီငှားစီးနေရ ပါပြီ။

တစ်ရက်သား၊ အဘအပြန်မှာ ကျနော်တို့ကို လိုက်ခဲ့ဖို့ခေါ်ပါတယ်။ ကျနော်တို့ လိုက်သွားတော့ အဘက ငွေကိုးသိန်း ထုတ်ပေးပါတယ်။ စကားတွေ အများကြီးပြောဖြစ်ခဲ့ပါတယ်။ ပြောတယ်ဆိုရာမှာလည်း အဘပြောတာ နားထောင်ဖြစ်တာပါ။ အဘက ငါနိုင်ငံရေးသမားမဟုတ်ဘူး ဆိုတာကနေ စပြော လိုက်တာ မှောင်သွားတော့မှ စကားစ ဖြတ်ပါတယ်။

နောက်ပိုင်းမှာတော့ ကျနော်တို့ အထူးသဖြင့် ကျနော် နဲ့က တအား ရင်းနှီးသွားပါတယ်။ အဲ့ဒီကစလို့ အဘရဲ့ အတွေးအခေါ်၊ ပုဂ္ဂိုလ်ရေးအရ ကျင့်စဉ်၊ နိုင်ငံရေးအရ ရပ်တည်ချက်၊ ဒေါ်အောင်ဆန်းစုကြည်အပေါ် လေးစားမှု၊ အဖွဲ့ချုပ်အပေါ် ထားတဲ့ စေတနာ အစရှိတာ တွေကို ကျနော် ကောင်းကောင်း ရင်းနှီးခွင့်ရပါတော့တယ်။ နောက် ဆောင်းပါးတွေမှာတော့ ဦးဝင်းတင် နဲ့နေထိုင်ခြင်း ဆိုတဲ့ ခေါင်းစဉ်ကြီးအောက်မှာ ဦးဝင်းတင်နဲ့ ဧကမက္ကောနိုင်ငံရေး၊ ဦးဝင်းတင်နဲ့ ခရိုနီ၊ ဦးဝင်းတင်နဲ့ မိမိကိုယ်ကိုယ်စောင့်ရှောက်ခြင်း၊ ဦးဝင်းတင်နဲ့ နွားတရား အစရှိတာတွေ ရေးသားပြီးတင်ပြ သွားပါ့မယ်။

လေးစားချင်ခင်လျက် …

ကိုရာဇာ

http://moemaka.com/archives/1700

Wednesday, May 29, 2013

ဧရာဝတီတိုင်းအနှံ့ ထွန်တုံးတိုက်ပွဲ ဆင်နွှဲမည်ဟု လယ်သမားသမဂ္ဂပြော

ဆလိုင်းသန့်စင်| May 29, 2013 |
ဧရာဝတီတိုင်း အနှံ့အပြား အကြောင်းအမျိုးမျိုးဖြင့် သိမ်းဆည်းထားသည့် လယ်ယာမြေဧက ၁ သိန်းကျော်ရှိနေ (ဓာတ်ပုံ – ဂျေပိုင် / ဧရာဝတီ)

လယ်သမားများထံမှ သိမ်းဆည်းထားသော လယ်ယာမြေများအား မိုးရာသီ စိုက်ပျိုးချိန်အမီ ပြန်လည်ပေးအပ်ခြင်း မရှိသည့်အတွက် ဆုံးရှုံးခဲ့သည့် လယ်ယာမြေများအား ထွန်တုံးတိုက်ပွဲ ဆင်နွှဲကာ ပြန်လည်ရယူလုပ်ကိုင်သွားမည်ဟု ဧရာဝတီတိုင်းဒေသကြီး တောင်သူလယ်သမားနှင့် ရေလုပ်သား ဖွံ့ဖြိုးတိုးတက်ရေးသမဂ္ဂက ပြောဆိုလိုက်သည်။

“တောင်သူလယ်သမားတွေက ဌာနဆိုင်ရာတွေကို လူနဲ့စာနဲ့ အမျိုးမျိုးပြောတယ်။ ပြောတဲ့အခါ အာဏာပိုင်တွေက ကျနော်တို့လုပ်ပေးပါ့မယ်၊ စုံစမ်းစစ်ဆေးပေးပါ့မယ်၊ ခဏစောင့်ပါဦးဆိုလို့ စောင့်ခဲ့ပါတယ်။ အခုက မိုးရွာလာတဲ့အခါမှာ ကျနော်တို့ သည်းခံနိုင်တဲ့ အတိုင်းအတာ ကုန်ဆုံးသွားပါပြီ။ အဲတော့ တောင်သူတွေဟာ သူတို့ပိုင်တဲ့ လယ်ထဲကို သူတို့ ဆင်းထွန်ကြပါတော့မယ်။ ဒါကို ထွန်တုံးတိုက်ပွဲလို့ ခေါ်မယ်ဆိုရင်လည်း ခေါ်ဆိုနိုင်ပါတယ်”ဟု သမဂ္ဂ ဥက္ကဋ္ဌ ဦးဝင်းသိန်းက ဧရာဝတီကို ပြောသည်။

ဧရာဝတီတိုင်း ဒေသကြီးအစိုးရအနေဖြင့် နိုင်ငံတော်သမ္မတ လမ်းညွှန်ချက်အတိုင်း မလုပ်ဆောင်၍သာ မိုးမကျမီ  လယ်ယာမြေပြဿနာများ မပြေလည်ခြင်းဖြစ်ကြောင်း လယ်သမားအရေး ကူညီဆောင်ရွက်နေသူ ဗိုလ်ကြီးဟောင်းနေမျိုးဇင်က ပြောသည်။

“တိုင်းဒေသကြီးအစိုးရက နိုင်ငံတော်သမ္မတကြီးညွှန်ကြားထားတဲ့ လယ်ယာမြေတွေကို အကြောင်းအမျိုးမျိုးကြောင့် သိမ်းဆည်းထားတာတွေကို စုံစမ်စစ်ဆေး ဖော်ထုတ်ပြီးတော့ မူရင်းပိုင်ဆိုင်တဲ့ တောင်သူတွေဆီကို လွှဲပြောင်းပေးရေးဆိုတဲ့ ညွှန်ကြားချက်တွေကို အတိအကျ လိုက်လုပ်ခဲ့မယ်ဆိုရင် အခုမိုးကျတဲ့အချိန်မှာ အားလုံးက ပြီးစီးနေရမှာပါ။ အခုကတော့ လယ်သမားတွေက စိုက်စရာ လယ်ပျောက်နေပါတယ်”ဟု သူက ပြောသည်။

ဧရာဝတီတိုင်းအနှံ့အပြားတွင် လယ်သိမ်းမှုများစွာရှိသည့်အတွက် ယင်းလယ်ယာမြေများကို မူလပိုင်ရှင် လယ်သမားနှင့် လယ်သိမ်းကုမ္ပဏီ ၂ ဘက်စလုံးက ထွန်ယက်စိုက်ပျိုးရန် ကြိုးပမ်းလာပါက တိုင်းအနှံ့အပြားတွင် ပဋိပက္ခများဖြစ်ပွားလာဖွယ်ရာ ရှိနေသည်။

လက်ရှိတွင် ပန်းတနော်၊ မော်လမြိုင်ကျွန်း၊ ဖျာပုံ၊ ကန်ကြီးထောင့်၊ သာပေါင်းနှင့် ငပုတောမြို့နယ်ရှိ လယ်သမားများက ထွန်တုံးတိုက်ပွဲဆင်နွှဲ၍ လယ်ယာမြေများ ပြန်လည်ရယူရန် ပြင်ဆင်နေကြောင်း သိရသည်။

“ကျနော်တို့ တောင်သူလယ်သမားတွေဟာ ပဋိပက္ခကို တာစူတာမဟုတ်ပါဘူး။ စားဝတ်နေရေး ခက်ခဲကြလွန်းလို့သာ ကိုယ့်လယ်ကို ကိုယ်ပြန်ထွန်ကြမှာဖြစ်ပါတယ်။ အဲတော့ တဖက်နဲ့ တဖက် ပဋိပက္ခမဖြစ်ခင်၊ ထိပ်တိုက်ရင်ဆိုင်မှုတွေမဖြစ်ခင် တိုင်းဒေသကြီးအစိုးရအနေနဲ့ အကုန်လုံး မျှမျှတတဖြစ်အောင် မှန်မှန်ကန်ကန်နဲ့ မြန်မြန်ဆန်ဆန် ပြုလုပ်ဆောင်ရွက်ပေးပါလို့ ပြောချင်တယ်။ လုပ်ပေးပါမယ်ဆိုပြီးတော့ ရက်မရှိ၊ လမရှိနဲ့ သတ်မှတ်နေတာမျိုးဟာ ပြည်သူတွေကို လှည့်စားနေတာမျိုး ဖြစ်နေပါတယ်”ဟု သမဂ္ဂ ဥက္ကဋ္ဌ ဦးသိန်းဝင်းက ပြောသည်။

ဧရာဝတီတိုင်း အနှံ့အပြားတွင် စစ်တပ်၊ ကုမ္ပဏီ၊ ဌာနဆိုင်ရာစသဖြင့် အဖွဲ့အစည်းမျိုးစုံက အကြောင်းအမျိုးမျိုးဖြင့် သိမ်းဆည်းထားသည့် လယ်ယာမြေဧက ၁ သိန်းကျော်ရှိနေကြောင်း ပြည်ထောင်စုလွှတ်တော်မှ ဖွဲ့စည်းထားသည့် လယ်ယာမြေနှင့်အခြားမြေများ သိမ်းဆည်းခံရမှု စုံစမ်းစစ်ဆေးရေးကော်မရှင်က ထုတ်ဖော်ပြောဆိုထားသည်။

မိမိတို့ တိုင်းဒေသကြီးအစိုးရအနေဖြင့် ပြည်ထောင်စုလွှတ်တော်လယ်ယာမြေကော်မရှင်မှ တင်ပြလာသည့် လယ်ယာမြေသိမ်းဆည်းခံရမှုများကို စိစစ်ဆောင်ရွက်နေဆဲဖြစ်ပြီး ရသင့်ရထိုက်သည့် လယ်ယာမြေများအား ဥပဒေနှင့်အညီ လယ်သမားများထံ ပြန်လည် ပေးအပ်သွားမည်ဖြစ်ကြောင်း တိုင်းဒေသကြီး စိုက်ပျိုးရေးနှင့်မွေးမြူရေးဝန်ကြီး ဦးဆန်းမောင်က ဧရာဝတီကို ပြောသည်။

“လယ်သိမ်းခံရမှုတွေက အကြောင်းအမျိုးမျိုးတွေ ရှိပါတယ်။ အကြောင်းရင်း တခုတည်းကြောင့် မဟုတ်ပါဘူး။ လွှတ်တော် မြေယာစုံစမ်းရေး ကော်မရှင်ကနေ တိုင်းဒေသကြီးအစိုးရကို တင်ပြထားလို့ စစ်ဆေးဆဲတွေလည်း ရှိနေတယ်။ တချို့ကျတော့လည်း တကယ့်ကို ဥပဒေနဲ့အညီ ပြန်လည်ရသင့်တာတွေ ရှိပါတယ်။ ဥပဒေရှိနေတာပဲ။ ရသင့်ရထိုက်တာတွေ ပြန်ရရမှာပေါ့”ဟု သူက ပြောသည်။

မိမိတို့ လယ်သမားများထံမှ လယ်ယာမြေများ သိမ်းဆည်းစဉ်က ဥပဒေနှင့်အညီ သိမ်းဆည်းခဲ့ခြင်း မဟုတ်ဘဲ ပြန်ပေးရန် တောင်းဆိုသည့်အခါတွင်မှ ဥပဒေနှင့်အညီ ပြန်ပေးပါမည်ဟု သုံးနှုန်းခြင်းမှာ တရားမျှတမှုမရှိကြောင်း လယ်သမားသမဂ္ဂခေါင်းဆောင်က ပြောသည်။

“ဒီကုမ္ပဏီတွေ ကျနော်တို့တောင်သူလယ်သမားတွေရဲ့မြေတွေကို လာရောက် သိမ်းဆည်းစဉ်က မြေတွေကိုသိမ်းရုံတင်မကဘူး ကျနော်တို့စိုက်ပျိုးထားတဲ့ သီးနှံတွေကိုပါ ဖျက်ဆီးသွားတာ။ အဲဒီအချိန်တုန်းကတော့ ကျနော်တို့တိုင်လို့လည်း အရေးမယူပါဘူး။ အဲဒီလူတွေကို ဘယ်ဥပဒေ၊ ဘယ်ပုဒ်မနဲ့မှ ဖမ်းတာမရှိပါဘူး”ဟု ဦးသိန်းဝင်းက ပြောသည်။

ထွန်တုံးတိုက်ပွဲဆင်နွှဲရာတွင် လယ်သမားများဘက်မှ ဥပဒေနှင့်အညီ မှန်ကန်စွာ လုပ်ဆောင်ပါက ပြဿနာမရှိသော်လည်း သူတပါးပိုင်ဆိုင်သည့် လယ်ယာမြေများပေါ် ၀င်ရောက်ထွန်ယက်မိပါက ဥပဒေကြောင်းအရ အရေးယူခံရမှုများဖြစ်လာနိုင်ကြောင်း ၀န်ကြီး ဦးဆန်းမောင်က ပြောသည်။

“ဘာပဲဖြစ်ဖြစ် ဥပဒေနဲ့ပဲ ဖြေရှင်းရမှာလေ။ ဥပဒေအရမဟုတ်ဘဲ အဓမ္မဖြေရှင်းမယ်ဆိုရင် မဖြစ်ဘူးလေ။ သူများလယ်ထဲ ၀င်ထွန်မိရင်တော့ ဥပဒေကြောင်းအရ အရေးယူခံရတာတွေ ဖြစ်လာနိုင်ပါတယ်”ဟု ၀န်ကြီး ဦးဆန်းမောင်က ပြောသည်။

မိမိအနေဖြင့် လယ်ယာမြေပိုင်ဆိုင်ကြောင်း သက်သေပြနိုင်သူ လယ်သမားများက ထွန်တုံးတိုက်ပွဲဆင်နွှဲရန် အကူအညီ တောင်းခံလာပါက ကူညီပေးသွားမည်ဖြစ်ကြောင်း လယ်သမားအရေး ကူညီပေးနေသည့် ဦးနေမျိုးဇင်က ဆိုသည်။

“လယ်သမားတွေ ညီညွတ်စွာနဲ့ မတရားမလုပ်ဘဲ အကြမ်းဖက်မှု မကျူးလွန်ဘဲ ကိုယ်ပိုင်ဆိုင်တဲ့မြေကို ကိုယ့်ဘာသာဝင်ထွန်ယက်မှာ ဖြစ်ပါတယ်။ ဘာလို့ဆိုတော့ အခုမိုးတွေရွာနေပါပြီ။ လယ်သမားတွေအတွက်က ထွန်တဲ့အချိန်နောက်ကျရင် စိုက်ပျိုးရိတ်သိမ်းချိန်မှာ ပြဿနာတွေဖြစ်မှာပါ။ ဒါပေမယ့် အမှန်တကယ် ပိုင်ဆိုင်ကြောင်း အထောက်အထားရှိသူကိုသာ ကျနော်တို့ကူညီမှာပါ။ သူခိုးအားပေးတော့ မလုပ်ပါဘူး”ဟု သူက ပြောသည်။

လယ်ယာမြေသိမ်းဆည်းခံရမှုများအား လယ်သိမ်းခံရသူ လယ်သမား၊ လယ်သိမ်းသူ အဖွဲ့အစည်း၊ လယ်သမားသမဂ္ဂနှင့် တိုင်းဒေသကြီးအစိုးရတို့ စားပွဲဝိုင်းတခုထဲတွင် တွေ့ဆုံညှိုနှိုင်းအဖြေရှာပါက အမြန်ဆုံးပြေလည်နိုင်မည်ထင်မိကြောင်း လယ်သမားသမဂ္ဂ ခေါင်းဆောင်များက ပြောသည်။

မိုးမကျမီ လယ်ယာမြေများ ပြန်လည်ပေးအပ်ရေးနှင့်ပတ်သတ်၍ ပန်းတနော်အခြေစိုက် တောင်သူလယ်သမားနှင့်ရေလုပ်သား ဖွံ့ဖြိုးတိုးတက်ရေးသမဂ္ဂက ယခုလ ၂၇ ရက်နေ့တွင်  ပန်းတနော်မြို့နယ် အကယ်ချောင်းကျေးရွာ၌ သတင်းစာရှင်းလင်းပွဲတရပ် ပြုလုပ်ခဲ့သည်။

ယင်းသတင်းစာရှင်းလင်းပွဲသို့ မအူပင်ခရိုင်၊ ပုသိမ်ခရိုင်၊ ဖျာပုံခရိုင်၊ မြောင်းမြခရိုင်တို့မှ လယ်သိမ်းခံရသူ လယ်သမား ၂၀၀ ကျော် တက်ရောက်၍ လယ်သိမ်းခံရမှု အကြောင်းများ ရှင်းလင်းပြောဆိုခဲ့ကြသည်။

ထို့ပြင် မြန်မာ့လူမှုဘ၀ဖွံ့ဖြိုးတိုးတက်ရေး ကွန်ရက်မှ ဗိုလ်ကြီးဟောင်း နေမျိုးဇင် ဦးဆောင်သည့်အဖွဲ့၊ ပုသိမ်မြို့မှ လူ့အခွင့်အရေး စောင့်ကြည့်ကာကွယ်ရေး ကွန်ရက်နှင့် အမျိုးသားဒီမိုကရေစီကွန်ရက်တို့လည်း တက်ရောက်ခဲ့ကြပြီး လယ်သမားတို့၏ ကြုံတွေ့နေရသော လယ်ယာမြေပြဿနာများ တင်ပြခဲ့ကြသည်။

ပန်းတနော်မြိုအခြေစိုက် တောင်သူလယ်သမား၊ ရေလုပ်သား ဖွံ့ဖြိုးတိုးတက်ရေးသမဂ္ဂကို ၂၀၁၂ ခုနှစ် စက်တင်ဘာလတွင်ဖွဲ့စည်းခဲ့ခြင်းဖြစ်ပြီး လက်ရှိတွင် မြို့နယ် ၁၈ မြို့နယ်၌ သမဂ္ဂအဖွဲ့ဝင်အင်အား ၃ သောင်းကျော်ရှိကြောင်း သိရသည်။
Irrawaddy

Blog Archive

Tags

Accident Ad Agriculture Article Astrology Aung San Suu Kyi Bagan Beauty Bogale Book Car Cartoon celebs Crime Crony Daily Popular Danubyu Dedaye Dhamma Dr Hla Myat Thway Education ELection Entertainment Environment Foreign Affairs General General Aung San General Knowledge Gossip Gov Health Herbal Hinthada History Hluttaw Ingapu Interview Job Kangyidaunt kyaik Lat Kyangin Kyaunggon Kyonpyaw Latputta Laymyethna Lemyethna Letter Ma Shwe Moe Mahn Johnny Maubin Mawlamyinegyun Media MMP MMP 1 money Myan Aung Myanmar Idol Myaungmya Myo Min Paing News Ngapudaw Ngathaingchaung NLD Nyaung Tone Opinion Pagoda Pantanaw Party Pathein People Photo Places Poem Police Politic Political Prisoner Popular Project Pyapon Quote School Bus Song Speech Sport Sports Student SYW SYW 1 Technology Thabaung Time Ayeyar Tourism Trailer Travel U Ba Hein U Ko Ni U Kyaw Myint U Win Htay USDP Video Wakhama Weather World News Yekyi Zalun စိတ်အဟာရ ရသစာများ စိုက်ပျိုးရေး ထူးဆန်းထွေလာ ဒီရေတော နာရေး ဗဒေငျ မဘသ မုံရွာ လယ်သိမ်းမြေသိမ်း လူပုဂ္ဂိုလ်များ လူပျောက်ကြော်ငြာ အရှင်သုစိတ္တ (မော်ကျွန်း) အရှင်သုစိတ္တ (မော်ကျွန်း) ဆရာတော် အထွေထွေ ဝေဖန်ရေး ထွေအုပ် ​မော်​တင်​စွန်း နိုင်ငံရေးအကျဉ်းသား

Labels

Recent Post